دعوت اسلامی  کے زیرِ اہتمام نیشنل یونیورسٹی آف ماڈرن لینگویجز (NUML) کے فیصل آباد کیمپس میں میٹ اپ کا انعقاد ہوا جس میں ریجنل ڈائریکٹر برگیڈیئر ریٹائرڈ آفتاب رمیز، یونیورسٹی فیکلٹی ممبرز اور ا سٹوڈنٹس نے بڑی تعداد میں شرکت کی۔

رکن شوریٰ عبد الوہاب عطاری نے ”فضائلِ رمضان “ کے موضوع پر بیان کیا جس میں شرکا کو رمضان کی اہمیت و برکات کے حوالے سے بتایا اور ان کو ماہ رمضان المبارک کو خوب نیکیوں و عبادت میں گزارنے کا ذہن دیا۔

اختتام پر رکن شوریٰ نے ریجنل ڈائریکٹر سے ملاقات کی اور دورانِ گفتگو انہیں دعوت اسلامی کی دنیا بھر میں ہونے والی دینی خدمات پر بریفنگ بھی دی جس پر انہوں نے دعوت اسلامی کے تعلق سے اچھے تاثرات کا اظہار کیا۔(کانٹینٹ:رمضان رضا عطاری)

فیضان مدینہ  فیصل آباد میں شعبہ تعلیم کے تحت مختلف کالجز و یونیورسٹی کے اسٹوڈنٹس کے درمیان میٹ اپ ہوا جس میں نگران پاکستان مشاورت حاجی محمد شاہد عطاری نے دعوت اسلامی کے دینی ماحول کا تعارف کروایا۔

مزید نگران پاکستان مشاورت نے نیکی کی دعوت دیتے ہوئے اسٹوڈنٹس کو دعوت اسلامی کے دینی ماحول سے وابستہ رہنے کا ذہن دیا نیز اپنی تعلیم کے ساتھ ساتھ کس طرح دینی خدمات کر سکتے ہیں اس بارے میں بھی بتایا جس پر انہوں نے اچھی اچھی نیتیں کیں۔( رپورٹ :عبد الخالق عطاری ، کانٹینٹ:رمضان رضا عطاری)

شعبہ تعلیم دعوت  اسلامی کے زیرِ اہتمام اسلامیہ یونیورسٹی بہاولپور میں افطار اجتماع منعقد ہوا جس میں یونیورسٹی کے اسٹوڈنٹس نے شرکت کی ۔

اس موقع پر محفل نعت کا سلسلہ بھی ہوا اور مبلغ دعوت اسلامی نے ”ماہ رمضان المبارک “ کی مناسبت سے بیان کیا جس میں شرکا کو نیک اعمال کرنے اور دعوت اسلامی کے دینی کاموں میں حصہ لینے کی ترغیب دلائی جس پر انہوں نے بھلے جذبات کا اظہار کیا۔

دورانِ بیان ذمہ دار اسلامی بھائی نے فیضان آن لائن اکیڈمی کے تحت ہونے والے مختلف کورسز کے حوالے سے معلومات دیتے ہوئے ان میں داخلہ لینے کی ترغیب دلائی جس پر 60سے زائد اسٹوڈنٹس نے مختلف کورسز میں داخلہ لینے کی نیتیں کیں۔(رپورٹ:شعبہ تعلیم ملتان ڈویژن ڈسٹرکٹ وہاڑی، کانٹینٹ:رمضان رضا عطاری)

دعوت اسلامی   کے زیرِ اہتمام زرعی یونیورسٹی ٹنڈوجام کی سینٹرل لان قاسم ہاسٹل میں سالانہ افطار اجتماع ارینچ کیا گیا جس میں 800سے زائد اسٹوڈنٹس نے شرکت کی۔

