عاشقان رسول کی عالمگیر مدنی تحریک دعوت اسلامی روز اول سے ہی دین متین کو عام کرنے کےلئے کوشاں ہے اور اس کے ذمہ داران کی یہ کوشش رہتی ہے کہ دنیا کے کونے کونے میں مدنی مرکز  فیضان مدینہ قائم کئے جائیں تاکہ اس کے ذریعے زیادہ سے زیادہ وہاں کے رہائشیوں کے دلوں میں دین کی محبت کو پروان چڑھایا جاسکے۔

اسی سلسلے میں دعوت اسلامی کے تحت وہاڑی میں چھ کینال رقبہ پر ڈبل اسٹوری مدنی مرکز فیضان مدینہ کا سنگ بنیاد رکھ دیا گیا ہے جس کی تعمیر کے بعد عاشقان رسول پانچ وقت کی نماز وں کی ادائیگی کے ساتھ ساتھ قراٰن پاک کی تعلیم حاصل کرسکیں گے۔

دنیا بھر میں خدمت دین میں مصروف عاشقان رسول کی مدنی تحریک دعوت اسلامی کی مرکزی مجلس شوریٰ کے اراکین حاجی مولانا عبد الحبیب عطاری اور حاجی محمد علی عطاری نے بذریعہ ویڈیو لنک بنگلہ دیش مشاورت  کا مدنی مشورہ لیا ۔ اراکین شوریٰ نے انہیں 12 مدنی کاموں کو بڑھانے اور مدنی عطیات کے حوالے سے رہنمائی فرمائی۔

رکن شوریٰ حاجی  بلال رضا عطاری نے راولپنڈی میں قائم مدنی مرکز فیضان مدینہ سے بذریعہ ویڈیو لنک بیرون ملک کے ذمہ داران کی رہنمائی فرمائی۔ رکن شوریٰ نے موجودہ صورتحال میں مدنی کاموں کو آگے بڑھانےاور انفرادی کوششوں کے حوالے مدنی پھول دیئے۔

پنجاب کے شہر احمد پور شرقپور میں مجلس رابطہ کے ریجن ذمہ دار اور نگران کابینہ نے انچارج ریسکیو2 112 سے ملاقات کی اور انہیں نیکی کی دعوت پیش کرتے ہوئے  دعوت اسلامی ویلفیئرٹرسٹ اور بلڈ ڈونیشن کے حوالے سے بتایا۔ بعد میں مجلس رابطہ کے ذمہ داران نے ریسکیو آفس میں Distancing Social کے ساتھ مدنی حلقہ لگایا جس میں اسٹیشن انچارج اور دیگر عملے نے شرکت کی۔ذمہ دار اسلامی بھائی نے درس دیا اور انہیں مدنی ماحول سے وابستہ ہونے کا ذہن دیا۔

اسی طرح پنجاب کے ہی شہر ساہیوال میں بھی مجلس رابطہ کے ذمہ داران نے R.P.O آفس میں رانا افتخار (D.S.Pساہیوال) سے ملاقات کی اور انہیں دعوت اسلامی ویلفیئر ٹرسٹ کے تحت ہونے والے امدادی کاموں، تھیلیسیمیا اور دیگر امراض میں مبتلا مریضوں کے لئے دیگر شہروں میں لگائے جانے والے بلڈ کیمپس کے حوالے سے بتایاجس پر انہوں نے دعوت اسلامی کے اس کاوش کو خوب سراہا۔

پنجاب کے شہر بہاولپور خانقاہ شریف میں مجلس اسپیشل افراد کے تحت مدنی کاموں کا سلسلہ ہواجس میں ذمہ دار اسلامی بھائیوں نے حکومتی ایس او پیز او رDistancing Social پر عمل کرتے ہوئےمختلف دکانوں پر جاکر نیکی کی دعوت پیش کی۔اشاروں کی زبان میں درس کا سلسلہ ہوا اور دعوت اسلامی کے مدنی ماحول سے وابستہ ہونے کا ذہن دیا۔ ذمہ دار اسلامی بھائیوں نے اسپیشل افراد کو اشاروں کی زبان میں نماز کی پابندی کرنے، تلاوت قراٰن پاک پڑھنے اوروالدین اور اساتذہ کا ادب کرنے کے بارے میں بتایا۔

