آفندی ٹاؤن حیدر آباد میں قائم دعوتِ اسلامی کے مدنی مرکز فیضانِ مدینہ میں ایجوکیشن ڈیپارٹمنٹ کے تحت 30 ستمبر 2024ء کو ”یوتھ ٹالک “ منعقد ہوا جس میں سندھ یونیورسٹی، لمس یونیورسٹی، ایگریکلچر یونیورسٹی، جی سی یونیورسٹی، مختلف کالجز و اسکول کے پروفیسرز، ٹیچرز اور کثیرتعداد میں اسٹوڈنٹس کی شرکت رہی۔

اس دوران دعوتِ اسلامی کے نگرانِ پروفیشنلز ڈیپارٹمنٹ محمد ثوبان عطاری نے ”نوجوان یوتھ کے لئے نبی کریم صلَّی اللہ علیہ واٰلہٖ وسلَّم کی حیاتِ مبارکہ میں کیا سبق ہے؟“ اس پر سنتوں بھرا بیان کیا نیز مختلف اہم نکات پر حاضرین کی تربیت و رہنمائی کی۔(رپورٹ: محمد سعد عطاری شعبہ تعلیم سٹی ذمہ دار حیدرآباد ، کانٹینٹ:غیاث الدین عطاری)

ڈویژن بہاولپور کے شہر چشتیاں، ڈسٹرکٹ بہاولنگر میں قائم پنجاب گروپ آف کالج میں دعوتِ اسلامی کے ایجوکیشن ڈیپارٹمنٹ کے تحت 28 ستمبر 2024ء کو” میلاد النبی صلَّی اللہ علیہ واٰلہٖ وسلَّم کانفرنس“ منعقد کی گئی جس میں کم و بیش 750 اسٹوڈنٹس اور ٹیچرز نے شرکت کی۔

اس کانفرنس میں تلاوت و نعت کے بعد مبلغِ دعوتِ اسلامی و ڈسٹرکٹ نگران محمد ناصر عطاری نے ”سیرت النبی صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا اور اسٹوڈنٹس کو حضور صلَّی اللہ علیہ واٰلہٖ وسلَّم کے فرامین کے مطابق اپنی زندگی گزارنے کا ذہن دیا جس پر انہوں نے اچھی اچھی نیتیں کیں۔(رپورٹ:مولانا اسامہ عطاری مدنی، شعبہ تعلیم ڈسٹرکٹ بہاولنگر ذمہ دار ، کانٹینٹ:غیاث الدین عطاری)

ڈویژن بہاولپور کے  شہر چشتیاں ، ضلع بہاولنگر میں موجود سپیریئر کالج (Superior College)میں ایجوکیشن ڈیپارٹمنٹ دعوتِ اسلامی کے تحت 23 ستمبر 2024ء کو ”میلاد النبی صلَّی اللہ علیہ واٰلہٖ وسلَّم کانفرنس“ کا انعقاد کیا گیا جس میں کم و بیش 850 سے زائد اسٹوڈنٹس اور ٹیچرز نے شرکت کی۔

تلاوت و نعت سے”میلاد النبی صلَّی اللہ علیہ واٰلہٖ وسلَّم کانفرنس“ کا آغاز ہوا جس کے بعد ڈسٹرکٹ نگران محمد ناصر عطاری نے سیرت النبی صلَّی اللہ علیہ واٰلہٖ وسلَّم کے موجود پر سنتوں بھرا بیان کرتے ہوئے شرکا کو ہمارے پیارے نبی محمدِ عربی صلَّی اللہ علیہ واٰلہٖ وسلَّم کی سیرت کے مطابق اپنی زندگی گزارنے کا ذہن دیا۔(رپورٹ:مولانا اسامہ عطاری مدنی شعبہ تعلیم ڈسٹرکٹ بہاولنگر ذمہ دار ، کانٹینٹ:غیاث الدین عطاری) 

تحصیل ہارون آباد، ضلع بہاولنگر، ڈویژن بہاولپور میں قائم پنجاب گروپ آف کالج میں 18 ستمبر 2024ء کو ایجوکیشن ڈیپارٹمنٹ دعوتِ اسلامی کے تحت  میلاد النبی صلَّی اللہ علیہ واٰلہٖ وسلَّم کانفرس منعقد ہوئی جس میں 1500 سے زائد اسٹوڈنٹس اور ٹیچرز کی شرکت ہوئی۔

کانفرس کے آغاز میں تلاوتِ قراٰن کی گئی اور نعت خواں اسلامی بھائیوں نے نعتِ رسولِ مقبول صلَّی اللہ علیہ واٰلہٖ وسلَّم پڑھی جس کے بعد مبلغِ دعوتِ اسلامی ڈاکٹر اظہر عطاری نے ”سیرتُ النبیصلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا۔

