صوبہ پنجاب کے شہر خان پور میں واقع مدنی مرکز فیضانِ مدینہ میں دعوتِ اسلامی کےایجویشن ڈیپارٹمنٹ کے تحت  ٹیچرز کے لئے ”افطار میٹ اپ“ کا انعقاد کیا گیا جس میں ڈائریکٹر ایجوکیشن رحیم یار خان اور ایڈیشنل ڈائریکٹر رحیم یار خان سمیت دیگر ٹیچر حضرات نے شرکت کی۔

اس موقع پر ذمہ دار اسلامی بھائی نے تمام مہمانوں کو خوش آمدید کہا اور انہیں دعوتِ اسلامی کی ڈاکومنٹری دیکھائی جس میں انہیں دینی و فلاحی کاموں کے حوالے سے آگاہی دی گئی۔

بعدازاں ”افطار میٹ اپ“ میں آئے ہوئے تمام مہمانوں نے فیضان آن لائن اکیڈمی کا وزٹ کیا اور دعوتِ اسلامی کی خدمات کو سراہا۔(رپورٹ: جنید عطاری ریجن ذمہ دار شعبہ تعلیم حیدرآباد، کانٹینٹ:غیاث الدین عطاری)

شعبہ تعلیم دعوت اسلامی کے تحت 3مارچ2025ء کو مدنی مسجد ( فورٹ عباس ضلع بہاولنگر ڈویژن بہاولپور ) میں ا سٹوڈنٹس اور ٹیچرز کے درمیان استقبال رمضان سیشن ہوا جس میں اسامہ عطاری شعبہ تعلیم ڈسٹرکٹ بہاولنگر نے تین سو پچاس سے زائد اسٹوڈنٹس کو نیکی کی دعوت دیتے ہوئے دعوت اسلامی کے مدنی ماحول سے وابستہ رہنے کا ذہن دیا ۔(کانٹینٹ:شعیب احمد)

شعبہ تعلیم دعوت اسلامی کے تحت 3مارچ2025ء کو پنجاب گروپ آف کالج( فورٹ عباس ضلع بہاولنگر ڈویژن بہاولپور ) میں ا سٹوڈنٹس اور ٹیچرز کے درمیان استقبال رمضان سیشن ہوا جس میں شعبہ تعلیم تحصیل فورٹ عباس ذمہ دار طاہر عطاری نے 60 سے زیادہ اسٹوڈنٹس کو نیکی کی دعوت دیتے ہوئے دعوت اسلامی کے مدنی ماحول سے وابستہ رہنے کا ذہن دیا ۔(کانٹینٹ:شعیب احمد)

صوبہ خیبرپختونخوا کی مالاکنڈ یونیورسٹی میں گزشتہ روز ایجوکیشن ڈیپارٹمنٹ دعوتِ اسلامی کے تحت” استقبالِ رمضان پروگرام “ کا انعقاد ہوا جس میں یونیورسٹی کے وائس چانسلر، پُرو وائس چانسلر، فیکلٹی اور اسٹوڈنٹس شریک ہوئے۔

اس پروگرام میں تلاوت و نعت کے بعد رکنِ مرکزی مجلسِ شوریٰ حاجی یعفور رضا عطاری نے بیان کیا جس میں انہوں نے ”ہمیں اس ماہ کو کیسے گزارنا ہے؟“، ”اس مبارک مہینے میں کون کون سی عبادت کی جائیں“ اور ”جنت سال کے شروع سے اگلے سال تک رمضانُ المبارک میں سجائی جاتی ہے“ کے موضوعات پر شرکا کی رہنمائی کی۔

اس کے علاوہ رکنِ شوریٰ نے دعوتِ اسلامی کی دینی و فلاحی ایکٹیویٹیز کے بارے میں حاضرین کو بتایا اور انہیں بھی ان میں حصہ لینے کی ترغیب دلائی جس پر انہوں نے اچھی اچھی نیتیں کیں۔

خدمتِ دین میں مصروفِ عمل دعوتِ اسلامی کے ایجوکیشن ڈیپارٹمنٹ کے تحت 17 فروری 2025ء کو مدنی مرکز فیضانِ مدینہ ملتان میں ”استقبالِ رمضان اجتماع“ کا انعقاد کیا گیا جس میں مختلف نجی اسکولز کے اسٹوڈنٹس کی شرکت ہوئی۔

