13 دسمبر 2025ء کو دعوتِ اسلامی کے دینی تعلیمی بورڈ کنزالمدارس میں مرکزی مجلسِ شوریٰ کے رکن مولانا حاجی عبد الحبیب عطاری کی آمد ہوئی جہاں اُن کی ملاقات رکنِ شوریٰ و صدر کنزالمدارس بورڈ مولانا حاجی جنید عطاری مدنی اور بورڈ کے تمام ایچ او ڈیز سے ملاقات ہوئی۔

ذمہ داران کی جانب سے ملنے والی معلومات کے مطابق اس موقع پر ایک میٹنگ ہوئی جس میں رکنِ شوریٰ مولانا حاجی عبدالحبیب عطاری نے کنزالمدارس میں جاری تعلیمی نظام، انتظامی نظم و ضبط اور دینی خدمات کو سراہتے ہوئے اطمینان و خوشی کا اظہار کیا۔

رکنِ شوریٰ نے خصوصاً جدید تقاضوں کے مطابق قائم تمام ڈیپارٹمنٹس کے کاموں کا جائزہ لیا نیز ان ڈیپارٹمنٹس کی محنت، ترتیب اور مؤثر کارکردگی پر حاضرین کی حوصلہ افزائی کی۔

شعبہ قافلہ دعوتِ اسلامی کے تحت پچھلے دنوں ضلع عمر کوٹ، تحصیل کنری  کے گورنمنٹ ہائی اسکول میں قافلہ اجتماع منعقد کیا گیا جس میں تمام اسٹاف، اسٹوڈنٹس اور کنری تحصیل کے ذمہ داران نے شرکت کی۔

مبلغِ دعوتِ اسلامی قاری میر حسن عطاری نے اجتماع کے دوران نماز کی اہمیت پر بیان کرتے ہوئے حاضرین کو قافلے کے فضائل بتائے بالخصوص اسٹوڈنٹس کی دینی و اخلاقی تربیت کی۔

اجتماع کے اختتام پر مبلغِ دعوتِ اسلامی نے تمام اسٹاف کو دعوتِ اسلامی کے عالمی مدنی مرکز فیضانِ مدینہ کراچی کا وزٹ کرنے کی دعوت دی جس پر انہوں نے اچھی اچھی نیتیں کیں۔

بعدازاں پرنسپل محمود اور پرنسپل محمد ایاز نے اس کام کو سراہا اور کہا کہ ہم بھی ان شاء اللہ قافلوں میں سفر کریں گے اور اپنے اسٹوڈنٹس کو اس کی اہمیت دلائیں گے۔اس موقع پر ماسٹر عمر دین اور نظام مدنی سمیت دیگر اسلامی بھائی موجود تھے۔(رپورٹ:مولانا عرفان عطاری مدنی شعبہ تعلیم ڈویژن ذمہ دار میرپورخاص ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت پنجاب ، پاکستان کے شہر جہانیاں میں موجود گورنمنٹ اسپیشل ایجوکیشن سینٹر جہانیاں  میں سیشن منعقد ہوا جس میں اسٹاف سمیت اسٹوڈنٹس نے بھی شرکت کی۔

سیشن کی ابتدا میں ڈیپارٹمنٹ کے ڈسٹرکٹ ذمہ دار نے حاضرین کی رہنمائی کرتے ہوئے انہیں پنج وقتہ نمازوں کی پابندی کرنے اور اسلامی تعلیمات پر عمل کرنے کی ترغیب دلائی۔

اسی طرح ڈسٹرکٹ ذمہ دار نے اسٹوڈنٹس کو اپنے والدین کا ادب و احترام کرنے کا بھی ذہن دیا اور اسپیشل پرسنز ڈیپارٹمنٹ کا تعارف کروایا جس پر انہوں نے اچھی اچھی نیتوں کا اظہار کیا۔(رپورٹ: محمد یوسف عطاری خانیوال و وہاڑی ڈسٹرکٹ ذمہ دار، کانٹینٹ:غیاث الدین عطاری)

اصلاحِ معاشرہ میں اہم کردار ادا کرنے والی عالمی سطح کی دینی تحریک دعوتِ اسلامی کے دینی وفلاحی کاموں کا جائزہ لینے اور ذمہ داران کی تربیت و رہنمائی کرنے کے لئے ماہرِ امورِ تجارت و رکنِ رؤیتِ حلال کمیٹی مفتی علی اصغر عطاری مدظلہ العالی بیرونِ ملک کےسفر پر روانہ ہو چکے ہیں۔

