8 اکتوبر بروز اتوار 2023ءکو تحصیل نکیال میں قائم  مدنی مرکز فیضانِ مدینہ میں مدنی مشورے کاانعقاد کیا گیا جس میں مقامی ذمہ داران نے شرکت کی۔

مدنی مشورے میں مولانا مہروز عطاری مدنی نے’’ علم دین کی برکات‘‘ کے موضوع پر بیان کیا اور نگرانِ تحصیل مشاورت کے ساتھ ذمہ داران کی ماہنامہ فیضانِ مدینہ کی بکنگ کروانے کے حوالے سے ذہن سازی کی اور انہیں ٹیلی تھون جمع کرنے کی ترغیب دلائی جس پر انہوں نے اچھے جذبات کا اظہار کیا۔

٭علاوہ ازیں زیرِ تعمیر جامعۃالمدینہ گرلز بنام فیضانِ آمنہ کا وزٹ کیا اور وہاں دعا کروائی۔بعد نماز عصر کوٹلی کے علاقے چھنی کی گلزارِ مدینہ مسجد میں محفل میلاد کا سلسلہ ہوا جس میں علاقے کے اسلامی بھائیوں نے شرکت کی اور مولانا مہروز عطاری مدنی ’’افضلیت مصطفیٰ صلَّی اللہ علیہ واٰلہٖ وسلَّم ‘‘ کے موضوع پر بیان کیا۔

٭بعد نمازِ عشا مولانا مہروز عطاری مدنی نے کوٹلی میں حضرت جمال شاہ و حضرت شیر شاہ علیہ الرحمہ کے مزارات پر حاضریاں دیں اور وہاں دعا کروائی۔مزید گلہار شریف میں بھی مزار پر حاضری دی اور انتظامیہ اور امام صاحب سے ملاقاتیں کرکے ا نہیں ماہنامہ فیضانِ مدینہ کا تعارف کروایا ۔(کانٹینٹ:رمضان رضا عطاری)

دنیا بھر میں  دینی کام کرنے والی عاشقانِ رسول کی دینی تحریک دعوت اسلامی کے زیرِ اہتمام ملتان بہاؤ الدین زکریا یونیورسٹی میںOne Day سیرت النبی صلَّی اللہ علیہ واٰلہٖ وسلَّم سیمینار کا انعقاد کیا گیا جس کا ٹاپک’’ عالمی امن،سماجی ذمہ داری اور ہمارا اسلام‘‘ تھا۔

اس سیمینار میں نگران شوریٰ مولانا حاجی محمد عمران عطاری مدظلہ العالی نے وڈیو لنک کے ذریعے یونیورسٹی فکلیٹی ممبرز اور اسٹوڈنٹس کے درمیان ’’عالمی امن،سماجی ذمہ داری اور ہمارا اسلام ‘‘ کے موضوع پر بیان فرمایا۔

بعدازاں رکنِ شوریٰ قاری محمد سلیم عطاری نے بھی’’ سیرت النبی صلَّی اللہ علیہ واٰلہٖ وسلَّم ‘‘کے موضوع پر بیان کیا جس میں اسٹوڈنٹس کو نیکی کی دعوت دیتے ہوئے دعوت اسلامی کے ہفتہ وار اجتماع میں آنے اور مدنی مذاکرہ دیکھنے کا ذہن دیا جس پر انہوں نے بھلے جذبات کا اظہار کیا۔آخر میں یونیورسٹی انتظامیہ کی طرف سے رکن شوری قاری محمد سلیم عطاری کو اعزازی شیلڈ بھی پیش کی گئی۔(کانٹینٹ:رمضان رضا عطاری)

عاشقانِ رسول کی دینی تحریک دعوت اسلامی کے زیرِ اہتمام مدنی  مرکز فیضان مدینہ حیدرآباد میں سیکھنے سکھانے کے حلقے کا انعقاد ہوا جس میں12 ماہ مدنی قافلے کے عاشقان رسول نے شرکت کی۔

رکن شوری حاجی محمد فاروق جیلانی عطاری نے تربیت فرمائی اور ٹیلی تھون جمع کرنے کے حوالے سے مدنی پھول بیان کئے جس پر اسلامی بھائیوں نے اچھی اچھی نیتیں کیں۔(کانٹینٹ:رمضان رضا عطاری)

8 اکتوبر 2023ء بروز اتوار مدنی مرکز فیضانِ مدینہ فیصل آباد میں عاشقانِ رسول کی دینی تحریک دعوتِ اسلامی کے تحت شعبہ تحفظِ اوراقِ مقدسہ کے ٹاؤن ذمہ دار اسلامی بھائیوں کا مدنی مشورہ ہوا۔

شعبے کے فیصل آباد ڈویژن ذمہ دار ڈاکٹر عدنان ساجد عطاری نے سابقہ دینی کاموں کی کارکردگی کا جائزہ لیا اور مزید بہتری لانے کے لئے ذمہ دار اسلامی بھائیوں کی ذہن سازی کی۔

