سیکٹر جی الیون اسلام آباد (وفاقی دارالحکومت) میں واقع دعوتِ اسلامی کے مدنی مرکز فیضانِ مدینہ میں جامعۃالمدینہ بوائز کے طلبۂ کرام کے لئے گزشتہ روز ایک نشست منعقد کی گئی جس میں درجۂ سابعہ (7th year) اور درجہ دورۂ حدیث شریف (last year) کے طلبۂ کرام نے شرکت کی۔

دورانِ نشست مرکزی مجلسِ شوریٰ کے رکن مولانا حاجی عبد الحبیب عطاری نے ”حاضریِ مکہ مدینہ“ کے موضوع پر سنتوں بھرا بیان کیااور طلبۂ کرام کو امیرِ اہلِ سنت کی تعلیمات کے مطابق درس و بیان میں آسان اندازاپنانے نیز حج کے احکام سیکھ کر دیگر عاشقانِ رسول کو سکھانے کی ترغیب دلائی۔ رکنِ شوریٰ مولانا حاجی عبد الحبیب عطاری نے طلبۂ کرام کو علمِ دین کے ساتھ ساتھ دعوتِ اسلامی کے شعبہ جات سے آگاہ رہنے اور دینی کاموں میں شمولیت اختیار کرنے کا ذہن دیا۔

لوگوں کو عالمِ دین بنانے والے دعوتِ اسلامی کے شعبہ جامعۃالمدینہ بوائز کے تحت مدنی مرکز فیضانِ مدینہ جوہر لاہور میں مدنی مشورہ ہوا جس میں لاہور ڈویژن کے ناظمین سمیت دیگر اہم ذمہ دار اسلامی بھائیوں کی شرکت رہی۔

اس مدنی مشورے میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ناظمین سے گفتگو کرتے ہوئے انہیں عید الاضحیٰ میں قربانی کی کھالیں جمع کرنے کے اہداف دیئے۔

دعوتِ اسلامی کے زیر اہتمام7جون 2023ء  بروز بدھ مرکزی جامعۃ ُ المدینہ بوائز فیضان مدینہ ملتان میں ایصالِ ثواب اجتماع کا اہتمام کیا گیا جس میں جامعۃ المدینہ کے طلبہ و اساتذہ کرام نے شرکت کی۔

اس موقع پر مرکزی جامعۃ المدینہ ملتان میں شیخ الحدیث مولانا غلام رسول سعیدی عطاری نے بیان کیا اور ڈویژن نگران ملتان محمد سادات عطاری کے والد محترم کے لئے ایصال ثواب کرتے ہوئے فاتحہ خوانی کی اور دعائے مغفرت کروائی۔(رپورٹ: محمد اشرف عطاری،مدنی چینل عام کریں، کانٹینٹ:رمضان رضا عطاری)

قرآن و سنت  کی تعلیمات عام کرنے والی عاشقانِ رسول کی دینی تحریک دعوت اسلامی کی جانب سے جامعۃ المدینہ بوائز خانیوال میں میٹ اپ کا سلسلہ ہواجس میں جامعۃ المدینہ خانیوال کے طلبہ و اساتذہ کرام نے شرکت کی۔

سرکاری ڈویژن نگران محمد سادات عطاری (ملتان ) نے طلبہ و اساتذہ کے درمیان ’’اسلاف کی دین اسلام کے لئے قربانیاں‘‘ کے موضوع پر بیان کیا اور انھیں 12دینی کاموں کو کرنے کی ترغیب دی نیز 12 ماہ کے مدنی قافلے میں سفر کرنے کا ذہن بھی دیا جس پر طلبہ نے اچھی اچھی نیتیں کیں۔ آخر میں طلبہ کو دینی کاموں کی ذمہ داریاں دی گئیں۔(رپورٹ: محمد اشرف عطاری،مدنی چینل عام کریں، کانٹینٹ:رمضان رضا عطاری)

