عاشقانِ رسول کی دینی تحریک دعوتِ اسلامی کے تحت اگست 2026ء کے مہینے میں پاکستان بھر میں ہونے والے 8 دینی کاموں کی کارکردگی کا اجمالی جائزہ شائع کر دیا گیا ہے۔

معلومات کے مطابق ملک بھر میں لاکھوں اسلامی بہنوں نے مختلف دینی و اخلاقی سرگرمیوں میں شرکت کی اور تعلیم و تربیت کے عمل کو آگے بڑھایا جبکہ دعوتِ اسلامی کے 8 دینی کاموں کے ذریعے اسلامی بہنوں کی اخلاقی، دینی اور عملی تربیت کا سلسلہ جاری رہا جس میں قرآنی تعلیمات کا فروغ اور سنتوں بھرے اجتماعات کے امور شامل تھے۔

٭روزانہ گھر درس: اگست کے مہینے میں مجموعی طور پر 1 لاکھ 30 ہزار 618 (1, 30, 618) اسلامی بہنوں نے اپنے گھروں میں روزانہ کی بنیاد پر درس دیئے۔

٭بیان و مدنی مذاکرہ:1 لاکھ 69 ہزار 252 (1, 69, 252) اسلامی بہنوں نے روزانہ امیرِ اہلسنت دَامَتْ بَرَکَاتُہُمُ الْعَالِیَہ کا بیان یا مدنی مذاکرہ سنا۔

٭مدرسۃ المدینہ بالغات: بڑی عمر کی اسلامی بہنوں کو تجوید کے ساتھ قرآنِ کریم کی تعلیم دینے کے لیے 16 ہزار 575 (16, 575) مدارس المدینہ قائم رہے جن میں1 لاکھ 26 ہزار 827 (1, 26, 827) اسلامی بہنوں نے علمِ دین حاصل کیا۔

٭ہفتہ وار سنتوں بھرے اجتماعات: ملک بھر میں 12 ہزار 200 (12, 200) ہفتہ وار اجتماعات منعقد ہوئے جن میں 4 لاکھ 98 ہزار 464 (4, 98, 464) اسلامی بہنوں نے شرکت کی ۔

٭ہفتہ وار علاقائی دورہ برائے نیکی کی دعوت:50 ہزار 630 (50, 630)اسلامی بہنوں نے دیگر خواتین کو نیکی کی دعوت دینے اور دین سے جوڑنے کے لیے علاقائی دورہ برائے نیکی کی دعوت میں شرکت کی۔

٭ہفتہ وار رسالہ مطالعہ: امیرِ اہلِ سنت دامت بَرَکَاتُہمُ العالیہ کی ترغیب پر 7 لاکھ 11 ہزار 355 (7, 11, 355) اسلامی بہنوں نے ہفتہ وار رسالے کا مطالعہ کیا یا سنا۔

٭رسالہ نیک اعمال: 1 لاکھ 30 ہزار 987 (1, 30, 987) نیک اعمال کے رسائل جمع کیے گئے۔

دعوتِ اسلامی کے تحت 22 ستمبر 2026ء کو  نیوزی لینڈ کی ذمہ دار اسلامی بہن کے ہمراہ ایک اہم میٹنگ منعقد ہوئی جس میں دینی، تعلیمی اور تنظیمی نظام کو مزید فعال بنانے کے لیے مختلف امور پر تفصیلی گفتگو کی گئی۔

میٹنگ کے دوران درج ذیل اہم نکات اور امور پر مشاورت ہوئی:

مدرسۃ المدینہ کا نظام: مدرسۃ المدینہ کے مجموعی نظام اور بالخصوص ”مدرسۃ المدینہ گرلز“ کے حوالے سے بہتری کلام کیا گیا۔

شعبہ جات اور تقرریاں: شعبہ مشاورت کے کارکردگی شیڈول کا جائزہ لیا گیا اور شعبہ اصلاحِ اعمال کی ذمہ دار اسلامی بہن کی تقرری کے حوالے سے اہم باتیں بیان کی گئیں۔

8 دینی کاموں کا تعارف: عوام الناس اور ذمہ دار اسلامی بہنوں کے درمیان 8 دینی کاموں کا تعارف (Introduction) ۔

16 ستمبر 2026ء کو دعوتِ اسلامی کے دینی کاموں کے سلسلے میں  کینٹربری کاؤنسل کی نگران اسلامی بہن کے ہمراہ ایک اہم مدنی مشورہ منعقد ہوا جس میں مختلف دینی، تعلیمی اور تنظیمی موضوعات پر تبادلۂ خیال کیا گیا۔

مدنی مشورے کے دوران درج ذیل امور پر گفتگو کی گئی اور اہم نکات طے کیے گئے:

