دعائے امیر اہل سنت دَامَتْ بَرَکَاتُہُمُ الْعَالِیَہ حاصل کرنے لئے مجلس قافلہ دعوت اسلامی کے زیر اہتمام 20نومبر 2020ء کو کراچی کے مختلف علاقوں سے عاشقان رسول نے ایک ماہ کے مدنی قافلے میں سفر کیا۔

ناظم آباد کابینہ سے بھی کئی عاشقانِ رسول ایک مدنی قافلہ K.P.Kکابینہ کی جانب روانہ ہوا ۔ قافلے میں موجود شرکا نے کے پی کے پہنچ کر چوک درس اور علاقائی دورہ کےساتھ ساتھ عاشقان رسول کو فجر کی نماز کے لئے جگا رہے ہیں جبکہ علم دین سیکھنے سکھانے کے حلقوں کا اہتمام بھی کیا جارہا ہے۔

اس موقع پر نگران کابینہ کا کہنا تھا کہ مدنی قافلے کی برکت سے علاقے میں دینی کاموں میں اضافہ ہورہا ہے ۔ انہوں نے مزید کہا کہ مدنی قافلے دنیا بھر میں جہاں بھی سفر کرتے ہیں اَلْحَمْدُ لِلّٰہِ عَزَّ وَجَلَّ فائدہ ہی ہوتا ہے۔

دعوت اسلامی کی مجلس مدنی قافلہ کے زیر اہتمام 29 نومبر 2020ء کو عالمی مدنی مرکز فیضان مدینہ کراچی میں تربیتی سیشن ہوا جس میں کراچی اور حیدر آباد سے  12 ماہ کے مدنی قافلے میں سفر کرنے والے اسلامی بھائیوں نے شرکت کی۔

مرکزی مجلس شوریٰ کے رکن حاجی سید لقمان عطاری نے شرکا کی تربیت کی اور اسلامی بھائی کو دینی کاموں پر استقامت، نفلی عبادت کرنے اور اللہ کی رضا کو ہر دم پیش نظر رکھنے کی ترغیب دلائی۔(رپورٹ: محمد حارث عطاری، شعبہ مدنی قافلہ)

دعوت اسلامی کی مجلس مدنی قافلہ کے زیر اہتمام 27نومبر 2020ء کو صفورا چورنگی کراچی میں شخصیات کا مدنی حلقہ ہوا جس میں مختلف شعبوں سے تعلق رکھنے والی شخصیات نے شرکت کی۔

اراکین شوریٰ حاجی محمد امین عطاری اور حاجی امین قافلہ عطاری نے ”مال کی محبت کی مذمت“ کے موضوع پر سنتوں بھرا بیان کیا اور شرکا کو مدنی قافلے میں سفر کرنے اور ماہنامہ فیضان مدینہ پڑھنے کے ساتھ ساتھ سالانہ بکنگ کروانے کی ترغیب بھی دلائی۔ (رپورٹ: محمد حارث عطاری، شعبہ مدنی قافلہ)

آج بروز منگل  رسول نگر سے مجلس مدنی قافلہ دعوت اسلامی کے تحت 12 ماہ اور ایک ماہ کے مدنی قافلے سفر کررہے ہیں۔

روانگی سے قبل اسلامی بھائیوں کی تربیت کا سلسلہ ہوا جس میں مبلغ دعوت اسلامی نے جدول کی پابندی کرنے کی ترغیب دلائی اور مدنی قافلے سے متعلق امیر اہل سنت دَامَتْ بَرَکَاتُہُمُ الْعَالِیَہ کے مدنی پھول بیان کئے۔ (رپورٹ: محمد حارث عطاری، شعبہ مدنی قافلہ)

دعوت اسلامی کی مجلس مدنی قافلہ کے زیر اہتمام 6دسمبر 2020ء کو عالمی مدنی مرکز فیضان مدینہ کراچی میں مدنی قافلہ اجتماع ہوگا جس میں دنیا بھر سے مدنی قافلہ ذمہ داران شریک ہونگے۔

اس اجتماع میں مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی خصوصی بیان فرمائیں گے۔

واضح رہے کہ اس اجتماع میں مدنی قافلہ بیرون ملک کے ذمہ داران بذریعہ انٹرنیٹ شرکت کرینگے۔

پچھلے دنوں مجلس مدنی قافلہ دعوت اسلامی کے زیر اہتمام عالمی مدنی مرکزفیضان مدینہ کراچی میں تربیت کا سلسلہ ہوا جس میں مجلس مدنی قافلہ کے زون ذمہ داران نے شرکت کی۔