مختلف ذرائع سے ملنے والی معلومات کے مطابق 20 دسمبر 2025ء کو ڈھاکہ، بنگلہ دیش میں قائم دعوتِ اسلامی کے مدنی مرکز فیضانِ مدینہ میں ایک دن کی ”Islamic Finance Workshop“ منعقد کی جائے گی جس میں مفتی علی اصغر عطاری مدظلہ العالی فنانس و اکاؤنٹنگ سے تعلق رکھنے والے افراد اور علمائے کرام کے درمیان لیکچر دیں گے۔

واضح رہےڈھاکہ، بنگلہ دیش کے فنانس و اکاؤنٹنگ سے تعلق رکھنے والے جو اسلامی بھائی اور علمائے کرام اس Workshop میں شرکت کرنا چاہیں تو ہمارے آفیشل نمبر 8801676029828پر رابطہ کریں۔ (کانٹینٹ:غیاث الدین عطاری)

حیدرآباد، سندھ کے علاقے آفندی ٹاؤن میں موجود مدنی مرکز فیضانِ مدینہ کے کانفرنس روم میں شعبہ فیضان آن لائن اکیڈمی بوائز دعوتِ اسلامی  کے تحت11 دسمبر 2025ء کو برانچ و شفٹ ناظمین اور ڈویژن ذمہ دار اسلامی بھائیوں کا ٹریننگ سیشن ہوا۔

اس موقع پر نگرانِ شعبہ فیضان آن لائن اکیڈمی گرلز مولانا غلام الیاس عطاری مدنی نے ”Emotional Intelligence “ کے موضوع پر بیان کیا اور وہاں موجود ذمہ داران کو تعلیمی نظام میں مزید بہتری لانے کی ترغیب دلائی۔

اس کے علاوہ نگرانِ شعبہ نے ناظمین کی کردار سازی کے متعلق اہم نکات پر مشاورت کی اور حاضرین کو دعوتِ اسلامی کے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ حیدرآباد میں شعبہ فیضان آن لائن اکیڈمی بوائز کے تحت 11 دسمبر 2025ء کو ایک ٹریننگ سیشن کا انعقاد کیا گیا جس میں حیدرآباد کے شفٹ و ڈویژن تعلیمی امور ذمہ داران اور ٹرینرز نے شرکت کی۔

اس ٹریننگ سیشن کے دوران نگرانِ شعبہ فیضان آن لائن اکیڈمی گرلز مولانا غلام الیاس عطاری مدنی نے ذمہ داران کی تربیت کرتے ہوئے ”Affective Personality “ کے موضوع پر بیان کیا اور ذمہ داران کو اپنے تعلیمی نظام میں مزید بہتری لانے کا ذہن دیا۔

بعدازاں نگرانِ شعبہ نے تعلیمی امور ذمہ دار اسلامی بھائیوں کی کردار سازی کے متعلق چند اہم نکات بیان کئے جس پر تمام ذمہ دار ان نے شعبے کی ترقی کے لئے اچھی اچھی نیتوں کا اظہار کیا۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

11 دسمبر 2025ء کو مدنی مرکز فیضانِ مدینہ حیدرآباد کے کانفرنس روم میں شعبہ فیضان آن لائن اکیڈمی بوائز کے تحت ٹریننگ سیشن منعقد ہوا جس میں شفٹ تعلیمی امور ذمہ داران اور ڈویژن تعلیمی امور ذمہ داران سمیت ٹرینرز نے بھی شرکت کی۔

اس ٹریننگ سیشن میں رکنِ شعبہ سیّد انس علی عطاری نے تعلیمی نظام میں مزید بہتری لانے کے حوالے سے کلام کرتے ہوئے تعلیمی ذمہ داران کی کردار سازی سے متعلق اہم نکات بیان کئے۔

علاوہ ازیں رکنِ شعبہ نے ذمہ دار اسلامی بھائیوں کو دعوتِ اسلامی کے دینی کاموں میں عملی طور پر شمولیت اختیار کرنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد وقار یعقوب عطاری مدنی برانچ منیجر فیضان آن لائن اکیڈمی ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت پاکستان بھر کی اسلامی بہنوں میں نیکی کی دعوت عام کرنے  اور اُن دینی و اخلاقی تربیت کرنے والے ماہانہ 8 دینی کاموں کی کارکردگی ماہِ نومبر 2025ء میں درج ذیل رہی۔

٭روزانہ گھر درس دینے والی اسلامی بہنوں کی تعداد:26 ہزار 882 (26, 882)۔

٭روزانہ امیرِ اہلِ سنت دامت بَرَکَاتُہمُ العالیہ کا بیان / مدنی مذاکرہ سننے والی اسلامی بہنوں کی تعداد:2 لاکھ 40 ہزار 941 (2, 40, 941)۔