٭کینٹبری کاؤنسل میں منعقد ہونے والی محافل کے نتائج (Outcomes) کا تفصیلی جائزہ اور اُن میں مزید بہتری ٭ ذمہ دار اسلامی بہنوں کی شیڈول کی پابندی ٭ عام اسلامی بہنوں کے سامنے دعوتِ اسلامی کے دینی کاموں کو مؤثر انداز میں پیش کرنے اور بیانات کے لیے مناسب موضوعات کی سلیکشن (انتخاب) کرنے کے حوالے سے نکات ٭ ٹیلی تھون کی اب تک کی کارکردگی اور اس کے یونٹ سے متعلق اہم مشورے۔

زیادہ بولنا انسان کو کئی گناہوں، غلطیوں اور آفتوں میں مبتلا کر دیتا ہے، جبکہ زبان کی حفاظت دنیا و آخرت کی کامیابی کی ضامن ہے۔ فضول اور بے جا گفتگو سے نہ صرف انسان کے وقار کو ٹھیس پہنچتی ہے بلکہ کئی فتنوں کا دروازہ بھی کھلتا ہے۔

اسی اہمیت کے پیش نظر عاشقانِ رسول کی اصلاح اور زبان کی آفتوں سے بچانے کے لیے شیخ طریقت امیر اہلسنت حضرت علامہ محمد الیاس عطار قادری دامت بَرَکَاتُہمُ العالیہ نے اس ہفتے عاشقانِ رسول کو 16 صفحات کا رسالہ ”بولنے کے فتنے“ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دعائے عطار

یا اللہ پاک! جو کوئی 16 صفحات کا رسالہ ”بولنے کے فتنے“ پڑھ یا سُن لے، اس کو زبان کے فتنوں سے بچا کر دنیا و آخرت کی بھلائیاں نصیب فرما، اس کو ماں باپ سمیت جنّتُ الفردوس میں بے حساب داخلہ نصیب فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

دعوتِ اسلامی کے دینی کاموں کا جائزہ لینے کے لیے 11 ستمبر  2026ء کو New South Wales کی نگران اسلامی بہن کے ہمراہ ایک اہم مدنی مشورہ منعقد ہوا جس دوران متعدد اہم دینی و تنظیمی موضوعات پر تفصیلی گفتگو کی گئی جن میں درج ذیل نکات اور امور شامل تھے:

٭گرینڈ میلاد کے انعقاد اور اس میں نوجوانوں (youngsters) کی شرکت کے حوالے سے فیڈبیک٭ ٹیلی تھون 2026ء کی کارکردگی اور کاؤنسل لیول (Council Level) پر اس کے آئندہ کے فالو اپ ٭ ماہانہ youngsters کے لیے انگریزی زبان میں سیشنز کا انعقاد اور محفلِ نعت کے نتائج (Outcomes) نیز ان کے درمیان مختلف سیشنز ٭مدرسۃ المدینہ بالغات کے درجات اور ان سے متعلقہ تعلیم و تربیت کے امور ۔

20 ستمبر 2026ء کو  دعوتِ اسلامی کے زیرِ اہتمام کراچی سٹی کے علاقے لیمو گوٹھ میں ماہِ ربیع الآخر کی مناسبت سے تقریب کا انعقاد کیا گیا جس میں نگرانِ عالمی مجلسِ مشاورت اسلامی بہن نے ”غوثِ اعظم کے مناقب“ پر بیان کیا۔

نگرانِ عالمی مجلسِ مشاورت نے حضور غوثِ پاک رحمۃ اللہ علیہ کی عبادت و ریاضت اور تلاوتِ قرآن سے متعلق ایمان افروز واقعات بیان کرتے ہوئے شرکا کو ہفتہ وار اجتماع میں پابندی سے شرکت کرنے اور روزانہ تلاوتِ قرآن پاک کرنے کی ترغیب دلائی۔

بعدِ بیان پاکستان سطح کی شعبہ محفلِ نعت ذمہ دار اسلامی بہن نے رقت انگیز دعا کروائی اور صلوۃ و سلام پڑھا گیا جبکہ شرکاسے ملاقات و انفرادی کوشش کا سلسلہ بھی ہوا۔

کراچی سٹی کے علاقے کھارادر میں ماہِ ربیع الآخر کی مناسبت سےدعوتِ اسلامی کے زیرِ اہتمام 18 ستمبر 2026ء کو  ”محفلِ غوثِ اعظم“ کا انعقاد کیا گیا جس میں اسلامی بہنوں کی کثیر تعداد نے شرکت کی۔

محفل کے دوران نگران ِعالمی مجلسِ مشاورت اسلامی بہن نے حضور غوثِ اعظم رحمۃ اللہ علیہ کے والدین کے تقویٰ و پرہیزگاری کے ایمان افروز واقعات بیان کیے نیز والدین کو اپنی اولاد کی دینی و اخلاقی تربیت میں کن اہم امور کا خیال رکھنا چاہیئے اس حوالے سے اسلامی بہنوں کی رہنمائی کی۔

