دعوتِ اسلامی کے زیرِ اہتمام فیضانِ مدینہ، مدینہ ٹاؤن فیصل آباد میں UVAS Alumni کے عنوان سے خصوصی ”Meetup“ کا انعقاد کیا جارہا ہے۔ اس روحانی و فکری نشست کا مقصد پیشہ ورانہ زندگی سے وابستہ افراد کو دینی ماحول فراہم کرنا، باہمی روابط کو مضبوط بنانا اور انہیں دعوتِ اسلامی کے دینی و فلاحی کاموں سے جوڑنا تھا۔

اجتماع کا آغاز 14 فروری 2026 بروز ہفتہ بعد نمازِ عشاء ہوگا جو کہ 15 فروری 2026 بروز اتوار نماز مغرب تک جاری رہا۔ پروگرام میں مختلف اوقات میں بیانات اور نشستوں کا اہتمام کیا گیا ہے۔

Meetup میں دوپہر 03 تا 04 رکن شوریٰ قاری سلیم عطاری جبکہ عصر تا مغرب نگران پاکستان مشاورت حاجی محمد شاہد عطاری سنتوں بھرا بیان فرمائیں گے۔ بیان میں پیشہ ورانہ ذمہ داریوں کے ساتھ ساتھ دینی اقدار کو اپنانے، کردار سازی، اور عملی زندگی میں سنتِ رسول صلَّی اللہ علیہ واٰلہٖ وسلَّم کو اختیار کرنے کی اہمیت پر روشنی ڈالی جائے گی۔

اِن شاءَ اللہ یہ Meetup ایگریکلچر اینڈ لائیو اسٹاک کے شعبے سے وابستہ افراد کے لئے منعقد کیا جارہا ہے جو کہ متعلقہ شعبے کے اسلامی بھائیوں کو دین کے قریب لانے اور انہیں معاشرے میں مثبت کردار ادا کرنے کی دعوت دینے کی ایک کامیاب کوشش ثابت ہوگا۔

آج مؤرخہ 12 فروری  2026ء بروز جمعرات دنیا بھر میں عاشقانِ رسول کی عالمگیر تحریک دعوتِ اسلامی کے زیرِ اہتمام ہفتہ وار سنتوں بھرے اجتماعات بسلسلہ ”استقبال ماہِ رمضان“ کا انعقاد کیا جائے گا۔ ان اجتماعات میں مختلف ممالک، شہروں اور علاقوں سے تعلق رکھنے والے اسلامی بھائی بڑی تعداد میں شرکت کریں گے۔

ہفتہ وار اجتماع کا آغاز تلاوتِ قرآنِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے کیا جائے گا جس کے بعد اراکین شوریٰ و مبلغینِ دعوتِ اسلامی سنتوں بھرا بیان فرمائیں گے۔ بیان میں اصلاحِ اعمال، سنتوں پر عمل، دینی ذمہ داریوں کی ادائیگی، عشقِ رسول صلَّی اللہ علیہ واٰلہٖ وسلَّم اور معاشرتی اصلاح جیسے اہم موضوعات پر روشنی ڈالی جائے گی۔ اجتماعات میں شریک اسلامی بھائیوں کو رمضان کی تیاری کرنے، اعتکاف کرنے، زیادہ سے زیادہ عبادت کرنے، نمازوں کی پابندی، اخلاقِ حسنہ اپنانے، والدین کی اطاعت، معاشرے میں امن و محبت کے فروغ اور دعوتِ اسلامی کے مدنی کاموں میں بڑھ چڑھ کر حصہ لینے کی ترغیب دی جائے گی۔

تفصیلات کے مطابق آج رات عالمی مدنی مرکز فیضان مدینہ کراچی سے مدنی چینل پر براہِ راست نشر ہونے والے ہفتہ وار اجتماع میں خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی سنتوں بھرا بیان فرمائیں گے۔

