دعوتِ اسلامی کے شعبہ تحفظ اوراقِ مقدسہ  کے زیرِ اہتمام 12 اگست 2023ء کو مدنی مرکز فیضانِ مدینہ جھنگ میں مدنی مشورہ ہوا جس میں تحصیل ذمہ داران اور محافظین اوراق مقدسہ شریک ہوئے۔

صوبائی ذمہ دار پنجاب محمد رضا عطاری نے ذمہ داران کا مشورہ کیا جس میں شعبے کے سابقہ دینی کاموں کی کارکردگی کا جائزہ لیا اور مزید کام کو بہتر انداز میں کرنے پر اُن کی تربیت کی ۔

٭دوسری جانب ڈسٹرکٹ ذمہ دار جھنگ عامر عطاری نے پولیس افسران سے ملاقات کی اور انہیں شعبہ تحفظ اوراق مقدسہ کا تعارف کروایا اور تحفے میں انہیں اوراق مقدسہ کے باکسز پیش کئے جس پر انہوں نے دعوتِ اسلامی کی دینی کاوشوں پر اچھے تاثرات کا اظہار کیا۔(رپورٹ: اللہ دتہ عطاری فیصل آباد میٹروپولیٹن ذمہ دار، کانٹینٹ:رمضان رضا عطاری)

شعبہ تحفظ اوراق مقدسہ  دعوت اسلامی کے زیرِ اہتمام آفس اوراق مقدسہ جواد کلب چوک میں مدنی مشورے کا انعقاد ہوا جس میں سٹی ذمہ دار اور محافظین اوراق مقدسہ نے شرکت کی ۔

صوبائی ذمہ دار حاجی محمد رضا عطاری نے ذمہ داران کی شعبے کے دینی کاموں میں مزید بہتری لانے کےحوالے سے تربیت کی جس پر اسلامی بھائیوں نے اچھی اچھی نیتوں کا اظہار کیا ۔ بعدازاں صوبائی ذمہ دار نے تحفظ اوراق مقدسہ اسٹور کا وزٹ کیا اور وہاں موجود ذمہ داران کو مدنی پھول دیئے۔(رپورٹ: اللہ دتہ عطاری میٹروپولیٹن فیصل آباد ذمہ دار، کانٹینٹ:رمضان رضا عطاری)

دعوتِ اسلامی کے زیرِ اہتمام شعبہ تحفظ اوراق مقدسہ  کی جانب سے تحصیل لالیاں ڈسٹرکٹ چنیوٹ میں مدنی مشورہ ہوا جس میں ڈسٹرکٹ ذمہ داران اور محافظین اوراق مقدسہ نے شرکت کی ۔

ڈویژن ذمہ دار ڈاکٹر عدنان ساجد عطاری نے ذمہ داران سے سابقہ کارکردگی کے اہداف پر کلام کیا اور انہیں آئندہ کے لئے اہداف دیئے نیز شعبےکےدینی کام میں مزید بہتری لانے کے لئے اسلامی بھائیوں کی تربیت کی جس پر اسلامی بھائیوں نے اچھی اچھی نیتوں کا اظہار کیا۔بعدازاں تحفظ اوراق مقدسہ کے اسٹور اور کارخانہ کا وزٹ بھی کیا ۔(رپورٹ: اللہ دتہ عطاری میٹروپولیٹن فیصل آباد ذمہ دار، کانٹینٹ:رمضان رضا عطاری)

گزشتہ  روز دعوتِ اسلامی کے شعبہ تحفظ اوراق مقدسہ کے زیرِ اہتمام اوکاڑہ ڈسٹرکٹ کی تحصیل بنگلہ گوگیرہ کا ڈویژن ذمہ دار فہیم عطاری نے دورہ کیا جہاں مقامی شخصیات سے ملاقاتیں کی اور ان کو شعبے کا تعارف کروایا نیز مختلف مقامات پر نیو باکسز بھی لگائے۔

٭علاوہ ازیں مدرسۃ المدینہ بوائز اوکاڑہ میں سیکھنے سکھانے کے حلقے کا سلسلہ ہوا جس میں ڈویژن ذمہ دار فہیم عطاری نے سنتوں بھرا بیان کیا۔ بعدازاں قاری صاحبان سے ملکر مدرسۃ المدینہ کے اطراف میں تحفظ اوراقِ مقدسہ کے باکسز لگائے۔