بعدازاں نگرانِ عالمی مجلسِ مشاورت نے وہاں موجود تمام اسلامی بہنوں کو ہفتہ وار سنتوں بھرے اجتماع میں باقاعدگی سے شرکت کرنے اور راہِ خدا میں اپنا مال خرچ کرنے کی ترغیب بھی دلائی۔

محفل کے اختتام پر ڈسٹرکٹ نگران اسلامی بہن نے رقت انگیز دعا کروائی جس کے بعد صلوۃ و سلام پڑھا گیا اور پھر اسلامی بہنوں سے ملاقات و انفرادی کوشش کا سلسلہ ہوا۔

کراچی سٹی کے علاقے پی آئی بی (P.I.B) کالونی میں عاشقانِ رسول کی دینی تحریک دعوتِ اسلامی کے تحت 19 ستمبر 2026ء کو ایک مبلغہ اسلامی بہن کی رہائش گاہ پر محفلِ نعت کا انعقاد کیا گیا جس میں ذمہ داران اور دیگر اسلامی بہنوں نے شرکت کی۔

محفل کا آغاز تلاوتِ قرآنِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے ہوا جس کے بعد نگرانِ عالمی مجلسِ مشاورت اسلامی بہن نے ”عشقِ رسول کے تقاضے“ کے موضوع پر سنتوں بھرا بیان کیا اور نبیِ کریم صلَّی اللہ علیہ واٰلہٖ وسلَّم سے عشق کی مختلف علامتیں بیان کیں۔

محفل کے اختتام پر شعبہ محبتیں بڑھاؤ للبنات کی ذمہ دار اسلامی بہن نے رقت انگیز دعا کروائی جس کے بعد صلوۃ و سلام پڑھا گیا اور پھر شرکا سے ملاقات و انفرادی کوشش کا سلسلہ ہوا۔

عالمی سطح کی دینی تحریک دعوتِ اسلامی کے تحت ساؤتھ افریقہ  کی ذمہ دار اسلامی بہنوں کا 17 ستمبر 2026ء کو آن لائن ایک اہم مدنی مشورہ منعقد کیا گیا جس میں رکنِ عالمی مجلسِ مشاورت، ساؤتھ افریقہ کی نئی و پرانی ذمہ دار اسلامی بہنیں اور ملک نگران نے شرکت کی۔

عاشقانِ رسول کی دینی تحریک دعوتِ اسلامی کے زیرِ اہتمام 16 ستمبر 2026ء کو کراچی کے علاقے پی آئی بی کالونی میں قائم کشمیر بلڈنگ میں ہفتہ وار سنتوں بھرے اجتماع کا انعقاد کیا گیا جس میں ذمہ داران اور مقامی اسلامی بہنوں نے شرکت کی۔

اجتماع کے دوران نگرانِ عالمی مجلسِ مشاورت اسلامی بہن نے ”اولیاء اللہ کے اختیارات“ کے موضوع پر سنتوں بھرا بیان کیا جس میں انہوں نے غوثِ پاک حضرت سیدنا شیخ عبد القادر جیلانی رحمۃ اللہ علیہ کی شان و مرتبہ کو بیان کیا۔

بیان کے اختتام پر مبلغۂ دعوتِ اسلامی نے رقت انگیز دعا کروائی جس کے بعد وہاں موجود تمام اسلامی بہنوں سے ملاقات اور انفرادی کوشش کا سلسلہ ہوا جس میں انہیں دعوتِ اسلامی کے دینی کاموں میں شرکت کی دعوت دی گئی۔

قرآنِ کریم میں اللہ تعالیٰ نے انبیاء کرام علیہم السلام کے واقعات محض کہانی کے طور پر نہیں، بلکہ بنی نوع انسان کی ہدایت کے لئے بیان فرمائے ہیں۔ انہی جلیل القدر پیغمبروں میں سے ایک حضرت یونس علیہ السلام ہیں، جن کا ذکر قرآن مجید کی مختلف سورتوں میں نہایت سبق آموز انداز میں کیا گیا ہے۔ آپ کو قرآن میں "ذو النون" (مچھلی والا) اور "صاحب الحوت" کے القاب سے بھی یاد کیا گیا ہے۔حضرت یونس علیہ السلام کا نام قرآنِ کریم میں 6 مرتبہ آیا ہے۔

قرآن مجید کی دسویں سورت کا نام "سورة یونس" ہے، جس کی آیت نمبر 98 میں بتایا گیا ہے کہ حضرت یونس علیہ السلام کی قوم تاریخ کی وہ واحد قوم ہے جو عذاب دیکھ کر ایمان لائی اور اللہ نے ان سے عذاب ٹال دیا۔

