نیکی کی دعوت دنیا بھر میں عام کرنے والی عاشقانِ رسول کی دینی تحریک دعوتِ اسلامی کے تحت 3 اپریل 2025ء کو مدنی مشورہ ہوا جس میں تمام کاؤنسل و اسٹیٹ نگران اسلامی بہنوں نے شرکت کی۔

دینی کاموں کے حوالے سے گفتگو کرتے ہوئے ذمہ دار اسلامی بہنوں نے مختلف موضوعات پر مشاورت کی جن میں سے بعض درج ذیل ہیں:

٭درس و بیان کا حلقہ لگانا٭آئندہ 3 ماہ میں مدنی مذاکرے کے اہداف بڑھانا٭ذیلی نگران کی کارکردگی٭نگران اسلامی بہنوں کی گھر درس و مدنی مذاکرہ کارکردگی٭نیکی کی دعوت کے مدنی پھول٭شارٹ کورسز کا جائزہ٭اورسیز نگران اسلامی بہنوں کے اجتماعات میں شرکت۔

نگران عالمی  مجلس مشاورت کی 28 اپریل 2025ء کو دعوتِ اسلامی کے دینی کاموں میں شرکت کے لئے بنگلہ دیش روانگی ہوئی جہاں ذمہ داران اسلامی بہنوں کے درمیان مدنی مشورے، شخصیات سے ملاقاتیں اور دیگر تنظیمی ایکٹیوٹیز آپ کے شیڈول کا حصہ رہیں گی۔

تفصیلات کے مطابق نگران عالمی مجلس مشاورت کی بنگلہ دیش میں (06 مئی 2025ء کو CHITTAGONG CTG SOUTH) (7 مئی 2025ء کو MAEGHNA) (10 مئی 2025ء کو DHAKA) (18 مئی 2025ء RANGPUR NORTH) (19 مئی 2025ء RANGPUR NORTH) (23 مئی 2025ء کو DHAKA)میں مصروفیات رہے گی۔

سرزمینِ بنگلہ دیش کے عاشقانِ رسول کو علمِ دین سکھانے اور انہیں پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی پیاری پیاری سنتیں سکھانےکے لئے عالمی سطح کی دینی تحریک دعوتِ اسلامی کے تحت کراسنگ موڑ،شِکل باہا، کرنافولی ، چٹاگانگ(Shikalbaha, Karnaphuli, Chittagong )میں 30 اپریل تا 2 مئی 2025ء کو ”تین دن کا عظیمُ الشان اجتماع“ منعقد کیا گیا۔

اس اجتماعِ پاک میں چٹاگانگ ڈویژن، بنگلہ دیش کے مختلف شہروں اور اطراف علاقوں سے بزنس کمیونٹی ومختلف شعبہ جات کے اسلامی بھائی، طلبۂ کرام، اساتذۂ کرام اور دیگر عاشقانِ رسول نے شرکت کی۔

معلومات کے مطابق اجتماع کے تینوں دن مختلف نشستیں ہوئیں جن میں تلاوتِ قراٰن، نعتِ رسولِ مقبول صلَّی اللہ علیہ واٰلہٖ وسلَّم، ذکر و اذکار، مبلغینِ دعوتِ اسلامی کے بیانات، رقت انگیز دعائیں اور سیکھنے سکھانے کے حلقے شامل تھے جبکہ اجتماع میں ہونے والی تمام نشستیں بنگلہ مدنی چینل سمیت بنگلہ سوشل میڈیا پیجز پر براہِ راست نشر کی گئیں۔

اس دوران پاکستان سے دینی کاموں کے سلسلے میں بنگلہ دیش آئے ہوئے خلیفۂ امیرِ اہلِ سنت مولانا حاجی عبید رضا عطاری مدنی مد ظلہ العالی نے سنتوں بھرا بیان کیااور جامعۃالمدینہ بنگلہ دیش کے تحت درسِ نظامی (عَالم کورس) سے فارغ التحصیل ہونے والے مدنی علمائے کرام کی دستارِفضیت فرمائی۔

عالمی سطح پر خدمتِ دین کرنے والی عاشقانِ رسول کی دینی تحریک دعوتِ اسلامی کے تحت 3 اپریل 2025ء کو آن لائن مدنی مشورہ ہوا جس میں سب کانٹیننٹ نگران اسلامی بہنوں نے شرکت کی۔

