پچھلے دنوں فیضان مدینہ جوہر ٹاؤن لاہور میں مدنی مشورہ منعقد ہوا جس میں پنجاب صوبائی ذمہ دار محمد وقاص عطاری اور پنجاب نابینا ذمہ دار قاری خالد عطاری سمیت دیگر عاشقان رسول نے  شرکت کی۔

نگران مجلس محمد عمیر ہاشمی عطاری نے سابقہ کارکردگی کا جائزہ لیا اور جن کی کارکردگی نمایاں تھی ان کو تحائف پیش کیے جبکہ حاضرین کو آئندہ کے اہداف دیتے ہوئے ماہ محرم الحرام میں اسپیشل پرسنز کے 12دن اور ایک ماہ کے مدنی قافلوں کاسفر کروانے کے حوالے سے ذہن دیا ۔(محمد سمیر عطاری اسپیشل پرسنز ڈیپارٹمنٹ آفس راولپنڈی)

اسپیشل پرسنز ڈیپارٹمنٹ دعوتِ اسلامی کے تحت گونگے، بہرے، نابینا اور دیگر اسپیشل پرسنز میں دینی و فلاحی کام کرنے کے لئے مختلف مقامات پر  عمومی افراد کے درمیان مختلف کورسز کروائے جاتے ہیں ۔

اسی سلسلے میں وفاقی دارلحکومت اسلام آباد کے سیکٹر G-11 میں قائم مدنی مرکز فیضان مدینہ میں 17 مئی 2024ء کو عمومی افراد کے لئے اشاروں کی زبان کا رہائشی کورس ہوا جس میں صوبائی ذمہ دار اسپیشل پرسنز ڈیپاٹمنٹ بدر شفیق عطاری نے کورس کے شرکا کو اشاروں کی زبان سکھائی۔

صوبائی ذمہ دار نے شرکا کو اشاروں کی زبان میں نعت پڑھنے، بیان کرنے اور اسپیشل پرسنز کے 12 دینی کام سمیت اُن میں نیکی کی دعوت عام کرنے کا ذہن دیتے ہوئے اس کا عملی طریقہ سکھایا۔اسی طرح نابینا افراد کے صوبائی ذمہ دار کامران عطاری نے شرکا کو نابینا افراد میں نیکی کی دعوت عام کرنے اور ان کی خیر خواہی کرنے کا ذہن دیا۔

دعوتِ اسلامی کے شعبہ مدنی کورسز  اور شعبہ اسپیشل پرسنز ڈیپارٹمنٹ کے تحت آئی سی ٹی اسلام آباد اور راولپنڈی ڈویژن میں نابینا اسلامی بھائیوں کے لئے63 دن کا رہائشی مدنی تربیتی کورس25 اپریل 2024ء بروز جمعرات سے شروع ہونے والا ہے۔

63 دن کے رہائشی کورس کی خصوصیات :

عقائد کی اصلاح۔ نماز کے احکام ۔مکمل مدنی قاعدہ تجوید کے ساتھ۔ سورۂ ملک کی مشق۔ درست مخارج کے ساتھ آخری 20 سورتیں زبانی یاد۔ نماز کے اذکار و عملی طریقہ۔ تقریباً 50 موضوعات پر سنتیں وآداب۔ روزمرہ کی تقریباً 50 دعائیں۔ کفن دفن کا مکمل طریقہ۔ اخلاقی تربیت کے 50 موضوعات پر تربیت۔ تنظیمی تربیت۔ مدنی قافلے کا مکمل ٹائم ٹو ٹائم شیڈول۔ پبلک ڈیلنگ۔ ذیلی حلقے کے 12 دینی کام اور بہت کچھ سکھایا جائے گا۔

کورس کی شرائط:

عمر کم از کم 18 سال ہو۔ (میڈل پاس یا حافظ قرآن 16 سال کے افراد بھی اہل ہوں گے)

اوریجنل شناختی کارڈ / ب فارم اور فوٹو کاپی۔

اپنے رہائشی ایریئے کے دعوتِ اسلامی کے نگران کا تصدیق نامہ۔

موسم کے لحاظ سے ضروری سامان ساتھ لائیے۔

مقام:فیضان مدینہ جی الیون اسلام آباد (اسلام آباد ،پاکستان)

داخلوں کے لئے اور مزید معلومات کے لئے اس نمبر پر رابطہ: 03024811716محمد خالد عطاری

پنجاب ملتان فیضان مدینہ نزد انصاری چوک اور جی 11فیضان مدینہ اسلام آباد۔

پچھلے  دنوں اسپیشل پرسنز ڈیپارٹمنٹ کے صوبائی ذمہ دار پنجاب وقاص عطاری نے ڈویژن ذمہ دار بدر عطاری کے ہمراہ اسپیشل ایجوکیشن سینٹر راولپنڈی اسکول کا وزٹ کیا۔

