پچھلے دنوں دعوتِ اسلامی کے مدنی مرکز فیضانِ مدینہ ملتان کا صاحبزادہ خواجہ عماد عامر کوریجہ) کوٹ مٹھن( اور ملک بلال صاحب نے دورہ کیا۔

اس موقع پر ملتان سٹی کے نگران راشد عطاری سمیت دیگر ذمہ داران نے شخصیات کو دعوتِ اسلامی کے تحت چلنے والے ملک و بیرون ملک دینی و فلاحی کاموں کے بارے بتایا ۔ ساتھ ہی مدنی مرکز میں موجود دورۃ ُالحدیث شریف، فیضان آن لائن اکیڈمی اورمکتبۃ المدینہ کا وزٹ کروایا نیز مذکورہ شعبہ جات کے بارے میں بریفنگ بھی دی جس پر صاحبزادہ خواجہ عماد عامر کوریجہ نے دعوتِ اسلامی کی کاوشوں پر خوشی کا اظہار کیا ۔ (کانٹینٹ:رمضان رضا عطاری)

عالمی سطح پر دینِ اسلام کی تعلیمات کو عام کرنے والی عاشقانِ رسول کی دینی تحریک دعوتِ اسلامی کے تحت پچھلے دنوں کویت میں میں ذمہ دار اسلامی بہنوں کے لئے سنتوں بھرے اجتماع کا انعقاد کیا گیا۔

ابتداءً تلاوتِ کلامِ پاک پڑھا گیا اور نعت خواں اسلامی بہن نے حضور صلی اللہ علیہ و سلم کی بارگاہ ِ اقدس میں نعت شریف کا نذرانہ پیش کیا جبکہ نگرانِ عالمی مجلسِ مشاورت اسلامی بہن نے سنتوں بھرا بیان کیا۔

عید الفطر کے پُر مسرت موقع پر شعبہ رابطہ بالعلماء نواب شاہ کے ذمہ دار نوید  عطاری مدنی ، کلیم عطاری مدنی نے آصف اقبال عطاری مدنی کے ہمراہ مفتی مولانا حق النبی سکندری الازہری صاحب سے ملاقات کی۔

دورانِ ملاقات مختلف مذہبی ودینی امور پر تبادلۂ خیال ہوا۔ بعدازاں ذمہ داران نے مفتی صاحب کو دعوت اسلامی کے شعبہ جات بالخصوص شعبہ رابطہ بالعلماء کے حوالے سے معلومات فراہم کیں جس پر مفتی صاحب نے خوشی کا اظہار فرماتے ہوئے شعبے کی ترقی وعروج کے لئے دعائے خیر سے نوازا۔( کانٹینٹ: ذمہ دار عبدالوحید عطاری مدنی، شعبہ رابطہ بالعلماء، ڈویژن نواب شاہ،رپورٹ:رمضان رضا عطاری)

  دعوتِ اسلامی کے شعبہ تعلیم کی جانب سے 29 اپریل 2023ء کو کمال میرج ہال ہارون آباد میں عید ملن اجتماع کا انعقاد ہوا جس میں پنجاب کالج،سپریئر کالج اور پنجاب سائنس کالج کے پرنسپل اور ٹیچرز نے شرکت کی۔

اجتماع کا باقاعدہ آغاز تلاوت قراٰن پاک و نعت رسول مقبول صلَّی اللہ علیہ واٰلہٖ وسلَّم سے کیا گیا۔ بعدازاں مبلغ دعوت اسلامی نے سنتوں بھرا بیان کیا اور شرکائے محفل کو نیکی کی دعوت پیش کرتے ہوئے انھیں اللہ و رسول کی فرماں  برداری میں زندگی کے شب و روز گزارنے کا ذہن دیا ۔علاوہ ازیں حاضرین کو مدنی مذاکرہ دیکھنے ا ور مدنی قافلے میں علاقے کے اسلامی بھائیوں کے ساتھ سفر کرنے کی دعوت دی جس پر انھوں نے اچھی اچھی نیتیں کیں۔(رپورٹ: احمد رضا عطاری ڈویژن بہاولپور شعبہ تعلیم ذمہ دار،کانٹینٹ:رمضان رضا عطاری)

