05نومبر 2022ء کو پنجاب کے شہر دنیا پورمیں دعوت اسلامی شعبہ رابطہ برائے شخصیات ملتان ڈویژن کےذمہ دارنے  ذمہ داران کےہمراہ ایس ۔ڈی۔ پی۔ او۔ دنیاپور اور سرکل DSP حاکم علی خان بلوچ سےملاقات کی ۔

اس اجتماع میں ذمہ دار اسلامی بھائی نے سیرت وتعلیماتِ غوثِ اعظم رحمۃ اللہ علیہ کےحوالےسےسیرحاصل گفتگوکی نیز مدنی مرکز فیضانِ مدینہ وزٹ کرنے کی دعوت پیش کی اور مکتبۃُ المدینہ کے کُتُب و رسائل انہیں تحفے میں پیش کیں۔(رپورٹ: شعبہ رابطہ برائے شخصیات لودہراں : محمد مصطفیٰ انیس) 

گزشتہ روز شعبہ رابطہ برائے شخصیات کے تحت سرگودھا پولیس ٹریننگ اسکول میں اجتماعِ میلاد کا انعقاد کیا گیا جس میں نگران سرگودھا ڈویژن ابو فاضل محمد عادل عطاری نے سنتوں بھرا بیان کیا ۔

اس اجتماع میں ڈی ایس پی سرگودھا مہر ناصر محمود خان، ڈی ایس پی لیگل PTS ملک اختر عباس کانجو و دیگر پولیس افسران، انڈر ٹریننگ آفیسرز ،انڈر ٹریننگ کانسٹیبلز اور آفس اسٹاف وغیرہ نے شرکت کی ۔(رپورٹ: کوآرڈینیشن ڈیپارٹمنٹ سرگودھا سٹی/سرگودھا ڈویژن ؛ کانٹینٹ: محمد مصطفیٰ انیس)

مرکزی مجلسِ شوریٰ کے رکن حاجی قاری محمد ایاز عطاری نے دیگر ذمہ داران کے ہمراہ نواب شاہ ڈویژن شیڈول کے دوران شہداد پور سٹی کا دورہ کیا۔

اس موقع پر رکنِ شوریٰ قاری محمد ایاز عطاری کی محمد راحیل اور محمد نعمان سے ملاقات ہوئی، رکنِ شوریٰ نے گفتگو کرتے ہوئے انہیں دعوتِ اسلامی کی دینی خدمات کے حوالے سے آگاہی دی جبکہ دعوتِ اسلامی کے تحت ہونے والے ٹیلی تھون میں زیادہ سے زیادہ تعاون کرنے کا ذہن دیا جس پر انہوں نے اچھی اچھی نیتوں کا اظہار کیا۔

بعدازاں رکنِ شوریٰ قاری محمد ایاز عطاری نے شخصیات کو امیرِ اہلِ سنت دامت بَرَکَاتُہمُ العالیہ کا رسالہ ”سب سے آخری نبی صلی اللہ علیہ و سلم“ تحفے میں دیا۔(کانٹینٹ:غیاث الدین عطاری)

پچھلے دنوں دعوتِ اسلامی کی دینی ایکٹیویٹیز کے حوالے سے مرکزی مجلسِ شوریٰ کے رکن حاجی قاری محمد ایاز عطاری نے دیگر ذمہ داران کے ہمراہ نواب شاہ ڈویژن شیڈول کے دوران شہداد پور سٹی کا دورہ کیا۔

اس دوران رکنِ شوریٰ قاری محمد ایاز عطاری کی ایک شخصیت محمد کامران عطاری سے اُن کےگھر میں ملاقات ہوئی، رکنِ شوریٰ نے گفتگو کرتے ہوئے انہیں دعوتِ اسلامی کی دینی خدمات کے حوالے سے آگاہی دی۔

مزید رکنِ شوریٰ نے شخصیت کو دعوتِ اسلامی کے تحت ہونے والے ٹیلی تھون میں زیادہ سے زیادہ تعاون کرنے کا ذہن دیا جس پر انہوں نے اچھی اچھی نیتیں کیں۔آخر میں رکنِ شوریٰ نے شخصیت کو امیرِ اہلِ سنت دامت بَرَکَاتُہمُ العالیہ کا رسالہ”سب سے آخری نبی صلی اللہ علیہ و سلم“ تحفے میں دیا۔(کانٹینٹ:غیاث الدین عطاری)

پچھلے دنوں دعوتِ اسلامی کی دینی ایکٹیویٹیز کے حوالے سے مرکزی مجلسِ شوریٰ کے رکن حاجی قاری محمد ایاز عطاری دیگر ذمہ داران کے ہمراہ نواب شاہ ڈویژن کے شیڈول پر تھے۔