پاکستان کے وفاقی دارالحکومت اسلام آباد میں واقع مدنی مرکز فیضانِ مدینہ جی الیون میں دعوتِ اسلامی کےزیرِا ہتمام 12 دینی کام کورس کا انعقاد کیا گیا جس میں اسلام آباد سٹی،راولپنڈی کے پی کے، کشمیر کے ناظمینِ جامعۃالمدینہ بوائز، ناظمینِ جدول اور اسلام آباد سمیت پنڈی سٹی کے اساتذۂ کرام نے شرکت کی۔

اس کورس میں نگرانِ پاکستان مشاورت حاجی محمد شاہد عطاری نے 12 دینی کاموں کی ترغیبات اور طریقہ کار نیز اس کے مطابق طلبۂ کرام میں دینی کاموں کی تقسیم کاری کا انداز بیان کیا۔

نگرانِ پاکستان مشاورت حاجی محمد شاہد عطاری نے بتایا کہ جامعۃالمدینہ کے ذریعے کس انداز میں ہم اپنے اپنے علاقوں میں دین و سنیت کی ترویج کے لئے 12 دینی کام کرسکتے ہیں۔

علاوہ ازیں نگرانِ پاکستان مشاورت حاجی محمد شاہد عطاری نے تنظیمی مسائل کے متعلق ہونے والے سوالات کے جوابات دیئے۔

دین و سنّت کا پیغام دنیا بھر میں عام کرنے والی عاشقانِ رسول کی دینی تحریک دعوت ِاسلامی کے تحت7جون 2023ء  بروز بدھ مرکزی جامعۃُ المدینہ بوائز فیضانِ مدینہ ملتان میں ٹریننگ سیشن کا انعقاد ہوا جس میں طلبائے کرام و اساتذہ نے شرکت کی ۔

ٹریننگ سیشن میں سرکاری ڈویژن ذمہ دار محمد سادات عطاری نے ’’ اسلاف کی دین تبلیغ و اشاعت کے لئے قربانیاں اور آج ہماری حالت‘‘ کے موضوع پر بیان کیا اور طلبائے کرام کو 12 ماہ کے مدنی قافلے میں سفر کرنے کا ذہن دیا جس پر ہاتھوں ہاتھ کئی طلبہ نے 12 ماہ کے مدنی قافلے میں سفر کرنے کی اچھی نیت کا اظہار کیا۔(رپورٹ: محمد اشرف عطاری شعبہ مدنی چینل عام کریں ،کانٹینٹ:رمضان رضا عطاری)

دعوت اسلامی کے نگران پاکستان مشاورت حاجی محمد شاہد عطاری نے مدنی مرکز فیضان مدینہ فیصل آباد سے  جامعۃ المدینہ (بوائز) پاکستان کے اساتذہ و طلبائے کرام کے درمیان آن لائن سنتوں بھرا بیان فرمایا۔

نگران پاکستان مشاورت نے بیان کرتے ہوئے طلبائے کرام کو پڑھائی کے ساتھ ساتھ دینی کاموں میں بھی حصہ لیتے رہنے کی ترغیب دلائی نیز طلبہ کو دعوت اسلامی کے دینی کاموں کے لئے عطیات جمع کرنے اور دیگر کو اس کی ترغیب دلانے کا ذہن بھی دیا۔ (رپورٹ : عبد الخالق عطاری، Content: محمد حسین عطاری)

دعوت اسلامی کے شعبہ جامعۃ المدینہ (بوائز) کے تحت مدنی مرکز فیضان مدینہ فیصل آباد میں مدنی مشورہ ہوا جس میں جامعۃ المدینہ کے جدول ناظمین نے براہِ راست جبکہ ڈویژن نگران ، ڈویژن مدنی قافلہ ذمہ دار، اصلاح اعمال ذمہ دار اور مدرسۃالمدینہ بالغان کے ذمہ داران نے بذریعہ آن لائن شرکت کی۔

نگران پاکستان مشاورت حاجی محمد شاہد عطاری نے 12 دینی کام اور ذمہ داران کی تقرری کی ترغیب دلاتے ہوئے انہیں مدنی پھولوں سے نوازا۔ (رپورٹ : عبد الخالق عطاری، Content: محمد حسین عطاری)

