رسولپور تارڑ  میں سابق سینئر ممبر بورڈ آف ریونیو چوہدری بابر حیات تارڑ کے ڈیرے میں ان کے والد کی برسی پر ایصال ِثواب اجتماع کا انعقاد ہوا جس میں دعوتِ اسلامی کی مرکزی مجلسِ شوریٰ کے رکن حاجی اظہر عطاری نے سنتوں بھرا بیان فرمایا ۔

دورانِ بیان رکنِ شوریٰ نے فکرِ آخرت کا ذہن دیتے ہوئے شرکائے اجتماع کی دینی و اخلاقی اعتبار سے تربیت کی نیز انہیں نماز کی پابندی کرنے اور سنتِ مصطفی صلَّی اللہ علیہ واٰلہٖ وسلَّم کے آئینہ میں اپنی زندگی گزارنے کا ذہن دیا۔

ایصال ِثواب اجتماع میں مختلف سیاسی و سماجی شخصیات سمیت مدرسۃُ المدینہ کے بچوں نے بھی شرکت کی۔بعد میں رکنِ شوریٰ حاجی اظہر عطاری نے بابر حیات سے ملاقات کی جس میں انہیں عالمی مدنی مرکز فیضان مدینہ وزٹ کی دعوت دی جو کہ انہوں نے قبول کی اور جلد وزٹ کرنے کی اچھی اچھی نیت کا اظہار کیا۔ (رپورٹ:شعبہ رابطہ برائے شخصیات ڈسٹرکٹ حافظ آباد ، کانٹینٹ: رمضان رضا عطاری)

دعوتِ اسلامی کے شعبہ ڈسٹرکٹ لاہور  کے ذمہ داران کی دعوت پر چیئرمین آل پاکستان ٹرانسپورٹ اختر نیازی نے مدنی مرکز فیضانِ مدینہ جوہر ٹاؤن لاہور کا دورہ کیا۔

اس موقع پر ذمہ داران نے انہیں مدنی مرکز فیضانِ مدینہ جوہر ٹاؤن میں قائم شعبہ جات کا دورہ کروایا اور وہاں ہونے والے دینی کاموں کے بارے میں معلومات فراہم کی۔ بعدازاں چیئرمین آل پاکستان ٹرانسپورٹ اختر نیازی کی مرکزی مجلسِ شوریٰ کے رکن حاجی یعفور رضا عطاری سے ملاقات کروائی ۔

رکنِ شوریٰ نے اختر نیازی کو عالمی سطح ہر ہونے والی دعوتِ اسلامی کی دینی، فلاحی اور روحانی خدمات کے حوالے سے بریفنگ دی جس پر انہوں نے خدمات دعوتِ اسلامی کو سراہتے ہوئے نیک خیالات کا اظہار کیا۔

٭اس کے علاوہ شعبہ رابطہ برائے شخصیات لاہور کے ذمہ داران نے واسا ٹاؤن شپ میں SDO شکیل خان سے کی عیادت کی اور دورانِ گفتگو انہیں مدنی مرکز فیضانِ مدینہ جوہر ٹاؤن وزٹ کرنے کی دعوت دی ۔

٭اسی طرح شعبہ رابطہ برائے شخصیات لاہور کے ذمہ داران نے دعوتِ اسلامی کی طرف سے MNA علی پرویز ملک سے ملاقات کی ۔ اس موقع پر ذمہ داران نے علی پرویز ملک کو ملک و بیرون ملک میں ہونے والی خدمات ِدعوت ِاسلامی کے متعلق بتایا اور انہیں فیضان ِمدینہ جوہر ٹاؤن آنے کی دعوت دیتے ہوئے انہیں مکتبۃ ُالمدینہ کے اصلاحی رسائل تحفے میں دئیے۔(رپورٹ: شعبہ رابطہ برائےشخصیات لاہور ڈویژن، کانٹینٹ: رمضان رضا عطاری)

پچھلے دنوں شعبہ رابطہ برائے شخصیات دعوتِ اسلامی   کے ذمہ دار اسلامی بھائیوں نے گوجرانوالہ میں کمشنر غلام فرید،ڈپٹی کمشنر جنرل شبیر بٹ،ڈپٹی کمشنر ریونیو فیصل ،ڈائیریکٹر پلانگ ذیشان سے ملاقات کی۔

دورانِ ملاقات ذمہ داران نے شخصیات کو دعوتِ اسلامی کا تعارف کروایا اور انہیں نیکی کی دعوت پیش کرتے ہوئے دینی کاموں میں حصہ لینے اور مدنی قافلے میں سفر کرنے کی دعوت دی۔ (رپورٹ: شعبہ رابطہ برائے شخصیات گوجرانوالہ ڈویژن، کانٹینٹ: رمضان رضا عطاری)

