وفاقی دارالحکومت اسلام آبادG-11 کے مدنی مرکز فیضانِ مدینہ میں دعوتِ اسلامی کے تحت شعبہ تحفظِ اوراقِ مقدسہ کا ماہانہ مدنی مشورہ ہوا جس میں جہلم ، چکوال، تلہ گنگ ، راولپنڈی اور اٹک کے ڈسٹرکٹ ذمہ داران اور خادمین و محافظینِ اوراقِ مقدسہ نے شرکت کی۔

ڈویژن ذمہ دار محمد بلال عطاری نے ذمہ دار اسلامی بھائیوں سے گفتگو کرتےہوئے شعبے کی ماہانہ کارکردگی کا جائزہ لیا اور آئندہ کے اہداف دیئے نیز تمام ذمہ داران کو 22، 23 اور 24 دسمبر 2023ء کے مدنی قافلے میں سفر کرنےکا ذہن دیا۔

اس کے علاوہ ڈویژن ذمہ دار نے شعبے کے دینی کاموں میں مزید بہتری لانے کے لئے ذمہ دار اسلامی بھائیوں کی ذہن سازی کی جس پر انہوں نے اچھی اچھی نیتیں کیں۔(رپورٹ: محمدجاسم عطاری ڈسرک چکوال ذمہ دار ، کانٹینٹ:غیاث الدین عطاری)

شعبہ مدنی قافلہ دعوتِ اسلامی کے تحت گزشتہ روز بہاولپور ڈویژن کے ذمہ دار اسلامی بھائیوں کا مدنی مشورہ ہوا جس میں اراکینِ ڈسٹرکٹ سمیت دیگر اسلامی بھائیوں نے شرکت کی۔

مدنی مشورے کا آغاز تلاوتِ قراٰن و نعت شریف سے کیا گیا جبکہ شعبہ مدنی قافلہ کے صوبائی ذمہ دار محمد شہباز عطاری نے ڈویژن سے یوسی سطح پر کس طرح فالو اپ لیا جائے؟ اور کس طرح دینی کاموں کو بڑھایا جائے ؟اس حوالے سے ذمہ داران کی تربیت کی۔

مدنی مشورے کے طے شدہ مدنی پھولوں پر تمام ذمہ دار اسلامی بھائیوں نے اپنی اپنی رائے پیش کی اور دینی کاموں میں مزید بہتری لانے کے لئے اچھی اچھی نیتوں کا اظہار کیا۔

ڈسٹرکٹ بار کونسل حافظ آباد میں شعبہ FGRF (دعوتِ اسلامی) کے ذمہ داران اور ملک وقاص رضا اعوان(صدر ڈسٹرکٹ بار) کے تعاون سے تھیلیسیمیا کے بچوں کے لئے بلڈ کیمپ لگایا گیا۔

اس موقع پر جامعۃ المدینہ بوائز کے طلبۂ کرام، وکلا حضرات اور دیگر عاشقانِ رسول نے اپنا بلڈ ڈونیٹ کیا جبکہ سینئر سول جج صاحبان، تحصیل بار صدر پنڈی بھٹیاں فدا بھٹی اور ریٹائر ڈ کرنل علی احمد اعوان نے بلڈ کیمپ کا وزٹ کیا۔

11دسمبر 2023ء  بروز پیر شعبہ ماہنامہ فیضان مدینہ کے اسلامی بھائیوں کا عالمی مدنی مرکز فیضانِ مدینہ کراچی میں مدنی مشورہ ہوا جس میں نگرانِ شعبہ ماہنامہ فیضان مدینہ مولانا مہروز علی عطاری مدنی، چیف ایڈیٹر ماہنامہ مولانا محمد آصف عطاری مدنی اور ایڈیٹر ماہنامہ مولانا راشد علی عطاری مدنی سمیت اردو ماہنامہ کے تمام اسلامی بھائیوں نے شرکت کی۔

رکنِ مرکزی مجلسِ شوریٰ نے مولانا حاجی ابو ماجد محمد شاہد عطاری مدنی نے” شعبہ ماہنامہ فیضانِ مدینہ“کی Hierarchy بیان کی اور کسی بھی شعبے یا مجلس میں Hierarchy کی کیا اہمیت ہے؟ اس پر مفید گفتگو کی نیز ماہنامہ فیضان مدینہ کے علمی و ادبی معیار اور طباعتی و ترسیلی مراحل کو مزید اپ ڈیٹ کرنے کے حوالے سے ذمہ داران کو مدنی پھولوں سے نوازا۔