قرب و جوار کے تمام عاشقانِ رسول سے ہفتہ وار اجتماع میں شرکت کی درخواست ہے۔

دعوتِ اسلامی کے شعبہ کفن دفن کے تحت 6 فروری 2026ء کو چاہ عام والا، ملتان کی جامع مسجد فیضانِ مدینہ میں محسن اقبال کے دادا، دادی اور نانا، نانی سمیت دیگر مرحومین کے لئے ”ایصالِ ثواب اجتماع“ کا اہتمام کیا گیا جس میں مدرسۃالمدینہ بوائز شارٹ ٹائم کے بچوں نے شرکت کی۔

تفصیلی معلومات کے مطابق اس اجتماعِ پاک میں ابتداءً بچوں نے قراٰنِ پاک کی تلاوت کی جس کے بعد نعت خوانی ہوئی اور شاہ رکنِ عالم، ملتان کے ٹاؤن ذمہ دار نے سنتوں بھرا بیان کیا۔

اپنے بیان کے دوران ٹاؤن ذمہ دار نے ”ایصالِ ثواب“ کی اہمیت اور اس کے فضائل بیان کرتے ہوئے نمازوں کی پابندی کرنے کے حوالے سے تمام بچوں کی ذہن سازی کی اور انہیں دعوتِ اسلامی کے اجتماعات میں شرکت کرنے کی ترغیب دلائی۔

دعوتِ اسلامی کے شعبہ فیضان آن لائن اکیڈمی بوائز کے تحت حیدرآباد و سکھر ڈویژن کے تمام اسٹاف کے لئے 30 جنوری 2026ء  کو مدنی مرکز فیضانِ مدینہ آفندی ٹاؤن، حیدرآباد میں سہ ماہی ٹریننگ سیشن منعقد ہوا جس میں دینی کام و رمضان عطیات اور شعبے کی بہتری کے حوالے سے کلام کیا گیا۔

اس ٹریننگ سیشن کی ابتدا میں رکنِ مرکزی مجلسِ شوریٰ حاجی محمد فاروق جیلانی عطاری نے دعوتِ اسلامی کے 12 دینی کام اور رمضان عطیات کے حوالے سے شرکا کی تربیت کی۔

اسی طرح رکن شعبہ(شعبہ تعلیم جامعۃ المدینہ آن لائن) مولانا عرفان عطاری مدنی نے ”عصر حاضر میں عقائد کی تدریس کے تقاضے“ کے موضوع پر، حیدرآباد کے ڈویژن تعلیمی امور ذمہ دار (جامعۃ المدینہ آن لائن) مولانا عاصم عطاری مدنی نے” آن لائن تدریس میں بچوں کی نفسیات“ کے موضوع پر، رکنِ شعبہ سید انس علی عطاری نے Modern Educational Psychology(جدید تعلیمی نفسیات) کے موضوع پر مدرسین و شفٹ تعلیمی ذمہ داران کی رہنمائی کی جبکہ ڈویژن تعلیمی امور ذمہ دار مولانا غوث علی عطاری مدنی نے Teachers Master file کے موضوع پر مدرسین کی ذہن سازی کی ۔

7 فروری 2026ء بمطابق 19 شعبانُ المعظم 1447ھ کی شب  دعوتِ اسلامی کے زیرِ اہتمام معمول کے مطابق ہفتہ وار مدنی مذاکرہ شروع ہوا جس میں کراچی سٹی کے اسلامی بھائیوں نے عالمی مدنی مرکز فیضانِ مدینہ کراچی میں آکر براہِ راست جبکہ دیگر شہروں و دیگر ممالک کے اسلامی بھائیوں نے بذریعہ مدنی چینل شرکت کی۔

مدنی مذاکرے کے دوران مختلف سوالات کا سلسلہ ہوا جن کے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نےعلم و حکمت سے بھرپور جوابات دیئے۔

بعض سوال و جواب:

