عالمی سطح کی دینی تحریک دعوت اسلامی کے تحت 19 ستمبر 2025ء کو  ڈیفنس ٹاؤن فیز 8، کراچی کے مقامی بینکوئٹ میں 1500 ویں جشن ولادت کی خوشی میں ”عظیم الشان اجتماع میلاد“ کا اہتمام کیا گیا۔

معلومات کے مطابق بڑی تعداد میں ڈیفنس کی مقامی، شہر کی سیاسی ، سماجی و مذہبی کاروباری شخصیات اور یوٹیوبرز سمیت دعوت اسلامی کے ذمہ داران نے اس اجتماعِ پاک میں شرکت کی ۔

تلاوتِ قراٰن سے اجتماعِ میلاد کا آغاز کیا گیا جس کے بعد نعت خواں اسلامی بھائیوں نے پیارے آقا، مکی مدنی مصطفیٰ صلَّی اللہ علیہ واٰلہٖ وسلَّم کی بارگاہِ اقدس میں نذرانۂ عقیدت پیش کرنے کی سعادت حاصل کی۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے ”اسوہ ٔحسنہ اور حقوق العباد“ کے موضوع پر بیان کیا اور حاضرین کو دعوتِ اسلامی کے دینی ماحول سے منسلک رہنے کی ترغیب دلائی ۔اختتام پر رکنِ شوریٰ مولانا حاجی عبد الحبیب عطاری نے تمام مسلمانوں بالخصوص پاکستان کی ملکی سلامتی کے لئے دعا کروائی۔ (رپورٹ: محمد حماد رضا عطاری رکن ٹاؤن مشاورت ڈیفنس ڈویژن ساؤتھ ، کانٹینٹ:غیاث الدین عطاری)

بہاولپور (19 ستمبر 2025) :

اسلامیہ یونیورسٹی بہاولپور کے مین آڈیٹوریم میں میلاد مصطفیٰ سیمینار کا انعقاد کیا گیا جس میں مہمانِ خصوصی مرکزی مجلسِ شوریٰ کے نگران مولانا حاجی محمد عمران عطاری، یونیورسٹی کے وائس چانسلر، ڈائریکٹر کالجز، ایجوکیشن اتھارٹیز، یونیورسٹی فیکلٹی اور ٹیچرز سمیت اسٹاف کے دیگر اسلامی بھائیوں نے شرکت کی۔

اس موقع پرمرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کیا جس میں انہوں نے نبی کریم صلَّی اللہ علیہ واٰلہٖ وسلَّم کی امت کے لئے رہنمائی و محبت کے پیغام کو عام کیا۔

نگرانِ شوری، مولانا حاجی محمد عمران عطاری نے بیان کے دوران حضور صلَّی اللہ علیہ واٰلہٖ وسلَّم کی تعلیمات پر روشنی ڈالی اور انہیں بھی پیارے آقا صلَّی اللہ علیہ واٰلہٖ وسلَّم کی تعلیمات پر عمل کرنے کا ذہن دیا۔

اس موقع پر مرکزی مجلسِ شوریٰ کے اراکین نگرانِ پاکستان مشاورت حاجی محمد شاہد عطاری، حاجی محمد اسلم عطاری اور عبدالوہاب عطاری سمیت دیگر ذمہ دار اسلامی بھائی موجود تھے۔(رپورٹ: شکیل احمد ڈویژن ذمہ دار ایجوکیشن ڈیپارٹمنٹ، کانٹینٹ:غیاث الدین عطاری)

جشنِ میلاد النبی صلَّی اللہ علیہ واٰلہٖ وسلَّم کے سلسلے میں 30 اکتوبر 2024ء کو ڈپٹی کمشنر حافظ آباد میں سالانہ ”محفلِ میلاد النبی صلَّی اللہ علیہ واٰلہٖ وسلَّم“ کا انعقاد کیا گیا جس میں ایڈیشنل ڈپٹی کمشنر جنرل حمد اللہ سمیت دیگر افسران نے شرکت کی۔

تلاوت و نعت کے بعد ڈسٹرکٹ نگران محمد وسیم عطاری نے ”سیرت النبی صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا ار حضور صلَّی اللہ علیہ واٰلہٖ وسلَّم کی حالاتِ زندگی کے واقعات بتائے۔

ڈسٹرکٹ نگران نے وہاں موجود افسران کو دعوتِ اسلامی کے دینی و فلاحی کاموں میں اپنا حصہ ملانے کا ذہن دیا جس پر انہوں نے اچھی اچھی نیتیں کیں۔(رپورٹ: محمد مدثر عطاری شعبہ رابطہ برائے شخصیات ڈسٹرکٹ حافظ آباد ڈویژن گجرات ، کانٹینٹ:غیاث الدین عطاری) 

تحصیل  چک بیلی خان جھٹہ ہتھیال میں قائم ایک مقامی ٹریول ایجنسی میں شعبہ حج و عمرہ دعوتِ اسلامی کے زیرِ اہتمام عمرہ تربیتی نشست کا انعقاد کیا گیا جس میں قرب و جوار کے اسلامی بھائی شریک ہوئے۔

