پاکستان کے قونصل جنرل جناب فہد امجد نے FGRF یوکے کے ہیڈ سید فضیل رضا عطاری سے ایک اہم ملاقات کی جس میں فلاحی اور انسانی خدمت کے مختلف پہلوؤں پر تبادلۂ خیال کیا گیا۔

ملاقات کے دوران قونصل جنرل فہد امجد نے پاکستان، برطانیہ اور بالخصوص غزہ میں FGRF کی جانب سے انجام دی جانے والی نمایاں انسانی خدمات کو سراہتے ہوئے ادارے کی کاوشوں کو قابلِ تحسین قرار دیا۔ انہوں نے کہا کہ FGRF مشکل حالات میں بلا امتیاز انسانیت کی خدمت کر کے ایک مثالی کردار ادا کر رہا ہے۔

اس موقع پر قونصل جنرل فہد امجد نے FGRF کی شاندار فلاحی خدمات کے اعتراف میں دعوت اسلامی کو ایک Appreciation Letter بھی پیش کیا جو ادارے کی بین الاقوامی سطح پر خدمات کا واضح ثبوت ہے۔

16 دسمبر 2025ء کو دعوتِ اسلامی کے تحت بیرونِ ممالک کی ذمہ داران کا  آن لائن مدنی مشورہ ہوا جس میں انٹرنیشنل افیئرز ڈیپارٹمنٹ کی معاون نگران اور انٹرنیشنل ٹریول ڈیپارٹمنٹ کی نگران اسلامی بہنوں نے شرکت کی۔

مدنی مشورےمیں دعوتِ اسلامی کی نگرانِ عالمی مجلسِ مشاورت اسلامی بہن نے دینی کاموں کے لئے بیرونِ ملک سفر کرنے کے طریقۂ کار کے حوالے سے گفتگو کرتے ہوئے اراکینِ مجلس جس انداز میں کام کر رہی ہیں اس کا فالو اپ لیا۔

دعوت اسلامی کے تبلیغی و اصلاحی سرگرمیوں کو مزید وسعت دینے کے لئے اراکین شوریٰ، مبلغین دعوتِ اسلامی اور دیگر ذمہ داران مختلف ممالک کا دورہ کرتے رہتے ہیں۔

اسی سلسلے میں دعوتِ اسلامی کی مرکزی مجلس شوریٰ کے نگرانِ مولانا حاجی محمد عمران عطاری مُدَّ ظِلُّہُ العالی 28 تا 31 دسمبر 2025ء سری لنکا (Sri Lanka) کا دورہ کریں گے۔ اس دوران منعقد ہونے والے مختلف دینی، اصلاحی اور تربیتی پروگرامز میں نگران شوریٰ خصوصی بیان فرمائیں گے جبکہ دعوتِ اسلامی کے تحت قائم مختلف اداروں کا وزٹ ، شخصیات و ذمہ داران سے ملاقاتیں کرنا اور دینی کاموں کا جائزہ لینا آپ کے شیڈول میں شامل ہے۔

اس دورے سے سری لنکا کے عاشقانِ رسول کو دینی استفادہ حاصل ہوگا۔ دعوتِ اسلامی سری لنکا کے ذمہ داران کی جانب سے ان پروگرامز کی تیاریوں کو حتمی شکل دی جا رہی ہےجبکہ مقامی اسلامی حلقوں میں اس دورے کو بڑی خوش آئند پیش رفت قرار دیا جا رہا ہے۔

واضح رہے کہ دعوتِ اسلامی دنیا بھر میں قرآن و سنت کی تعلیمات کے فروغ، اصلاحِ معاشرہ اور امتِ مسلمہ کی فکری و دینی رہنمائی کے لئے سرگرمِ عمل ایک بین الاقوامی دینی تحریک ہے۔

18 دسمبر 2025ء کو دعوتِ اسلامی کے تحت بیرونِ ممالک میں ہونے والے دینی کاموں کے حوالے سے آن لائن میٹنگ منعقد ہوئی جس میں USA اور کینیڈا کی ذمہ دار اسلامی بہنیں شریک ہوئیں۔

اس دوران نگرانِ عالمی مجلسِ مشاورت اسلامی بہن نے دینی کاموں کا فالو اپ لیتے ہوئے بالخصوص ٹورانٹو (Toronto) میں دینی کام بڑھانے کے متعلق چند اہم نکات پر مشاورت کی۔

اس کے علاوہ نگرانِ عالمی مجلسِ مشاورت نے دینی کاموں کے حوالے سے آئندہ کے اہداف بھی دیئے جس پر ذمہ دار اسلامی بہنوں نے اچھی اچھی نیتیں کیں۔

