دعوتِ اسلامی کے اسپیشل پرسنز ڈپارٹمنٹ کے تحت اورنگی ڈسٹرکٹ کے اورنگی ٹاؤن میں واقع جامع مسجد سبحانی میں 4 اکتوبر 2026ء کو ایک پُرنور اور بابرکت سیکھنے سکھانے کے حلقے کا انعقاد کیا گیا۔

یہ حلقہ غوثِ پاک حضرت شیخ عبدالقادر جیلانی رحمۃ اللہ علیہ کی نسبت سے منعقد کیا گیا جس میں اورنگی ڈسٹرکٹ کے ذمہ دار محمد جواد عطاری نے تلاوتِ قرآنِ پاک اور نعتِ رسولِ کریم صلَّی اللہ علیہ واٰلہٖ وسلَّم کے بعد غوثِ پاک رحمۃ اللہ علیہ کی سیرت و تعلیمات کے بارے میں بیان کیا اور حاضرین کو ماہِ قافلہ کی دعوت بھی پیش کی۔

اس حلقے میں اسپیشل پرسنز (گونگے، بہرے اور نابینا اسلامی بھائی)، اُن کے سرپرست اور ٹاؤن کے ذمہ دار اسلامی بھائیوں نے شرکت کی۔ اسپیشل پرسنز کی آسانی کے لیے اشاروں کی زبان میں حلقہ بھی لگایا گیا، جس میں تمام اسپیشل پرسنز کو ہفتہ وار اجتماع اور مدنی مذاکرے کی دعوت دی گئی۔(رپورٹ: اسپیشل پرسنز ڈپارٹمنٹ ، کانٹینٹ:غیاث الدین عطاری)