عاشقانِ رسول کی دینی تحریک دعوتِ اسلامی کے زیرِ اہتمام مورخہ 28 نومبر2022 ء بروز پیر اقبال ٹاؤن ڈسٹرکٹ لاہور میں شعبہ رابطہ برائے شخصیات کے ذمہ دار خواجہ سلیم عطاری اور کامران عطاری نے سابقہ IT منسٹر پنجاب فاروق احمد گھرکی سے ملاقات کی۔

دورانِ ملاقات ذمہ داران نے انہیں دعوتِ اسلامی کے دینی و فلاحی کاموں کا تعارف کرایا اور ہفتہ وار سنتوں بھرے اجتماع میں شرکت کرنے نیز دینی کاموں میں حصہ لینے کاذہن دیا ۔

اس کے علاوہ انہیں فیضانِ مدینہ جوہر ٹاؤن جمعہ کی ادائیگی کی دعوت دی جواُنہوں نے قبول کی۔آخر میں انہیں تحفے میں مکتبۃُ المدینہ کی شائعہ کردہ کتاب عجائبُ القرآن پیش کی۔ (رپورٹ: سید مقصود شاہ عطاری شعبہ رابطہ برائے شخصیات ، کانٹینٹ: رمضان رضا عطاری)

دعوتِ اسلامی کے تحت 29 نومبر 2022ء بروز منگل لاہور کے علاقے گلشن راوی میں شخصیات اجتماع کا انعقاد کیا گیا جس میں شخصیات اور ذمہ داران سمیت کثیر اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے ”اپنی اصلاح“ کے موضوع پر سنتوں بھرا بیان کرتے ہوئے شرکا کو ایک ماہ کے مدنی قافلے میں سفر کرنے کا ذہن دیا۔

اس کے علاوہ رکنِ شوریٰ نے دورانِ بیان دعوتِ اسلامی کے جملہ اخراجات کے لئے ٹیلی تھون جمع کروانے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

صوبۂ بلوچستان کے شہر سبی میں واقع بخاری پارک میں دعوتِ اسلامی کے تحت یکم دسمبر 2022ء بروز جمعرات ہونے والے ہفتہ وار سنتوں بھرے اجتماع کی تیاریوں کے حوالے سے ذمہ داران نے مختلف قبائلی، سیاسی و سماجی شخصیات اور افسران سے ملاقات کی جن میں ایس ڈی او کیسکو سبی علی بخش بگٹی، سابق وزیر اعلیٰ بلوچستان کے بھائی قبائلی رہنما نوابزادہ محمد بارو خان باروزئی، معروف سینئر قانون دان قبائلی رہنما میر اختیار خان بنگلزئی، قبائلی سیاسی و سماجی شخصیت میر اللہ داد جتوئی، صدر انجمن تاجران قبائلی رہنما حاجی محمد طارق بنگلزئی، آر او آفس کیسکو کے افسران مرید خان بنگلزئی، برکت علی ڈومکی، سینئر صحافی قبائلی رہنما رئیس یوسف ہانبھی اور شہزاد لغاری شامل تھے۔

ذمہ دار اسلامی بھائیوں نے شخصیات سے گفتگو کرتے ہوئے انہیں دعوتِ اسلامی کے ہفتہ وار سنتوں بھرے اجتماع سمیت دیگر دینی کاموں میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

پچھلے دنوں ڈی پی او میانوالی محمد نوید قریشی نے دیگر افسران کے ہمراہ  عاشقانِ رسول کی دینی تحریک دعوتِ اسلامی کے مدنی مرکز فیضانِ مدینہ میانوالی میں حاضری دی۔

اس موقع پر ذمہ دار اسلامی بھائیوں نے ڈی پی او کے ساتھ میٹنگ کی جس میں انہوں نے مختلف اہم امور پر کلام کیا نیز ذمہ داران نے انہیں دعوتِ اسلامی کے دینی و فلاحی کاموں کے حوالے سے پریزنٹیشن دکھائی جس پر انہوں نے امیرِ اہلِ سنت دامت بَرَکَاتُہمُ العالیہ اور دعوتِ اسلامی کی کاوشوں کو سراہا اور اپنی نیک خواہشات کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

گزشتہ روزشعبہ رابطہ برائے شخصیات دعوتِ اسلامی کے وفد نے دینی کاموں کے سلسلے میں ڈسٹرکٹ ایبٹ آباد کا دورہ کیا جہاں انہوں نے سردار سلیم آف پولیس اکاؤنٹنٹ سے ملاقات کی۔