اس دوران رکنِ شوریٰ قاری محمد ایاز عطاری نے شہداد پور سٹی میں ایک شخصیت ڈاکٹر عبد الستار ڈیتھا سے اُن کے آفس میں ملاقات کی اور انہیں دعوتِ اسلامی کی دینی خدمات کے بارے میں آگاہی دی۔

رکنِ شوریٰ نے شخصیت کو دعوتِ اسلامی کے تحت ہونے والے ٹیلی تھون میں زیادہ سے زیادہ تعاون کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

آخر میں رکنِ شوریٰ نے شخصیت کو امیرِ اہلِ سنت دامت بَرَکَاتُہمُ العالیہ کا رسالہ ”سب سے آخری نبی صلی اللہ علیہ و سلم“ اور ”فیضانِ قراٰن ڈیجیٹل پین“ تحفے میں دیا۔(کانٹینٹ:غیاث الدین عطاری)

03نومبر 2022ء کو شعبہ رابطہ برائے شخصیات ڈسٹرکٹ لاہور کے ذمہ داران کا مختلف شخصیات(ایم ۔این ۔اے ۔ملک کرامت کھوکھر ، اے ۔سی ۔ماڈل ٹاؤن کے ریڈر عقیل گجر ، اسسٹنٹ ڈائریکٹر ایل ۔ڈی ۔اے رائے محمود ، پی ۔سی ۔ایس ۔ آر ۔سی سوسائٹی کے صدر ملک مصطفی کھوکھر ، پراپرٹی ڈیلرز خرم صاحب اور محمد علی بٹ اور دیگر افسران ) سے ملاقاتوں کا شیڈول ہوا جس میں ذمہ داران نے اجتماعِ غوثیہ میں شرکت کرنے اور مدنی مرکز فیضانِ مدینہ وزٹ کرنے کی دعوت پیش کی اور دعوتِ اسلامی کے دینی و فلاحی کاموں پر بریفنگ دی ۔ ( رپورٹ: محمد کامران غازی بیورو کریسی ڈیپارٹمنٹ کارکردگی آفس شعبہ رابطہ برائے شخصیات لاہور ؛کانٹینٹ: محمد مصطفی انیس)

04نومبر 2022ء کو جامع مسجد فیضانِ عشقِ رسول سندرانہ ٹاؤن واربرٹن میں  محفل نعت کا انعقاد کیاگیا جس میں دعوتِ اسلامی کے ذمہ داران ، جامعۃ ُالمدینہ امینیہ رضویہ کے اساتذہ ٔکرام ، امیر سنی علماء کونسل مولانا اشفاق احمد رضوی صاحب اور دیگر علمائے کرام نے شرکت کی ۔

مبلغِ دعوتِ اسلامی حاجی نصر اقبال عطاری نے شرکا کو دعوتِ اسلامی واربرٹن کی پچھلے ایک سال کی کارکردگی سے آگاہ کیا ، شرکا کو دعوتِ اسلامی کے ساتھ بھرپور تعاون کرنے اور معاشرے میں اچھے ماحول کی افزائش کے لئے اپنا کردار ادا کرنے کا ذہن دیا ۔

اس کے علاوہ محفلِ پاک میں ایس ایچ او تھانہ واربرٹن افتخار احمد جوئیہ ، سینئر صحافی و ڈسٹرکٹ رپورٹر سماء نیوز عثمان سندرانہ ، چوہدری ثقلین جٹ ، ڈسٹرکٹ رپورٹر پبلک نیوز و صدر سٹی پریس کلب واربرٹن چوہدری عبد الغفار نے بھی محفلِ نعت میں شرکت کی ۔( کانٹینٹ: محمد مصطفی انیس) 

04نومبر 2022ء کولاہور ڈویژن شعبہ رابطہ برائے شخصیات کے ذمہ دار عظیم عطاری کی فیضانِ مدینہ ننکانہ آمد ہوئی جہاں نمازِ جمعہ ادا کرنے  کے بعد فیضانِ مدینہ شاہکوٹ ذمہ داران سے مدنی مشورہ کے لئے پہنچے ، جس میں سانگلہ ہل شعبہ رابطہ برائے شخصیات کے ذمہ داران نے شرکت کی ۔

مبلغِ دعوتِ اسلامی عظیم عطاری نے دعوتِ اسلامی کے 12 دینی کاموں کا جائزہ لیا اور دینی کاموں میں مزید بہتری کے مدنی پھول دیئے۔( رپورٹ: رانا ساجد عطاری ڈسٹرکٹ ننکانہ ؛کانٹینٹ: محمد مصطفی انیس) 

