پچھلے دنوں گلگت بلتستان میں قائم سکردو پریس کلب کا اسپیشل پرسنز ڈیپارٹمنٹ دعوتِ اسلامی کے ذمہ دار اسلامی بھائیوں نے وزٹ کیا اور وہاں موجود پریس کلب کے صدر مظفر حسین بلتستانی سے ملاقات کی۔

ذیلی شعبہ معذور افراد دعوتِ اسلامی کے ذمہ دار خالد محمود عطاری نے صدر کو اسپیشل پرسنز ڈیپارٹمنٹ کے تحت ہونے والے دینی کاموں کا تعارف کروایا نیز دعوتِ اسلامی کی دیگر دینی و فلاحی خدمات پر بریفنگ دی جس پر مظفر حسین بلتستانی نے دعوتِ اسلامی کے بارے میں اپنی نیک خواہشات کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)

اسپیشل پرسنز میں دینی کام کرنے اور انہیں دینِ اسلام کی تعلیمات سکھانے کے لئے دعوتِ اسلامی نے اسپیشل پرسنز ڈیپارٹمنٹ کا قیام کیا ہے جس کا ایک مقصد گونگے، بہرے، نابینا اور معذور افراد کی دینی و اخلاقی تربیت کرنا بھی ہے۔

اسی سلسلے میں 21 اگست 2023ء بروز پیر دعوتِ اسلامی کے دینی کاموں کے سلسلے میں ڈیپارٹمنٹ کے سٹی ذمہ دار بدر شفیق عطاری نے دیگر ذمہ داران کے ہمراہ اٹک، پنجاب میں قائم ویژن ویلفیئر سوسائٹی معذور افراد کا وزٹ کیا۔

اس موقع پر ذمہ دار اسلامی بھائیوں نے نابینا افراد سے ملاقات کی اور اُن کے درمیان سیکھنے سکھانے کا حلقہ لگایا جس میں مبلغِ دعوتِ اسلامی نے نیکی کی دعوت دیتے ہوئے اُن کی تربیت کی۔

اسپیشل پرسنز ڈیپاٹمنٹ  دعوتِ اسلامی کے تحت 21 اگست 2023ء کوسٹی ذمہ دار بدر شفیق عطاری (اسلام آباد) نے نابینا افراد کے سٹی ذمہ دار محمد کامران عطاری کے ہمراہ اٹک میں قائم گونگے بہرے بچوں کے اسکول کا دورہ کیا۔

ذمہ داران نے اسکول پرنسپل سے ملاقات کی۔ دوران ملاقات ذمہ داران نے اسکول عملے کو دعوت اسلامی کے دینی اورفلاحی کاموں کے متعلق بتایا جس میں بالخصوص اسپیشل پرسنز ڈیپارٹمنٹ کے حوالے سے تفصیلی معلومات دی۔

بعدازاں ذمہ داران نے اسکول میں شجر کاری کی اس میں سٹی ذمہ دار نے پرنسپل کے ساتھ مل اسکول کے باغیچہ میں پودے لگائے جس پر انہوں نے دعوت اسلامی کا شکریہ ادا کیا اور نیک نیتوں کا اظہار کیا۔(رپورٹ:محمد کامران عطاری (نابینا افراد سٹی ذمہ داراسلام آباد)، کانٹینٹ:رمضان رضا عطاری)

قراٰنِ پاک کی خدمت میں مصروف عمل عاشقان رسول کی دینی تحریک  دعوتِ اسلامی کےاسپیشل پرسنز ڈیپارٹمنٹ کے تحت لاہور کے علاقے واہگہ ٹاؤن میں ایک نئے مدرسۃ المدینہ برائے نابینا افراد کا آغاز ہونے جا رہا ہے۔

اسی سلسلے میں گزشتہ روز نابینا افراد ذمہ دار محمد حنیف عطاری نے صوبائی نابینا افراد ذمہ دار قاری محمد خالد عطاری (پنجاب) اور ڈویژن ذمہ دار خلیل اللہ خان عطاری (لاہور) کے ہمراہ نئے مدرسۃ المدینہ برائے نابینا افراد کی عمارت کا وزٹ کیا۔بعدازاں ذمہ دار اسلامی بھائیوں نے نابینا افراد کی سہولیات سمیت دیگر اہم امور پر تبادلۂ خیال کیا۔(رپورٹ: ڈویژن ذمہ دارخلیل اللہ خان عطاری لاہور ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے زیرِ اہتمام پچھلے دنوں مدنی مرکز فیضانِ مدینہ فیصل آباد میں گونگے، بہرے، نابینا اور معذور افراد کے لئے سیکھنے سکھانے کا حلقہ لگایا گیا۔

