اسپیشل پرسنز ڈیپارٹمنٹ دعوتِ اسلامی کے تحت 13 دسمبر 2025ء کو ذمہ دار اسلامی بھائیوں نے  جھنگی سیداں، اسلام آباد میں قائم مدرسۃالمدینہ میں بچوں کے درمیان سیکھنے سکھانے کا حلقہ لگایا ۔

اس دوران صوبائی ذمہ دار کامران عطاری نے حلقے میں موجود بچوں کو اسپیشل پرسنز کے ساتھ نرمی کرنے اور اُن کے درمیان نیکی کی دعوت عام کرنے کا ذہن دیا۔

بعدازاں صوبائی ذمہ دار نے بچوں کو اسپیشل پرسنز ڈیپارٹمنٹ کا تعارف کروایا اور چند اشارے میں بھی سکھائے جبکہ دعوتِ اسلامی کے دینی کاموں میں حصہ لینے کی ترغیب بھی دلائی جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

ملتان، پنجاب  کے علاقے غوث پورہ میں 11 دسمبر 2025ء کو شعبہ کفن دفن دعوتِ اسلامی کے تحت غسلِ میت کورس کا انعقاد کیا گیا جس میں امام صاحب، نمازی حضرات اور قافلے میں آئے ہوئے عاشقانِ رسول نے شرکت کی۔

ابتداءً ناظم آباد ڈسٹرکٹ، کراچی کے شعبہ ذمہ دار عزیر عطاری نے غسلِ میت دینے کی فضیلت و اہمیت کے بارے میں بتایا اور شرعی اعتبار سے غسلِ میت دینے کفن کاٹنے / پہنانے کا پریکٹکل کرکے دکھایا۔

اس کے علاوہ ڈسٹرکٹ ذمہ دار نے شرکائے کورس کو دعوتِ اسلامی کے 12 دینی کاموں میں بالخصوص ہفتہ وار اجتماع میں شرکت کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: شعبہ کفن دفن ، کانٹینٹ:غیاث الدین عطاری)

دعوتِ اسلامی کے شعبہ فیضان آن لائن اکیڈمی بوائز کے تحت 11 دسمبر 2025ء کو مدنی مرکز فیضانِ مدینہ حیدرآباد کے کانفرس روم میں شفٹ تعلیمی امور اور ڈویژن تعلیمی امور کے ذمہ داران سمیت ٹرینرز کا ٹریننگ سیشن ہوا۔

12 دسمبر 2025ء کو مدنی مرکز فیضانِ مدینہ آفندی ٹان،  حیدرآبادمیں شعبہ فیضان آن لائن اکیڈمی بوائز دعوتِ اسلامی کے شفٹ و برانچ منیجرز کا ٹریننگ سیشن منعقد ہوا جس میں حیدرآباد و کراچی ڈویژن کے شفٹ ناظمین، برانچ ناظمین اور ڈویژن ذمہ داران شریک ہوئے۔

نگرانِ شعبہ مولانا یاسر عطاری مدنی نے تعلیمی و انتظامی امور سے متعلق گفتگو کرتے ہوئے شفٹ و برانچ منیجرز کو چند اہم نکات بتائے اور شعبے میں مزید بہتری لانے کا ذہن دیا جس پر انہوں نے اچھی اچھی نیتیں کیں۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

22، 23 اور 24 دسمبر  2025ء کو دعوتِ اسلامی کے شعبہ امام مساجد کے زیرِ اہتمام ایک سنتوں بھرا اجتماع منعقد ہونے جارہا ہے جس میں تمام امام صاحبان، شعبہ ذمہ داران اور مساجد انتظامیہ کے افراد کو دعوت دی گئی ہے۔

تفصیلات کے مطابق اس سنتوں بھرے اجتماع کا اہتمام دعوتِ اسلامی کے عالمی مدنی مرکز فیضانِ مدینہ کراچی میں کیا جائے گا جہاں مرکزی مجلسِ شوریٰ کے نگران مولانا حاجی محمد عمران عطاری، نگرانِ پاکستان مشاورت اور اراکینِ شوریٰ سمیت دیگر ذمہ دار اسلامی بھائی حاضرین کی مختلف اوقات میں تربیت کریں گے۔