اس موقع پر ذمہ داران نے اسکول پرنسپل سے ملاقات کی اور اسپیشل بچوں میں سیکھنے سکھانے کا حلقہ لگایا جس میں ذمہ داران نے بچوں کو وضو کا طریقہ سکھاتے ہوئے بچوں کو پانی پینے کی سنتیں و آداب سکھائے ۔(کانٹینٹ:رمضان رضا عطاری)

امسال ماہِ  رمضان المبارک 1445ھ سن 2024ء کو وفاقی دارالحکومت اسلام آبادکے سیکٹر G11 میں قائم مدنی مرکز فیضان مدینہ میں اسپیشل پرسنز ( گونگے ،بہرے، نابینا اور جسمانی معذور افراد )نے ایک ماہ اور آخری عشرے کا رمضان اعتکاف کرنے کی سعادت حاصل کی جن میں 16 نابینا،7 ڈیف،7 جسمانی معذور اور 10 سرپرست سمیت 40 افراد نے اعتکاف کیا ۔

اعتکاف میں اسپیشل پرسنز کو صوبائی ذمہ دار نابینا افراد کامران عطاری سمیت دیگر ذمہ داران نے فرض علوم ۔ درست مخارج سے قرآن پاک ۔ سنتیں و آداب نیز مختلف دعائیں یاد کروائی ۔

اس کے ساتھ ساتھ ذمہ داران نے دعوت اسلامی کا تعارف کروایا اور دینی کام کرنے، نیکی کی دعوت کو عام کرنے کاذہن دیا جبکہ اعتکاف میں موجود اسپیشل اسلامی بھائیوں نے سر پر عمامہ شریف سجایا اور ہاتھوں ہاتھ داڑھی شریف رکھنے کی نیت کا اظہار کرتے ہوئے سنت کے مطابق اپنی زندگی گزارنے کے بھلے جذبات پیش کئے۔(رپوٹ : کامران عطاری نابینا افراد ذمہ دار اسلام آباد، کانٹینٹ:رمضان رضا عطاری)

دعوتِ اسلامی  کے اسپیشل پرسنز ڈیپارٹمنٹ کے تحت میانوالی میں موجود اسپیشل ایجوکیشن اسکول میں افطار اجتماع کا سلسلہ ہوا جس میں اسپیشل پرسنز اسکول کے پرنسپل اور ہاسٹل کےا سٹوڈنٹس شریک ہوئے۔

نگران تحصیل مشاورت محمد آفاق عطاری نے شرکا کو نیکی کی دعوت دیتے ہوئے انہیں ماہ رمضان المبارک کی زیادہ سے زیادہ برکت پانے کے لئے اپنا وقت نیکی کے کاموں میں گزارنے کی ترغیب دلائی اور انہیں ہفتہ وار اجتماع میں شرکت کرنے کی دعوت بھی دی جس پر انہوں نے اچھی اچھی نیتیں کیں۔(رپورٹ: محمد ابوبکر عطاری اسپیشل پرسنز ڈیپارٹمنٹ سرگودھا ڈویژن،کانٹینٹ:رمضان رضا عطاری)

وفاقی دارالحکومت اسلام آباد کے سیکٹر F-7/3 میں علاقائی دورے کا سلسلہ ہوا جس میں صوبائی ذمہ دار نابینا افراد کامران عطاری نے نابینا اسلامی بھائیوں سے ملاقات کی ۔

دوران ملاقات کامران عطاری نے نابینا افراد کو دعوت اسلامی کا تعارف کروایا نیز انہیں ہفتہ وار اجتماع میں شرکت کرنے اور رمضان اعتکاف کی دعوت پیش کی جس پر نابینا اسلامی بھائیوں نے اچھی نیت کا اظہار کیا۔(کانٹینٹ:رمضان رضا عطاری)

جامعۃ المدینہ  دعوت اسلامی کے تحت جہاں درس نظامی (عالم کورس) سے فارغ التحصیل ہونے والے اسلامی بھائیوں کی صلاحیتوں میں مزید نکھار پیدا کرنے کے لئے جہاں فقہ و احادیث میں اسپیشلسٹ کے لئے علیحدہ سے تخصصات کا سلسلہ ہے،وہیں ملک و بیرون ملک کے افراد میں نیکی کی دعوت عام کرنے اور امامت کے خواہشمند اسلامی بھائیوں کو تخصص فی الدعوہ بھی کروایا جاتا ہے۔