اس موقع پر نگرانِ شعبہ مولانا مہروز عطاری مدنی نے ”ماہنامہ فیضانِ مدینہ“ انگلش و عربی سے متعلق کچھ امور بیان کئے اور جنوری 2024ء میں ماہنامہ فیضان مدینہ کے تمام شعبوں (رائٹنگ، ٹرانسلیشن،مارکیٹنگ، پرنٹنگ وغیرہ)کے اجتماعی مدنی مشورے کا اعلان کیا۔(رپورٹ:مولانا جہانزیب عطاری مدنی معاون رکنِ شوریٰ مولانا شاہد عطاری مدنی ، کانٹینٹ:غیاث الدین عطاری، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت پچھلے دنوں سندھ کے شہر حیدر آباد میں شعبہ فیضان آن لائن اکیڈمی بوائز کے شفٹ ذمہ داران (معاونین و مفتشین) کا مدنی مشورہ ہوا۔

اس مدنی مشورے میں ڈویژن ذمہ دار مولانا محمد عابد حسین عطاری مدنی اور تعلیمی امور ذمہ دار سیّد غوث علی عطاری نے شعبے کے دینی کاموں میں بہتری لانے، تعلیمی نظام کی Enhancement اور مجلس تفتیش کی طرف سے متعارف کروائی جانے والی چیزوں پر مشاورت کی۔ذمہ دار اسلامی بھائیوں نے تفتیش میں معاون جدید ٹولز اور مختلف امور پر گفتگو کرتے ہوئے دینی کاموں میں خود اور مدرسین کو شرکت کروانے کا ذہن دیا۔

اس کے علاوہ مدرسۃ المدینہ آن لائن کے نگران سیّد انس عطاری نے طلبۂ کرام کی تعلیمی کیفیت بہتر بنانے اور دیگر اہم نکات پر شرکا کی تربیت کی جس پر انہوں نے اچھی اچھی نیتیں کیں۔آخر میں سوال و جواب کا بھی سلسلہ ہوا ۔(رپورٹ: مولانا محمد وقار یعقوب عطاری مدنی برانچ ناظم فیضان آن لائن اکیڈمی ، کانٹینٹ:غیاث الدین عطاری)

گزشتہ روز عاشقانِ رسول کی دینی تحریک دعوتِ اسلامی کے تحت فقیر آباد، پشاور میں کیبل ہیڈن محمد ذیشان سے شعبہ مدنی چینل عام کریں کے ذمہ دار اسلامی بھائیوں کی ملاقات ہوئی۔

اس دوران نگرانِ شعبہ انجم رضا عطاری نے محمد ذیشان کے قریبی عزیز کے انتقال پر فاتحہ خوانی پڑھی جبکہ مدنی چینل کے حوالے سے تعاون کرنے پر محمد ذیشان کا شکریہ ادا کیا اور انہیں نیکی کی دعوت دیتے ہوئے ہفتہ وار سنتوں بھرے اجتماع میں شرکت کرنے کی دعوت پیش کی۔

دعوتِ اسلامی کے شعبہ مدنی چینل عام کریں کے تحت ذمہ دار اسلامی بھائیوں نے پچھلے دنوں جامعۃ المدینہ بوائز کوہاٹ میں طلبۂ کرام کے درمیان سیکھنے سکھانے کا حلقہ لگایا جس میں اساتذۂ کرام نے بھی شرکت کی۔

دورانِ حلقہ نگرانِ شعبہ انجم رضا عطاری نے دعوتِ اسلامی کے دینی کاموں کے متعلق طلبۂ کرام کی ذہن سازی کی اور انہیں مدنی چینل عام کرنے کا ذہن دیا نیز جو سوشل میڈیا استعمال کرتے ہیں اُن کی مختلف امور پر تربیت کی۔

9 دسمبر 2023ء بروز ہفتہ صوبۂ پنجاب پاکستان کے شہر بہاولپور میں قائم مدنی مرکز فیضانِ مدینہ میں مدنی مشورے کا انعقاد ہوا جس میں شعبہ گھریلو صدقہ بکس کے ذمہ دار اسلامی بھائیوں نے شرکت کی۔