سوال:جودُنیادُنیا کرتاہے تو اس کے ساتھ کیا ہوتاہے ؟

جواب: جودُنیا سے محبت کرتاہے ،صرف دُنیا کوہی حاصل کرنے میں لگا رہتاہے تو دُنیا اس سے دُوربھاگتی ہے اور جو دُنیا سے کنارا کرتاہے، دُنیا اس کی طرف بھاگ بھاگ کرآتی ہے ۔ بزرگانِ دین کے مزارات بنے ہوئے ہیں ،لوگ ان کو ایصالِ ثواب کرتے ہیں جبکہ کئی بادشاہوں کے نام لوگ بھول گئے۔اگریاد ہیں بھی توان کی بُری شہرت ہے جیسےیزیدکی بُری شہرت ہے ،اسے کوئی ایصالِ ثواب نہیں کرتاجبکہ نواسۂ رسول،امامِ حسین رضی اللہ عنہ کی ہمارے دلوں پر حکمرانی ہے ،جنت میں بھی یہ جوانوں کے سردارہوں گے ۔

سوال: پیارے آقا صَلَّی اللہ عَلَیْہِ واٰلِہٖ وَسَلَّمَ کا نامِ پاک سُن کر انگوٹھے چُومنےکا کیا فائدہ ہے ؟

جواب:پیارے آقا صَلَّی اللہ عَلَیْہِ واٰلِہٖ وَسَلَّمَ کا نام مبارک سُن کر انگوٹھے چُومنا تعظیم کے لئے ہوتاہے ۔ مستحب یہ ہے کہ اذان و اِقامت میں جب پہلی شہادت سُنیں تو کہیں:صَلَّی اللّٰہُ عَلَیْکَ یَارَسُوْلَ اللّٰہِ اور جب دُوسری بار سُنیں تو دونوں انگوٹھے اپنی دونوں آنکھوں پر لگانے کے بعدکہیں:قَرَّتْ عَیْنِیْ بِکَ یَارَسُوْلَ اللّٰہِ پھر یہ کہیں اَللّٰھُمَّ مَتِّعْنِیْ بِالسَّمْعِ وَالْبَصَرِ تو حضور نبیِ کریم صَلَّی اللہ عَلَیْہِ واٰلِہٖ وَسَلَّمَ جنّت کی طرف اس کے قائد ہوں گے۔حدیث شریف میں ہے:جس نے اذان میں اَشْھَدُاَنَّ مُحَمَّدًارَّسُوْلُ اللّٰہِ سُننے کے بعد اپنے دونوں انگوٹھوں کو بوسہ دیا تو جنّت کی صفوں میں، میں اس کا قائد اور داخل کرنے والا ہوں گا۔( ردالمحتار،2 / 84)

مسلمانوں کے پہلے خلیفہ حضرت ابو بکر صدیق رَضِیَ اللہ عَنْہُ سے مَروی ہے کہ جب آپ رَضِیَ اللہ عَنْہُ نے مؤذّن کو اَشْھَدُ اَنَّ مُحَمَّدًارَّسُوْ لُ اللّٰہ کہتے سُنا تو یہ دُعا پڑھی اور دونوں کلمے کی اُنگلیوں کے پورے جانبِ زیریں سے چُوم کر آنکھوں سے لگائے،اس پر حضورِ اَقدس صَلَّی اللہ عَلَیْہِ واٰلِہٖ وَسَلَّمَ نے فرمایا: جو ایسا کرے جیسا میرے پیارے نے کیا،اُس کے لئے میری شفاعت حلال ہوجائے۔( فتاویٰ رضویہ،5/ 432)

سوال: نیکی کرنے پر کوئی تعریف کرے اوردل میں خوشی محسوس ہوتو کیا یہ بھی رِیا کاری ہے ؟

جواب:یہ ریا کاری نہیں ،البتہ آزمائش ضرورہے کہ کہیں وہ بندہ اپنے آپ کو نیک نہ سمجھنا شروع کردے ۔ریا کاری یہ ہے کہ بندہ نیکی اس لئے کرے کہ لوگوں سے عزت یا مال حاصل ہو ۔

