جشنِ میلاد النبی صلَّی اللہ علیہ واٰلہٖ وسلَّم کی مناسبت سے عاشقانِ رسول کی دینی تحریک دعوتِ اسلامی کے زیرِ اہتمام وقتاً فوقتاً پاکستان بھر کے مختلف سرکاری اور پرائیویٹ اداروں میں اجتماعِ میلاد منعقد کئے جارہے ہیں۔

اسی سلسلے میں گزشتہ روز لاہور، پنجاب میں دعوتِ اسلامی کے تحت انفارمیشن ٹیکنالوجی یونیورسٹی (ITU) میں اجتماعِ میلاد کا انعقاد کیا گیا جس میں وائس چانسلر، جسٹرار، ڈپٹی جسٹرار، کنٹرولر، پروفیسرز اور اسٹوڈنٹس کی کثیر تعداد شریک ہوئی۔

تلاوت و نعت سے اجتماعِ میلاد کا آغاز ہوا جس کے بعد دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے وہاں موجود اسلامی بھائیوں کو سیرتِ مصطفیٰ صلَّی اللہ علیہ واٰلہٖ وسلَّم کے بارے میں بتایا۔