مرکزی مجلس شوریٰ کے رکن حاجی محمد امین عطاری نے شرکا کی تربیت کی اور ایک ماہ کے مدنی قافلے میں سفر کرنے کے حوالے سے مدنی پھول بیان کئے۔(رپورٹ: محمد حارث عطاری، شعبہ مدنی قافلہ )

مجلس مدنی قافلہ دعوت اسلامی کے زیر اہتمام 22 نومبر 2020ء کو ابراہیم حیدری کورنگی کابینہ میں ڈویژن نگران شیراز عطاری کے والد مرحوم کے چالیسواں کے سلسلے میں محفل نعت کا انعقاد کیا گیا جس میں مرحوم کے عزیز و اقارب اور دیگر عاشقان رسول نے شرکت کی۔

مرکزی مجلس شوریٰ کے رکن حاجی امین قافلہ عطاری نے سنتوں بھرا بیان کیا اور حاضرین کو اپنے مرحومین کے لئے زیادہ سے زیادہ ایصالِ ثواب کرنے کا ذہن دیا۔ محفل کے اختتام پر مرحوم کے لئے فاتحہ خوانی اور دعائے مغفرت کی گئی۔ (رپورٹ: محمد حارث عطاری، شعبہ مدنی قافلہ )

دعوت اسلامی کی مجلس مدنی قافلہ کے زیر اہتمام 22نومبر 2020ء کو گلزار ہجری کابینہ کراچی  میں محفل نعت کا انعقاد کیا گیا جس میں اہل علاقہ اور دعوت اسلامی کے ذمہ داران نے شرکت کی۔

مرکزی مجلس شوریٰ کے رکن حاجی امین قافلہ عطاری نے سنتوں بھرا بیان کیا اور شرکا کو رسول اللہ صلَّی اللہ علیہ واٰلہٖ وسلَّم اور غوث پاک رضی اللہ عنہ کی سیرت کے مطابق زندگی گزارنے کی ترغیب دلائی۔ رکن شوریٰ نے اجتماع میں شریک اسلامی بھائیوں کو 6 دسمبر 2020ء سے ایک ماہ کے مدنی قافلے میں سفر کرنے کی ترغیب دلائی۔

محفل نعت کے اختتام پراس سال جامعۃ المدینہ سے فارغ التحصیل ہونے والے مدنی اسلامی بھائیوں میں تحائف بھی دیئے گئے۔ (رپورٹ: محمد حارث عطاری، شعبہ مدنی قافلہ )

دعوت اسلامی کی مجلس مدنی قافلہ کے تحت 22 نومبر 2020ء کو رکن شوریٰ حاجی امین قافلہ عطاری نے کورنگی میں مدرسۃ المدینہ بالغان کے ذمہ دار محمد حسان عطاری سے رہائش گاہ جاکران کی عیادت کی اور جلد صحت یابی کے لئے دعائیں کرتے ہوئے انہیں صبر کرنے کی تلقین کی۔  (رپورٹ: محمد حارث عطاری، شعبہ مدنی قافلہ )

22نومبر2020ء کو رسول نگر وزیر آباد  کی جامع مسجد صوفیاں والی میں تین دن کے مدنی قافلے کا اختتام ہوا۔

اس موقع پر مدنی حلقے کا انعقاد کیا گیا جس میں مبلغ دعوت اسلامی محمد عرفان عطاری نے شرکا کو ہرماہ تین دن کے مدنی قافلے میں سفرکرنے کی ترغیب دلائی ۔مدنی حلقے میں کلام ”آہ مدنی قافلہ اب جارہا ہے لوٹ کر“ پڑھا گیا اور دعائیں کی گئیں۔

21نومبر2020ء کو مجلس مدنی قافلہ دارالسنہ پاکستان کے تحت بذریعہ انٹرنیٹ مدنی مشورہ ہوا۔

مدنی مشورے میں پاکستان کے تمام دارالسنہ میں مدرسۃ المدینہ بالغان لگانےکا ہدف دیا گیا اور ہر دارالسنہ سے 30 دن اور 3دن کا مدنی قافلہ تیار کرنے کاذہن دیا گیا۔ مدنی مشورے میں کچھ نہ کچھ وقت دینےوالوں کا ریکارڈ بنانے اور شرکا کی تعداد میں اضافہ کرنے کے ساتھ ساتھ دیگر مدنی پھولوں پر کلام ہوا۔

دعوت اسلامی کی مجلس مدنی قافلہ کے زیر اہتمام 18 نومبر 2020ء کو سیالکوٹ کالج روڈ میں مدرسۃ المدینہ کے بچوں کی تربیت کا سلسلہ ہوا۔

مبلغ دعوت اسلامی محمد عرفان عطاری نے شرکا کی تربیت کی اور انہیں اپنے سرپرستوں کے ساتھ مدنی قافلوں میں سفر کرنے کی ترغیب دلائی۔