03اور04 نومبر 2022ء کو سندھ سیکریٹریٹ میں ذمہ دارانِ دعوت اسلامی کے وفد نے دورہ کیا  جہاں مختلف سیاسی و سماجی شخصیات سے ملاقات ہو ئی ان میں :

محمد وسیم(چیئرمین سندھ پبلک سروس کمیشن)، طفیل احمد پلیجو(ا سپیشل سیکریٹری، محکمہ لوکل گورنمنٹ)، نواز سوہو(اسپیشل سیکریٹری، محکمہ صحت)، ڈاکٹر لیاقت علی بھٹی(ایڈیشنل سیکریٹری (ایڈمن) محکمہ صحت)، مولا بخش شیخ(ایڈیشنل سیکرٹری جنرل)اور دیگر افسران شامل تھے۔

ذمہ داران نے افسران کو دعوتِ اسلامی کاتعارف کروایا بالخصوص چیئر مین محمد وسیم کو شعبہ جات کا تعارف پیش کیا نیز ماہنامہ فیضانِ مدینہ تحفے میں پیش کرتے ہوئے مدنی مرکز فیضان مدینہ وزٹ کی دعوت پیش کی۔ (رپورٹ: شعبہ رابطہ برائے شخصیات کراچی؛ کانٹینٹ: محمد مصطفی انیس)

پچھلے  دنوں دعوتِ اسلامی کے شعبہ رابطہ برائے شخصیات کے ذمہ داران نے مانیٹرنگ ٹیم انچارج سی ٹی ڈی ندیم نذیر اور سیکیورٹی انچارج محمد گل زیب سے ملاقات کی ۔

اس موقع پر ذمہ دار اسلامی بھائی نے نیکی کی دعوت پیش کرتے ہوئے ڈی آئی سی میں پولیس افسران میں دینی کام کرنے اور اس محکمہ سے وابستہ افراد کے لئے تربیتی سیشن رکھنے پر گفتگو کی جس پر ندیم نذیر نے تعاون کرنے کی اچھی اچھی نیتوں کا اظہار کیا۔( رپورٹ: کوآرڈینیشن ڈیپارٹمنٹ میٹرو پولیٹن و ڈویژن فیصل آباد، کانٹینٹ:رمضان رضا عطاری)

گزشتہ روز شعبہ رابطہ برائے شخصیات کے ذمہ دار نے سیالکوٹ میں ڈی پی او فیصل کامران ،ڈی ایس پی لیگل رانا شہباز،ڈی ایس پی ٹریفک قیصر امین بٹ اور اکاؤنٹ آفیسر ڈسٹرکٹ نوید انجم سے ملاقات کی۔

دوران ملاقات ذمہ دار اسلامی بھائی نے شخصیات کو ملک و بیرونِ ملک میں ہونے والی دعوتِ اسلامی کی دینی، سماجی اور فلاحی خدمات کے بارے میں بتایا اور انہیں ہفتہ وار سنتوں بھرے اجتماع میں شرکت کی دعوت دی نیز ٹیلی تھون مہم میں حصہ لینے کا ذہن دیا جس پر انہوں نے خدماتِ دعوتِ اسلامی کو سراہتے ہوئے اچھے جذبات کا ا ظہار کیا۔( رپورٹ: شعبہ رابطہ برائے شخصیات عطاری مجلس کراچی ، کانٹینٹ:رمضان رضا عطاری)

3 نومبر2022 ءبروز جمعرات جشنِ ولادت کے سلسلے میں سندھ سیکریٹریٹ، لوکل گورنمنٹ بورڈ میں اجتماعِ میلاد منعقد کیا گیا جس میں ڈائریکٹر جواد شاہ، ڈائریکٹر ماجد رضا غوری اور دیگر افسران و اسٹاف نے شرکت کی۔

تلاوتِ قرآنِ پاک و نعتِ رسولِ مقبول سے اجتماع کی ابتداء ہوئی۔ بعدازاں مبلغِ دعوتِ اسلامی نے سنتوں بھرا بیان کیا اور حاضرین کو اپنی زندگی کے شب و روز اطاعتِ مصطفی میں گزارنے کا ذہن دیا ۔ آخر میں اِن کو فیضانِ مدینہ وزٹ کی دعوت پیش کی۔( رپورٹ: شعبہ رابطہ برائے شخصیات عطاری مجلس کراچی ، کانٹینٹ:رمضان رضا عطاری)