سوال:تُرک مسلمان کیسے ہیں ؟

جواب: تُرک مسلمان بڑے عاشقِ رسول ہیں ۔ان کے عشقِ رسول کے واقعات پڑھ کربندہ حیران رہ جاتاہے ،مدینہ شریف میں جب ان کی خدمت تھی تو یہ مسجدِنبوی شریف کی تعمیرات میں بھی آوازبلندنہیں ہونے دیتے تھے ،پتھرکی کٹائی بھی مدینۂ منورہ سے باہر کرکے لاتےتھے وغیرہ ۔

سوال: امیراہل سنت دامت برکاتہم العالیہ نے انگوٹھے چُومنے کی اپنی کیابرکت بتائی ؟

جواب: مَیں بچپن سے نبی کریم صَلَّی اللہ عَلَیْہِ واٰلِہٖ وَسَلَّمَ کا نامِ پاک سُن کرانگوٹھے چُو متاہوں میری عمر تقریباً 77 سال ہے ،میں بغیر عینک کے گزاراکرلیتاہوں ،مَیں اسے اس کی (یعنی نامِ محمد صلی اللہ علیہ والہ وسلم سُن کر انگوٹھے چُومنے کی)برکت سمجھتاہوں ۔مَیں تعظیم کے لئے عام طورپرسیدصاحب کے ہاتھ بھی چُوم لیتاہوں ۔

سوال:رمضان شریف کی سجاوٹ کس طرح کریں ؟

جواب: آپ رمضان شریف کی سجاوٹ مدنی چینل پر دیکھ رہے ہوں گے ،آپ بھی تعظیمِ رمضان کی نیت سے اپنے گھروں میں سجاوٹ شروع کردیں ۔مکتبۃ المدینہ سے رمضان مبارک کی جھنڈیاں اورپینافلیکس خرید لیں، گھروں کے باہراوراندرلگائیں ۔

سوال: کیا فرض اورنوافل کے بارے میں کسی کوسمجھانے کا انداز مختلف ہونا چاہیئے ؟

جواب: گھروالوں پرفرض پرعمل کروانے میں سختی کرنے کی صورتیں بھی ہیں مگر نوافل میں سختی کرنے کی اجازت نہیں ،نوافل خود پر نافذ کریں لیکن گھروالوں پر اس کے لئے سختی نہ کریں ،نرمی کے ساتھ دعوت دے سکتے ہیں ۔

سوال: فالتوباتیں نہ کرنے کا کیا فائدہ ہوتاہے ؟

جواب:فالتو باتیں ہمارے معاشرے سے ختم ہوجائیں توہمارے ہاں ہونے والے تمام جھگڑے ختم ہوجائیں ۔

سوال: پاکستان میں رمضان شریف میں عموماًچیزوں کی قیمت بڑھ جاتی ہے،اس بارے میں آپ کیا فرماتے ہیں ؟

جواب: کاش ہمارے ملک پاکستان میں تعظیمِ رمضان کی نیت سے ماہِ رمضان میں چیزیں سستی ہوجائیں۔تاجرحضرات جو نفع لیتے ہیں اس میں لفظ ’’اللہ‘‘ کے حرفِ ابجد 66 کی نسبت سے 66% رعایت کردیں ۔

سوال: ماہِ رمضان میں افطاری کا سامان غریب علاقوں میں بانٹنے کے بارے میں امیراہل سنت دامت برکاتہم العالیہ نےکیا ترغیب دلائی؟

جواب:ماہِ رمضان شریف میں رشتہ داروں کو پہلے دیکھیں ،پھر پڑوس کودیکھیں پھر غریب علاقوں میں افطاری کاسامان غریبوں کے گھروں میں بھجوائیں ۔یہ زکوٰۃ کی رقم سے نہیں بلکہ صاف(Fresh) رقم سے کریں اورغریبوں کی دعائیں لیں ۔ ساداتِ کرام،امام مساجد اورعلمائے کرام کو ترجیح دیں ۔