فَلَوْ لَا كَانَتْ قَرْیَةٌ اٰمَنَتْ فَنَفَعَهَاۤ اِیْمَانُهَاۤ اِلَّا قَوْمَ یُوْنُسَؕ-لَمَّاۤ اٰمَنُوْا كَشَفْنَا عَنْهُمْ عَذَابَ الْخِزْیِ فِی الْحَیٰوةِ الدُّنْیَا وَ مَتَّعْنٰهُمْ اِلٰى حِیْنٍ(۹۸)

ترجمۂ کنزالایمان: تو ہوئی ہوتی نہ کوئی بستی کہ ایمان لاتی تو اس کا ایمان کام آتا ہاں یونس کی قوم جب ایمان لائے ہم نے ان سے رسوائی کا عذاب دنیا کی زندگی میں ہٹادیا اور ایک وقت تک انہیں برتنے دیا۔(سورۃیونس:98)

تفسیر صراط الجنان:فَلَوْ لَا:تو کیوں ایسا نہ ہوا۔ یعنی ایسا کیوں نہ ہوا کہ ان بستیوں میں سے جنہیں ہم نے ہلاک کیا کوئی قوم عذاب کا مشاہدہ کرنے سے پہلے کفر چھوڑ کر اِخلاص کے ساتھ توبہ کر کے ایمان لے آتی اور جس طرح فرعون نے اپنا ایمان لانا مُؤخَّر کیا وہ قوم نہ کرتی تاکہ اس کا ایمان اسے نفع دیتا کیونکہ اختیار کے وقت میں ایمان لانے کی وجہ سے اللہ عَزَّوَجَلَّ ان کا ایمان قبول کر لیتا۔ (مدارک، یونس، تحت الآیۃ: ۹۸، ص۴۸۶)

اور حضرت یونس علیہ السلام کا ذکر ہو اور آیت کریمہ کا ذکر نہ ہو یہ کیسے ہو سکتا ہے۔

وَ ذَا النُّوْنِ اِذْ ذَّهَبَ مُغَاضِبًا فَظَنَّ اَنْ لَّنْ نَّقْدِرَ عَلَیْهِ فَنَادٰى فِی الظُّلُمٰتِ اَنْ لَّاۤ اِلٰهَ اِلَّاۤ اَنْتَ سُبْحٰنَكَ اِنِّیْ كُنْتُ مِنَ الظّٰلِمِیْنَۚۖ(۸۷)

ترجمۂ کنزالایمان: اور ذوالنون کو جب چلا غصہ میں بھرا تو گمان کیا کہ ہم اس پر تنگی نہ کریں گے تو اندھیریوں میں پکارا کوئی معبود نہیں سوا تیرے پاکی ہے تجھ کو بیشک مجھ سے بے جا ہوا۔(سورۃانبیاء:87)

تفسیر صراط الجنان:وَ ذَا النُّوْنِ:اور ذوالنون کو (یاد کرو)۔ یہاں سے حضرت یونس بن متّٰی عَلَیْہِ الصَّلٰوۃُ وَالسَّلَام کا واقعہ بیان کیا جا رہا ہے۔ اس کا خلاصہ یہ ہے کہ حضرت یونس عَلَیْہِ الصَّلٰوۃُ وَالسَّلَام کی قوم کے لوگوں نے آپ کی دعوت قبول نہ کی اور نہ ہی نصیحت مانی بلکہ وہ اپنے کفر پر ہی قائم رہے تھے، تو حضرت یونس عَلَیْہِ الصَّلٰوۃُ وَالسَّلَام غضبناک ہو کر اپنی قوم کے علاقے سے تشریف لے گئے اور آپ نے یہ گمان کیا کہ یہ ہجرت آپ کے لئے جائز ہے کیونکہ اس کا سبب صرف کفر اور کافروں کے ساتھ بغض اور اللہ تعالیٰ کے لئے غضب کرنا ہے، لیکن آپ نے اس ہجرت میں اللہ تعالیٰ کے حکم کا انتظار نہ کیا تھا جس کی وجہ سےاللہ تعالیٰ نے انہیں مچھلی کے پیٹ میں ڈال دیا، وہاں کئی قسم کی تاریکیاں تھیں جیسے دریا کی تاریکی ، رات کی تاریکی اور مچھلی کے پیٹ کی تاریکی ، ان اندھیروں میں حضرت یونس عَلَیْہِ الصَّلٰوۃُ وَالسَّلَام نے اپنے پروردگار عَزَّوَجَلَّ سے اس طرح دعا کی کہ اے میرے رب! عَزَّوَجَلَّ، تیرے سوا کوئی معبود نہیں اور تو ہرعیب سے پاک ہے، بیشک مجھ سے بے جا ہوا کہ میں اپنی قوم سے تیرا اِذن اور اجازت پانے سے پہلے ہی جدا ہو گیا۔( مدارک، الانبیاء، تحت الآیۃ: ۸۷، ص۷۲۴)