اس موقع پر تلاوتِ قراٰن کی گئی اور نعت خواں اسلامی بھائی نے پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہِ اقدس میں نذرانۂ عقیدت پیش کیا جس کے بعد دعوتِ اسلامی کی مرکزی مجلسِ شوریٰ کے رکن حاجی قاری سلیم عطاری نے اخلاقیات کے حوالے سے بیان کیا اور اسٹوڈنٹس کو رمضانُ المبارک کی اہمیت بتاتے ہوئے چند بنیادی مسائل کے بارے میں آگاہی دی جس پر انہوں نے دعوتِ اسلامی کے جامعۃ المدینہ بوائز میں داخلہ لینے کی نیتیں کیں۔

آخر میں سوال و جواب کا سیشن ہواجس میں رکنِ شوریٰ نے اسٹوڈنٹس کو تحائف دیئے جبکہ اسٹوڈنٹس نے فیضانِ مدینہ ملتان میں قائم جامعۃ المدینہ بوائز، دارالافتاء اہلسنت اور فیضان آن لائن اکیڈمی بوائز کا وزٹ کیا۔(رپورٹ: حافظ حسیب الرحمن عطاری مدنی، شعبہ تعلیم ملتان ڈویژن ، کانٹینٹ:غیاث الدین عطاری)

ڈسٹرکٹ جامشورو میں قائم GM ہاسٹل سندھ یونیورسٹی جامشورو میں ایجوکیشن ڈیپارٹمنٹ دعوتِ اسلامی کے زیرِا ہتمام ” شبِ برأت اجتماع “ کا انعقاد کیا گیا جس میں اسٹوڈنٹس سمیت دیگر عاشقانِ رسول نے شرکت کی۔

تلاوت و نعت کے بعد مبلغِ دعوتِ اسلامی نے سنتوں بھرا بیان کیا جس میں انہوں نے حاضرین کو شبِ برأت کے فضائل بتائے اور انہیں اس رات عبادت میں گزارنے کا ذہن دیا۔

شعبہ تعلیم دعوتِ اسلامی کے تحت 13 فروری 2025ء کو  گریجویٹ کالج بہاولنگر میں ایک سیشن کا انعقاد ہو اجس میں اسٹوڈنٹس، ٹیچرز اور کالج کے دیگر اسٹاف نے شرکت کی۔

سیشن میں نگرانِ FGRF UK حاجی سیّد فضیل رضا عطاری نے اسٹوڈنٹس اور ٹیچرز میں کردار سازی کے موضوع پر اسٹوڈنٹس کی رہنمائی کی اور گھر والوں سمیت اپنے اساتذہ کے ساتھ کیسا ہونا چاہیئے؟ اس پر اسٹوڈنٹس کی ذہن سازی کی۔

شعبہ ٹیچرز فورم دعوت اسلامی کے تحت گورنمنٹ کالج آف ٹیکنالوجی گوجرانوالہ میں ٹیچرز میٹ اپ منعقد کیا گیا جس میں پرنسپل سعید احمد بھئی کالج کے وائس پرنسپل اور اساتذہ نے شرکت کی۔

اس موقع پر دعوت اسلامی کی مرکزی مجلس شوری کے رکن عبدالوہاب عطاری نے ٹیچرز کو طلباء کی تعلیم کے ساتھ ساتھ اسلامی تربیت کرنے کا ذہن دیتے ہوئے کہا کہ آج جھوٹ سمیت دیگر بڑھنے والی برائیوں سے ہمیں اپنے نوجوان نسل کو بچانا ہے۔ رکن شوری کا کہنا تھا کہ ان برائیوں کو اساتذہ ہی ختم کر سکتے ہیں کیوں کہ ہمارے پاس اسٹوڈنٹس کافی وقت گزارتے ہیں ٹیچرز کا کردار اور رول بہت اہم ہے۔

اساتذہ نے کورسز کرنے اور طلباء میں اس سوچ کو اجاگر کرنے کی نیت کا اظہار کیا جبکہ رکن شوری نے اساتذہ کودعوت اسلامی کے ماحول میں کورسز کرکے خود کو اسلامی تعلیمات سے آشنا کر نے کا ذہن دیتے ہوئے شعبہ کورسز دعوت اسلامی اور مکتبہ المدینہ کی کتابیں آخری نبی کی پیاری سیرت،550سنتیں اور آداب اور جھوٹ سے بچنے کے حوالے سے کتاب کا تعارف پیش کیا ۔

آخر میں رکن شوری نے اساتذہ اور پرنسپل کو مکتبہ المدینہ کی کتابیں بطور تحفہ پیش کیں۔(رپورٹ: جنید عطاری، ذمہ دار ٹیچرز فورم دعوت اسلامی ، کانٹینٹ:غیاث الدین عطاری)