اس اجتماعِ پاک کی خصوصیات میں سے یہ ہے کہ عاشقانِ رسول کے دلوں کو علمِ دین سے منور کرنے کے لئے براہِ راست مدنی مذاکرے کے ساتھ ساتھ خصوصی مدنی مذاکرے کا بھی انعقاد کیا جائے جس میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ شرکائے اجتماع کی رہنمائی کرتے ہوئے اُن کی جانب سے دینی، اخلاقی، شرعی اور تنظیمی اعتبار سے ہونے والے مختلف سوالات کے علم و حکمت سے بھرپور جوابات ارشاد فرمائیں گے۔

مساجد کے امام صاحبان اور مساجد انتظامیہ سے تعلق رکھنے والے عاشقانِ رسول کو دعوت دی جاتی ہے کہ وہ اس سنتوں بھرے اجتماع میں ضرور بالضرور شرکت کریں ۔( کانٹینٹ:غیاث الدین عطاری)

12 دسمبر 2025ء کو شعبہ محبت بڑھاؤ دعوتِ اسلامی کے تحت کراچی کے علاقے مومن آباد یوسی 5A، سیکٹر 4/F ، ڈسٹرکٹ اورنگی کی جامع مسجد طیبہ میں ایصالِ ثواب اجتماع کا اہتمام کیا گیا ۔

معلومات کے مطابق یہ اجتماعِ پاک یومِ خلیفۂ اوّل حضرت سیّدنا صدیقِ اکبر رضی اللہ عنہ اور مرحوم محمد سلیم عرف K2 باورچی کے ایصالِ ثواب کے سلسلے میں منعقد کیاگیا جس میں مدرسۃالمدینہ بوائز کے بچو، نمازی حضرات اور قرب و جوار کے عاشقانِ رسول کی شرکت ہوئی۔

اجتماع کے آغاز میں تلاوتِ قراٰن کی گئی اور نبیِ کریم صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا گیا جس کے بعد شعبہ کفن دفن کے ڈسٹرکٹ ذمہ دار مولانا فہیم عطاری مدنی نے ایصالِ ثواب کے موضوع پر سنتوں بھرا بیان کیا۔

ڈسٹرکٹ ذمہ دار نے وہاں موجود عاشقانِ رسول کو اپنے مرحومین کے لئے ایصالِ ثواب کرتے رہنے، دعوتِ اسلامی کے دینی ماحول سے ہر دم وابستہ رہنے اور دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔

اس موقع پر یوسی 5A، مومن آباد کے نگران محمد نعیم عطاری اور وارڈ نمبر 2 کے نگران محمد شاہد عطاری سمیت دیگر ذمہ دار اسلامی بھائی بھی موجود تھے۔(رپورٹ: محمد نعیم عطاری نگرانِ مومن آباد یوسی 5A، ڈسٹرکٹ اورنگی ، کانٹینٹ:غیاث الدین عطاری)

گزشتہ روز دعوتِ اسلامی کے تحت نیکی کی دعوت عام کرنے کے لئے اسپیشل پرسنز ڈیپارٹمنٹ کے ذمہ دار اسلامی بھائیوں نے ضلع میانوالی، پنجاب کی تحصیل عیسیٰ خیل میں اسپیشل پرسنز سے ملاقات کی۔

ملاقات کے دوران ڈیپارٹمنٹ کے سرگودھا ڈویژن ذمہ دار محمد ابوبکر عطاری نے اسپیشل پرسنز کو نیکی کی دعوت پیش کی اور انہیں دعوتِ اسلامی کے سنتوں بھرے اجتماعات میں شرکت کرنے سمیت دیگر دینی کاموں میں حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

ضلع میانوالی کے علاقے دوآبہ اور تحصیل پپلاں میں قائم دعوتِ اسلامی کے مدارس المدینہ کے بچوں کے درمیان سیکھنے سکھانے کے حلقے لگائے گئے جن میں اسپیشل پرسنز ڈیپارٹمنٹ سرگودھا کے ڈویژن ذمہ دار نے بچوں کی رہنمائی کی۔

ڈویژن ذمہ دار محمد ابوبکر عطاری حلقے کے دوران پانی پینے کی سنتیں، نماز کی شرائط، اشاروں کی زبان میں یاد کروائیں اور چند اشارے بھی سکھائے جبکہ دعوتِ اسلامی کے ہفتہ وار سنتوں بھرے اجتماع میں بچوں کو اپنے سرپرستوں کے ہمراہ شرکت کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

