ملتان میں  دعوت اسلامی کے زیر اہتمام مدرسۃ المدینہ بوائز برائے نابینا افراد میں سیکھنے سکھانے کے حلقے کا انعقاد ہوا جس میں شعبہ اسپیشل پرسنز ڈیپارٹمنٹ کے صوبائی ذمہ دار محمد وقاص عطاری اور ملتان ڈویژن ذمہ دار مولانا محمد جمال عطاری مدنی نے بچوں کی دینی و اخلاقی اعتبار سے تربیت کی اور انہیں باقاعدگی سے ہفتہ وار اجتماع میں شرکت کرنے اور مدنی مذاکرہ سننے کا ذہن دیا جس پر انہوں نے اچھے تاثرات کا اظہار کیا ۔ (رپورٹ:ملتان ڈویژن ذمہ دار محمد جمال عطاری مدنی شعبہ اسپیشل پرسنز، کانٹینٹ:رمضان رضا عطاری)

پچھلے   دنوں دعوت ا سلامی اسپیشل پرسنز ڈیپارٹمنٹ کے تحت جامعۃ المدینہ بوائز بھکر میں میٹ اپ ہوا جس میں نگران مجلس اسپیشل پرسنز نے ا سٹوڈنٹس کو شعبے کا تعارف کروایا اور ان کو اسپیشل پرسنز میں علم دین سکھانے کے حوالے سے بیان کیا۔

مزید طلبۂ کرام کو اشاروں کی زبان سیکھنے کی اہمیت بیان کی اور اشاروں کی زبان کو اپنی گفتگو کا حصہ کیسے بنایا جا سکتا ہے یہ سکھایا۔ آخر میں طلبہ کو اشاروں کی زبان کے چند اشارے سمجھائے جبکہ طلبہ نے اشاروں کی زبان میں کورس کرنے کی خواہش کا اظہار بھی کیا۔(رپورٹ:محمد عمیر ہاشمی عطاری ، کانٹینٹ:رمضان رضا عطاری)

پچھلے  دنوں دعوت اسلامی کے کی جانب سے بھکر میں قائم پولیس تحفظ سینٹر برائے اسپیشل پرسنز میں تحفظ سینٹر انچارج سے سرگودھا ڈویژن میں اسپیشل پرسنز ڈیپارٹمنٹ کے ذمہ دار اسلامی بھائیوں نے ملاقات کی۔

دورانِ ملاقات اسلامی بھائیوں نے تحفظ سینٹر انچارج کو اسپیشل پرسنز ڈیپارٹمنٹ دعوت اسلامی کا تعارف کروایا جبکہ اس موقع پر اشاروں کی زبان کی اہمیت پر گفتگو ہوئی اور عملے کو 27نیک اعمال کے رسائل بھی پیش کئے نیز ان کو اسپیشل پرسنز موبائل ایپلیکیشن کے حوالے سے بتایا جس پر انہوں نے دینی کاموں میں تعاون کرنے کی اچھی نیت کا اظہار کیا۔(رپورٹ:رمضان رضا عطاری)

دعوتِ  اسلامی کے زیر اہتمام میانوالی میں اسپیشل بچوں کے اسکول میں سیکھنے سکھانے کے حلقے کا انعقاد کیا گیا جس میں شعبہ اسپیشل پرسنز ڈیپارٹمنٹ محمد عمیر ہاشمی عطاری نے اشاروں کی زبان میں بچوں کو اشاروں کی زبان میں کھانے پینے کے آدابِ بیان کئے نیز کھانے سے پہلے اور بعد میں ہاتھ دھونے، کھانے سے قبل بسم اللہ شریف پڑھنے اور بعد شکر الحمد اللہ پڑھنے کا ذہن دیا ۔

مزید سردیوں میں ڈرائی فروٹ، اخروٹ، بادام، مونگ پھلی، مچھلی، انڈہ کھا نے کے فوائد اشاروں کی زبان میں بتائے۔آخر میں نگران شعبہ نے اشاروں کی زبان میں دعا بھی کروائی جبکہ ٹیچرز کو اسپیشل پرسنز موبائل ایپلیکیشن کا تعارف کروایا جس پر ٹیچرز نے دعوت اسلامی کے کام کو سراہا۔(رپورٹ:رمضان رضا عطاری)

