کراچی(اسٹاف رپورٹر) دعوتِ اسلامی کے زیر اہتمام ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں 27فروری2020ء بروز جمعرات مغرب کی نماز کے بعد دنیا بھر میں ہفتہ وار اجتماعات منعقد کئے جائیں گے۔

تفصیلات کے مطابق عالمی مدنی مرکز فیضانِ مدینہ کراچی میں مبلغ دعوت اسلامی مولانا شفیق عطاری مدنی، کھارادر میمن مسجد بولٹن مارکیٹ میں رکن شوریٰ حاجی محمد علی عطاری، مدنی مرکز فیضانِ مدینہ پتوکی میں رکن شوریٰ حاجی محمد رفیع العطاری،کورنگی نمبر 4 رضائے مصطفیٰ مسجد میں ابو البنتین حاجی محمد حسان عطاری مدنی اور صحرائے مدینہ ٹول پلازہ میں رکن شوریٰ حاجی امین قافلہ عطاری سنتوں بھرے بیانات فرمائیں گے جبکہ مدنی مرکز فیضانِ مدینہ جی ٹی روڈ میں رکن شوریٰ حاجی محمد امین عطاری سنتوں بھرابیان فرمائیں گےجسے مدنی چینل پر پاکستانی وقت کے مطابق رات 8:00 بجے براہِ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔

اپنے قریبی ہفتہ وار سنتوں بھرے اجتماع کی لوکیشن جاننے کے لئے درج ذیل لِنک پر کلک کیجئے:

https://www.dawateislami.net/map/ijtema

23فروری 2020ء کو رکنِ شوریٰ حاجی محمد رفیع العطاری نے جامعۃ المدینہ جھنگ کا وزٹ کیا ۔ اس موقع پر طلبہ کرا م کے درمیان مدنی حلقے کا سلسلہ ہوا جس میں رکن شوریٰ نے سنتوں بھرا بیان کیا اور شرکا کی تربیت کرتے ہوئے مدنی کاموں کے حوالے سے مدنی پھول دیئے۔

دعوت اسلامی  کی مرکزی مجلس شوریٰ کے رکن حاجی محمد علی عطاری نے جامعۃ المدینہ میں ہونے والے تخصص فی الامامت کورس کے طلبہ کے ہمراہ 21 فروری 2020ء کو عالمی مدنی مرکز فیضانِ مدینہ کراچی سے ڈیفنس کراچی کی جانب قافلے میں سفر کیا۔ دورانِ قافلہ مدنی حلقے لگائے ، علاقائی دورہ ہوا اور شخصیات سے ملاقاتیں کیں جبکہ ڈیفنس میں مدنی کاموں کو بڑھانے کے لئے مشاورت کا سلسلہ بھی ہوا۔ 

22فروری 2020ء کو دعوت اسلامی کی مرکزی مجلس شوریٰ کے رکن  مولانا حاجی عبد الحبیب عطاری نے اپنے پنجاب کے دورے کے دوران مختلف شخصیات سے ملاقاتیں کیں اور انہیں دعوت اسلامی کےزیر نگرانی ہونے والے مدنی کاموں کے متعلق معلومات فراہم کیں اور مختلف امور پر تبادلہ خیال کیا۔

چند شخصیات کے نام یہ ہیں: ثوبان ظہیر بٹ (صدر گجرات چمبر آف کامرس اینڈ انڈسٹری)، محمود اختر (صدر گجرات پریس کلب)، ملک اسحاق اعوان (سابق سٹی ناظم مالک ڈیجیٹل فین گجرات)، محمد عثمان (سینئر نائب صدر گجرات چمبر آف کامرس اینڈ انڈسٹری)، ڈاکٹر حسن اسحاق اعوان (رجسٹرار میڈیسن ڈیپارٹمنٹ DHQ گجرات)

22فروری 2020ء کو  لیہ زون سٹی قاضی آباد میں مسجد فیضانِ مدینہ کا سنگ بنیاد رکھنے کا سلسلہ ہوا ۔ اس موقع پر سنتوں بھرے اجتماع کا انعقاد کیا گیا جس میں مقامی اسلامی بھائیوں نے شرکت کی۔رکنِ شوریٰ حاجی محمد رفیع العطاری نے سنتوں بھرابیان کیا اور شرکا کو تعمیرات کے حوالے سے مدنی پھول دیئے۔

