اسپیشل پرسنز   ڈیپارٹمنٹ دعوتِ اسلامی کی جانب سے مانگا منڈی،پنجاب میں 24 مئی 2023ء کو رکن مجلس نابینا افراد ذمہ دار حاجی محمد حنیف عطاری (پاکستان) نے بلائنڈ(نابینا)ٹیچر سے ملاقات کی ۔

نابینا افراد پاکستان ذمہ دار محمد حنیف عطاری نے اسپیشل پرسنز ڈیپارٹمنٹ کے دینی کاموں کو بڑھانے اور چھٹیوں میں نابینا افراد کو 12 دن کے مدنی قافلے میں سفر کروانے کے حوالے سے مشاورت ہوئی جس پر انھوں نے اچھی نیت کا اظہار کیا ۔(رپورٹ: محمد سہیل عطاری ڈسٹرکٹ ذمہ دار قصور،کانٹینٹ:رمضان رضا عطاری)

جہلم  کے علاقے لہڑی میں 17مئی 2023ء کواسپیشل پرسنز ڈیپارٹمنٹ کے تحت سیکھنے سکھانے کے حلقہ کا انعقاد کیا گیا جس میں ڈویژن ذمہ دار عبدالقیوم عطاری(راولپنڈی) نے ’’نماز کی اہمیت‘‘ کے موضوع پر اشاروں کی زبان میں سنتوں بھرا بیان کیا۔

بیان میں شریک اسلامی بھائیوں کو ڈویژن ذمہ دار نے 03 دن، 12 دن اور ایک ماہ کے مدنی قافلے میں سفر کرنے اور ہفتہ وار سنتوں بھرے اجتماع میں شرکت کرنے کی دعوت دی۔ بعد ازاں ڈویژن ذمہ دار نے گونگے بہرے اسلامی بھائیوں کو نماز کا عملی طریقہ اشاروں کی زبان میں سکھایا جس پر ڈیف اسلامی بھائیوں نے دعوتِ اسلامی اور بالخصوص امیر اہلِ سنت دامت برکاتہم العالیہ کا شکریہ ادا کرتے ہوئے نیک تمناؤں کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

25 مئی2023ء کو دعوتِ اسلامی کے اسپیشل پرسنز ڈیپارٹمنٹ کے تحت رکنِ مجلس اسپیشل ایجوکیشن  ذمہ دار احمد اویس عطاری (پاکستان) نے کشمیر کے علاقے باغ میں واقع ڈسٹرکٹ سوشل ویلفیئر آفس کا وزٹ کیا،جہاں ان کی سوشل ویلفیئر آفیسر اور ایک پرائیویٹ این جی او( NGO )کے سربراہ سے ملاقات ہوئی۔

دورانِ ملاقات ذمہ دار نے دعوتِ اسلامی کے مختلف شعبہ جات کا تفصیلی تعارف کروایا اور اسپیشل پرسنز ڈیپارٹمنٹ کے تحت ہونے والی سرگرمیوں پر بریفنگ دی نیز ڈسٹرکٹ آفس میں نابینا افراد کا ڈیٹا حاصل کر کے انہیں مدرسۃ المدینہ برائے نابینا افراد اور جامعۃ المدینہ برائے نابینا افراد میں داخلوں کے لئے تیار کرنے ،این جی او (NGO ) کےتحت چلنے والے اسکولز میں موجود اسپیشل پرسنز(گونگے بہرے، نابینا اور معذور افراد) کی تربیت کرنے اور ان میں مختلف سرگرمیاں کرنے پر پلاننگ کی گئی۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

دعوت ِاسلامی کے اسپیشل پرسنز ڈیپارٹمنٹ کی جانب سے  24 مئی2023 ء کو اسپیشل ایجوکیشن ذمہ دار احمد اویس عطاری نے صوبائی ذمہ دار سلیمان عطاری کے ہمراہ راولا کوٹ ،کشمیر میں واقع سوشل ویلفیئر آفس میں ڈسٹرکٹ آفیسر سمیت وہاں موجود دیگر افسران سے ملاقات کی ۔

دورانِ ملاقات ذمہ داران نے افسران کو دعوتِ اسلامی اور اسپیشل پرسنز ڈیپارٹمنٹ کے تحت ہونے والی دینی ،فلاحی اور تعلیمی سرگرمیوں پر بریفنگ دی جس پر انہوں نے دعوت اسلامی کی دینی خدمات کو خوب سراہا اور نیک خواہشات کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