ابتداءً نگرانِ بہاولپور ڈویژن ڈاکٹر حافظ عبد الرؤوف عطاری نے خود کفالت و آمدن کا جائزہ لیتے ہوئے 12 دینی کاموں بالخصوص ہفتہ وار سنتوں بھرے اجتماع میں شرکت کرنے، ماہنامہ فیضانِ مدینہ کی بکنگ کروانے اور دسمبر 2023ء کے مدنی قافلے میں سفر کرنے کے اہداف دیئے جس پر انہوں نے اچھی اچھی نیتیں کیں۔(رپورٹ: احمدرضا عطاری ڈویژن میڈیا ڈیپارٹمنٹ ، کانٹینٹ:غیاث الدین عطاری)

بہالپور سٹی میں واقع دعوتِ اسلامی کے مدنی مرکز فیضانِ مدینہ میں گزشتہ روز ذمہ دار اسلامی بھائیوں کا مدنی مشورہ منعقد ہوا جس میں دینی کاموں سے متعلق کلام کیا گیا۔

نگرانِ بہاولپور ڈویژن ڈاکٹر حافظ عبد الرؤوف عطاری نے دعوتِ اسلامی کے 12 دینی کاموں بالخصوص ہفتہ وار سنتوں بھرے اجتماع میں شرکت کرنے، ماہنامہ فیضانِ مدینہ کی بکنگ کروانے اور دسمبر 2023ء کے مدنی قافلے میں سفر کرنے کے اہداف دیئے جس پر انہوں نے اچھی اچھی نیتیں کیں۔(رپورٹ: احمدرضا عطاری ڈویژن میڈیا ڈیپارٹمنٹ ، کانٹینٹ:غیاث الدین عطاری)

مدنی مرکز فیضانِ مدینہ بہاولپور میں دعوتِ اسلامی کے تحت مدنی مشورے کا انعقاد کیا گیا جس میں مدرسۃ المدینہ بوائز بہاولپور ڈسٹرکٹ و سٹی کے ناظمین و ذمہ دار اسلامی بھائیوں نے شرکت کی۔

نگرانِ بہاولپور ڈویژن ڈاکٹر حافظ عبد الرؤوف عطاری نے مدرسۃ المدینہ بوائز کی برانچ وائز کارکردگی کا جائزہ لیا اور خود کفالت کے حوالے سے چند اہم نکات پر گفتگو کی جبکہ مدرسۃ المدینہ بوائز کے بچوں اور اُن کے سرپرستوں کو ہفتہ وار سنتوں بھرے اجتماع میں شرکت کروانے کے متعلق مشاورت کی۔

صوبۂ پنجاب پاکستان کے شہر لاہور میں قائم جامع مسجد غوثیہ میں دعوتِ اسلامی کے تحت 7 دن کا فیضانِ نماز کورس منعقد کیا گیا جس میں مختلف شعبہ ہائے زندگی سے تعلق رکھنے والے اسلامی بھائیوں نے شرکت کی۔

اس کورس میں شعبہ مدنی کورسز کے ذمہ دار محمد مستقیم عطاری نے شرکا کو نماز کے متعلق مسائل سکھائے بالخصوص نماز کی شرائط و فرائض اور سنتیں و آداب کے بارے میں اُن کی تربیت کی۔

صحبت پور روڈ،  ڈیرہ اللہ یار بلوچستان کی جامع مسجد فیضانِ مزمل میں شعبہ مدنی قافلہ دعوتِ اسلامی کے تحت ماہانہ نشست کا انعقاد کیا گیا جس میں 12 ماہ مدنی قافلے کے عاشقانِ رسول سمیت دیگر ذمہ داران نے شرکت کی۔

نگرانِ شعبہ 12 ماہ مدنی قافلہ مولانا شاکر عطاری مدنی نے ”مدنی قافلے کیسے تیار ہوں؟“ کے موضوع پر بیان کیا جس میں انہوں نے شرکا کی دینی و اخلاقی اعتبار سے تربیت کی اور انہیں اخلاص کے ساتھ دینی کام کرنے کی ترغیب دلائی۔بعدازاں امیرِ مدنی قافلہ کو مدنی قافلوں کی کارکردگی پر تحائف دیئے گئے۔