18 ستمبر 2024ء کو تحصیل ہارون آباد، ضلع بہاولنگر، ڈویژن بہاولپور میں قائم ڈپٹی کمشنر آفس میں ایجوکیشن ڈیپارٹمنٹ دعوتِ اسلامی کے تحت  میلاد النبی صلَّی اللہ علیہ واٰلہٖ وسلَّم کانفرس کا انعقاد ہوا جس میں ڈپٹی کمشنر سمیت دیگر اسٹاف نے شرکت کی۔

کانفرس کا آغاز تلاوتِ قراٰن ونعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مبلغِ دعوتِ اسلامی ڈاکٹر اظہر عطاری نے ”سیرتُ النبی صلَّی اللہ علیہ واٰلہٖ وسلَّم“ کے موضوع پر بیان کیا۔

مبلغِ دعوتِ اسلامی نے وہاں موجود اسلامی بھائیوں کی رہنمائی کرتے ہوے انہیں سیرتِ رسول صلَّی اللہ علیہ واٰلہٖ وسلَّم اپنانے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:مولانا اسامہ عطاری مدنی شعبہ تعلیم ڈسٹرکٹ بہاولنگر ذمہ دار، کانٹینٹ:غیاث الدین عطاری)

ایجوکیشن ڈیپارٹمنٹ دعوتِ اسلامی کے تحت 18 ستمبر 2024ء کو تحصیل ہارون آباد، ضلع بہاولنگر، ڈویژن بہاولپور میں قائم جناح سائنس کالج فقیر والی میں میلاد النبی صلَّی اللہ علیہ واٰلہٖ وسلَّم کانفرس ہوئی جس میں 800 سے زائد اسٹوڈنٹس اور ٹیچرز نے شرکت کی۔

تلاوت ونعت سے کانفرس کا آغاز ہوا جس کے بعد مبلغِ دعوتِ اسلامی ڈاکٹر اظہر عطاری نے ”سیرتِ مصطفیٰ صلَّی اللہ علیہ واٰلہٖ وسلَّم“ کے موضوع پر بیان کیااور حاضرین کو سیرتِ رسول اپنانے کی ترغیب دلائی جس پر انہوں نے اچھی اچھی نیتیں کیں۔(رپورٹ:مولانا اسامہ عطاری مدنی شعبہ تعلیم ڈسٹرکٹ بہاولنگر ذمہ دار، کانٹینٹ:غیاث الدین عطاری)

دعوتِ اسلامی کے ایجوکیشن ڈیپارٹمنٹ  بوائزکے تحت 10 ستمبر 2024ء کو مدنی مرکز فیضانِ مدینہ فیصل آباد میں اجتماعِ میلاد منعقد ہوا جس میں نگرانِ فیصل آباد ڈویژن حاجی سلیم عطاری، نگران فیصل آباد سٹی مولانا مظہر عطاری مدنی، فیصل آباد سٹی کے شعبہ تعلیم ذمہ دار، مختلف اسکولز و کالجز کے اسٹوڈنٹس اور اسٹاف عاشقان رسول نے شرکت کی۔

تلاوت و نعت سے اجتماع کا آغاز کرنے کے بعد رکنِ مرکزی مجلسِ شوریٰ ونگرانِ پاکستان مشاورت حاجی محمد شاہد عطاری نے سنتوں بھرا بیان کیا جس میں انہوں نے سیرتِ مصطفیٰ صلَّی اللہ علیہ واٰلہٖ وسلَّم کے حوالے سے حاضرین کی تربیت و رہنمائی کی۔

اجتماع کے اختتام پر صلوٰۃ و سلام پڑھا گیا جبکہ نگرانِ پاکستان مشاورت حاجی محمد شاہد عطاری نے دعا کروائی اور اسلامی بھائیوں کو سلسلہ قادریہ میں داخل بھی کروایا۔

بعدازاں اجتماع میں شریک اسٹوڈنٹس نے نگرانِ پاکستان مشاورت حاجی محمد شاہد عطاری سے ملاقات کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

سرسیّد یونیورسٹی آف انجینئرنگ اینڈ ٹیکنالوجی کراچی کے آڈیٹوریم میں عالمی سطح کی دینی تحریک دعوتِ اسلامی کے زیرِ اہتمام سنتوں بھرے اجتماع کا کیا گیا جس میں یونیورسٹی کے رجسٹرار، وائس چانسلر اور پروفیسرز سمیت دیگر اسٹوڈنٹس شریک ہوئے۔