دعوتِ اسلامی کے  شعبہ رابطہ بالعلماء کے تحت صوبائی ذمہ دار مولانا محمد محب عطاری مدنی نے ڈویژن ذمہ دار مولانا عبد الوحید مدنی عطاری ڈسٹرکٹ ذمہ دار مولانا اصغر عطاری مدنی اور تحصیل ذمہ دار مولانا طالب مدنی عطاری کے ہمراہ سانگھڑ میں مفتی عبد الرزاق مہران سکندری صاحب (مہتمم مدرسہ و شارح بخاری) سے ملاقات کی ۔

دورانِ ملاقات مولانا محمد محب عطاری مدنی نے مفتی صاحب کو کنزالمدارس بورڈ اور مکتبۃ المدینہ کی مطبوعہ عربی کتب کا تعارف پیش کیا نیز انہیں عالمی مدنی مرکز فیضانِ مدینہ کراچی کا وزٹ کرنے کی دعوت پیش کی ۔

آخر میں کنزالمدارس بورڈ پاکستان کی معلومات پر مشتمل کتاب تحفے میں دی جس پر مفتی عبد الرزاق مہران سکندری صاحب نے خدمات ِ دعوت اسلامی کو سراہتے ہوئے دعاؤں سے نوازا۔(کانٹینٹ:رمضان رضا عطاری)

دعوت  اسلامی کے تحت پاکستان پر نابینا افراد کے ذمہ دار محمد حنیف عطاری نے صوبائی ذمہ دار کامران عطاری کے ساتھ ملکر وفاقی دارالحکومت اسلام آباد میں ہائی کورٹ کے نابینا وکیل اسد کھوکھر سے ملاقات کی ۔

ان کو نیکی کی دعوت پیش کرتے ہوئے محمد حنیف عطاری نے اسپیشل پرسنز ڈیپاٹمنٹ کا تعارف کروایا اور ان کو دعوت اسلامی کی اسپیشل پرسنز کے لئے کی ہوئی کوششوں کا ذکر کیا جس پر اسد کھوکھر نے دعوت اسلامی اور امیر اہل سنت دامت برکاتہم العالیہ کا شکریہ ادا کیا اور اداروں کا وزٹ کرنے کی نیت کا اظہار کیا ۔(کانٹینٹ:رمضان رضا عطاری مدنی )

دعوتِ اسلامی  کے شعبہ اسپیشل پرسنز کے تحت 16 جنوری 2024ء کو اسلام آباد میں قائم نیشنل انسٹی ٹیوٹ آف اسپیشل ایجوکیشن میں سیکھنے سکھانے کےحلقے کا انعقاد کیا گیا جس میں انسٹی ٹیوٹ آفسر تیمور عمران ،نابینا بچوں اور دیگر عملے نے شرکت کی ۔

نابینا افراد کے ذمہ دار محمد حنیف عطاری نے ”اخلاص“کےموضوع پر بیان کیا اور حاضرین کو ہفتہ وار اجتماع میں شرکت کرنے کا ذہن دیا جس پر انہوں نے اچھی اچھی نیتیں کیں۔( کانٹینٹ:رمضان رضا عطاری مدنی )

دعوتِ اسلامی   کے زیرِ اہتمام 16 جنوری 2024ء کو پاکستان نابینا افراد کے ذمہ دار حاجی محمد حنیف عطاری نے صوبائی ذمہ دار کامران عطاری کے ہمراہ گورنمنٹ ہائی ا سکول فار بلائنڈ گرلز شمس آباد راولپنڈی کا وزٹ کیا۔

اس موقع پر ذمہ داران نے وہاں کے اعلیٰ تعلیم یافتہ نابینا ٹیچر مقصود حسین سے ملاقات کی اور دورانِ گفتگو ان کو دعوت اسلامی کے اسپیشل پرسنز و دیگر شعبے کے دینی و فلاحی کاموں کا تعارف پیش کیا نیز ان کو مدنی مرکز فیضان مدینہ کا وزٹ کرنے کی دعوت پیش کی جس پر مقصود صاحب نے اچھی نیت کا اظہار کیا۔( کانٹینٹ:رمضان رضا عطاری مدنی )

فیضانِ مدینہ  اسلام آباد سے 14 جنوری 2024 ء کو تین دن کا نابینا اسلامی بھائیوں کا مدنی قافلہ جامع مسجد محمودیہ غوثیہ آئی جے پی روڈ اسلام آباد سفر پر روانہ ہوا جس میں نابینا اسلامی بھائیوں نے سفر کی سعادت حاصل کی ۔

معلومات کے مطابق پاکستان سطح کے نابینا افراد کے ذمہ دار حاجی محمد حنیف عطاری اور صوبائی ذمہ دار کامران عطاری نے نابینا افراد کو فرض علوم سکھائے ۔

