4 فروری 2026ء کو ممتاز عالمِ دین حضرت مولانا مفتی حسن رضا یلدرم صاحب کی اپنے وفد کے ہمراہ فیصل آباد، پنجاب میں قائم دعوتِ اسلامی کے دینی تعلیمی بورڈ کنزالمدارس میں آمد ہوئی۔

معلومات کے مطابق ذمہ دار اسلامی بھائی نے اس دوران مفتی حسن رضا یلدرم صاحب اور ان کے ہمراہ آئے ہوئے دیگر علمائے کرام کو کنزالمدارس بورڈ کا تعارف پیش کرتے ہوئے انہیں بورڈ کے امتحانی نظام کی تفصیلات کے بارے میں بتایا۔

تعارف کے بعد مفتی حسن رضا یلدرم صاحب کی رکنِ شوریٰ و صدر کنزالمدارس بورڈ مولانا جنید عطاری مدنی سے ملاقات ہوئی جس میں رکنِ شوریٰ نے مفتی صاحب سے دعوتِ اسلامی کے تعلیمی نظام کے متعلق تفصیلی گفتگو کی جبکہ آنے والے علمائے کرام کو تحائف بھی پیش کئے گئے ۔ (رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)