٭دوسری جانب ڈویژن ذمہ دار فہیم عطاری نے ایک نجی فیکٹری والوں سے ملاقات کی اور انہیں شعبہ تحفظ اوراق مقدسہ کے تحت ہونے والے دینی کاموں کے متعلق بتایا جس پر فیکٹری اتھارٹی نے 50 اوراقِ مقدسہ کے باکسزدینے کی اچھی نیت کا اظہار کیا۔ (رپورٹ: حافظ نسیم عطاری سوشل میڈیا آف ڈیپارٹمنٹ پاکستان،کانٹینٹ:رمضان رضا عطاری)

6 اگست 2023ء بروز اتوار دعوتِ اسلامی کے شعبہ تحفظ اوراق مقدسہ کی جانب سے ڈویژن ساہیوال، ضلع چیچہ وطنی میں مدنی مشورہ ہوا جس میں ڈویژن ذمہ دار محمد فہیم عطاری نے ڈسٹرکٹ اور تحصیل ذمہ داران سمیت محافظ اوراق مقدسہ کے تمام ذمہ داران کی 12 دینی کاموں کو مضبوط کرنے کے حوالے سے ذہن سازی کی ۔

آخر میں شعبے کی ماہانہ دینی کاموں کی کارکردگی کا جائزہ لیا اور پوزیشن لینے والے اسلامی بھائیوں کو تحائف بھی دیئے مزید گھریلو صدقہ بکس رکھوانے کے حوالے سے ترغیب دلائی اور پیشگی عملی جدول کو مضبوط کرنے کے متعلق ذمہ داران کی تربیت کی۔ (رپورٹ: حافظ نسیم عطاری سوشل میڈیا آف ڈیپارٹمنٹ پاکستان، کانٹینٹ:رمضان رضا عطاری)

دعوتِ  اسلامی کے شعبہ تحفظ اوراقِ مقدسہ کے تحت 01 اگست 2023ء کو یوم شجرکاری کے موقع پر ذمہ داراسلامی بھائیوں نے تھانہ چکبیدی کا دورہ کیا ۔

جہاں یوسی ذمہ دار حافظ اسلام عطاری نے ماتحت ذمہ دار اسلامی بھائی کے ہمراہ تھانے میں ایس ایچ او عاشق عابد سے ملاقات کی اور انہیں شجر کاری مہم کے بارے میں بتایا ۔

ساتھ ہی اس موقع پر ذمہ داران نے شعبہ ایف،جی،آر،ایف کے تعاون سے تھانے کے باغیچہ میں پودہ لگایا جس میں ایس ،ایچ او سمیت تھانے کے مختلف جوانوں نے شرکت کی اور پاکستان آرمی کے جوان راؤ عبدالرحمنٰ نے بھی پودہ لگایا ۔شخصیات نے دعوت اسلامی کے اس کام کو خوب سراہا اور دعوتِ اسلامی کے لئے اپنے نیک تاثرات دیئے ۔(رپورٹ: حافظ نسیم عطاری سوشل میڈیا آف ڈیپارٹمنٹ پاکستان، کانٹینٹ:رمضان رضا عطاری)

پچھلے دنوں شعبہ تحفظ اوراق مقدسہ کے زیرِ اہتمام  شعبے کے ذمہ دار اسلامی بھائیوں نے شیرانوالہ گیٹ میں واقع جامعۃُ المدینہ بوائز فیضانِ امیر معاویہ نزد عطاری پلازہ اور اقصی مسجد میں قائم جامعۃ ُالمدینہ بوائز و مدرسۃالمدینہ بوائز سمیت مغلیہ پارک کے قریب واقع مدرسۃ المدینہ بوائز بنام فیضانِ عطار کا دورہ کیا ۔

شعبہ تحفظ اوراق مقدسہ کے ذمہ د اران نے ناظمین (مولانا محمد کامران عطاری مدنی ، مولانا محمد عدیل عطاری مدنی ، مولانا محمد طیب عطاری مدنی، قاری محمد بلال عطاری اور قاری محمد علی عطاری )سے ان کے جامعات اور مدارس المدینہ میں ملاقاتیں کیں ۔

دورانِ ملاقات ذمہ داران نے شعبہ تحفظ اوراق مقدسہ کے تحت ہونےو الے دینی کاموں کے متعلق بتایا اور ناظمین و مدرسین کو بھی شعبے کے تحت ہونے والے دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔( کانٹینٹ:رمضان رضا عطاری) 

مسلمانوں کے عقائد و نظریات کی حفاظت کرنے والی عاشقانِ رسول کی دینی  تحریک دعوتِ اسلامی کے شعبہ تحفظ اوراق مقدسہ کے تحت مدنی مرکز فیضانِ مدینہ جھنگ میں مدنی مشورے کا سلسلہ ہوا جس میں تحصیل ذمہ داران نے شرکت کی۔