مدنی قافلہ میں نابینا افراد نے پانچوں نمازیں باجماعت پڑھنے کے ساتھ ساتھ بعد نماز فجر تفسیر کے حلقے میں شرکت کی اور اشراق و چاشت ادا کی نیز چوک درس ، مسجد درس اور بعد نماز ظہر فرض علوم کے حلقوں میں شرکت کی جبکہ شرکا نے سنتیں وآداب سیکھنے کے ساتھ علاقائی دورہ بھی کیا۔

مدنی قافلہ کے اختتام پر نابینا اسلامی بھائیوں نے دینی کاموں میں عملی طور پر شرکت کرنے اور نیکی کی دعوت کو عام کرنے کی اچھی اچھی نیتوں کا اظہار کیا ۔( کانٹینٹ:رمضان رضا عطاری مدنی )

فیضان مدینہ جوہر ٹاؤن لاہور میں گلگت سے آئے ہوئے اسپیشل ایجوکیشن کے ٹیچرز و افسران اور دیگر وابستہ افراد میں  جاری ٹریننگ سیشن اختتام پذیر ہوا جس میں اساتذہ کو سائن لینگویج ، بریل لینگویج ، اصلاح اعمال اور ٹیچرز ٹریننگ کورسز کروائے گئے۔

اختتام کے موقع پر مبلغین دعوتِ اسلامی نے اساتذۂ میں اسناد تقسیم کی اور ان کو دعوتِ اسلامی کے تحت ہونے والے ہفتہ وار اجتماع میں شرکت کرنے کی دعوت دی جس پر انہوں نے اچھی اچھی نیتیں کیں۔(رپورٹ:احمد اویس عطاری اسپیشل پرسنز ڈیپارٹمنٹ، کانٹینٹ:رمضان رضا عطاری مدنی )

گورنمنٹ بوائز ہائی ا سکول ڈھوک چراغ دین چکلالہ کینٹ راولپنڈی   کے پرنسپل ولید عزیز جو کہ اعلی تعلیم یافتہ ہیں۔دعوت اسلامی کے زیرِ اہتمام 15 جنوری 2024ء کو اسپیشل پرسنز ڈیپاٹمنٹ کے ذمہ دار حاجی محمد حنیف عطاری اور صوبائی ذمہ دار کامران عطاری نے ولید عزیز سے ملاقات کی ۔

دورانِ گفتگو حاجی محمد حنیف عطاری نے ان کو نیکی کی دعوت پیش کرتے ہوئے دعوتِ اسلامی اور اسپیشل پرسنز ڈیپاٹمنٹ کا تعارف پیش کیا جس پر انہوں نے دعوت اسلامی کی کوششوں کو سراہا اور خوشی کا اظہار کرتے ہوئے اسپیشل پرسنز ڈیپاٹمنٹ کا وزٹ کرنے نیز دعوتِ اسلامی کےدینی کاموں میں شرکت کا اظہار اچھی اچھی نیتوں کے ساتھ کیا۔(رپورٹ: پاکستان ذیلی شعبہ نابینا افراد ، کانٹینٹ:رمضان رضا مدنی عطاری )

دعوتِ اسلامی کے تحت 9 جنوری 2024ء کو ڈسٹرکٹ جہلم کی تحصیل پنڈ دادن خان کے علاقوں للہ شریف، للہ ہندوانہ، للہ بھروانہ، کندوال میں علاقائی دوروں   کا انعقادکیا گیا۔

اسپیشل پرسن ڈیپارٹمنٹ ڈسٹرکٹ جہلم کے ذمہ دار محمد رمضان رضا عطاری نے یوسی نگران للہ شریف ،قاری محمد صفدر عطاری اور یوسی نگران کندوال محمد ثاقب عطاری نے ڈیف ، نابینا اور معذور افراد اوران کے سرپرستوں سے ملاقات کی۔

انہیں شعبے کا تعارف کروایا اور علاقوں میں گونگے ، بہرے ، نابینا اور معذور اسلامی بھائیوں میں ہونے والے دینی کاموں کی معلومات دیں۔ علاوہ ازیں ہفتہ وار اجتماع میں شرکت کرنے اور مدنی قافلے میں سفر کرنے کی دعوت دی جس پر انہوں نے اپنے علاقے میں کئے گئے کاموں کو سراہا اور مزید تعاون کرنے کی یقین دہانی کروائی۔ (رپورٹ: محمد رمضان رضا عطاری اسپیشل پرسن ڈیپارٹمنٹ ڈسٹرکٹ جہلم، کانٹینٹ:رمضان رضا عطاری مدنی )