فیصل آباد میں قائم دعوتِ اسلامی کے کنزالمدارس بورڈ ہیڈآفس میں گزشتہ روز ایک میٹنگ ہوئی جس میں شعبہ جاب پلیسمنٹ کے ہیڈ اور دیگر جملہ ذمہ دار اسلامی بھائیوں نے شرکت کی۔

میٹنگ کے دوران رکنِ شوریٰ و صدر کنزالمدارس بورڈ مولانا حاجی محمد جنید عطاری مدنی نے شعبہ جاب پلیسمنٹ کے جملہ امور کی سابقہ کارکردگی کا جائزہ لیااور آئندہ کے اہداف دیئے جس پر حاضرین نے اپنی اپنی رائے پیش کی۔( کانٹینٹ:غیاث الدین عطاری)

دعوتِ اسلامی کے تعلیمی بورڈ کنزالمدارس ہیڈ آفس، فیصل آباد میں ذمہ دار اسلامی بھائی کی والدہ مرحومہ کے  ایصالِ ثواب کے سلسلے میں 25 جنوری 2025ء کو ”فاتحہ خوانی اجتماع“ کا انعقاد کیا گیا جس میں آفس کے اسلامی بھائی شریک ہوئے۔

تلاوتِ قراٰن اور نعتِ رسولِ مقبول صلَّی اللہ علیہ واٰلہٖ وسلَّم سے اجتماع کا آغاز کرنے کے بعد رکنِ شوریٰ و صدر کنزالمدارس بورڈ مولانا محمد جنید عطاری مدنی نے مرحومہ سمیت دیگر اسلامی بھائیوں کے مرحومین کے لئے دعا کروائی۔بعدازاں صلوٰۃ و سلام بھی پڑھا گیا۔ (کانٹینٹ:غیاث الدین عطاری)

پچھلے دنوں کنزالمدارس بورڈ کے اسٹاف ممبر محمد اشفاق احمد عطاری کی ہمشیرہ (بہن) انتقال کر گئیں تھیں جن کے ایصالِ ثواب کے لئے 20 جنوری 2025ء کو فاتحہ خوانی کا اہتمام کیا گیا۔

اس دوران کنزالمدارس بورڈ فیصل آباد کے مولانا محمد اسماعیل عطاری مدنی، رجسٹرار پروفیسر جاوید اسلم باجوہ اور اسٹاف کے دیگر اسلامی بھائی موجود تھے۔بعدازاں مرحومہ کے لئے دعائے مغفرت کروائی گئی۔(رپورٹ: کنزالمدارس بورڈ دعوتِ اسلامی، کانٹینٹ:غیاث الدین عطاری)

فیصل آباد، پنجاب میں قائم دعوتِ اسلامی کے تعلیمی بورڈ کنزالمدارس ہیڈ آفس میں ایک میٹنگ ہوئی جس میں شعبہ رابطہ بالعلماء کے نگران اور اراکین سمیت دیگر اسلامی بھائیوں کی شرکت ہوئی۔

میٹنگ میں رکنِ شوریٰ و صدر کنزالمدارس بورڈ مولانا حاجی محمد جنید عطاری مدنی نے شعبے کے متعلق کلام کرتے ہوئے اسلامی بھائیوں کی مختلف امور پر رہنمائی کی اور اسلامی بھائیوں کو تحائف بھی دیئے۔

دینی و دنیاوی تعلیم میں اپنی خدمات سرانجام دینے والی عاشقانِ رسول کی دینی دعوتِ اسلامی کے تعلیمی بورڈ کنزالمدارس  ہیڈ آفس فیصل آباد میں کلاتھ مارکیٹ فیصل آباد کے تاجر محمد راؤف کی آمد ہوئی۔

اس دوران کنزالمدارس بورڈ ہیڈ آفس کے اسلامی بھائیوں نے انہیں خوش آمدید کہتے ہوئے بورڈ کے تمام دفاتر کا وزٹ کروایا جس پر انہوں نے اپنی نیک خواہشات کا اظہار کیا اور دعوتِ اسلامی کی تعلیمی خدمات کو سراہا۔

بعدِ وزٹ تاجر محمد راؤف کی رکنِ مرکزی مجلسِ شوریٰ و صدر کنزالمدراس بورڈ مولانا حاجی محمد جنید عطاری مدنی سے ملاقات ہوئی اور دعوتِ اسلامی کے حوالے سے مختلف نکات پر تبادلۂ خیال کیا گیا۔(کانٹینٹ:غیاث الدین عطاری)

دعوتِ اسلامی کے تعلیمی نظام کا جائزہ لینے کے لئے گزشتہ روز فضیلۃ الشیخ فیصل محمد العمودی الیمنی الشافعی کی فیصل آباد میں موجود کنزالمدارس بورڈ کے ہیڈ آفس میں آمد ہوئی جہاں اسلامی بھائیوں نے اُن کا استقبال کیا۔

اس موقع پر ہیڈ آفس کے اسلامی بھائیوں نے فضیلۃ الشیخ فیصل محمد العمودی الیمنی الشافعی کو کنزالمدارس بورڈ کے تمام دفاتر کا وزٹ کروایا اور اُن کے ذریعے ہونے والی تعلیمی خدمات پر بریفنگ دی۔