ان دنوں دعوت اسلامی کے عالمی مدنی مرکز فیضانِ مدینہ کراچی میں تخصص فی الدعوہ کے طلبہ ٔ کرام میں اشاروں کی زبان کا کورس جاری ہے جس میں انہیں دنیا بھر میں نیکی کی دعوت عام کرنےکےلئے سائن لینگویج میں نیکی کی دعوت دینے اور فرض علوم پر مشتمل کورسز کروانے کے حوالے سے ٹریننگ کروائی جائے گی۔

یادرہے! کہ شرکائے کورس میں سے اکثریت بیرونِ ممالک میں دینی کاموں کے لئے سلیکٹ بھی کئےگئےہیں۔(کانٹینٹ:رمضان رضا عطار ی)

عاشقانِ  رسول کی دینی تحریک دعوت اسلامی کے شعبہ اسپیشل پرسنز ڈیپارٹمنٹ کےتحت 28 فروری 2024ء کو مدنی مرکز بہاولپور فیضان مدینہ میں مدنی مشورے کا سلسلہ ہوا۔

مدنی مشورے میں صوبائی ذمہ دار محمد وقاص عطاری نے اسلامی بھائیوں سے گفتگو کرتے ہوئے انہیں شعبے کے دینی کاموں میں مز ید بہتری لانے کے لئے مدنی پھول دیئےاور آئندہ کے اہداف بتائے جس پر اسلامی بھائیوں نے عمل کرنے کی اچھی نیت کا اظہار کیا۔(رپورٹ:محمد جمال عطاری مدنی شعبہ اسپیشل پرسن ڈیپارمنٹ ملتان ڈویژن، کانٹینٹ:رمضان رضا عطار ی)

شعبہ اسپیشل پرسنز ڈیپارٹمنٹ  دعوت اسلامی کے ذمہ داران نے پچھلے دنوں اسپیشل پرسنز ایجوکیشن سینٹر لودھراں کا دورہ کیا اور وہاں سیکھنے سکھانے کے حلقے کا انعقاد ہوا جس میں صوبائی ذمہ دار محمد وقاص عطاری اور ملتان ڈویژن ذمہ دار محمد جمال عطاری مدنی نے اسپیشل پرسنز بچوں کو سائن لینگویج میں نماز اور وضو کے فرائض سمجھائے اور انہیں نمازوں کی پابندی کرنے کا ذہن دیا جس پر انہوں نے بھلے جذبات کا اظہار کیا۔

اس موقع پر ڈسٹرکٹ ذمہ دار محمد عثمان عطاری بھی موجود تھے ۔(کانٹینٹ:رمضان رضا عطار ی)

فیصل آباد سٹی میں شعبہ   اسپیشل پرسنز ڈیپارٹمنٹ کے زیرِ اہتمام علاقائی دورے کا سلسلہ ہوا جس میں صوبائی ذمہ دار قاری خالد عطاری اور ڈویژن ذمہ دار برائے نابینا افراد عابد علی عطاری نے نماز مغرب کے بعد نابینا افراد کے گھر/گھر جا کر انہیں نیکی دعوت دی۔دوران گفتگو ذمہ داران نے انہیں ہفتہ وار اجتماع میں شرکت کرنے اور مدنی مذاکرہ دیکھنے کا ذہن دیا جس پر انہوں نے اچھی اچھی نیتیں کیں۔

علاوہ ازیں ذمہ دار اسلامی بھائیوں نے نماز عشا کے بعد فیصل آباد سٹی کے نگران مولانا مظہر عطاری مدنی سے ملاقات کی اور زیر تعمیر مدرستہ المدینہ وجامعۃ المدینہ برائے نابینا افراد کی تعمیرات مکمل کرنے اور جلد اوپن کرنے کے حوالے سے مدنی مشورہ کیا۔(کانٹینٹ:رمضان رضا عطاری )

شعبہ   اسپیشل پرسنز ڈیپارٹمنٹ دعوت اسلامی کے تحت فیصل آباد میں قائم الفیصل مرکز نابینا افراد میں مدنی حلقہ منعقد ہوا جس میں ہاسٹل میں موجود نابینا افراد شریک ہوئے۔

نگران شعبہ حاجی حنیف عطاری نے ” وقت کی اہمیت اور اللہ پاک کی نعمتوں کا شکر ادا کرنے“کے موضوع پر بیان کیا اور نابینا افراد کو رمضان اعتکاف کا ذہن دیا جس پر انہوں نے بھلے جذبات کا اظہار کیا۔

اس موقع پر صوبائی ذمہ دار ذیلی شعبہ نابینا افراد قاری خالد عطاری اور فیصل آباد ڈویژن ذمہ دار عابد علی عطاری بھی موجود تھے۔(کانٹینٹ:رمضان رضا عطاری )