اس کے علاوہ سورۃالصافات میں حضرت یونس علیہ السلام کا واقعہ تفصیل کے ساتھ موجود ہے:اللہ تبارک و تعالی ارشاد فرماتا ہے۔وَ اِنَّ یُوْنُسَ لَمِنَ الْمُرْسَلِیْنَؕ(۱۳۹) اِذْ اَبَقَ اِلَى الْفُلْكِ الْمَشْحُوْنِۙ(۱۴۰)

ترجمۂ کنزالایمان: اور بے شک یونس پیغمبروں سے ہے۔جب کہ بھری کشتی کی طرف نکل گیا۔(سورۃ الصفت:139،140)

فَسَاهَمَ فَكَانَ مِنَ الْمُدْحَضِیْنَۚ(۱۴۱) فَالْتَقَمَهُ الْحُوْتُ وَ هُوَ مُلِیْمٌ(۱۴۲)

ترجمۂ کنزالایمان: تو قرعہ ڈالا تو دھکیلے ہوؤں میں ہوا۔ پھر اسے مچھلی نے نگل لیا اور وہ اپنے آپ کو ملامت کرتا تھا۔(سورۃالصفت:141،142)

فَلَوْ لَاۤ اَنَّهٗ كَانَ مِنَ الْمُسَبِّحِیْنَۙ(۱۴۳) لَلَبِثَ فِیْ بَطْنِهٖۤ اِلٰى یَوْمِ یُبْعَثُوْنَۚ(۱۴۴) فَنَبَذْنٰهُ بِالْعَرَآءِ وَ هُوَ سَقِیْمٌۚ(۱۴۵) ترجمۂ کنزالایمان: تو اگر وہ تسبیح کرنے والا نہ ہوتا۔ضرور اس کے پیٹ میں رہتا جس دن تک لوگ اٹھائے جائیں گے۔ پھر ہم نے اسے میدان پر ڈال دیا اور وہ بیمار تھا۔(سورۃالصفت:143تا 145)

وَ اَنْۢبَتْنَا عَلَیْهِ شَجَرَةً مِّنْ یَّقْطِیْنٍۚ(۱۴۶)

ترجمۂ کنزالایمان: اور ہم نے اس پر کدو کا پیڑ اگایا۔(سورۃ الصفت:146)

وَ اَرْسَلْنٰهُ اِلٰى مِائَةِ اَلْفٍ اَوْ یَزِیْدُوْنَۚ(۱۴۷) فَاٰمَنُوْا فَمَتَّعْنٰهُمْ اِلٰى حِیْنٍؕ(۱۴۸)

ترجمۂ کنزالایمان: اور ہم نے اسے لاکھ آدمیوں کی طرف بھیجا بلکہ زیادہ۔ تو وہ ایمان لے آئے تو ہم نے انہیں ایک وقت تک برتنے دیا۔ (سورۃالصفت:147،148)

حضرت یونس علیہ السلام کے واقعے میں ہمارے لیے بے شمار مدنی پھول ہیں۔حضرت یونس علیہ السلام کی زندگی کا قرآنی بیان ہمیں سکھاتا ہے کہ انسان کتنا ہی بے بس کیوں نہ ہو اگر وہ اپنے رب کی طرف رجوع کرے تو سمندر کی گہرائیاں اور اندھیرے بھی اس سے نقصان نہیں پہنچا سکتے۔ اللہ تعالی ہمیں قرآن کریم کے اس قصہ سے ہدایت حاصل کرنے کی توفیق عطا فرمائے ۔ 

حضرت یونس علیہ الصلاۃ والسلام اللہ تعالیٰ کے عظیم پیغمبروں میں سے ایک تھے۔ آپ علیہ الصلاۃ والسلام کو اللہ تعالیٰ نے نینوٰی کی قوم کی ہدایت کے لیے بھیجانینوٰی ایک بڑا شہر تھا جہاں لوگ بت پرستی اور گناہوں میں مبتلا تھے۔ حضرت یونس علیہ الصلاۃ والسلام نے اپنی قوم کو اللہ تبارک وتعالیٰ کی عبادت کی دعوت دی اور انہیں برے کاموں سے منع کیا، لیکن قوم نے آپ علیہ الصلاۃ والسلام کی بات ماننے سے انکار کر دیا۔ وہ اپنی نافرمانی اور غرور میں مبتلا رہے۔