٭اسلامی بہنوں کے مدرسۃالمدینہ بالغات کی تعداد:15 ہزار 144 (15, 144)۔

٭ان مدرسۃالمدینہ بالغات میں پڑھنے والی اسلامی بہنوں کی تعداد:1 لاکھ 19 ہزار 533 (1, 19, 533)۔

٭اسلامی بہنوں کے ہفتہ وار سنتوں بھرے اجتماعات کی تعداد:11 ہزار 624 (11, 624)۔

٭ان اجتماعات میں شرکت کرنے والی اسلامی بہنوں کی تعداد:4 لاکھ 37 ہزار 599 (4, 37, 599)۔

٭علاقائی دورہ برائے نیکی کی دعوت میں شرکت کرنے والی اسلامی بہنوں کی تعداد:31 ہزار 757 (31, 757)۔

٭ہفتہ وار رسالہ پڑھنے والی اسلامی بہنوں کی تعداد:8 لاکھ 508 (8, 00, 508)۔

٭اسلامی بہنوں سے وصول ہونے والے نیک اعمال کے رسائل کی تعداد:2 لاکھ 16 ہزار 394 (2, 16, 394)۔

٭اسلامی بہنوں میں ہونے والے مدنی کورسز کی تعداد:5 ہزار 781 (5, 781)۔

دعوتِ اسلامی کے تحت ہونے والے مختلف دینی کاموں کا فالو اپ لینے کے لئے 6 دسمبر 2025ء کو ایک میٹنگ ہوئی جس میں تمام سب کانٹیننٹ کی نگران اسلامی بہنیں،انٹرنیشنل افیئرز ڈیپارٹمنٹ کی نگران اور پاکستان مجلسِ مشاورت کی اسلامی بہنیں شریک ہوئیں۔

اس موقع پر عالمی مجلسِ مشاورت کی نگران اسلامی بہن نے نگرانِ شوریٰ کے گرینڈ اجتماع کے متعلق کلام کرتے ہوئے اس کی کارکردگی کا جائزہ لیا اور آئندہ کے اہداف طے کئے جن میں گرینڈ اجتماع کی آئندہ تاریخ بھی شامل تھیں۔

دعوتِ اسلامی کے تحت دنیا بھر میں دینی کاموں کو بڑھانے کے پیشِ نظر 13 نومبر 2025ء کو بیرونِ ممالک کی ذمہ دار اسلامی بہنوں کا مدنی مشورہ ہوا جس میں ساؤتھ امریکہ کی رکنِ عالمی مجلسِ مشاورت اور دیگر ذمہ داران نے شرکت کی۔

نگرانِ عالمی مجلسِ مشاورت اسلامی بہن نے اس مدنی مشورے میں ذمہ دار اسلامی بہنوں سے کلام کرتے ہوئے دینی کاموں کو بڑھانے، مدرسۃالمدینہ بالغات کی تعداد میں اضافہ کرنے اور مبلغات تیار کرنے پر تبادلۂ خیال کیا۔

پچھلے دنوں عاشقانِ رسول کی دینی تحریک دعوتِ اسلامی کے تحت عمر کوٹ، سندھ میں واقع  مدنی مرکز فیضانِ مدینہ میں تفسیر سننے / سنانے کا حلقہ لگایا گیا جس میں ذمہ داران اور دیگر عاشقانِ رسول نے شرکت کی۔

بعدِ حلقہ صوبائی ذمہ دارقاری محمد سلیم عطاری نے مختلف شعبہ جات کے ذمہ داران بالخصوص شعبہ مدنی کورسز کے ذمہ داران سے دینی کاموں کے متعلق مشاورت کی جس میں ہاتھوں ہاتھ مدنی کورسز کی تاریخ اور معلم طے کیا گیا۔

وفاقی دارالحکومت اسلام آباد کے سیکٹر G-5 میں اسپیشل پرسنز ڈیپارٹمنٹ دعوتِ اسلامی کے تحت 12 دسمبر 2025ء کو ذمہ دار اسلامی بھائیوں نے علاقائی دورہ برائے نیکی کی دعوت کا انعقاد کیا۔

معلومات کے مطابق ڈیپارٹمنٹ کے صوبائی ذمہ دار کامران عطاری نے گورنمنٹ اسلام آباد ماڈل اسکول کے بلائنڈ ٹیچر عرفان عطاری، محمد سلیم قادری اور مرکزی جامع مسجد G-5 کے امام و خطیب مولانا اسحاق نورانی صاحب سے ملاقات کی۔

دورانِ ملاقات صوبائی ذمہ دار نے اسپیشل پرسنز سمیت امام صاحب کو دعوتِ اسلامی کے ہفتہ وار سنتوں بھرے اجتماع اور ہفتہ وار مدنی مذاکرے میں شرکت کرنے کا ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)