کراچی ساؤتھ سینٹرل زون مدنی انعامات کے اراکین کابینہ کا مدنی مشورہ ہوا جس میں شعبہ کی کارکردگی اور مدنی انعامات کو عام کرنے کے حوالے سے بات کرتے ہوئے رکن شوریٰ حاجی محمد علی عطاری نے رہنمائی فرمائی۔مدنی مشورے میں حکومتی ایس او پیز کا خیال رکھتے ہوئے 12 مدنی کاموں کے حوالے سے تجاویز پر غور کیا گیابالخصوص محاسبہ تحریک، تلاوت قراٰن پاک، درود پاک پڑھنا، گھر درس،آن لائن مدنی حلقہ، مطالعہ کرنے اور نفل  روزوں کی تحریک کے حوالے سے ترغیب دلائی گئی۔رکن شوریٰ نے اسلامی بھائیوں کو انفرادی طور پر مدنی کاموں کو بڑھانے کے حوالے سے ذہن بھی دیا۔

پچھلے دنوں کراچی تیز آندھی اور بارش کا سلسلہ ہوا جس کے بارے میں پروگرام ”دلوں کی راحت“ میں  گفتگو کرتے ہوئے امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے تیز آندھی وقت مکی مدنی سرکار صلَّی اللہ علیہ واٰلہٖ وسلَّم کا کیا انداز ہوتا تھا یہ بتایا۔

اسی آندھی کے دوران سرجانی ٹاؤن بھینس کالونی کے کئی باڑوں میں آگ گئی جن میں درجنوں جانور جھلس کر ہلاک ہوگئے جبکہ ایک مسجد بھی شہید ہوگئی۔ اطلاع ملنے پر امیر اہل سنت دَامَتْ بَرَکَاتُہُمُ الْعَالِیَہ نے مالکان کو صبر کرنے کی تلقین کی اور بارگاہِ رب العزت میں انہیں نقصان کا نعم البدل عطا کرنے اور صبر کرنے پر اجر عظیم عطا کرنے کے بارے میں دعائیں کیں۔

مجھے اپنی اور ساری دنیا کے لوگوں کی اصلاح کی کوشش کرنی ہے کہ جذبے کے تحت  سنتوں کو عام کرنے والی مدنی تحریک دعوت اسلامی کے مبلغین ملک و بیرون ملک مدنی کاموں کی دھومیں مچارہے ہیں۔ ان مدنی کاموں کو مزید بہترسے بہتر انداز میں سرانجام دینے کےلئے وقتا فوقتا مدنی مشوروں کا سلسلہ بھی رہتا ہے۔ اسی حوالے سےگزشتہ روزبذریعہ انٹرنیٹ ہالینڈ، کوریا، موزمبیق، ساؤتھ افریقہ، ترکی، نیپال، ملائیشیا، ماپوتو، بلیجئیم، بنگلہ دیش، سری لنکا سمیت 53ممالک کے ذمہ داران کا مدنی مشورہ ہوا جس میں ریجن نگران ، مشاورتوں کے ذمہ داران سمیت 5ہزارسے زائداسلامی بھائی شریک ہوئے۔مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے اوورسیز ذمہ داران سنتوں بھرا بیان کیا اور لاک ڈاؤن میں وقت گزارنے کے حوالے سے مدنی پھول دیئے۔

ضیاء الدین یونیورسٹی کے ایجوکیشن بورڈ کے ایگزیکٹو ڈائریکٹر اور عصری علوم کے ماہر پروفیسر انوار احمد زئی  31 مئی 2020ء کو رضائے الٰہی سے انتقال کرگئے تھے۔ دعوت اسلامی کی مجلس شعبہ تعلیم کے ذمہ داران نے مرحوم کے گھر جاکر ان کے صاحبزادے عزیز احمد زئی،چھوٹے بھائی مسرور احمدزئی اور دیگر اہل خانہ سے ملاقات کی اور تعزیت کرتے ہوئے مرحوم کے ایصال ثواب کےلئے دعا بھی کی۔ ذمہ دار اسلامی بھائی نے سوگواروں کو مرحوم کے ثواب جاریہ کے حوالے سے مدنی پھول دئیے اور انہیں دعوت اسلامی کے مدنی ماحول سے وابستہ ہونے کا ذہن بھی دیا۔