16 مئی2023ء کو اسپیشل پرسنز ڈیپارٹمنٹ کے رکن مجلس احمد اویس عطاری (پاکستان) نے کشمیر کے علاقے میر پور میں ڈپٹی ڈائریکٹر آفس کا وزٹ کیا،جہاں انہوں نے آفیسر اور دیگر اسٹاف سے ملاقات کی۔

دوران ملاقات شخصیات کو عاشقان رسول کی دینی تحریک دعوت اسلامی کے شعبہ اسپیشل پرسنز کی دینی خدمات کا تعارف کروایا اور ان کو مدرسۃ المدینہ برائے نابینا افراد (چکسواری) اور فیضان مدینہ میرپور کا وزٹ کرنے کی دعوت دی جس پر انھوں نے اچھی نیت کا اظہار کیا۔ وقت رخصت ان کو مکتبۃ المدینہ دعوت اسلامی کی شائع کردہ اصلاحی کتاب بھی تحفہ میں پیش کی۔ (رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ،کانٹینٹ:رمضان رضا عطاری)

19 مئی2023ء کو پنجاب کے شہر عارف والا    میں قائم دعوت اسلامی کے مدنی مرکز فیضانِ مدینہ محمدی ٹاؤن میں ملک عامر اعوان خوشحالی کی والدہ کے ایصال ثواب کے لئے گونگے بہرے اسلامی بھائیوں میں اشاروں کی زبان میں سیکھنے سکھانے کا حلقہ لگایا گیا۔

صوبائی ذمہ دار حافظ محمد وقاص عطاری نے گونگے بہرے اسلامی بھائیوں میں اشاروں کی زبان میں بیان کیا اور انہیں فکرِ آخرت کا ذہن دیتے ہوئے دعوت اسلامی کے ہفتہ وار اجتماع میں آنے کی دعوت دی۔

اس کے بعد گونگے بہرے اسلامی بھائیوں نے ملک عامر اعوان کی والدہ کے ایصال ثواب کے لئے قرآن پاک کی زیارت کی اور مرحومہ کو اس کا ثواب پہنچایا۔ اس موقع پر اسپیشل پرسنز ڈیپارٹمنٹ کے ڈویژن ذمہ دار محمد زبیر عطاری(ساہیوال) اور عابد حسین عطاری(بہاولپور) بھی ہمراہ تھے۔(رپورٹ: عابد حسین عطاری ڈویژن ذمہ دار ،کانٹینٹ:رمضان رضا عطاری)

اسپیشل پرسنز ڈیپارٹمنٹ کے تحت 19 مئی2023ء کو بستی خدا بخش عارف والا،پنجاب میں صوبائی ذمہ دار حافظ محمد وقاص عطاری  (پنجاب ) نے ڈویژن ذمہ دار محمد زبیر عطاری(ساہیوال) اور ڈویژن ذمہ دار عابد حسین عطاری(بہاولپور) کے ہمراہ مقامی تاجر عبدالرحمن عطاری سے ان کے بھائیوں کے انتقال پر گھر جاکر ملاقات کی۔

دوران ِ ملاقات عبدالرحمن عطاری سے ان بھائیوں کے انتقال پر اظہار تعزیت کی اور مرحومین کے ایصال ثواب کے لئے دعائیں مغفرت کروائی۔بعدازاں انھیں دعوت اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: عابد حسین عطاری ڈویژن ذمہ دار ،کانٹینٹ:رمضان رضا عطاری)

عاشقانِ رسول کی دینی تحریک دعوت اسلامی کے اسپیشل پرسنز ڈیپارٹمنٹ کے تحت پنجاب کے علاقے چشتیاں میں  19 مئی2023ء کو علاقائی دورہ کا اہتمام کیا گیا۔

صوبائی ذمہ دار حافظ محمد وقاص عطاری (پنجاب) نے ڈویژن ذمہ دار عابد حسین عطاری(بہاولپور) کے ہمراہ چشتیاں شہر میں دکان ، دکان جاکر گونگے بہرے اسلامی بھائیوں کو اشاروں کی زبان میں نیکی کی دعوت پیش کرتے ہوئے انہیں نماز وں کی پابندی کرنے اور روزانہ قرآن پاک کی زیارت کا ذہن دیا۔(رپورٹ: عابد حسین عطاری ڈویژن ذمہ دار ،کانٹینٹ:رمضان رضا عطاری)