سوال:نیکیوں میں دل نہ لگنے جبکہ گناہوں میں دل لگنے کی کیا وجہ ہے؟

جواب:نیکیاں کرنے میں شیطان رکاوٹ ڈالتاہے جبکہ گناہوں اورفضول کاموں میں وہ مددکرتاہے ۔ایک بزرگ کا فرمان ہے کہ 20 سال تک تلاوتِ قراٰن میں میرا دل نہیں لگا، مگرمیں تلاوت کرتارہا پھر 20 سال میں نے اس سے نفع اٹھایا یعنی 20 سال کے بعد تلاوت میں دل لگ گیا ۔اولڈ کراچی کی قاضیاں والی مسجدکے( مرحوم) امام صاحب نے مجھے بتایا تھاکہ میں”روزانہ ایک قراٰن پاک ختم کرلیتاہوں “۔وہ اپنے کام سے کام رکھنے والے تھے ۔بندہ جس کام میں مشغول ہوجاتاہے تو اس میں دل لگ ہی جاتاہے۔

سوال: اِس ہفتے کارِسالہ ’’راہِ خدا میں پیاری چیز دینا“پڑھنے یا سُننے والوں کوامیر اہل سنت دامت برکاتہم العالیہ نے کیا دُعا دی ؟

دارالمدینہ انٹرنیشنل اسلامک اسکول سسٹم الحمدللہ آنے والی نسلوں کو ایسی معیاری تعلیم (Quality Education) فراہم کر رہا ہے جو شرعی اور معاشرتی حدود کے اندر رہتے ہوئے بچوں کی ہمہ جہت شخصیت سازی میں مؤثر کردار ادا کرتی ہے۔

دارالمدینہ کا مشن ایسے باعمل، دین دار اور پروفیشنل افراد تیار کرنا ہے جو نہ صرف تعلیمی میدان میں کامیاب ہوں بلکہ معاشرے کی اصلاح و تربیت میں بھی نمایاں کردار ادا کریں۔ اسی مقصد کے تحت یہاں تجربہ کار اور تربیت یافتہ اساتذہ (Experienced Teachers) کی زیر نگرانی بچوں کی تعلیمی و اخلاقی تربیت کی جاتی ہے۔

دارالمدینہ میں جدید تعلیمی تقاضوں کے مطابق ایڈوانس لرننگ سسٹم (Advance Learning) اپنایا گیا ہےجہاں معیاری نصاب، جدید تدریسی طریقے اور منظم تعلیمی ماحول بچوں کی صلاحیتوں کو نکھارنے میں مدد دیتے ہیں۔ ادارہ بین الاقوامی معیار کے مطابق Quality Standards کو برقرار رکھتے ہوئے تعلیم و تربیت کا ایک مضبوط نظام فراہم کر رہا ہے۔

یہاں تعلیم کے ساتھ ساتھ تربیت (Tarbiyah) کو خصوصی اہمیت دی جاتی ہےجہاں بچوں کی دینی، اخلاقی اور معاشرتی اقدار پر مسلسل محنت کی جاتی ہے تاکہ وہ اچھے انسان اور بہترین شہری بن سکیں۔ اسی تربیتی نظام کے تحت بچوں کی کردار سازی (Character Building) کو بھی بنیادی ستون کی حیثیت حاصل ہے۔

والدین کی سہولت کے لئے دارالمدینہ میں Parent Management App متعارف کروائی گئی ہے جس کے ذریعے والدین اپنے بچوں کی حاضری، تعلیمی نتائج اور مجموعی پیش رفت سے ہر وقت باخبر رہ سکتے ہیں۔

ہر والدین کی خواہش ہوتی ہے کہ ان کے بچے دین و دنیا دونوں میں کامیاب ہوں، تو دارالمدینہ انٹرنیشنل اسلامک اسکول سسٹم میں اکیڈمک ایئر 2026–27 کے لئے جاری داخلوں سے فائدہ اٹھائیں۔