اجتماع کا آغاز تلاوتِ قرآن ِ پا ک و نعت شریف سے ہوا پھر مبلغ دعوت اسلامی نے ”رمضان المبار ک کے فضائل و برکات“ کے موضوع پر بیان کیا اور ماہ ِ مبارک کی خوب قدر و منزلت کرنے کی ترغیب دی جبکہ آخر میں مناجات و دعا کا سلسلہ بھی ہوا۔(رپورٹ:شعبہ تعلیم ملتان ڈویژن ڈسٹرکٹ وہاڑی، کانٹینٹ:رمضان رضا عطاری)

مدنی  مرکز فیضانِ مدینہ وہاڑی میں دعوت اسلامی کے شعبہ تعلیم کی جانب سے افطار اجتماع منعقد ہوا جس میں PHD ڈاکٹرز ،ٹیچرز ،پرنسپلز اور اسٹوڈنٹس نے شرکت کی ۔

افطار اجتماع میں مبلغ دعوت اسلامی نے ” فضائل رمضان“ کے موضوع پر بیان کیا جس میں رمضان المبارک کوخوب نیکیوں میں گزارنے کی ترغیب دلائی اور دعوت اسلامی کا تعارف پیش کرتے ہوئے شرکا کو فرض علوم پر مشتمل مختلف کورسز کرنے کی دعوت دی جس پر انہوں نے کورسز کرنے کی اچھی اچھی نیتیں بھی کیں۔(رپورٹ:شعبہ تعلیم ملتان ڈویژن ڈسٹرکٹ وہاڑی، کانٹینٹ:رمضان رضا عطاری)

گزشتہ روز یونیورسٹی آف ایگریکلچر فیصل آباد کے اسٹوڈنٹس کی دعوتِ اسلامی کے مدنی مرکز فیضانِ مدینہ فیصل آباد آمد ہوئی جہاں انہوں نے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری سے ملاقات کی۔

پاکستان کی سب سے قدیم اور ایشیا کی سب سے بڑی یونیورسٹی ”زرعی یونیورسٹی فیصل آباد“ میں سالانہ کُتُب میلا لگایا گیا جس میں دعوتِ اسلامی کے پبلیکیشن ڈیپارٹمنٹ مکتبۃ المدینہ کے تحت اسلامی بھائیوں نے اسٹال لگائے۔

تفصیلات کے مطابق زرعی یونیورسٹی فیصل آباد کے وائس چانسلر ڈاکٹر اقرار احمد نے دعوتِ اسلامی کی کتابوں کے بارے میں گفتگو کرتے ہوئے مدنی چینل کو اپنے تأثرات دیئے۔

دعوت اسلامی کے شعبہ تعلیم کے زیرِ اہتمام 9 مارچ 2024ء کو امریکہ کی ریاست ٹیکساس کے شہر ہیوسٹن میں استقبال رمضان اجتماع منعقد ہوا جس میں اسٹوڈنٹس ،پروفیشنلز اور نوجوان عاشقان ِرسول نے شرکت کی ۔

امریکہ میں شعبہ تعلیم کے ذمہ دار غلام مصطفی عطاری نے ”فضائلِ رمضان “ کے موضوع پر بیان کیا اور دعوت اسلامی کاتعارف کرواتے ہوئے شرکا کو دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ : احمد رضا عطاری اورسیز شعبہ تعلیم ذمہ دار، کانٹینٹ:رمضان رضا عطاری)

شعبہ تعلیم  دعوت اسلامی کے تحت دعا چوک آکلینڈ کوچنگ سینٹر نیو کراچی میں استقبالِ رمضان اجتماع کا انعقاد ہوا جس میں کم و بیش 60 اسٹوڈنٹس اور 5 ٹیچرز نے بھی شرکت کی۔

اس موقع پر مبلغ دعوت اسلامی نے اسٹوڈنٹس کے درمیان ”فضائل رمضان “ کے موضوع پر بیان کیا اور انہیں ماہِ رمضان المبارک کی حقیقی برکتیں پانے کے لئے فیضانِ مدینہ میں اعتکاف کرنے کا ذہن دیا جس پر انہوں نے اچھے خیالات کا اظہار کیا۔(کانٹینٹ:رمضان رضا عطاری)