دعوت اسلامی کی مرکزی مجلس شوریٰ کے رکن حاجی محمد امین عطاری ٹھٹھہ پہنچے جہاں انہوں نے ٹھٹھہ کے نگران کابینہ عابدعطاری مرحوم کے گھر جاکر ان کے بھائیوں،بچوں اور دیگر اہل خانہ  سے تعزیت کی اور مرحوم کے ایصال ثواب کےلئے دعائے مغفرت کی۔ رکن شوریٰ نے اہل خانہ کو مرحوم کے ایصال ثواب کےلئے مدنی کاموں میں شرکت کرنے کا ذہن دیا جبکہ حاجی محمد امین عطاری نے مرحوم عابدعطاری کی قبرپر جاکر فاتحہ خوانی بھی کی۔

بعد ازاں رکنِ شوریٰ کراچی کے علاقے گلشن حدید پہنچے جہاں انہوں نے مقامی شخصیت صابربھائی کے گھر جاکر ان سے ملاقات کی اور ان کی والدہ کے انتقال پر تعزیت کرتے ہوئےمرحومہ کے لئے دعائے مغفرت کی۔

رکن شوریٰ نے گلشن حدید میں زیر تعمیر مسجد فیضان فاروق اعظم کا دورہ بھی کیا اور وہاں جاری تعمیراتی کاموں کا جائزہ لیتے ہوئے ذمہ داران کی تعمیرات کے حوالے سے رہنمائی بھی فرمائی۔

دعوت اسلامی کےزیر اہتمام تھیلیسیمیا اور دیگر مریضوں کے لئے پاکستان کے مختلف شہروں میں وقتاً فوقتاً بلڈ کیمپ کا انعقاد کیا جارہا ہےجس میں عاشقانِ رسول اپنے خون کے عطیات جمع کراتے ہیں۔ اسی سلسلے میں کراچی کے علاقے کورنگی نمبر ایک اور ڈھائی پر بھی بلڈ کیمپس لگائے گئے جہاں علاقہ مکینوں اور اطراف کے اسلامی بھائیوں نے تھیلیمیسیا اور دیگر امراض میں مبتلا مریضوں کے لئے خون کے عطیات جمع کرائے۔ خون کے عطیات جمع کرانے والے عاشقان رسول نے دعوت اسلامی کی اس  کاوش کو خوب سراہا اور مدنی چینل کو اپنے تاثرات دیئے۔

واضح رہے کہ 25مارچ 2020کو لاک ڈاؤن کے بعد امیر اہل سنت دَامَتْ بَرَکَاتُہُمُ الْعَالِیَہ اور مجلس شوریٰ کی جانب سے ملک بھر میں تھیلیمیسیا اور دیگر امراض میں مبتلا مریضوں کو خون کے عطیات دینے کا اعلان کیاگیا جس کے بعد بڑے پیمانے پر بلڈ کیمپس لگائے گئے اور خون کی کمی کو پورا کرنے کی کوشش کی گئی۔ تاہم وقتاً فوقتاً دعوت اسلامی کے تحت ملک کے مختلف شہروں میں یہ بلڈکیمپ لگائے جارہے ہیں اور تھیلیسیمیا اور دیگر امراض کے مریضوں میں خون کی کمی کو پورا کیاجارہاہے۔

4جون 2020ء برو زجمعرات 9:30 بجے مدنی چینل پر  ہفتہ وارسنتوں بھرے اجتماع کا انعقاد کیا جائیگا جس میں خصوصی بیان مرکزی مجلس شوریٰ کے رکن حاجی محمد اظہر عطاری” محبت رسول کے تقاضے “ کے موضوع پر سنتوں بھرا بیان فرمائیں گے۔

واضح رہے! پاکستان سمیت دنیا بھر میں ہر جمعرات کو دعوت اسلامی کے زیر اہتمام ہفتہ وار اجتماعات کا سلسلہ ہوتاہے جن میں شرکت کرنے والے عاشقان رسول تلاوت، نعت، بیانات اور رقت انگیز دعاؤں سے فیض یاب ہوتے ہیں لیکن موجودہ ملکی صورت حال کے باعث یہ اجتماعات گیدرنگ کی صورت میں منعقد نہیں ہورہے، فقط مدنی چینل پر سنتوں بھرا بیان نشر کیا جاتا ہے جسے عاشقانِ رسول گھر بیٹھے ملاحظہ کرتے ہیں۔