نوجوان نسل کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تعلیمی بورڈ کنزالمدارس ہیڈ آفس  فیصل آباد میں گزشتہ روز ڈاکٹر شہزاد بسرا کی آمد ہوئی جہاں ذمہ دار اسلامی بھائیوں نے انہیں خوش آمدید کہا۔

ذمہ دار اسلامی بھائیوں نے کنزالمدارس بورڈ میں ہونے والی تعلیمی ایکٹیویٹیز کے بارے میں ڈاکٹر شہزاد بسرا کو بتاتے ہوئے ہیڈ آفس فیصل آباد میں قائم مختلف ڈیپارٹمنٹس کا وزٹ کروایا جس پر انہوں نے خوشی کا ظہار کیا اور اپنے تأثرات دیئے۔

پچھلے دنوں دعوتِ اسلامی کے شعبے مزاراتِ اولیاء اور رابطہ برائے اوقاف کی دعوت پر  مولانا پروفیسر منیر احمد یوسفی علیہ الرحمۃ کے جانشین بشیر احمد یوسفی صاحب اور صاجزادہ مولانا خلیل احمد یوسفی صاحب نے کنزالمدارس بورڈ ہیڈ آفس فیصل آباد کا وزٹ کیا۔

دورانِ وزٹ ہیڈ آفس میں موجود اسلامی بھائیوں نے بشیر احمد یوسفی صاحب اور مولانا خلیل احمد یوسفی صاحب کو کنزالمدارس کے حوالے سے بریفنگ دی اور اس کے تحت ہونے والی تعلیمی خدمات کے بارے میں بتایا جس پر انہوں نے خوشی کا اظہار کیا۔

اشاعتِ دین کا جذبہ رکھنے والی عاشقانِ رسول کی دینی تحریک دعوتِ اسلامی کے تحت مرکزی جامعۃ المدینہ فیضانِ مدینہ فیصل آباد میں شیخ الحدیث و التفسیر مفتی محمد قاسم عطاری مدظلہ العالی کی آمد ہوئی۔

معلومات کے مطابق مرکزی جامعۃ المدینہ بوائز میں موجود اساتذۂ کرام نے مفتی محمد قاسم عطاری مدظلہ العالی سے ملاقات کی اور چند اہم نکات پر تبادلۂ خیال کیا۔

فیصل آباد، پنجاب میں واقع دعوتِ اسلامی کے کنزالمدارس بورڈ میں 29 دسمبر 2024ء کو بورڈ آف کریکلم اینڈ ایجوکیشن ڈیپارٹمنٹ کی میٹنگ ہوئی جس میں مفتیانِ کرام، اراکینِ شوریٰ، جامعۃ المدینہ بوائز کے سینئر اساتذۂ کرام  اور دیگر ممبران نے شرکت کی۔

اس میٹنگ میں بورڈ آف کریکلم اینڈ ایجوکیشن ڈیپارٹمنٹ کے متعلق گفتگو کرتے ہوئے نصابی اور ہم نصابی سرگرمیوں کا جائزہ لیا گیا جبکہ نئے تعلیمی سال 2025ء کے لئے اہداف طے کئے گئے جس پر وہاں موجود تمام شرکا نے اپنی اپنی رائے بھی پیش کی۔

میٹنگ کے شرکا میں دارالافتاء اہلسنت کے شیخ الحدیث و التفسیر مفتی محمد قاسم عطاری، مفتی محمد سجاد عطاری، مفتی محمد حسان عطاری، اراکینِ شوریٰ مولانا حاجی محمد جنید عطاری مدنی (صدر کنزالمدارس بورڈ)، مولانا حاجی محمد اسد عطاری مدنی (نگرانِ شعبہ جامعۃ المدینہ بوائز پاکستان) اور بورڈ آف کریکلم اینڈ ایجوکیشن ڈیپارٹمنٹ کے ہیڈ مولانا گل رضا عطاری مدنی شامل تھے۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت پاکستان بھر میں دینی و دنیاوی تعلیم دینے والے کنزالمدارس بورڈ فیصل آباد کے ہیڈ آفس میں ایک میٹنگ منعقد ہوئی جس میں شعبہ جامعۃ المدینہ گرلز کے ذمہ داران شریک ہوئے۔

میٹنگ میں رکنِ شوریٰ و صدر کنزالمدارس بورڈ مولانا حاجی محمد جنید عطاری مدنی نے ذمہ دار اسلامی بھائیوں سے مختلف امور پر کلام کرتے ہوئے شعبے کے متعلق مشاورت کی جس پر وہاں موجود تمام ذمہ داران نے اپنی اپنی رائے پیش کی۔(کانٹینٹ:غیاث الدین عطاری)

دعوتِ اسلامی کے تحت ملکی مشاورت نائجیر کے ذمہ دار مولانا ندیم عطاری مدنی نے نگرانِ شعبہ جامعات المدینہ انٹرنیشنل افیئرز مولانا اختر عطاری مدنی کے ہمراہ فیصل آباد، پنجاب میں قائم کنزالمدارس بورڈ کا دورہ کیا۔

دورانِ دورہ ذمہ دار اسلامی بھائیوں کی مرکزی مجلسِ شوریٰ کے رکن و صدر کنزالمدارس بورڈ مولانا حاجی محمد جنید عطاری مدنی سے ملاقات ہوئی اور کنزالمدارس بورڈ کے متعلق مشاورت کی گئی۔