داخلے کے خواہشمند والدین اپنے قریبی دارالمدینہ کیمپس سے رابطہ کریں یا مزید معلومات کے لئے دارالمدینہ کی ویب سائٹ وزٹ کریں:

www.darulmadinah.net

دارالمدینہ انٹرنیشنل اسلامک اسکول سسٹم کےحفظ پروگرام میں داخلے جاری ہیں۔اس پروگرام میں حفظِ قراٰن کرنے والے طلبہ یا  وہ طلبہ جنہوں نے حفظ قرااٰن مکمل کر لیا ہو اور دارالمدینہ میں حفظ کی دہرائی کرنا چاہتے ہوں دونوں کے لئے داخلے کی سہولت موجود ہے۔

حفظ پروگرام کی نمایاں خصوصیات:

٭حفظِ قرآن کی معیاری تعلیم٭ماہر اور تربیت یافتہ اساتذہ کی زیرِ نگرانی٭حفظ کے ساتھ ساتھ Quality Education۔

خصوصی ڈسکاونٹ آفر:

رمضان المبارک تک داخلہ لینے والے طلبہ کے لئے:

٭No Admission Fee٭ماہانہ فیس میں٪ 25 خصوصی رعایت۔

محدود نشستیں — جلد رابطہ کریں،الحمدللہ سینکڑوں بچے اس پروگرام سے فائدہ اٹھا رہے ہیں۔آپ کے بچے بھی دارالمدینہ کے اس منفرد نظام سے فائدہ اٹھا سکتے ہیں۔

مزید معلومات کے لیے اس نمبر پر رابطہ کریں 0306-6523657 یا ہماری ویب سائٹ www.darulmadinah.net کا وزٹ کریں کیونکہ دارالمدینہ صرف ایک اسکول نہیں بلکہ آپ کے بچے کا دوسرا گھر ہے۔(رپورٹ: مولانا رضا عطاری مدنی، اردو کانٹینٹ رائیٹرمارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ، ویب ڈیسک رائٹر:غیاث الدین عطاری)

دعوتِ اسلامی کے شعبہ کفن دفن کے تحت 30 جنوری 2026ء کو اورنگی ٹاؤن کی جامع مسجد فیضانِ سلیمان میں ”حاضریِ قبرستان کورس“ کا اہتمام کیا گیا جس میں نمازی حضرات نے شرکت کی۔

دورانِ کورس مسجد کے امام صاحب شہادت عطاری نے کورس کرواتے ہوئے وہاں موجود تمام اسلامی بھائیوں کو قبروں کی زیارت سے متعلق چند اہم باتیں بتائیں نیز قبروں کی زیارت کے حوالے سے حضور صلَّی اللہ علیہ واٰلہٖ وسلَّم کا عمل اور آپ صلَّی اللہ علیہ واٰلہٖ وسلَّم کے فرامین سے بھی آگاہ کیا۔

علاوہ ازیں امام صاحب نے دیگر موضوعات پر بھی نمازی حضرات کی رہنمائی کی جن میں سے بعض درج ذیل ہیں:

٭دنیا میں کس کی قبر پہلے بنی؟٭کس دن قبرستان جانا افضل ہے؟٭ولی کی کرامت سے مُردوں کا زندہ ہونا٭قیامت میں سب سے پہلے کس ہستی کی قبر کھلے گی؟٭قبرستان جانے کی سنتیں و آداب٭قبر پر حاضری کا طریقہ٭قبرستان میں داخلے کی دعا اور بہت کچھ۔

تعلیمِ قراٰن عام کرنے والے دعوتِ اسلامی کے شعبے مدرسۃالمدینہ شارٹ ٹائم کے تحت صوبہ خیبرپختونخوا کے ڈویژن مردان میں 3 فروری 2026ء کو ”اجتماعِ شبِ براءت و تقسیمِ اسناد اجتماع“ کا انعقاد ہوا جس میں اہلِ علاقہ اور سرپرست حضرات بالخصوص علمائے کرام کی شرکت ہوئی۔

صوبائی ذمہ دار عبد الباسط عطاری نے اس اجتماعِ پاک میں تلاوت و نعت کے بعد سنتوں بھرا بیان کیا جس میں انہوں نے وہاں موجود بچوں اور اُن کے سرپرستوں کو دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا۔