ذمہ دار اسلامی بہن نے نگرانِ عالمی مجلسِ مشاورت کے سفرِ بنگلہ دیش کی تیاریوں کے حوالے سے کلام کیا اور مدنی مشورے میں شریک اسلامی بہنوں کی مختلف امور پر رہنمائی کی۔

دورانِ مدنی مشورہ دینی کاموں کو مضبوط کرنے متعلق بھی تبادلۂ خیال کیا گیا جس پر تمام ذمہ دار اسلامی بہنوں نے اچھی اچھی نیتوں کا اظہار کیا۔

مجلس انٹرنیشنل افیئرز دعوتِ اسلامی کی جانب سے ملنے والی اطلاعات کے مطابق  شیخِ طریقت امیر اہل سنت حضرت علامہ مولانا محمد الیاس قادری دامت بَرَکَاتُہمُ العالیہکے بڑے بیٹے اور خلیفہ و جانشین حضرتِ مولانا حاجی عبید رضا عطاری مدنی مُدَّ ظِلُّہُ العالی 30 اپریل 2025ء کو دعوتِ اسلامی کے دینی کاموں میں شرکت کے لئے بنگلہ دیش روانہ ہورہے ہیں۔

خلیفۂ امیر اہل سنت بنگلہ دیش میں ہونے والے دعوتِ اسلامی کے تین روزہ اجتماع میں بھی خصوصی شرکت و بیان فرمائیں گے جبکہ ذمہ داران کے درمیان مدنی مشورے، شخصیات سے ملاقاتیں اور دیگر تنظیمی ایکٹیوٹیز آپ کے شیڈول کا حصہ رہیں گی۔

بنگلہ دیش کے تمام عاشقان رسول سے گزارش کی جاتی ہے کہ شکلباہا، کرنافولی ، چٹاگانگ میں 30 اپریل سے شروع ہوکر 02 مئی 2025ء کو اختتام پذیر ہونے والے اس اجتماعِ پاک میں خود بھی شرکت کریں اور دوسروں کو بھی اس میں شرکت کی دعوت دیں۔ 

بنگلہ دیش میں مقیم عاشقانِ رسول کے لئے خوشخبری!

عاشقانِ رسول کی عالمگیر تحریک دعوتِ اسلامی کے تحت چٹاگانگ ڈویژن سطح پر ہونے جارہا ہے تین دن کا عظیم الشان سنتوں بھرا اجتماع جو 30 اپریل سے شروع ہوکر 02 مئی 2025ء کو اختتام پذیر ہوگا۔ اجتماع کے انعقاد کے لئے تیاریاں زور و شور سے جاری ہیں۔

تین دن کا یہ عظیم الشان اجتماع شکلباہا، کرنافولی ، چٹاگانگ(Shikalbaha, Karnaphuli, Chittagong )میں موجود وسیع وعریض رقبے پرمنعقد کیا جائیگا۔ اس اجتماع میں چٹاگانگ ڈویژن کے مختلف شہروں اور اطراف علاقوں سے بزنس کمیونٹی ومختلف شعبہ جات کے اسلامی بھائیوں سمیت مقامی عاشقانِ رسول کی شریک ہوں گے۔

تین دن کے اجتماع میں مختلف نشستوں کا سلسلہ ہوگا جس میں تلاوت و نعت، ذکر و اذکار، مبلغین دعوتِ اسلامی کے بیانات، رقت انگیز دعائیں اور مختلف دینی کورسز کے لئےدینی حلقے لگائے جائیں گے۔عظیم الشان اجتماع کے تمام مناظر بنگلہ مدنی چینل سمیت بنگلہ سوشل میڈیا پیجز پر براہِ راست نشر کیا جائے گا۔

بنگلہ دیش کے تمام عاشقانِ رسول سے اس عظیم و روحانی اجتماع میں شرکت کرنے کی درخواست ہے۔

29 مارچ 2025ء کو دنیا بھر میں نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت سری لنکا اور انڈونیشیا  کی سب کانٹیننٹ نگران اسلامی بہنوں کا مدنی مشورہ منعقد ہوا۔