حضرت یونس علیہ الصلاۃ والسلام نے اپنی قوم کو کئی سال تک سمجھایا مگر جب انہوں نے مسلسل انکار کیا تو آپ علیہ الصلاۃ والسلام ناراض ہو کر اللہ کے حکم کے انتظار کے بغیر شہر چھوڑ کر چلے گئے۔ آپ علیہ الصلاۃ والسلام ایک کشتی میں سوار ہوئے۔ سمندر میں سخت طوفان آ گیا۔ کشتی والوں نے فیصلہ کیا کہ ایک شخص کو سمندر میں ڈالنا ہوگا تاکہ کشتی ہلکی ہو جائے۔ قرعہ اندازی ہوئی اور حضرت یونس علیہ الصلاۃ والسلام کا نام نکلا۔ چنانچہ آپ علیہ الصلاۃ والسلام سمندر میں چلے گئے جہاں اللہ کے حکم سے ایک بڑی مچھلی نے آپ علیہ الصلاۃ والسلام کو نگل لیا۔مچھلی کے پیٹ میں حضرت یونس علیہ الصلاۃ والسلام نے اپنی غلطی کا احساس ہوااور اللہ تعالیٰ سے معافی مانگی۔ اندھیروں میں آپ علیہ الصلاۃ والسلام نے نہایت عاجزی کے ساتھ اللہ تبارک وتعالیٰ سےیہ دعا کی:

لَّاۤ اِلٰهَ اِلَّاۤ اَنْتَ سُبْحٰنَكَ اِنِّیْ كُنْتُ مِنَ الظّٰلِمِیْنَ

ترجمۂ کنزالایمان: کوئی معبود نہیں سوا تیرے پاکی ہے تجھ کو بیشک مجھ سے بے جا ہوا۔(سورۃانبیاء:87)

اللہ تعالیٰ نے حضرت یونس علیہ الصلاۃ والسلام کی دعا قبول فرمائی اور مچھلی کو حکم دیا کہ آپ علیہ الصلاۃ والسلام کوساحل پر اُگل دے۔ پھر اللہ تعالیٰ نے ایک بیل دار درخت اُگائی تاکہ حضرت یونس علیہ الصلاۃ والسلام کو سایہ اور غذا مل سکے۔ جب آپ علیہ الصلاۃ والسلام صحت یاب ہوئے تو دوبارہ اپنی قوم کی طرف گئے۔ اس مرتبہ قوم نے آپ علیہ الصلاۃ والسلام کی بات مان لی، توبہ کی اور اللہ تعالیٰ پر ایمان لے آئی۔ اس طرح وہ اللہ کے عذاب سے بچ گئی۔قرآنِ مجید میں اللہ تعالیٰ فرماتا ہے:

فَلَوْ لَا كَانَتْ قَرْیَةٌ اٰمَنَتْ فَنَفَعَهَاۤ اِیْمَانُهَاۤ اِلَّا قَوْمَ یُوْنُسَؕ-لَمَّاۤ اٰمَنُوْا كَشَفْنَا عَنْهُمْ عَذَابَ الْخِزْیِ فِی الْحَیٰوةِ الدُّنْیَا وَ مَتَّعْنٰهُمْ اِلٰى حِیْنٍ(۹۸)

ترجمۂ کنزُالعِرفان: تو کیوں ایسا نہ ہوا کہ کوئی قوم ایمان لے آتی تاکہ اس کا ایمان اسے نفع دیتا لیکن یونس کی قوم جب ایمان لائی توہم نے ان سے دنیا کی زندگی میں رسوائی کا عذاب ہٹادیا اور ایک وقت تک انہیں فائدہ اٹھانے دیا۔(سورۃیونس:98)

اس آیت سے معلوم ہوتا ہے کہ حضرت یونس علیہ الصلاۃ والسلام کی قوم نے سچی توبہ کی جس کی وجہ سے اللہ تعالیٰ نے ان پر رحم فرمایا۔

فرعون کی توبہ اور حضرت یونس عَلَیْہِ الصَّلٰوۃُ وَالسَّلَام کی قوم کی توبہ میں فرق: اس مقام پر ایک سوال یہ پیدا ہوتا ہے کہ قرآنِ پاک میں اللہ تعالیٰ نے فرعون کے بارے میں ذکر فرمایا کہ اس نے آخری وقت توبہ کی لیکن اس کی توبہ قبول نہ ہوئی جبکہ حضرت یونس عَلَیْہِ الصَّلٰوۃُ وَالسَّلَام کی قوم کے بارے میں ذکر فرمایا کہ انہوں نے توبہ کی تو اللہ تعالیٰ نے ان کی توبہ قبول فرما لی، دونوں کی توبہ میں کیا فرق ہے؟ امام فخر الدین رازی رَحْمَۃُ اللہِ تَعَالٰی عَلَیْہِ اس کے جواب میں فرماتے ہیں کہ فرعون کی توبہ اور حضرت یونس عَلَیْہِ الصَّلٰوۃُ وَالسَّلَام کی قوم کی توبہ میں واضح فرق ہے وہ یہ کہ فرعون نے عذاب کا مشاہدہ کرنے کے بعد توبہ کی تھی جبکہ حضرت یونس عَلَیْہِ الصَّلٰوۃُ وَالسَّلَام کی قوم پر جب وہ نشانیاں ظاہر ہوئیں جو عذاب کے قریب ہونے پر دلالت کرتی ہیں تو انہوں نے عذاب کا مشاہدہ کرنے سے پہلے اسی وقت ہی توبہ کر لی تھی ۔ (تفسیرکبیر، یونس، تحت الآیۃ: ۹۸، ۶ / ۳۰۳)