آخر میں مدرسۃالمدینہ شارٹ ٹائم کے بچوں کو کنزالمدارس بورڈ دعوتِ اسلامی کی جانب سے موصول ہونے والی اسناد اور مکتبۃالمدینہ کی کتاب ”550 سنتیں اور آداب“ تحفے میں پیش کی گئیں۔اس کے علاوہ سرپرست حضرات کو ماہنامہ فیضانِ مدینہ اور مکتبۃالمدینہ کے مختلف رسائل تحفے میں دیئے گئے۔(رپورٹ: شعبہ مدرسۃالمدینہ شارٹ ٹائم ، کانٹینٹ:غیاث الدین عطاری)

3 فروری 2026ء کو شعبہ مدرسۃالمدینہ شارٹ ٹائم دعوتِ اسلامی کے تحت ضلع سوات کی  تحصیل کبل میں ”تقسیمِ اسناد اجتماع“ کا اہتمام کیا گیا جس میں اہلِ علاقہ بالخصوص ساداتِ کرام اور علمائے کرام نے شرکت کی۔

تلاوت و نعت سے اجتماع کا آغاز کرنے کے بعد مالاکنڈ ڈویژن کے ذمہ دار سیّد حبیب الحق عطاری نے ”فضائلِ قراٰن“ کے موضوع پر بیان کیا اور وہاں موجود بچوں سمیت اُن کے سرپرستوں کو دعوتِ اسلامی کے نیک اجتماعات میں شرکت کرنے کی ترغیب دلائی۔

اجتماع کے اختتام پر مدرسۃالمدینہ شارٹ ٹائم سے قراٰنِ کریم ناظرہ مکمل کرنے والے بچوں کی حوصلہ افزائی کرتے ہوئے انہیں کنزالمدارس بورڈ کی جانب سے اسناد پیش کی گئیں ۔(رپورٹ: عبدالباسط عطاری ، کانٹینٹ:غیاث الدین عطاری)

دعوتِ اسلامی کے تحت اوکاڑہ شہر، پنجاب کے علاقے چین ٹاؤن میں آئے ہوئے قافلے کےاسلامی بھائیوں کے لئے ”غسلِ میت کورس“ منعقد کیا گیا جس میں مبلغِ دعوتِ اسلامی نے اُن کی رہنمائی کی۔

کورس کے دوران شرکائے قافلہ کی رہنمائی کرتے ہوئے مبلغِ دعوتِ اسلامی نے کفن کاٹنے / پہنانے کا طریقہ سکھایا جبکہ اس کے فضائل و اہمیت کے بارے میں بھی شرکا کو بتایا۔آخر میں شرکائے قافلہ نے اپنے اپنے علاقوں میں جاکر غسلِ میت میں حصہ لینے کی اچھی اچھی نیتیں کیں۔(رپورٹ:احمد ندیم عطاری شعبہ تعلیم، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ کبیر والا میں اسپیشل پرسنز ڈیپارٹمنٹ کے تحت ”ایصالِ ثواب اجتماع“ کا انعقاد ہوا جس میں اسپیشل پرسنز کی کثیر تعداد نے شرکت کی۔

اس موقع پر نگرانِ ڈسٹرکٹ نے سنتوں بھرا بیان کیا جبکہ مبلغِ دعوتِ اسلامی نے اسپیشل پرسنز کی آسانی کے لئے اشاروں کی زبان میں بیان کی ترجمانی کی اور اسپیشل پرسنز کو ایک ماہ رمضان اعتکاف میں شرکت کرنے کی ترغیب دلائی۔بعدازاں اسپیشل پرسنز کو قراٰنِ کریم کی زیارت کروائی گئی اور رقت انگیز دعا بھی ہوئی۔(رپورٹ: محمد یوسف عطاری خانیوال و وہاڑی ڈسٹرکٹ ذمہ دار ، کانٹینٹ:غیاث الدین عطاری)