دینِ اسلام کی اشاعت و تبلیغ کرنے، لوگوں کو قراٰن و حدیث کی تعلیمات سے آگاہ کرنے اور اُن کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کا ترقی کی طرف ایک اور قدم۔

فیضانِ مدینہ کراچی اور فیضانِ غوثِ اعظم سائٹ ایریا کراچی کے دورۂ حدیث شریف کے بعد27 مئی 2023ء بروز ہفتہ کراچی کے علاقے کورنگی ڈھائی نمبر میں واقع دعوتِ اسلامی کے جامعۃالمدینہ بوائز فیضانِ بغداد میں تیسرے دورۂ حدیث شریف کا افتتاح کر دیاگیا۔

تفصیلات کے مطابق اس موقع پر جامعۃالمدینہ بوائز فیضانِ بغداد میں سنتوں بھرا اجتماع منعقد کیا گیا جس میں طلبۂ کرام اوراساتذۂ کرام سمیت دیگر ذمہ دار اسلامی بھائیوں کی کثیر تعداد نے شرکت کی۔

5اپریل2023ء کورکن شوریٰ حاجی محمد امین عطاری نے عالمی مدنی مرکز فیضان مدینہ  کراچی میں جامعۃ المدینہ بوائز کے ناظمین کا مدنی مشورہ فرمایا۔

مدنی مشورے میں رکنِ شوریٰ نے شرکا کو دعوتِ اسلامی کے 12دینی کاموں کو طلبہ ٔ کرام میں نافذ کرنے کے سلسلے میں تنظیمی اسٹریکچر بتایا نیز ناظمین کو جامعۃُ المدینہ کے انتظانی اُمور کو مزید اچھے انداز میں چلانے کے حوالے سے ٹپس بتائیں اور ڈونیشن جمع کرنے کا ذہن دیتے ہوئے اسلامی بھائیوں کو اہداف دیئے جس پر انھوں نے اچھے خیالات کااظہار کیا۔(کانٹینٹ: رمضان رضا عطاری)

دعوتِ اسلامی کے تحت فیضانِ مدینہ  فیصل آباد میں جامعۃُالمدینہ بوائز کے ذمہ داران کا مدنی مشورہ ہوا جس میں جامعۃالمدینہ کے اساتذہ کرام ، ناظمین اور ذمہ داران نے شرکت کی ۔

مدنی مشورے میں نگران پاکستان مشاورت حاجی محمد شاہد عطاری نے اسلامی بھائیوں کو جامعۃالمدینہ بوائز کو خودکفیل کرنے کی ترغیب دلائی نیز اساتذۂ کرام کو طلبہ کے سرپرست اسلامی بھائیوں سے ملاقات کرنے کے بارے میں رہنمائی کی۔

اس کے علاوہ رمضان عطیات جمع کرنے اور دیگر کو اس کی ترغیب دینے کا ذہن دیا جس پر اساتذہ ٔکرام نے نیک عزم کا اظہار کیا۔آخر میں ذمہ داران نے نگران پاکستان مشاورت سے ملاقات بھی کی۔اس موقع پر رکنِ شوریٰ حاجی جنید عطاری مدنی بھی وہاں موجود تھے۔(رپورٹ : عبد الخالق عطاری، کانٹینٹ: رمضان رضا عطاری)

گزشتہ روز جامعۃالمدینہ بوائز دعوتِ اسلامی کے تحت تدریسی کورس (Teaching course)کرنے والے مدنی اسلامی بھائیوں کا آن لائن مدنی مشورہ ہوا جس میں مبلغینِ دعوتِ اسلامی نے اُن کی تربیت کی۔

معلومات کے مطابق اس مدنی مشورے میں استاذُ الحدیث مفتی محمد ہاشم خان عطاری مدنی، مرکزی مجلسِ شوریٰ کے رکن مولانا محمد اسد عطاری مدنی، نگرانِ مجلسِ تعلیمی امور جامعۃ المدینہ بوائز مولا حاجی گل رضا عطاری مدنی اور شعبہ دورۂ حدیث و تخصصات کے رکن مولانا محمد مزمل عطاری مدنی نے سنتوں بھرے بیانات کئے۔