اس دوران وفد میں موجود ڈسٹرکٹ نگران رمضان عطاری نے سردار سلیم کو دعوتِ اسلامی کے مختلف شعبہ جات بالخصوص شعبہ FGRF کا تعارف کرواتے ہوئے انہیں ان شعبہ جات کے ذریعے دنیا بھر میں ہونے والی دینی و فلاحی خدمات سے آگاہ کیا۔

بعدازاں وفدمیں موجود ذمہ داران نے سردار سلیم کو مکتبۃالمدینہ کے کُتُب و رسائل تحفے میں دیئے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں دعوتِ اسلامی کے وفد نے دینی کاموں کے سلسلے میں ڈسٹرکٹ ایبٹ آباد کا دورہ کیا جہاں انہوں نے پی اے ٹو اے ڈی سی مظہر خان سے ملاقات کی۔

دورانِ ملاقات وفد میں موجود ڈسٹرکٹ نگران رمضان عطاری نے مظہر خان کو دعوتِ اسلامی کے مختلف شعبہ جات بالخصوص شعبہ FGRF کا تعارف کرواتے ہوئے انہیں ان شعبہ جات کے ذریعے دنیا بھر میں ہونے والے دینی و فلاحی کاموں کے بارے میں بریفنگ دی۔بعدازاں وفد کی جانب سے مظہر خان کو مکتبۃالمدینہ کے کُتُب و رسائل تحفے میں دیئےگئے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

عاشقانِ رسول کی کی دینی تحریک دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے ایس پی ٹریفک ایبٹ آباد اعجاز گوگا سے ملاقات کی۔

دورانِ ملاقات نگرانِ ڈسٹرکٹ رمضان عطاری نے ایس پی کو دعوتِ اسلامی کے مختلف شعبہ جات بالخصوص شعبہ FGRF کا تعارف کرواتے ہوئے انہیں ان شعبہ جات کے ذریعے دنیا بھر میں ہونے والے دینی و فلاحی کاموں کے بارے میں بریفنگ دی۔

آخر میں ذمہ داران نے ایس پی اعجاز گوگا کو مکتبۃالمدینہ کے کُتُب و رسائل تحفے میں دیئے۔(رپورٹ: شعبہ رابطہ برائے شخصیات، کانٹینٹ:غیاث الدین عطاری)

گزشتہ روز دعوتِ اسلامی کے شعبہ رابطہ برائے شخصیات کے تحت ذمہ دار اسلامی بھائیوں نے ڈی آئی جی آفس کوئٹہ کا وزٹ کیا جہاں انہوں نے ایس ایس پی سیکورٹی عبد الرزاق سے ملاقات کی۔

اس موقع پر نگرانِ کوئٹہ عرفان عطاری اور سیکورٹی ڈیپارٹمنٹ کے ذمہ دار محمد عامر عطاری نے ایس ایس پی سے مختلف امور پر کلام کرتے ہوئے رکنِ شوریٰ و نگرانِ پاکستان مشاورت حاجی محمد شاہد عطاری کی کوئٹہ آمد کے سلسلے میں اُن کی سیکورٹی پر تبادلۂ خیال کیا جس پر ایس ایس پی نے اپنی جانب سے ہر ممکنہ تعاون کی یقین دہانی کروائی۔

بعدازاں ذمہ دار اسلامی بھائیوں نے ڈی آئی جی کوئٹہ کے پی ایس، ریڈر اور اسٹاف کے دیگر افسران سے ملاقات کی۔(رپورٹ: شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں دعوتِ اسلامی کے شعبہ رابطہ برائے شخصیات کے تحت ذمہ دار اسلامی بھائیوں نے ڈسٹرکٹ ٹوبہ میں مختلف شخصیات سے ملاقات کی جن میں ڈپٹی کمشنر ٹوبہ محمد ارشد، سابق ضلعی ناظم میاں محمد اشفاق، ایم پی اے و ضلعی صدر پی ٹی آئی سعید احمد سعیدی اور صدر میرج ہال یونین ڈسٹرکٹ ٹوبہ چوھدری عاطف رندھاوا شامل تھے۔

معلومات کے مطابق اس دوران نگرانِ شعبہ ماہنامہ فیضانِ مدینہ مولانا مہروز عطاری مدنی اور ڈسٹرکٹ نگران قاری محمد عمر عطاری نے شخصیات سے چند اہم نکات پر تبادلۂ خیال کیا اور انہیں دعوتِ اسلامی کے مدنی مرکز فیضانِ مدینہ کا وزٹ کرنے کی دعوت دی۔اس موقع پر ذمہ دار اسلامی بھائیوں نے شخصیات کو ماہنامہ فیضانِ مدینہ کی بکنگ کا ذہن دیا جس پر انہوں نے ہاتھوں ہاتھ سالانہ بکنگ کروائی۔(رپورٹ: شعبہ رابطہ برائے شخصیات، کانٹینٹ:غیاث الدین عطاری)