اسلامی بہنوں کی تربیت کے لئے دعوتِ اسلامی کی نگرانِ عالمی مجلسِ مشاورت اسلامی بہن نے بیان کیا۔

26 مارچ 2025ء کو دعوتِ اسلامی کے تحت رمضان ڈونیشن کے سلسلے میں کینیڈا،  امریکہ کی اسلامی بہنوں کا مدنی مشورہ ہوا جس میں کینیڈا کی سب کانٹینٹ نگران اور دیگر سطح کی ذمہ داران شریک ہوئیں۔

اس مدنی مشورے کے دوران نگرانِ عالمی مجلسِ مشاورت اسلامی بہن نے ماہِ رمضانُ المبارک کے ڈونیشن کا جائزہ لیتے ہوئے سابقہ سال کی کارکردگی سے اس کا تقابل کیا۔

آخر میں نگرانِ عالمی مجلسِ مشاورت نے ذمہ دار اسلامی بہنوں کو دینی کاموں میں درپیش مسائل کا حل بتایا اور دعوتِ اسلامی کے شعبہ جات کے لئے زیادہ سے زیادہ ڈونیشن جمع کرنے کی ترغیب دلائی۔

عاشقانِ رسول کی دینی تحریک دعوتِ اسلامی کے شعبہ جات کے لئے رمضانُ المبارک میں ہونے والے ڈونیشن کے سلسلے میں 24مارچ 2025ء کو بذریعہ انٹرنیٹ نادرن اور ساؤتھ افریقہ کی اسلامی بہنوں کا مدنی مشورہ منعقد ہوا جس میں سب کانٹیننٹ نگران اور مختلف سطح کی ذمہ  دار اسلامی بہنوں نے شرکت کی۔

دورانِ مدنی مشورہ نگرانِ عالمی مجلسِ مشاورت اسلامی بہن نے ماہِ رمضانُ المبارک کے ڈونیشن کا جائزہ لیتے ہوئے سابقہ سال کی کارکردگی سے اس کا تقابل کیا۔

رمضانُ المبارک میں دعوتِ اسلامی کے شعبہ جات کے لئے ہونے والے ڈونیشن کے سلسلے میں 24 مارچ 2025ء کو بذریعہ انٹرنیٹ ایسٹرن اینڈ مڈل افریقہ کی اسلامی بہنوں کا مدنی مشورہ ہوا جس میں سب کانٹیننٹ نگران اور دیگر سطح کی ذمہ  دار اسلامی بہنیں شریک ہوئیں۔

دعوتِ اسلامی کے تحت بیرونِ ممالک میں ہونے والے دینی کاموں کے سلسلے میں 22 مارچ 2025ء کو آن لائن میٹنگ ہوئی جس میں بنگلہ دیش کی سب کانٹیننٹ نگران، ملک نگران اور جامعۃالمدینہ کی ذمہ دار اسلامی بہنیں شریک ہوئیں۔

نگرانِ عالمی مجلسِ مشاورت اسلامی بہن نے دینی کاموں کا جائزہ لیتے ہوئے بنگلہ دیش میں ہونے والے دینی کاموں کو مزید مضبوط کرنے کا ذہن دیا اور آئندہ کے اہداف بھی طے کئے۔

بعدازاں بنگلہ دیش کی ذمہ دار اسلامی بہنوں نے دعوتِ اسلامی کے دینی کاموں میں ترقی و بہتری لانے کے لئے اچھی اچھی نیتوں کا اظہار کیا۔

دنیا بھر کے لوگوں کو علمِ دین کے نور سے روشناس کرنے والی عالمی سطح کی دینی تحریک دعوتِ اسلامی کےتحت  24 مارچ 2025ء کوآن لائن مدنی مشورہ ہوا جس میں عالمی مجلسِ مشاورت اور انٹرنیشنل افیئرز ڈیپارٹمنٹ کی اراکین نے شرکت کی۔

تفصیلات کے مطابق اس مدنی مشورے میں دعوتِ اسلامی کی عالمی مجلسِ مشاورت نگران اسلامی بہن نے ابتداءً پریزنٹیشن کے ذریعے سب کانٹیننٹ میں ہونے والے دینی کاموں، شعبہ جات کی کارکردگی اور ذمہ دار اسلامی بہنوں کی انفرادی کارکردگی کا جائزہ پیش کیا۔