معلومات کے مطابق اس حلقے میں مرکزی مجلسِ شوریٰ کے رکن مولانا حاجی محمد اسد عطاری مدنی نے ”فضائلِ نماز“ کے موضوع پر سنتوں بھرا بیان کیا اور ڈسٹرکٹ ذمہ دار محمد سلطان عطاری نے اسپیشل پرسنز کی آسانی کے لئے اشاروں کی زبان میں اس بیان کی ترجمانی کی۔

بعدِ حلقہ اسپیشل پرسنز نے کرغستان سے آئے ہوئے علمائے کرام سے ملاقات کی جبکہ وہاں موجود ذمہ دار اسلامی بھائیوں نے علمائے کرام کو اسپیشل پرسنز ڈیپارٹمنٹ کا تعارف کرواتے ہوئے اس کی دینی خدمات کے متعلق بریفنگ دی جس پر انہوں نے دعوتِ اسلامی کی دینی و فلاحی خدمات کو سراہا اوراپنی دعاؤں سے نوازا۔(رپورٹ: محمد شاہد عطاری ڈویژن ذمہ دار فیصل آباد ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت 15 اگست 2023ء بروز منگل گلگت سٹی میں ذمہ دار اسلامی بھائیوں نے اسپیشل ایجوکیشن کمپلیکس کے ڈیپارٹمنٹ آف فزیکل میڈیسن اینڈ ری ہیبیلیٹیشن کا وزٹ کیا۔

اس دوران پاکستان سطح کےمعذور افراد کے ذمہ دار خالد محمود عطاری نے پروفیسر ڈاکٹر سلیم سے ملاقات کی اور انہیں اسپیشل پرسنز ڈیپارٹمنٹ دعوتِ اسلامی کا تعارف کرواتے ہوئے اس کی خدمات کے بارے میں بتایا۔

15 اگست 2023ء بروز منگل دعوتِ اسلامی کے اسپیشل پرسنز ڈیپارٹمنٹ کے تحت معذور افراد کے ذمہ داران نے گلگت سٹی میں واقع رائز کالج آف مینجمنٹ اینڈ ٹیکنالوجی  کا وزٹ کیا۔

دورانِ وزٹ پاکستان سطح کے معذور افراد کے ذمہ دار خالد محمود عطاری نے کالج کے پرنسپل اور گروپ آف اسکولز کے ایڈمن پروفیسر انجینئر محمد عمران سے ملاقات کی اور انہیں اسپیشل پرسنز ڈیپارٹمنٹ کا تعارف کروایا نیز اسپیشل ایجوکیشن میں ہونے والی دعوتِ اسلامی کی خدمات کو بیان کیا ۔بعدازاں پاکستان سطح کے ذمہ دار نے پرنسپل سے اسپیشل ایجوکیشن اسکولز کے حوالے سے مختلف اہم نکات پر تبادلۂ خیال کیا۔ (رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)

نیکی کی دعوت عام کرنے کے لئے  76 ویں جشن آزادی 14 اگست 2023 ء کے موقع پر دعوت اسلامی کے تحت پاکستان بھر سے اسلامی بھائیوں نے مدنی قافلوں میں سفر کیا۔

اسی سلسلے میں وفاقی دارالحکومت اسلام آباد کے سیکٹر G11 میں قائم مدنی مرکز فیضان مدینہ سے 12 اگست2023ء کو نابینا افراد کا مدنی قافلہ سفر پر روانہ ہوا جس میں نابینا اسلامی بھائیوں نے ملک کی سلامتی اور ترقی کے لئے دعائیں کیں جبکہ سٹی ذمہ دار محمد کامران عطاری نے شرکا کو طہارت، نماز اورنجاستوں کے مسائل کے ساتھ ساتھ عقائد اہل سنّت سے آگاہ کیانیزنماز و وضو کا عملی طریقہ بھی سکھایا ۔

علاوہ ازیں مدنی قافلے کے آخر میں نابینا اسلامی بھائیوں کو اسپیشل پرسنز ڈیپاٹمنٹ میں عملی طور پر کام کرنے اور اپنی اور ساری دنیا کے لوگوں کی اصلاح کی کوشش کرنے کا ذہن دیا گیا اس پر انہوں نے اچھی اچھی نیتوں کا اظہار کیا۔(رپورٹ:محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ :رمضان رضا عطاری)

دعوتِ اسلامی کے  دیگر شعبہ جات کی طرح اسپیشل پرسنز ڈیپارٹمنٹ بھی ماہ اگست 2023ء میں شیخ طریقت امیر اہل سنت دامت برکاتہم العالیہ کی ترغیب پر شجرکاری کرنے میں مصروف ِعمل ہے۔