شعبہ  تعلیم دعوت اسلامی کے تحت مدنی مرکز فیضان مدینہ آفندی ٹاؤن حیدرآباد میں 28،27 جنوری 2024ء کو 2دن پر مشتمل ٹریننگ سیشن ہوا جس میں حیدرآباد، نواب شاہ اور میرپورخاص سے تقریباً 39 اسلامی بھائی شریک ہوئے۔

یہ پروگرام 6 سیشن پر مشتمل کیا گیا تھا جس کی تفصیل درج ذیل ہے:

1)پہلے سیشن میں شعبہ تعلیم سندھ ذمہ دار جنید نے شعبہ تعلیم کا تعارف پیش کیا او ر دعوت اسلامی کا تنظیمی ڈھانچہ بتایا ۔

2) دوسرے سیشن میں رکن شوری عبد الوہاب عطاری نے” معلم کورس کو کیسا ہونا چاہیئے“ اس سے متعلق رہنمائی کی ۔

3)تیسرے سیشن میں اسلامی بھائیوں نے مدنی مذاکرے میں نگران سندھ و رکن شوری حاجی قاری ایاز عطاری ، رکن شوریٰ حاجی فاروق جیلانی عطاری اور رکن شوری عبدالوہاب عطاری کے ہمراہ شرکت کی ۔

4)چوتھے سیشن میں شعبہ تعلیم کی اہمیت و افادیت ،موٹیویشن اور JD,s کے حوالے سے جنید عطاری نے آگاہی دی۔

5) پانچویں سیشن میں رکن شوری عبدالوہاب عطاری نے ”ٹیم بلڈنگ“ کے عنوان سے تربیت کی ۔

6) چھٹے سیشن میں صوبائی ذمہ دار جنید عطاری نے ”ٹیچرز فورم “کے حوالے سے معلومات دیں۔(کانٹینٹ:رمضان رضا عطاری مدنی )

دعوتِ اسلامی کے شعبہ تعلیم کے تحت بہاولپور سٹی میں 7 دن پر  مشتمل رہائشی نماز کورس ہوا جس میں اسلامیہ یونیورسٹی بہاولپور، چولستان یونیورسٹی آف ویٹرنری اینڈ سائنسز بہاولپور کے اسٹوڈنٹس نے شرکت کی۔

اختتامی نشست میں ڈویژن ذمہ دار شعبہ تعلیم احمد رضا عطاری نے اسٹوڈنٹس کو یونیورسٹی میں12 دینی کاموں کو کرنے کے حوالے سے ذہن دیا جس پر انہوں نے اچھے جذبات کا اظہار کیا۔آخر میں شرکائے کورس کو تحائف بھی دیئے ۔(کانٹینٹ:رمضا ن رضا عطاری مدنی )

شعبہ تعلیم دعوت اسلامی کے تحت  4 تا 15 جنوری 2024ء کو لاہور میں 12 دن پرمشتمل اصلاح اعمال کو رس ہواجس میں اپردیر،چترال،بونیر، گلگت ،استور،سکردو اور دیامر سے ٹیچرز اوریونیورسٹی اسٹوڈنٹس نے شرکت کی ۔

اس کورس میں مبلغین دعوت اسلامی نے شرکا کو نماز کے شرائط و فرائض یاد کروائے نیز دارالافتاء اہل سنت دعوت اسلامی کے مفتیانِ کرام کے ساتھ سیشنز ہوئے جس میں شرکا کو روز مرہ زندگی کے تعلق سے فرض علوم سکھائے اور شرکائے کو رس کو ہفتہ وار اجتماع میں شرکت کرنے اور مدنی مذاکرہ دیکھنے کا ذہن دیا گیا ۔

علاوہ ازیں ٹیچرز اوریونیورسٹی اسٹوڈنٹس کو دعوت اسلامی کے مدارس المدینہ و جامعۃ المدینہ بوائز سمیت مختلف شعبہ جات کا وزٹ کروایا گیا۔(رپورٹ: محمد اظہر سعید عطاری شعبہ تعلیم خیبرپختونخوا، کانٹینٹ:رمضان رضا عطاری مدنی )