ایجوکیشن ڈیپارٹمنٹ دعوتِ اسلامی کے تحت 30 جنوری 2025ء  بروز جمعرات کو گوجرنوالہ سٹی میں ٹیچرز میٹ اپ منعقد کیا گیا جس میں افضل شاہد ،جنرل سیکرٹری گوجرانوالہ پرائیوٹ اسکولز ایسوسی ایشن حافظ عمران ،آل پاکستان کلیریکل ایسوسی ایشن گوجرانوالہ صدر چوہدری گلریز اختر سمیت پرنسپلز، پروفیسرز، ٹیچرز اور اتھارٹیز کی شرکت ہوئی ۔

رکن شوری و مفتی صاحب نے حاضرین کی مختلف موضوعات پر تربیت کی جبکہ رکنِ شوریٰ نے حاضرین کی ذہن سازی کرتے ہوئے انہیں دعوتِ اسلامی کے دینی ماحول سے منسلک ہونے کا ذہن دیا جس پر انہوں نے اچھی اچھی نیتیں کیں۔ (رپورٹ: جنید عطاری، ذمہ دار ٹیچرز فورم دعوت اسلامی ، کانٹینٹ:غیاث الدین عطاری)

نصیر آباد ڈویژن کے ڈسٹرکٹ ڈیرہ اللہ یار میں واقع دعوتِ اسلامی کے مدنی مرکز فیضانِ مدینہ میں ٹیچرز میٹ اپ منعقد کیا گیا جس میں شہر بھر سے ٹیچرز حضرات سمیت دیگر عاشقانِ رسول کی شرکت ہوئی۔

ٹیچرز میٹ اپ کے دوران مبلغِ دعوتِ اسلامی راؤ جنید عطاری نے دعوتِ اسلامی کے شعبہ جات کا تعارف کرواتے ہوئے حاضرین کو دعوتِ اسلامی کے نئے پلیٹ فارم ”Islam Forever“ کے بارے میں بتایا اور ہاتھوں ہاتھ ڈاؤن لوڈ کروایا۔

اس کے علاوہ مبلغِ دعوتِ اسلامی نے دعوتِ اسلامی کے دینی کاموں کے حوالے سے حاضرین کی ذہن سازی کی جس پر کم و بیش 15 ٹیچرز نے نماز کورس کرنے کی اچھی اچھی نیتیں کیں۔(رپورٹ: سہیل احمد عطاری مدنی شعبہ تعلیم نصیر آباد ڈویژن ڈیرہ اللہ یار ، کانٹینٹ:غیاث الدین عطاری)

میمن سوسائٹی، حیدرآباد میں گزشتہ روز دعوتِ اسلامی کے ایجوکیشن ڈیپارٹمنٹ کے تحت ٹیچرز میٹ اپ اور ٹریننگ سیشن کا انعقاد کیا گیا جس میں ٹیچرز، اسٹوڈنٹس، اور پرنسپل سمیت اسکول اونر نے شرکت کی۔

ٹریننگ سیشن کی ابتدا میں مبلغِ دعوتِ اسلامی نے اسٹوڈنٹس کے درمیان بیان کیااور انہیں دعوتِ اسلامی کے مختلف ڈیپارٹمنٹ کا تعارف کرواتے ہوئے انہیں نمازوں کا پابند بننے کی ترغیب دلائی۔

اس کے علاوہ ٹیچرز میٹ اپ میں ٹریننگ اینڈ ڈویلپمنٹ ڈیپارٹمنٹ دعوتِ اسلامی کے HOD سر فرید عطاری نے وہاں موجود اسلامی بھائیوں کی مختلف امور پر ذہن سازی کی اور کہا : سب سے پہلے آپ اپنی ذات کے متعلق سوچیں کہ میں کیا کر رہا ہوں اور مجھے اللہ پاک نے کیوں پیدا کیا ہے؟ جس پر انہوں نے اچھی اچھی نیتیں کیں۔(رپورٹ: سہیل احمد عطاری مدنی شعبہ تعلیم نصیر آباد ڈویژن ڈیرہ اللہ یار ، کانٹینٹ:غیاث الدین عطاری)

پاکستان کے وفاقی دارالحکومت اسلام آباد میں قائم ٹیچرز ٹریننگ کالج میں ایجوکیشن ڈیپارٹمنٹ دعوتِ اسلامی کے ذمہ دار اسلامی بھائیوں نے پروفیسر الفت  اورپروفیسر طارق سمیت صدر ٹیچرز ٹریننگ ایسوسی ایشن جنید نیازی سے ملاقات کی۔

ملاقات کے دوران ذمہ دار اسلامی بھائیوں نے افسران کو نیکی کی دعوت دیتے ہوئے دعوتِ اسلامی کے تحت ٹیچرز کے درمیان ہونے والے دینی کاموں کے متعلق بتایا۔