مدینہ منورہ زادہا اللہ شرفاًو تعظیماً میں دعوتِ اسلامی کے تحت اسلامی بہنوں کے اعمال کی اصلاح کرنے لئے اصلاحِ اعمال سیشن کا انعقاد کیا گیا۔

تفصیلات کے مطابق اس سیشن میں نگرانِ عالمی مجلسِ مشاورت اسلامی بہن نے سنتوں بھرا بیان کرتے ہوئے ایک مبلغہ کو بیان کرتے وقت کن امور کا خیال رکھنا چاہیئے اس حوالے سے مدنی پھول دیئے۔

علاوہ ازیں نگرانِ عالمی مجلسِ مشاورت نے بیان کرنے والی اسلامی بہنوں کو بھی نیک اعمال کرنے کی ترغیب دلائی جس پر انہوں نے اچھی اچھی نیتیں کیں۔

اسلامی بہنوں کے درمیان اسلامی تعلیمات عام کرنے والی عاشقانِ رسول کی دینی تحریک دعوتِ اسلامی کے تحت گزشتہ روز عالمی سطح اور اورسیز کی شعبہ ذمہ دار اسلامی بہنوں کا مدنی مشورہ ہوا۔

دعوتِ اسلامی کی نگرانِ عالمی مجلسِ مشاورت اسلامی بہن نے ذمہ داران کی تربیت کرتے ہوئے اورسیز میں فزیکل کفن دفن کی دینے اور شعبہ رابطہ بالعالمات سے متعلق ذمہ داران کو مدنی پھول دیئے۔

بعدازاں نگرانِ عالمی مجلسِ مشاورت نے دینی ماحول سے منسلک اسلامی بہنوں کی معلومات محفوظ کرنے اور دینی کاموں میں مزید بہتری لانے کا ذہن دیا۔

پچھلے دنوں گلشن دارالسنہ میں دعوتِ اسلامی کے زیرِا ہتمام ہونے والے ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں سمیت اسلام آباد یونیورسٹی سے تعلق رکھنے والی انڈونیشیا کی چند اسلامی بہنوں نے شرکت کی۔

اجتماع کا آغاز معمول کے مطابق تلاوتِ قراٰن اور نعت شریف سے کیا گیا جبکہ نگرانِ عالمی مجلسِ مشاورت اسلامی بہن نے ”دعوتِ اسلامی و امیرِ اہلِ سنت کا تعارف اور برکات“ کے موضوع پر سنتوں بھرا بیان کیا۔

عاشقانِ رسول کی دینی تحریک دعوتِ اسلامی کے تحت گزشتہ روز شعبہ جات کے اخراجات کو مکمل کرنے کے لئے ہونے والے ڈونیشن کے سلسلے میں بذریعہ انٹرنیٹ فار ایسٹ ریجن کی نگران و جملہ ذمہ دار اسلامی بہنوں کا مدنی مشورہ ہوا ۔

پچھلے دنوں دعوتِ اسلامی کے تحت  بیرونِ ملک کی ذمہ داران کا آن لائن مدنی مشورہ ہوا جس میں سینٹرل اور ساؤدرن افریقہ کی ریجن و ملک نگران اسلامی بہنوں کی شرکت ہوئی۔

معلومات کے مطابق اس مدنی مشورے میں نگرانِ عالمی مجلسِ مشاورت اسلامی بہن نے اسلامی بہنوں کے 8 دینی کاموں کے حوالے سے گفتگو کرتے ہوئے یوگینڈا ، موزمبیق اور ملاوی میں دینی کاموں کے سفرِ شیڈول کے متعلق مشاورت کی۔

اسی طرح نگرانِ عالمی مجلسِ مشاورت نے دورانِ مدنی مشورہ آئیے دینی کام سیکھئےکورس کروانےاور مقامی ذمہ دار اسلامی بہنوں کے مدنی مشورے منعقد کرنے پر کلام کیا۔