ڈویژن ذمہ دار ڈاکٹر عدنان ساجد عطاری نے شرکا اسلامی بھائیوں کو دعوتِ اسلامی کے دینی و فلاحی کاموں کے لئے زیادہ سے زیادہ ڈونیشن جمع کرنے کا ہدف دیا جس پر ذمہ دار اسلامی بھائیوں نے اچھی اچھی نیتیں کیں۔(رپورٹ: اللہ دتہ عطاری فیصل آباد سٹی ذمہ دار، کانٹینٹ:غیاث الدین عطاری) 

لاہور سٹی کے ڈولفن ہیڈکوارٹر ٹاؤن شپ میں دعوت اسلامی کے تحت 7 اکتوبر 2023ء بروز ہفتہ اجتماعِ میلاد کا انعقاد کیا گیا جس میں ڈولفن پولیس اہلکار سمیت DSP اور دیگر افسران نے شرکت کی۔

اس اجتماعِ پاک میں شعبہ رابطہ برائے شخصیات لاہور کے ذمہ دار سیّد مقصود عطاری نے سنتوں بھرا بیان کیا جس میں انہوں نے میلادِ مصطفیٰ کے بارے میں چند واقعات بیان کئے۔

اس کے علاوہ ذمہ دار سیّد مقصود عطاری نے شرکا کو سنتیں و آداب بھی بتائے اور اسلامی تعلیمات کے مطابق اپنی زندگی گزارنے کا ذہن دیا۔

ملتان کے مدنی مرکز فیضانِ مدینہ میں 6 اکتوبر 2023ء بروز جمعہ ڈپٹی کمشنر ملتان کیپٹن (ر) رانا رضوان قدیر کی آمد ہوئی جہاں شعبہ رابطہ برائے شخصیات کے سٹی ذمہ دار حاجی محمد مسعود عطاری سمیت دیگرذمہ داران نے انہیں خوش آمدید کہا۔

معلومات کے مطابق ذمہ دار اسلامی بھائیوں نے ڈپٹی کمشنر کو مدنی مرکز فیضانِ مدینہ ملتان میں قائم فیضان آن لائن اکیڈمی بوائز سمیت دیگر شعبہ جات کا وزٹ کروایا۔

بعدازاں ڈپٹی کمشنر کیپٹن (ر) رانا رضوان قدیر کی نگرانِ ملتان سٹی حاجی محمد راشد عطاری سے ملاقات ہوئی جبکہ ذمہ دار اسلامی بھائیوں نے انہیں دعوتِ اسلامی کے تحت ہونے والے دینی و فلاحی کاموں کے حوالے سے بریفنگ دی جس کو ڈپٹی کمشنر نے خوب سراہا اور اپنی جانب سے ہر ممکنہ تعاون کی یقین دہانی کروائی۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

تحصیل نوشہرہ کے ریسکیو 1122 آفس میں حضور صلی اللہ علیہ و سلم کی ولادتِ باسعادت کے سلسلے میں 7 اکتوبر 2023ء بروز ہفتہ اجتماعِ میلاد کا انعقاد کیا گیا جس میں ریسکیو 1122 کے افسران اور اسٹاف سمیت دیگر عاشقانِ رسول نے شرکت کی۔

تلاوت و نعت کے بعد نوشہرہ کے رابطہ برائے شخصیات ذمہ دار محمد وسیم عطاری نے ”سیرتِ مصطفیٰ صلی اللہ علیہ و سلم “ کے موضوع پر سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت کی۔

لاہور غوث گارڈن فیز 4 میں شعبہ رابطہ برائے شخصیات دعوتِ اسلامی کے تحت 7 اکتوبر 2023ء بروز ہفتہ اجتماعِ میلاد کا انعقاد کیا گیا جس میں محمد شہباز اکاؤنٹس منیجر (آئی ٹی بیس انٹرنیشنل کمپنی)، محمد عمران (پروڈکشن پلاننگ منیجر ٹریٹ گروپ پیکجنگ یونٹ) اور محمد عاطف ( بزنس مین) سمیت دیگر اسلامی بھائیوں بشمول ذمہ داران نے شرکت کی۔

اس دوران شعبہ رابطہ برائے شخصیات پنجاب کے ذمہ دار محمد لیاقت عطاری نے شانِ مصطفیٰ اور میلاد کی اہمیت پر بیان کرتے ہوئے ڈیجیٹل دعوتِ اسلامی کا تعارف کروایااور آئی ٹی ڈیپارٹمنٹ دعوتِ اسلامی کی خدمات کے بارے میں بتایا۔

بعدازاں ذمہ دار محمد لیاقت عطاری نے مدنی مذاکرہ دیکھنے کا ذہن دیا ساتھ ہی ٹیلی تھون (عطیات مہم)کے متعلق چند اہم نکات پر مشاورت کی جس پر ذمہ دار اسلامی بھائیوں نے اپنی اپنی رائے پیش کی۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