فیصل آباد ڈویژن ذمہ دار ڈاکٹر عدنان عطاری نے شعبے کے دینی کام میں مزید بہتری لانے کے متعلق نکات بتائے اور اسلامی بھائیوں کو محرم الحرام میں 12 دن اور ایک ماہ کے مدنی قافلوں میں سفرکرنے کا ذہن دیا جس پر انہوں نے نیک خواہشات کا اظہار کیا۔(رپورٹ: اللہ دتہ عطاری میٹروپولیٹن فیصل آباد ذمہ دار، کانٹینٹ:رمضان رضا عطاری)

دعوتِ اسلامی کےشعبہ تحفظِ اوراقِ مقدسہ کے  تحت 10 جولائی 2023ء بروز پیر ذمہ دار اسلامی بھائیوں نے ضلع بھمبر، کشمیر میں زیرِ تعمیر قراٰن محل کا وزٹ کیا اور محلے کی انتظامیہ و شخصیات سے ملاقات کی۔

اس دوران صوبائی ذمہ دار حاجی رضا عطاری نے دعوتِ اسلامی کے دینی کاموں کے حوالے سے گفتگو کرتے ہوئے اوراقِ مقدسہ کا ادب کرنے اور ان کے تحفظ کے لئے نئے بکسز لگانے کا ذہن دیا۔

اس کے علاوہ صوبائی ذمہ دار نے قراٰن محل کی تعمیرات کو جلد از جلد مکمل کرنے کی ترغیب دلائی جس پر اہلِ علاقہ نے اچھی اچھی نیتوں کا اظہار کیا۔(رپورٹ: محمد آفتاب عطاری شعبہ تحفظ اوراق مقدسہ گوجرانوالہ ، کانٹینٹ:غیاث الدین عطاری)

عاشقانِ رسول کی  دینی تحریک دعوتِ اسلامی کی جانب سے 9 جولائی 2023ء کو واہ کینٹ میں شعبہ تحفظ اوراقِ مقدسہ کا مدنی مشورہ منعقد ہوا جس میں واہ کینٹ ٹیکسلا ،مری ،کوٹلی ستیاں، چک بیلی خان ،گجرخان اور کہوٹہ کے تحصیل نگرانوں اور شعبہ جات کے ڈسٹرکٹ ذمہ داران نے شرکت کی۔

نگرانِ ڈسٹرکٹ مشاورت لیاقت عطاری نے شعبہ تحفظ اوراق مقدسہ کے دینی کام کو مزید بہتر کرنے کے بارے میں اسلامی بھائیوں کو نکات فراہم کئے نیز 18 جولائی 2023ء کو 1ماہ اور 12دن کے مدنی قافلوں میں سفر کرنے کی ترغیب بھی دلائی۔ (رپورٹ : محمدبلال راولپنڈی سٹی و ڈسٹرکٹ ذمہ دار،کانٹینٹ:رمضان رضا عطاری) 

شعبہ تحفظ اوراق مقدسہ دعوت اسلامی کی جانب سے7 جولائی 2023ء بروز جمعہ وزیرآباد سیالکوٹ روڑ نزد چیمہ کالونی پیر میٹھا قبرستان کے ساتھ قرآن محل کا افتتاح کیا گیا۔

ڈویژن ذمہ دار حافظ محمد عثمان عطاری نے وہاں موجود افراد کو شعبہ اوراق مقدسہ کے فضائل و برکات بتائے اور اوراق مقدسہ کے تحفظ کا ذہن دیا جس پر مقامی اسلامی بھائیوں نے تعاون کرنے کی اچھی نیت کا اظہار کیا۔(رپورٹ: محمد آفتاب عطاری شعبہ تحفظ اوراق مقدسہ گوجرانوالہ ، کانٹینٹ:رمضان رضا عطاری)

09 جولائی 2023ء کو دعوتِ اسلامی کے شعبہ تحفظ اوراق مقدسہ کی  طرف سے فیصل آباد جواد کلب چوک میں موجود اوراقِ مقدسہ کے آفس میں مدنی مشورہ ہوا جس میں شعبے کے ٹاؤن ذمہ داران شریک ہوئے ۔

مدنی مشورے میں ڈویژن ذمہ دار ڈاکٹر عدنان ساجد عطاری نے شعبے کے سابقہ دینی کاموں کا جائزہ لیتے ہوئے اسلامی بھائیوں کو اوراق مقدسہ کے ادب اور تحفظ کرنے کے لئے نئے اوراق مقدسہ کے باکسز تیار کرنےکی تربیت کی جس پر اسلامی بھائیوں نے اچھی اچھی نیتیں کیں۔(رپورٹ: اللہ دتہ عطاری فیصل آباد سٹی ذمہ دار ،کانٹینٹ:رمضان رضا عطاری)