اس اجتماعِ پاک میں مرکزی مجلسِ شوریٰ کے رکن مولانا حاجی عبد الحبیب عطاری نے بیان کرتے ہوئے وہاں موجود افراد کی مختلف امور پردینی و اخلاقی اعتبار سے تربیت و رہنمائی کی اور انہیں دعوتِ اسلامی کے دینی کاموں سے متعلق بتایا۔

دعوت اسلامی شعبہ تعلیم کے تحت خواجہ فرید یونیورسٹی رحیم یار خان میں مختلف دینی کاموں کا سلسلہ ہوا جس میں رکن شوری عبد الوہاب عطاری صاحب کی وائس چانسلر ڈاکٹر شہزاد مرتضی اور دیگر یونیورسٹی عہدیداران سے ملاقات ہوئی۔ ملاقات میں دعوت اسلامی کا تعارف اور طلباء کی قردار سازی پر گفتگو ہوئی۔ رکن شوری نے وائس چانسلر ، رجسٹرار اور دیگر عہدیداران کو عالمی مدنی مرکز فیضان مدینہ کراچی وزٹ کی دعوت بھی پیش کی۔

وائس چانسلر اور دیگر عہدیداران کے ساتھ پلانٹیشن کا سلسلہ ہوا جبکہ یونیورسٹی کی مرکزی جامعہ مسجد میں جمعہ کے موقع پر رکن شوری کا سنتوں بھرا بیان ہوا۔(کانٹینٹ:شعیب احمد عطاری)

پچھلے دنوں شعبہ تعلیم دعوتِ اسلامی کی جانب سے سر سید یونیورسٹی کراچی میں رمضان اجتماع ہوا جس میں وائس چانسلر ڈاکٹر ولی الدین ، رجسٹرار سید سرفراز علی، ڈینز، پروفیسرز( ڈاکٹر مفتی راشد اعوان اور ڈاکٹر میر شبیر علی )،فیکلٹی ممبران اور یونیورسٹی کے اسٹوڈنٹس کی شرکت ہوئی ۔

پروفیشنلز فارم پاکستان ذمہ دار ثوبان عطاری نے ” رمضان المبارک کی خاص عبادات روزہ ،تراویح اور تلاوت قرآن “ کے موضوع پر بیان کیا اور شرکا کو دل جمعی سے یہ عبادات بجا لانے کے حوالے سے مدنی پھول دیئے جس پر انہوں نے اچھے خیالات کا اظہار کیا۔ (رپورٹ:رمضان رضا عطاری)

پچھلے  دنوں ایگریکلچر یونیورسٹی فیصل آباد کے ڈیپارٹمنٹ ID (Irrigation And Drainage) آبپاشی اور نکاسی آب کے چیئرمین ڈاکٹر عدنان شاہد کے والد مرحوم کے ایصالِ ثواب کے لئے شعبہ تعلیم دعوتِ اسلامی کے تحت افطار اور ایصالِ ثواب اجتماع کا انعقاد کیا گیا۔

نگران مجلس شعبہ تعلیم نے رمضان المبارک کی مناسبت سے واقعات بیان کئے اور شرکا کو اپنی زندگی کے شب و روز اللہ پا ک اور رسول کریم صلَّی اللہ علیہ واٰلہٖ وسلَّم کی اطاعت و فرمابرداری کے کاموں میں گزارنے کی ترغیب دلائی جس پر انہوں نے اچھی اچھی نیتیں کیں۔

اس موقع پر ڈویژن ذمہ دار شعبہ تعلیم فاروق حیدر عطاری اور یونیورسٹی ہیڈ عثمان رضا عطاری سمیت دیگر مبلغین بھی موجود تھے۔ (رپورٹ : عثمان رضا عطاری،کانٹینٹ:رمضان رضا عطاری)

دعوت  اسلامی کے شعبہ تعلیم کی جانب سے اسپائیر گروپ آف کالجز فیصل آباد کے ٹیچنگ اسٹاف میں رمضان المبارک کی مناسبت سے ایک سیشن کا انعقاد کیا گیا جس میں کالج کے ٹیچرز نے شرکت کی۔

مرکزی مجلسِ شوریٰ کے رکن عبد الوہاب عطاری نے ٹیچرز میں ”مقصدِ رمضان “کے عنوان پر بیان کرتے ہوئے تقویٰ و پرہیز گاری کے حصول کے لئے کوشش کرنے کی ترغیب دلائی نیز انہیں کالج کےا سٹوڈنٹس میں بھی نیکیاں کرنے اور برائی سے بچنے کی سوچ پیدا کرنے کا ذہن دیا۔(کانٹینٹ:رمضان رضا عطاری)