19 مئی 2023ء کو چشتیاں ،پنجاب  میں اسپیشل پرسنز ڈیپارٹمنٹ دعوت اسلامی کے تحت مدنی مشورے کا انعقاد ہوا جس میں اسپیشل پرسنز ڈیپارٹمنٹ کے دینی کاموں میں ترقی کے پیش نظر صوبائی ذمہ دار حافظ محمد وقاص عطاری اور ڈویژن ذمہ دار عابد حسین عطاری(بہاولپور) نے ڈسٹرکٹ نگران قاری ناصر عطاری (چشتیاں )سے ملاقات کی۔

اس ملاقات میں اسپیشل پرسنز ڈیپارٹمنٹ کے ذمہ داران کے تقرر اور اسلامی بھائیوں کے لئے اشاروں کی زبان میں کورسز کروانے کے لئے مشاورت کی اور آئندہ کے اہداف طے کئے ۔(رپورٹ: عابد حسین عطاری ڈویژن ذمہ دار ،کانٹینٹ:رمضان رضا عطاری)

16 مئی 2023ء کو اسپیشل پرسنز ڈیپارٹمنٹ کے  کراچی سٹی ذمہ دارمحمد ارسلان عطاری نے کراچی کے علاقے گلشن ٹاؤن 2(ایسٹ ڈسٹرکٹ) میں واقع مدرسۃ المدینہ برائے نابینا افراد کا وزٹ کیا، جہاں انہوں نے طلبہ میں سیکھنے سکھانے کا حلقہ لگایا اوران کے درمیان سنتوں بھرا بیان کیا۔

بعدازاں ناظمِ مدرسہ و مدرس صاحب کے ساتھ مدنی مشورہ ہوا جس میں مدرسےکے معیار و بہتری کے متعلق گفتگو ہوئی اور آئندہ کے لئے نکات طے کئے گئے ۔(رپورٹ:وسیم احمد عطار ی ڈسٹرکٹ ذمہ دار(ایسٹ کراچی)،کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے ضلع میانوالی کے علاقے مسلم کالونی میں واقع گورنمنٹ اسپیشل ایجوکیشن اسکول (برائے جسمانی معذور) کا وزٹ کیا۔

معلومات کے مطابق اس دوران ذمہ داران نے پرنسپل اور فوکل پرسن برائے اسپیشل پرسن عبد الحفیظ سے ملاقات کرتے ہوئے انہیں اسپیشل پرسنز ڈیپارٹمنٹ دعوتِ اسلامی کا تعارف کروایا۔

بعدازاں اسکول کے معذور اسٹوڈنٹس کے درمیان سیکھنے سکھانے کا حلقہ لگایا گیا جس میں اُن کی دینی و اخلاقی تربیت کی گئی۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)

گزشتہ روز اسپیشل پرسنز ڈیپارٹمنٹ دعوتِ اسلامی کے ذمہ داران کی دعوت پر ڈی -او سوشل ویلفیئر فار ڈس ایبل پرسن اکرام اللہ خان، گورنمنٹ ٹیکنیکل ایجوکیشن اینڈ اوکیشنل ٹریننگ اتھارٹی میانوالی کے پرنسپل اور فوکل پرسن برائے فزیکل ڈس ایبل میانوالی ڈسٹرکٹ انجینئر سمیع اللہ ملک کی مدنی مرکز فیضانِ مدینہ میانوالی آمد ہوئی۔

اس موقع پر رکنِ شعبہ معذور افراد خالد محمود عطاری، سرگودھا ڈویژن ذمہ دار محمد ابوبکر عطاری اور نگرانِ میانوالی ڈسٹرکٹ نےشخصیات کو دنیا بھر میں دعوتِ اسلامی کے ہونے والے دینی کاموں بالخصوص اسپیشل پرسنز ڈیپارٹمنٹ کے دینی کاموں کی بریفنگ دی۔

ذمہ داران نے شخصیات کومدنی مرکز فیضانِ مدینہ میانوالی اور جامعۃالمدینہ بوائز کا وزٹ کروایا نیز مکتبۃالمدینہ کے رسائل تحفے میں پیش کئے۔بعدازاں ڈی او اور پرنسپل نے دعوتِ اسلامی بالخصوص اسپیشل پرسنز ڈیپارٹمنٹ کے بارے میں اپنے تأثرات دیئے۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)