نشست کے دوران مبلغِ دعوتِ اسلامی نے مناسکِ عمرہ بیان کرتے ہوئے احرام باندھنے کا عملی طریقہ اور حاضریِ مدینہ کے آداب سکھائے نیز اسلامی بھائیوں کو حج و عمرہ ایپلی کیشن ڈاؤن لوڈ کروائی۔

آخر میں نشست میں شرکت کرنے والے اسلامی بھائیوں کو امیرِ اہلِ سنت دامت بَرَکَاتُہمُ العالیہ کی تصنیف ”رفیق الحرمین“ بھی موبائل میں ڈاؤن لوڈ کروائی۔(رپورٹ: غلام جیلانی عطاری مجلس حج و عمرہ ڈسٹرکٹ راولپنڈی ، کانٹینٹ:غیاث الدین عطاری)

پچھلے دنوں ملتان پنجاب سے آئے ہوئے مفتی معین الدین نقشبندی نوری صاحب کی دعوتِ اسلامی کے مدنی مرکز فیضانِ مدینہ میرپور خاص آمد ہوئی جہاں ذمہ دار اسلامی بھائیوں نے انہیں خوش آمدید کہا۔

اس دوران میر پور خاص کےڈویژن نگران حافظ محمد زین عطاری نے مفتی معین الدین نقشبندی نوری صاحب کو دعوتِ اسلامی کے مختلف ڈیپارٹمنٹس کا تعارف کروایا جس پر انہوں نے اپنی نیک خواہشات کا اظہار کیا بالخصوص FGRF ڈیپارٹمنٹ کے تحت ہونے والی خدمتِ خلق کو خوب سراہا۔

مفتی معین الدین نقشبندی نوری صاحب کا کہنا تھا کہ دعوتِ اسلامی جس طریقے سے دینِ متین کی خدمت کر رہی ہے اُس کی مثال نہیں ملتی۔بعدازاں ڈویژن نگران نے مفتی صاحب کو مکتبۃ المدینہ کے کتب و رسائل تحفے میں پیش کئے جبکہ مفتی صاحب نے دعوتِ اسلامی کے دینی کاموں میں مزید ترقی کے لئے دعا بھی کروائی۔(رپورٹ: سید کامران عطاری ، کانٹینٹ:غیاث الدین عطاری)

گزشتہ روز عاشقانِ رسول کی دینی تحریک دعوتِ اسلامی کے  عالمی مدنی مرکز فیضانِ مدینہ کراچی میں کراچی کے مشہور اطبائے کرام کی آمد ہوئی جن میں خصوصی شرکت پروفیسر حکیم مختار احمد برکاتی صاحب (ممبر نیشنل کونسل فار طب)، پروفیسر حکیم شیخ عبدالرحمٰن صاحب سرمہ والے (نائب صدر وفاق اطباء پاکستان) اور پروفیسر حکیم جلیس احمد صدیقی صاحب کی ہوئی۔

اس موقع پر ہربل ڈیپارٹمنٹ دعوتِ اسلامی کے ذمہ دار اسلامی بھائیوں نے اطبائے کرام کو عالمی مدنی مرکز فیضانِ مدینہ کراچی میں قائم مختلف ڈیپارٹمنٹس کا وزٹ کروایا اور دینی و فلاحی کاموں کے متعلق بریفنگ دی۔

آخر میں اطبائے کرام نے ذمہ دار اسلامی بھائیوں کے ہمراہ مدنی مذاکرے میں شرکت کی اور امیرِ اہلِ سنت دامت بَرَکَاتُہمُ العالیہ کے مدنی پھولوں سے فیض یاب ہوئے۔(رپورٹ: حکیم محمد حسان عطاری ہربل ڈیپارٹمنٹ پاکستان ، کانٹینٹ:غیاث الدین عطاری)

پریشان حال اور مصیبت زدہ مسلمانوں کی خیرخواہی کا جذبہ رکھنے والی عاشقانِ رسول کی دینی تحریک دعوتِ اسلامی کے شعبہ روحانی علاج کے تحت جیکب آباد تحصیل میں  3 دن پر مشتمل (19، 20 اور 21 اکتوبر 2024ء کو) روحانی علاج کورس منعقد ہوا۔

مبلغِ دعوتِ اسلامی نے کورس کے دوران اسلامی بھائیوں کی مختلف امور پر رہنمائی کی اور انہیں دم و کاٹ کرنے نیز اس کی چند ضروری احتیاطوں کے بارے میں بتایا۔

علاوہ ازیں مبلغِ دعوتِ اسلامی نے حاضرین کو دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: محمداحمدسیالوی عطاری رکن شعبہ مدنی کورسز ، کانٹینٹ:غیاث الدین عطاری)