اس کا مطلب یہ نکلا کہ نزولِ عذاب کے بعد توبہ قبول نہیں البتہ نزولِ عذاب سے پہلے صرف علاماتِ عذاب کے ظہور کے بعد توبہ قبول ہوسکتی ہے۔

وَ ذَا النُّوْنِ اِذْ ذَّهَبَ مُغَاضِبًا فَظَنَّ اَنْ لَّنْ نَّقْدِرَ عَلَیْهِ فَنَادٰى فِی الظُّلُمٰتِ اَنْ لَّاۤ اِلٰهَ اِلَّاۤ اَنْتَ سُبْحٰنَكَ اِنِّیْ كُنْتُ مِنَ الظّٰلِمِیْنَۚۖ(۸۷)

ترجمۂ کنزُالعِرفان: اور ذوالنون کو (یاد کرو) جب وہ غضبناک ہوکر چل پڑے تواس نے گمان کیا کہ ہم اس پر تنگی نہ کریں گے تو اس نے اندھیروں میں پکاراکہ تیرے سوا کوئی معبود نہیں تو ہرعیب سے پاک ہے ، بیشک مجھ سے بے جا ہوا ۔(سورۃ انبیاء:87)

تفسیر صراط الجنان:وَ ذَا النُّوْنِ:اور ذوالنون کو (یاد کرو)۔ اس کا خلاصہ یہ ہے کہ حضرت یونس عَلَیْہِ الصَّلٰوۃُ وَالسَّلَام کی قوم کے لوگوں نے آپ کی دعوت قبول نہ کی اور نہ ہی نصیحت مانی بلکہ وہ اپنے کفر پر ہی قائم رہے تھے، تو حضرت یونس عَلَیْہِ الصَّلٰوۃُ وَالسَّلَام غضبناک ہو کر اپنی قوم کے علاقے سے تشریف لے گئے اور آپ نے یہ گمان کیا کہ یہ ہجرت آپ کے لئے جائز ہے کیونکہ اس کا سبب صرف کفر اور کافروں کے ساتھ بغض اور اللہ تعالیٰ کے لئے غضب کرنا ہے، لیکن آپ نے اس ہجرت میں اللہ تعالیٰ کے حکم کا انتظار نہ کیا تھا جس کی وجہ سےاللہ تعالیٰ نے انہیں مچھلی کے پیٹ میں ڈال دیا، وہاں کئی قسم کی تاریکیاں تھیں جیسے دریا کی تاریکی ، رات کی تاریکی اور مچھلی کے پیٹ کی تاریکی ، ان اندھیروں میں حضرت یونس عَلَیْہِ الصَّلٰوۃُ وَالسَّلَام نے اپنے پروردگار عَزَّوَجَلَّ سے اس طرح دعا کی کہ اے میرے رب! عَزَّوَجَلَّ، تیرے سوا کوئی معبود نہیں اور تو ہرعیب سے پاک ہے، بیشک مجھ سے بے جا ہوا کہ میں اپنی قوم سے تیرا اِذن اور اجازت پانے سے پہلے ہی جدا ہو گیا۔( مدارک، الانبیاء، تحت الآیۃ: ۸۷، ص۷۲۴)

مقبول دعائیہ کلمات: حضرت سعدرَضِیَ اللہ تَعَالٰی عَنْہُ سے روایت ہے ،رسول کریم ﷺ نے ارشاد فرمایا ’’حضرت یونس نے مچھلی کے پیٹ میں جب دعا مانگی تو یہ کلمات کہے’’لَاۤ اِلٰهَ اِلَّاۤ اَنْتَ سُبْحٰنَكَ اِنِّیْ كُنْتُ مِنَ الظّٰلِمِیْنَ‘‘ جو مسلمان ان کلمات کے ساتھ کسی مقصد کے لئے دعا مانگے تو اللہ تعالیٰ اسے قبول فرماتا ہے۔( ترمذی، کتاب الدعوات، ۸۱-باب، ۵ / ۳۰۲، الحدیث: ۳۵۱۶)

حضرت سعدبن ابی وقاص رَضِیَ اللہ تَعَالٰی عَنْہُ فرماتے ہیں :ہم نبی کریم ﷺ کے قریب بیٹھے ہوئے تھے تو آپ نے ارشاد فرمایا ’’کیا میں تمہیں ایسی چیز کے بارے میں خبر نہ دوں کہ جب تم میں سے کسی شخص پر کوئی مصیبت یا دنیا کی بلاؤں میں سے کوئی بلا نازل ہو اور وہ اس کے ذریعے دعا کرے تو ا س کی مصیبت و بلا دور ہوجائے۔ آپ ﷺ سےعرض کی گئی :کیوں نہیں !ارشاد فرمایا ’’(وہ چیز) حضرت یونس کی دعا ’’لَاۤ اِلٰهَ اِلَّاۤ اَنْتَ سُبْحٰنَكَ اِنِّیْ كُنْتُ مِنَ الظّٰلِمِیْنَ‘‘ ہے۔(مستدرک،کتاب الدعاء والتکبیر والتہلیل۔۔۔الخ،من دعا بدعوۃ ذی النون استجاب اللہ لہ،۲ / ۱۸۳،الحدیث:۱۹۰۷)