عاشقانِ رسول کی دینی تحریک دعوتِ اسلامی کے تحت دنیا بھر میں دینی کاموں کا سلسلہ جاری ہے نیز دنیا بھر میں مختلف زبانیں بولی جاتی ہیں جس کے لئے کُتُب و رسائل مختلف  زبانوں میں درکار ہتے ہیں۔

اسی سلسلے میں 12 دسمبر 2025ء کو دعوتِ اسلامی کے تحت ذمہ دار اسلامی بہنوں کی تربیت و رہنمائی کے لئے مدنی مشورہ ہوا جس میں سب کانٹیننٹ نگران اسلامی بہنوں نے شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے ذمہ دار اسلامی بہنوں سے گفتگو کرتے ہوئے تامل (Tamil)، کریول (Creole)، فارسی (Persian) اور گجراتی (Gujarati) زبانوں کے متعلق کلام کیا جبکہ ان زبانوں میں کُتُب و رسائل کے کیا اہداف ہونے چاہیئے؟ ا س پر بھی مشاورت کی۔

عالمی سطح پر ہونے والے دینی کاموں کا فالو اپ لینے کے  لئے 11 دسمبر 2025ء کو دعوتِ اسلامی کے تحت ایک میٹنگ ہوئی جس میں ایران کی ملک نگران اور سب کانٹیننٹ نگران اسلامی بہنیں شریک ہوئیں۔

ابتداءً ذمہ دار اسلامی بہن نے ایران کی اسلامی بہنوں کو دینی کاموں میں درپیش مسائل کا حل بتایا اور ایران میں مختلف شعبہ جات کے قیام، فارسی زبان میں کُتُب و رسائل کا ترجمہ، فیملی سفر اور دیگر اہم امور پر تبادلۂ خیال کیا۔

عالمی سطح کی دینی تحریک دعوتِ اسلامی کے تحت 4 دسمبر 2025ء کو تمام اسٹیٹ نگران اور کاؤنسل نگران اسلامی بہنوں کا مدنی مشورہ ہوا جس میں دینی کاموں کے متعلق کلام کیا گیا۔

ذمہ دار اسلامی بہن نے ابتداءً 8 دینی کاموں کا جائزہ لیتے ہوئے بالخصوص دعائے حاجات اجتماع کے مدنی پھولوں اور رمضان ڈونیشن کے مدنی پھولوں پر کلام کیا جس پر تمام ذمہ دار اسلامی بہنوں نے اچھی اچھی نیتیں کیں۔

لوگوں کو گناہوں سے بچانے اور اُن میں اسلامی شعور پیدا کرنے کے لئے  31 دسمبر 2025ء بروز بدھ کی رات دعوتِ اسلامی کے زیرِا ہتمام Songdo Convensia, Incheon, South Korea میں ”New Year Night Gathering“ کا اہتمام کیا جائے گا۔

تلاوت و نعت سے آغاز کرنے کے بعد رات تقریباً 9 بجےدینی کاموں کے سلسلے میں پاکستان سے South Korea وزٹ کے لئے جانے والے مرکزی مجلسِ شوریٰ کے رکن مولانا حاجی عبدالحبیب عطاری کا خصوصی بیان ہوگا۔

دعوتِ اسلامی لوگوں کی روحانی و فکری اعتبار سے تربیت کرنے، انہیں خدمتِ دین کا جذبہ دلانے، معاشرے کے لوگوں کی اصلاح میں اہم کردار ادا کرنے اور دینِ اسلام کی تعلیمات کو اُن تک پہنچانے والی عالمی سطح کی دینی تحریک ہے۔

اسی فکر و جذبے کے تحت دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری 31 دسمبر 2025ء تا 4 جنوری 2026ء تک South Korea (ساؤتھ کوریا) کے وزٹ پر جارہے ہیں جہاں سنتوں بھرے اجتماعات میں بیان کرنا، شخصیات و ذمہ داران سے ملاقات کرنا اور دینی کاموں کا جائزہ لینا آپ کے شیڈول میں شامل ہے جس کی تفصیل درج ذیل ہے:

٭31 دسمبر 2025ء بروز بدھ رکنِ شوریٰ New Year Night Gathering (نیوائیر نائٹ اجتماع) میں رات تقریباً 9 بجے بیان فرمائیں گے جوکہ Songdo Convensia, Incheon, South Korea میں منعقد ہوگا٭2 جنوری 2026ء بروز جمعہ رکنِ شوریٰ Songdo Masjid & Islamic Center, Incheon, South Korea میں دوپہر تقریباً 12:12 پر عاشقانِ رسول کے درمیان Speech دیں گے٭3 جنوری 2026ء بروز ہفتہ Gimhae City, South Korea میں ہونے والے سنتوں بھرے اجتماع میں شام تقریباً 7 بجےعاشقانِ رسول کی تربیت و رہنمائی فرمائیں گے٭4 جنوری 2026ء بروز اتوار Daegu City, South Korea میں دعوتِ اسلامی کے تحت ہونے والے اجتماعِ پاک میں شام تقریباً 6 بجے سنتوں بھرا بیان فرمائیں گے۔(کانٹینٹ:غیاث الدین عطاری)