پنجاب، پاکستان کے علاقے گلشنِ راوی، لاہور میں 10 دسمبر 2025ء کو شعبہ فیضان آن لائن اکیڈمی بوائز کے تحت میں ایک مدنی مشورہ ہوا جس میں شفٹ و برانچ ناظمین اور ڈویژن تعلیمی  امور ذمہ داران نے شرکت کی۔

اس موقع پر رکنِ شعبہ مولانا رضوان عطاری مدنی نے ناظمین سے گفتگو کرتے ہوئے شعبے میں مزید بہتری لانے کے حوالے سے اُن کی رہنمائی کی اور انہیں دعوتِ اسلامی کے دینی کاموں میں حصہ لینے بالخصوص اپنے ماتحت اسلامی بھائیوں کوبھی اس میں شمولیت اختیار کرنے کا ذہن دیا۔

اس مدنی مشورے میں شفٹ انچارج اکرام رضا اور برانچ ناظم عدنان شفیق عطاری نے شعبے کے متعلق پریزنٹیشن پیش کی جبکہ سوال و جواب کا سیشن بھی ہوا جس میں ناظمین نے مختلف سوالات کئے جس کے انہیں تفصیلی جوابات دیئے گئے۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

10 دسمبر 2025ء کو فیضانِ مدینہ حیدرآباد برانچ شعبہ فیضان آن لائن اکیڈمی بوائز میں مدنی مشورے کا انعقاد کیا گیا جس میں آئی ٹی ڈیپارٹمنٹ کے اسلامی بھائی شریک ہوئے۔

اس مدنی مشورے میں ڈویژن ذمہ دار مولانا عابد حسین عطاری مدنی نے آن لائن سسٹمز میں مزید بہتر لانے، ڈیٹا منیجمنٹ، ٹیکنیکل سپورٹ، سسٹم اسپیڈ اور روز مرہ کے آئی ٹی ورک کو مضبوط بنانے کے حوالے سے کلام کیا۔اس کے علاوہ ڈویژن ذمہ دار نے دیگر اہم نکات پر بھی تبادلۂ خیال کیا اور آئندہ کے اہداف طے کئے۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

یورپین ملک  اٹلی سے آئی ہوئی دینی و سماجی شخصیت اصغر قادری صاحب کی 9 دسمبر 2025ء کو دعوتِ اسلامی کے مدنی مرکز فیضانِ مدینہ حیدرآباد آمد ہوئی جہاں انہوں نے شعبہ فیضان آن لائن اکیڈمی بوائز کی برانچ کا وزٹ کیا۔

وزٹ کے دوران حیدرآباد ڈویژن کے نگران مولانا عابد حسین عطاری مدنی نے اصغر قادری صاحب کو دعوتِ اسلامی کی عالمی سطح پر ہونے والے دینی و فلاحی کاموں بالخصوص شعبہ فیضان آن لائن اکیڈمی کے تحت ہونے والے مختلف کورسز کا تعارف کروایا۔اس موقع پر اصغر قادری صاحب نے دعوتِ اسلامی کی خدمات کو سراہا اور اپنی نیک دعاؤں سے نوازا۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

دعوتِ اسلامی کے تحت 10 دسمبر 2025ء کو شعبہ فیضان آن لائن اکیڈمی بوائز، حیدرآباد ڈویژن کے شفٹ ذمہ داران (معاونین اور مفتشین) کی میٹنگ منعقد ہوئی جس میں ڈویژن ذمہ دار اور ڈویژن تعلیمی امور ذمہ دار نے ذمہ داران کی رہنمائی کی۔

میٹنگ کی ابتدا میں ڈویژن تعلیمی امور ذمہ دار سیّد غوث علی عطاری نے طلبہ میں مزید بہتری لانے کے حوالے سے ورک کرنے اور کارکردگی سمیت دیگر تعلیمی معاملات پر تفصیلی گفتگو کی۔

بعدازاں ڈویژن ذمہ دار مولانا عابد حسین عطاری مدنی نے دینی کاموں میں بہتری لانے، حسنِ اخلاق اور تنظیمی ذمہ داریوں کے حوالے سے ذمہ داران کی رہنمائی کی جس پر انہوں نے اچھی اچھی نیتیں کیں۔ (رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)