6 اکتوبر 2023ء بروذ جمعہ تھانہ تحصیل بھکر میں  عاشقانِ رسول کی دینی تحریک دعوتِ اسلامی کے تحت جشنِ ولادت کے سلسلے میں اجتماعِ میلاد کا انعقاد کیا گیا جس میں SHO بھکر سٹی ملک عامر شہزاد اعوان اوردیگر اسٹاف و تفتیشی افسران شریک ہوئے۔

اس اجتماعِ پاک میں شعبہ ربطہ برائے شخصیات تحصیل و ڈسٹرکٹ بھکر کے ذمہ دار حاجی امین عطاری نےمیلاد النبی صلی اللہ علیہ و سلم کی مناسبت سے سنتوں بھرا بیان کیا اور شرکا کو سیرتِ مصطفیٰ صلی اللہ علیہ و سلم اپنانے کا ذہن دیا۔

دورانِ بیان مبلغِ دعوتِ اسلامی نے حاضرین کو دعوتِ اسلامی کے ہفتہ وار سنتوں بھرے اجتماع سمیت دیگر دینی کاموں میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

ضلع میانوالی، صوبۂ پنجاب پاکستان کی تحصیل پیلاں میں 6 اکتوبر 2023ء بروز جمعہ اجتماعِ میلاد النبی صلی اللہ علیہ و سلم کا انعقاد کیا گیا جس میں SHO تھانہ پپلاں فہیم اللہ خان موسیٰ خیل سمیت دیگر تفتیشی افسران اور اسٹاف نے شرکت کی۔

اجتماعِ پاک کے آغاز میں تلاوتِ کلامِ پاک کی گئی اور نعت خواں اسلامی بھائیوں نے حضور پُر نور حضرت محمد صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مبلغِ دعوتِ اسلامی و تحصیل پیلاں کے ذمہ دار سیّد اسد عطاری نے سنتوں بھرا بیان کیا اور وہاں موجود عاشقانِ رسول کودعوتِ اسلامی کے دینی و فلاحی کاموں میں عملی طور پر شمولیت اختیار کرنے کی ترغیب دلائی۔

بعدازاں مدرسۃ المدینہ بوائز کے بچوں نے قراٰن خوانی کی نیز مبلغِ دعوتِ اسلامی نے اختتامی دعا کروائی۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

میونسپل کمیٹی ہال، شجاع آباد میں 6 اکتوبر 2023ء بروز جمعہ جشنِ میلاد النبی صلی اللہ علیہ و سلم منانے کے لئے سنتوں بھرے اجتماع کا انعقاد کیا گیا جس میں اسسٹنٹ کمشنر ڈاکٹر فیاض انور جتالہ، چیف آفیسر میونسپل کمیٹی رؤوف عامر سمیت شہر بھر سے کئی سیاسی وسماجی شخصیات و افسران کی شرکت رہی۔

ابتداءً مبلغِ دعوتِ اسلامی نے تلاوتِ قراٰن ِ کریم کی اور نعت خواں حضرات نے نعتِ رسولِ مقبول صلی اللہ علیہ و سلم پڑھی جبکہ شعبہ رابطہ برائے شخصیات کے ڈسٹرکٹ ذمہ دار مولانا محمد عقیل عطاری مدنی نے سنتوں بھرا بیان کیا جس میں انہوں نے میلادِ مصطفیٰ صلی اللہ علیہ و سلم کی مناسبت سے چند واقعات بیان کئے۔

آخر میں ڈسٹرکٹ ذمہ دار نے شرکائے اجتماع کو دعوتِ اسلامی کے دینی و فلاحی کاموں میں اپنا حصہ ملانے کا ذہن دیا جس پر انہوں نے اچھی اچھی نیتیں کیں۔اس موقع پر شعبہ رابطہ برائے شخصیات ملتان ڈویژن کے ذمہ دار محمد فدا عطاری سمیت بیوروکریٹس کے دیگر افسران بھی موجود تھے۔(رپورٹ:شہزاد عطاری آفس ذمہ دار صوبہ پنجاب، کانٹینٹ:غیاث الدین عطاری)

حضور سرورِ کائنات صلی اللہ علیہ و سلم کا جشنِ ولادت منانے کے حوالے سے 6 اکتوبر 2023ء بروز جمعہ لاہور ڈسٹرکٹ کے تھانہ اسلام پورہ میں دعوتِ اسلامی کے تحت اجتماعِ میلاد کا انعقاد کیا گیا جس میں کم و بیش 40 شرکا بشمول پولیس اہلکار شریک تھے۔

اس اجتماعِ پاک میں شعبہ رابطہ برائے شخصیات لاہور ڈسٹرکٹ کے ذمہ دار محمد ندیم عطاری نے ”شانِ مصطفیٰ صلی اللہ علیہ و سلم “ کے موضوع پر سنتوں بھرا بیان کیااور شرکا کو پیارے آقا صلی اللہ علیہ و سلم کی شان و عظمت کے بارے میں بتایا۔