ڈھاکہ، بنگلہ دیش:

آشیان سٹی بلاک C، ڈھاکہ بنگلہ دیش میں ہونے والے 3 دن (24، 25 اور 26 دسمبر 2025ء) کے سنتوں بھرے اجتماع میں 25 دسمبر 2025ء کو نگرانِ مرکزی مجلسِ شوریٰ مولانا حاجی محمد عمران عطاری خصوصی بیان فرمائیں گے اور وہاں موجود ذمہ داران سمیت دیگر عاشقانِ رسول کی روحانی و فکری اعتبار سے رہنمائی کریں گے۔

اس اجتماعِ پاک میں مختلف شعبہ ہائے زندگی سے تعلق رکھنے والے افراد، ذمہ داران، مقامی شخصیات، اسٹوڈنٹس، ٹیچر حضرات، مدرسۃالمدینہ و جامعۃالمدینہ بوائز کے طلبۂ کرام اور اساتذۂ کرام کی شرکت متوقع ہے۔

پاکستانی وقت کے مطابق تلاوتِ قرآن 7:45 پر اور بیان 8 بجے شروع ہوگا جبکہ بنگلہ دیشی وقت کے مطابق تلاوتِ قرآن 8:45 پر اور بیان 9 بجے کیا جائے گا۔ اس موقع پر ذکر و اذکار، دعا اور روحانی محافل کا بھی اہتمام کیا جائے گا ۔

تمام ذمہ داران اور عاشقانِ رسول ضرور بالضرور شرکت کریں تاکہ اس اجتماعِ پاک سے زیادہ سے زیادہ فوائد حاصل کئے جا سکیں اور ایک دوسرے کے لئے محبت، اخوت اور اتحاد کا پیغام عام کیا جا سکے۔(کانٹینٹ:غیاث الدین عطاری)

22 دسمبر 2025ء کو خدمت دین میں مصروفِ عمل عالمی سطح کی دینی تحریک دعوتِ اسلامی کے تحت چٹاگانگ، بنگلہ دیش کے فائیواسٹار ہوٹل Radisson Blu (ریڈیسن بلو) میں مقامی بینکرز اور تاجران کے لئے ایک خصوصی پروگرام منعقد کیا گیا۔

پروگرام کے آغاز میں تلاوتِ قراٰن کی گئی اور نعتِ رسولِ مقبول صلَّی اللہ علیہ واٰلہٖ وسلَّم پڑھی گئی جس کے بعد معروف اسلامک اسکالر و ماہرِ امورِ تجارت مفتی علی اصغر عطاری مدظلہ العالی نے ایک معلوماتی لیکچر دیا جس کو حاضرین نے خوب توجہ کے ساتھ سنا۔

اصلاحِ معاشرہ میں اہم کردار ادا کرنے والی عالمی سطح کی دینی تحریک دعوتِ اسلامی کے دینی وفلاحی کاموں کا جائزہ لینے اور ذمہ داران کی تربیت و رہنمائی کرنے کے لئے ماہرِ امورِ تجارت و رکنِ رؤیتِ حلال کمیٹی مفتی علی اصغر عطاری مدظلہ العالی بیرونِ ملک کےسفر پر روانہ ہو چکے ہیں۔

مختلف ذرائع سے ملنے والی معلومات کے مطابق 20 دسمبر 2025ء کو ڈھاکہ، بنگلہ دیش میں قائم دعوتِ اسلامی کے مدنی مرکز فیضانِ مدینہ میں ایک دن کی ”Islamic Finance Workshop“ منعقد کی جائے گی جس میں مفتی علی اصغر عطاری مدظلہ العالی فنانس و اکاؤنٹنگ سے تعلق رکھنے والے افراد اور علمائے کرام کے درمیان لیکچر دیں گے۔

واضح رہےڈھاکہ، بنگلہ دیش کے فنانس و اکاؤنٹنگ سے تعلق رکھنے والے جو اسلامی بھائی اور علمائے کرام اس Workshop میں شرکت کرنا چاہیں تو ہمارے آفیشل نمبر 8801676029828پر رابطہ کریں۔ (کانٹینٹ:غیاث الدین عطاری)