اس سلسلے میں 12 اگست2023ء کو شعبے کے نگران مجلس سید عمیر ہاشمی عطاری نے صوبائی ذمہ دار حافظ محمد وقاص عطاری ( پنجاب) ، ڈویژن ذمہ دار محمد زبیر عطاری (ساہیوال)اور ڈسٹرکٹ ذمہ دار شیخ محمد احمد عطاری(پاکپتن) کے ہمراہ پاکپتن سٹی کے علاقے گرین سٹی میں شجر کاری مہم میں شرکت کرتے ہوئے پودے لگائے۔)رپورٹ: اسپیشل پرسنز ڈیپارٹمنٹ ، کانٹینٹ :رمضان رضا عطاری)

اسپیشل پرسنز ڈیپارٹمنٹ  دعوتِ اسلامی کی جانب سے 14 اگست2023ء کو لاہور کے علاقے جوہر ٹاؤن میں واقع مدنی مرکز فیضانِ مدینہ میں جاری 63 دن تربیتی کورس کے شرکا میں سیکھنے سکھانے کا حلقہ لگایا گیا۔

نگرانِ مجلس سید عمیر ہاشمی عطاری نے کورس میں شریک اسلامی بھائیوں کو اسپیشل پرسنز ڈیپارٹمنٹ اور اس کے تحت ہونے والے دینی کاموں کا تعارف پیش کیا اور ان کی دلچسپی کے لئے کچھ اشارے بھی سکھائے، اس موقع پر صوبائی ذمہ دار حافظ محمد وقاص عطاری ( پنجاب) بھی ہمراہ تھے۔(رپورٹ:احمد اویس عطاری رکن مجلس پاکستان اسپیشل ایجوکیشن ذمہ دار، کانٹینٹ :رمضان رضا عطاری)

عاشقانِ رسول کی دینی تحریک دعوتِ اسلامی  کے تحت دنیا بھر میں نیکی کی دعوت کے سلسلے میں 3 دن،12 دن اور ایک ماہ کے مدنی قافلے سفر کرتے رہتے ہیں۔

اس سلسلے میں اسپیشل پرسنز ڈیپارٹمنٹ دعوت اسلامی کے تحت 17 جولائی 2023ءکو وفاقی دارالحکومت اسلام آباد کے سیکٹر G11 میں قائم مدنی مرکز فیضانِ مدینہ سے نابینا اسلامی بھائیوں پر مشتمل 12 دن کا مدنی قافلہ راہِ خدا میں علمِ دین سیکھنے سکھانے اور نیکی کی دعوت عام کرنے کے لئے سفر پر روانہ ہوا۔

نابینا افراد کے صوبائی ذمہ دار قاری خالد عطاری (پنجاب) نے بھی اس مدنی قافلے میں نابینا اسلامی بھائیوں کے ہمراہ سفر کیا، مدنی قافلے میں نابینا افراد کو علمِ دین میں فرض علوم،نماز اور وُضو کا عملی طریقہ سیکھایا گیا نیز نیکی کی دعوت کی اہمیت اور مختلف دعائیں، سنتیں آداب و اذکار سکھائے گئے۔

مزید مدنی قافلے میں نابینا اسلامی بھائیوں کو بنیادی عقائد و معمولات اہل سنّت بتائے گئے نیز دعوت اسلامی کا تعارف اور دینی ماحول سے وابستہ رہنے ، ماں باپ کا ادب کرنےکے علاوہ معاشرے میں ایک اچھا فرد بننے کا ذہن دیا گیا ۔ اس پر نابینا افراد نے اچھی اچھی نیتوں کا اظہار کیا۔ (رپورٹ:محمد کامران عطاری نابینا افراد صوبائی ذمہ دار اسلام آباد،کانٹینٹ:رمضان رضا عطاری)

اسپیشل پرسنز ڈیپارٹمنٹ دعوتِ اسلامی کے تحت گزشتہ روز دینی کاموں کے سلسلے میں  رکن شعبہ نابینا افراد حاجی محمد حنیف عطاری (پاکستان) نے ڈویژن ذمہ دار عبد القیوم عطاری(راولپنڈی) کے ہمراہ جہلم پنجاب میں مختلف مقامات پر اسپیشل پرسنز(گونگے بہرے ،نابینا،معذور افراد) میں نیکی کی دعوت پیش کی۔

اس دوران ذمہ دار اسلامی بھائیوں نے اسپیشل پرسنز کو دعوتِ اسلامی کے دینی ماحول سے وابستہ رہنے کا ذہن دیا اور دینی کام کرنے کے حوالے سے اُن کی ذہن سازی کی۔

آخر میں ذمہ دار اسلامی بھائیوں نے اسپیشل پرسنزکو ماہِ جولائی 2023ء میں دعوتِ اسلامی کے تحت سفر کرنےوالے 12 دن اور ایک ماہ کے مدنی قافلے میں سفر کرنے کی دعوت پیش کی جس پر اسلامی بھائیوں نے اچھی اچھی نیتیں کیں ۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس کانٹینٹ:غیاث الدین عطاری)