22فروری 2020ء کو  رکنِ شوریٰ حاجی محمد رفیع العطاری نے جامعۃ المدینہ لیہ کا وزٹ کیا ۔ اس موقع پر انہوں نےجامعہ کے طلبہ کی تربیت فرمائی اور رمضان المبارک 1441ھ میں اعتکاف کرنے اور عشر جمع کرنے کی ترغیب دلائی۔ اس وقت جامعۃ المدینہ لیہ میں اولی ٰسے لے کر رابعہ تک کے درجات میں 80 طلبہ علمِ دین حاصل کررہے ہیں۔

22فروری2020ء بروز ہفتہ  بعد نماز عشاء حق باہو کار اسٹینڈ لاری اڈاشادیوال میں سنتوں بھرے اجتماع کا انعقاد کیا گیا جس میں شخصیات سمیت بڑی تعداد میں عاشقان رسول نے شرکت کی۔ رکنِ شوریٰ مولانا حاجی عبد الحبیب عطاری نے ” شادی میں کرنے والے کام“کے عنوان پر سنتوں بھرا بیان کیا ۔ بیان کے اختتام پر رکن شوریٰ نے شخصیات سے ملاقاتیں بھی کیں۔اس موقع پر رکنِ شوریٰ حاجی محمد اظہر عطاری بھی موجود تھے ۔ بیان کے بعد لائیومدنی مذاکرہ دیکھنے کا سلسلہ ہوا جس میں عاشقان رسول نے امیر اہل سنت دَامَتْ بَرَکَاتُہُمُ الْعَالِیَہ کے مدنی پھولوں سے فیض یاب ہوئے۔

پچھلے دنوں  لیہ نزد سبزی منڈی میں مسجد کا سنگ بنیاد رکھنے کا سلسلہ ہوا ۔ اس موقع پر سنتوں بھرے اجتماع کا انعقاد کیا گیا جس میں مقامی اسلامی بھائیوں نے شرکت کی۔رکنِ شوریٰ حاجی محمد رفیع العطاری نے سنتوں بھرابیان کیا اور شرکا کو تعمیرات کے حوالے سے مدنی پھول دیئے۔

پچھلے دنوں لیہ میں  محمد ساجد عطاری ایک حادثے میں زخمی ہوگئے تھے اور ان دنوں اسپتال میں زیر علاج ہیں۔ مرکزی مجلس شوریٰ کے رکن حاجی محمد رفیع العطاری نے اسپتال جاکر ان سے عیادت کی اور جلد صحت یانی کے لئے دعا کی۔

22فروری 2020ء کو  جامعۃ المدینہ ضلع بھکر میں رکنِ شوریٰ حاجی رفیع العطاری کی آمد ہوئی۔ اس موقع پر انہوں نےجامعہ کے عملے سےملاقات فرمائی اور طلبہ کو مدنی پھول دیتے ہوئے نئے داخلے کروانے، عشر جمع کرنے کا ذہن دیا۔ اس وقت جامعۃ المدینہ ضلع بھکر میں 85 طلبہ علمِ دین حاصل کررہے ہیں جبکہ جامعۃ المدینہ میں اولی ٰسے لے کر ثالثہ تک کے درجات موجود ہیں۔

دعوتِ اسلامی کی 26 رکنی مرکزی مجلس شوریٰ میں ایک اور رکن کا اضافہ کر دیا گیا۔ فیصل آباد کے حاجی محمد جنید عطاری مدنی کو شوریٰ کا رکن بنایا گیا ہے۔ شوریٰ میں رکنیت کا اعلان بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے 23 فرور ی کو ہونے والے براہِ راست مدنی مذاکرے میں کیا اور انہیں دعوتِ اسلامی کی مجلسِ شوریٰ کا رکن مقرر ہونے پر مبارکباد دیتے ہوئے اپنی خصوصی دعا سے نوازا۔ رکنِ شوریٰ حاجی جنید عطاری مدنی کو شوریٰ سطح پر ملک و بیرونِ ملک کے جامعات المدینہ للبنات اور جامعات المدینہ للبنین بیرون ملک کی ذمہ داری دی گئی ہے۔ مفتیِ دعوتِ اسلامی شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی آپ کے بچوں کے ماموں ہیں۔

رکنِ شوریٰ ابو ماجد حاجی محمد شاہد عطاری مدنی اور مجلس دعوتِ اسلامی کے شب و روز کے اراکین حاجی محمد جنید عطاری مدنی کو دعوتِ اسلامی کی مجلسِ شوریٰ کا رکن مقرر ہونے پر مبارکباد پیش کرتے ہیں اور دعاگو ہیں کہ اللہ پاک ان کے کام اور وقت میں مزید برکتیں پیدا فرمائے اور ہم سب کو مرکزی مجلس شوریٰ کی اطاعت کرنے کی توفیق عطا فرمائے۔ اٰمین۔