حضرت سعد بن مالک رَضِیَ اللہ تَعَالٰی عَنْہُ سے روایت ہے ،نبی کریم ﷺ نے ارشاد فرمایا ’’جو مسلمان اپنی بیماری کی حالت میں چالیس مرتبہ’’لَاۤ اِلٰهَ اِلَّاۤ اَنْتَ سُبْحٰنَكَ اِنِّیْ كُنْتُ مِنَ الظّٰلِمِیْنَ‘‘ کے ساتھ دعا مانگے ، پھر وہ اس مرض میں فوت ہوجائے تواسے شہید کا اجر دیا جائے اور اگر تندرست ہوگیا تو اس کے تمام گناہ بخشے جا چکے ہوں گے۔( مستدرک ، کتاب الدعاء و التکبیر و التہلیل ۔۔۔ الخ ، ایّما مسلم دعا بدعوۃ یونس علیہ السلام ۔۔۔ الخ ، ۲ / ۱۸۳ ، الحدیث: ۱۹۰۸)

فَظَنَّ اَنْ لَّنْ نَّقْدِرَعَلَیْهِ:تواس نے گمان کیا کہ ہم اس پر تنگی نہ کریں گے۔

ایک ضروری مسئلہ:امام فخر الدین رازی رَحْمَۃُ اللہ تَعَالٰی عَلَیْہِ فرماتے ہیں ’’ جس شخص نے یہ گمان کیا کہ اللہ تعالیٰ عاجز ہے وہ کافر ہے، اور یہ ایسی بات ہے کہ کسی عام مومن کی طرف بھی اس کی نسبت کرنا جائز نہیں تو انبیاءِکرام عَلَیْہِمُ الصَّلٰوۃُ وَالسَّلَام کی طرف یہ بات منسوب کرنا کس طرح جائز ہو گا (کہ وہ اللہ تعالیٰ کو عاجز گمان کرتے ہیں ۔ لہٰذا اس آیت کا یہ معنی ہر گز نہیں کہ حضرت یونس عَلَیْہِ الصَّلٰوۃُ وَالسَّلَام نے یہ گمان کیا کہ اللہ تعالیٰ انہیں پکڑنے پر قادر نہیں بلکہ ) اس آیت کا معنی یہ ہے کہ ’’حضرت یونس عَلَیْہِ الصَّلٰوۃُ وَالسَّلَام نے گمان کیا کہ اللہ تعالیٰ ان پر تنگی نہیں فرمائے گا۔( تفسیرکبیر، الانبیاء، تحت الآیۃ: ۸۷، ۸ / ۱۸۰)

اور اس طرح امام فخر الدین رازی رَحْمَۃُ اللہ تَعَالٰی عَلَیْہِ کے علاوہ دیگر معتبر مفسرین نے بھی اس آیت کا یہ معنی بیان کیا ہے ۔

ان تمام آیات مبارکہ اور حدیث کریمہ سے ہمیں یہ سبق ملتا ہے کہ مشکل اور پریشانی کے وقت اللہ تعالیٰ سے دعا مانگنی چاہیے اور اپنی غلطیوں پر معافی طلب کرنی چاہیے۔حضرت یونس علیہ الصلاۃ والسلام کے واقعے سے ہمیں بہت سے سبق سیکھنے کوملتےہیں۔

(1) سب سے پہلے یہ کہ انسان کو ہر حال میں صبر اور برداشت سے کام لینا چاہیے۔

(2) اللہ تعالیٰ بہت مہربان ہے اور سچی توبہ قبول فرماتا ہے۔

(3) دعا مومن کا سب سے بڑا ہتھیار ہے۔ اگر انسان دل سے اللہ تعالیٰ کو پکارے تو اللہ تعالیٰ ضرور مدد فرماتا ہے۔

حضرت یونس علیہ الصلاۃ والسلام کی زندگی ہمیں امید، صبر اور اللہ تعالیٰ پر بھروسے کا درس دیتی ہے۔ ہمیں چاہیے کہ ہم بھی اپنی زندگی میں نیکی اختیار کریں، برے کاموں سے بچیں اور ہر مشکل میں اللہ تعالیٰ سے مدد مانگیں۔ اللہ پاک ہمیں توکل کی عظیم نعمت عطاء فرمائے۔