دعوت اسلامی کی مرکزی مجلس شوریٰ کے رکن و نگران پاکستان مشاورت  حاجی محمد شاہد عطاری ان دنوں دینی کاموں کے سلسلے میں بنگلہ دیش کے سفر پر موجود ہیں۔

دورانِ سفر مدنی مرکز فیضان مدینہ سید پور نیلفاماری میں سنتوں بھرا اجتماع اور 12 دینی کام کورس کا سلسلہ ہوا جس میں راجشاہی اور رنگ پور کے ڈویژن تا تھانہ سطح کے ذمہ داران سمیت دیگر عاشقان رسول نے شرکت کی۔

نگران پاکستان مشاورت حاجی محمد شاہد عطاری نے سنتوں بھرا بیان کیا اور 12 دینی کاموں کے حوالے سے شرکا کی رہنمائی کی۔بیان کے بعد سوال /جواب کا سیشن بھی ہوا جس میں حاجی شاہد عطاری نے ذمہ داران کی جانب سے ہونے والے سوالات کے جوابات دیئے۔ 

خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے عالمی مدنی مرکز فیضان مدینہ کراچی میں مفتی دعوت اسلامی مفتی فاروق عطاری مدنی رحمۃُ اللہِ علیہ کی صاحبزادی اور مرکزی مجلس شوریٰ کے رکن حاجی سید ابراہیم عطاری کے صاحبزادے کا نکاح پڑھایا۔ جانشینِ امیر اہلسنت دامت بَرَکَاتُہمُ العالیہ نے نکاح پڑھاتے ہوئے ان کے لئے دعائے خیر کی۔

اس پُرمسرت موقع پر نگران شوریٰ مولانا حاجی محمد عمران عطاری مُدَّ ظِلُّہُ العالی ، اراکین شوریٰ حاجی سید ابراہیم عطاری، حاجی محمد امین عطاری، حاجی محمد علی عطاری، حاجی فاروق جیلانی عطاری، مولانا حاجی محمد اسد عطاری مدنی اور حاجی اطہر عطاری سمیت دیگر عاشقان رسول بھی موجود تھے۔ 

جشنِ ولادتِ اعلیٰ حضرت امام احمد رضا خان رحمۃُ اللہِ علیہ کے موقع پر 30 اپریل 2023ء کو دعوت اسلامی کے عالمی مدنی مرکز فیضان مدینہ کراچی میں اجتماع ” افتتاحِ بخاری شریف “ کا انعقاد کیا گیا جس میں ملک بھر کے دورۃ الحدیث کے طلبہ و اساتذۂ کرام فیضان مدینہ کراچی میں براہ راست جبکہ ملک و بیرون ملک کے طلبہ و اساتذۂ کرام مدنی چینل کے ذریعے شریک تھے۔

اجتماع کا باقاعدہ آغاز تلاوتِ قرآنِ پاک اور نعتِ رسول مقبول صلَّی اللہ علیہ واٰلہٖ وسلَّم سے ہوا جس کے بعد ”جلوس رضویہ“ بھی نکالا گیا۔

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے بخاری شریف کی پہلی حدیث پڑھ کر سنائی۔امیر اہلسنت دامت بَرَکَاتُہمُ العالیہ نے طلبہ کرام کو نصیحت کرتے ہوئے انہیں علم دین اچھی نیت کے ساتھ حاصل کرنے کا ذہن دیا۔اس کے بعد خصوصی مدنی مذاکرہ بھی ہوا جس میں امیر اہلسنت دامت بَرَکَاتُہمُ العالیہ نے سیرتِ اعلیٰ حضرت پر گفتگو کرتے ہوئے شرکا کو تعلیماتِ اعلیٰ حضرت پر عمل کرنے اور منسلک اعلیٰ حضرت پر کار بند رہنے کا ذہن دیا۔

تقریب میں مفتیانِ کرام، نگرانِ شوریٰ اور اراکینِ شوریٰ بھی موجود تھے۔