متی تل بوسن ٹاؤن ملتان میں قائم المدینہ پبلک ہائی اسکول میں شعبہ مدنی کورسز دعوتِ اسلامی کے تحت وضو کورس (شارٹ ٹائم) کروایا گیا جس میں 9 اور 10 کلاسز کے اسٹوڈنٹس، ٹیچرز اور پرنسپل سمیت ذمہ دار اسلامی بھائیوں نے شرکت کی۔

دورانِ کورس شارٹ ٹائم معلم مولانا محمد بلال عطاری مدنی نے وضو کے بارے میں حاضرین کی رہنمائی کی اور انہیں چند ضروری مسائل بتائے نیز دعوتِ اسلامی کے دینی کاموں میں حصہ لینے کی ترغیب بھی دلائی۔

پرنسپل نے دعوتِ اسلامی کا شکریہ ادا کرتے ہوئے اس کام کو سراہا اور کہا کہ اس طرح کے کورسز ہر ادارے میں ہونے چاہئیں۔ بعدازاں ذمہ دار اسلامی بھائیوں کی جانب سے پرنسپل کو ہفتہ وار رسالہ تحفے میں پیش کیا گیا اور اُس کے مطالعے کا ذہن دیا۔(رپورٹ: محمداحمدسیالوی عطاری رکن شعبہ مدنی کورسز ، کانٹینٹ:غیاث الدین عطاری)

ایچ آر ڈیپارٹمنٹ دعوتِ اسلامی کے تحت عالمی مدنی مرکز فیضانِ مدینہ  کراچی میں 23 اکتوبر 2024ء کو مختلف ڈیپارٹمنٹس میں شامل ہونے والے نئے اجیر (Employee) اسلامی بھائیوں کے لئے ٹریننگ سیشن کا انعقاد کیا گیا۔

ٹریننگ سیشن میں ٹی اے ڈی ڈیپارٹمنٹ دعوتِ اسلامی کے منیجر عبدالکریم عطاری نے اسلامی بھائیوں کی رہنمائی کرتے ہوئے انہیں ادارے میں ملازمت کے بنیادی اصول و ضوابط بتائے۔(رپورٹ:مولانا محمدرضوان شاہ عطاری مدنی، کانٹینٹ:غیاث الدین عطاری)

اللہ پاک سے ڈرتے ہوئے زندگی گزارنا ہی دنیا و آخرت کی کامیابی ہے۔ قرآن پاک میں کئی آیات اور بے شمار احادیث مبارکہ میں مسلمانوں کو خوفِ خدا کی ترغیب دلائی گئی ہےاور حکمِ خداوند کے مطابق زندگی گزر بسر کرنے کا ذہن دیا گیا ہے۔

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کے دلوں میں خوفِ خدا پیدا کرنے کے لئے اس ہفتے 17 صفحات کا رسالہ ”خوفِ خدا والوں کی نماز“ پڑھنے / سننے کے ترغیب دلائی ہے اور پڑھنے / سننے والوں کو اپنی دعاؤں سے نوازا ہے۔

دعائے عطار

یااللہ پاک! جو کوئی 17 صفحات کا رسالہ ”خوفِ خدا والوں کی نماز“ پڑھ یا سن لے اُسے اپنا حقیقی خوفِ خدا عطا فرما کر اس کی بے حساب مغفرت فرما۔ اٰمین

یہ رسالہ آڈیو میں سننے اور ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

بیرونِ ممالک کی خواتین میں اسلامی تعلیمات عام کرنے  والی عاشقانِ رسول کی دینی تحریک دعوتِ اسلامی کے تحت 14 اکتوبر 2024ء کو کاؤنسل نگران اسلامی بہنوں کا مدنی مشورہ ہوا۔

دورانِ مدنی مشورہ ذمہ دار اسلامی بہنوں نے مختلف امور پر تبادلۂ خیال کیا اور بیرونِ ممالک میں رہائشی کورسز اور ون ڈے سیشنز کروانے کے حوالے سے مشاورت کی جس پر تمام کاؤنسل نگران اسلامی بہنوں نے اپنی اپنی رائے پیش کی۔

دعوتِ اسلامی کے تحت 19 اکتوبر  2024ء کو شعبہ نیو سوسائٹیز للبنات ، شعبہ رابطہ برائے شخصیات للبنات اور شعبہ تعلیم للبنات کی ملک و صوبائی سطح کی ذمہ دار اسلامی بہنوں کا آن لائن مدنی مشورہ لیا گیا۔

راولپنڈی شہر سے بذریعہ انٹرنیٹ نگرانِ پاکستان مجلسِ مشاورت اسلامی بہن نے گفتگو کرتے ہوئے ٹیلی تھون 2024ء میں ڈونیشن جمع کرنے کا انداز کیا ہو؟ نیز ٹیلی تھون کےاہم دینی کاموں کے مطابق فالو اپ کرنا اس پر اسلامی بہنوں کی تربیت کی۔

اسی طرح نگرانِ پاکستان مجلسِ مشاورت نے شعبہ جات کی موجودہ ٹیلی تھون کارکردگی کا جائزہ بھی لیا اور اسلامی بہنوں کو ٹیلی تھون مہم میں بھرپور شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