دینی کاموں کے سلسلے میں پچھلے دنوں پنجاب پاکستان کے شہر فیصل آبا دمیں مرکزی مجلسِ شوریٰ کے نگران حاجی محمد عمران عطاری کی آمد ہوئی جہاں اُن کی ملاقات مختلف شخصیات سے ہوئی۔

اس دوران شخصیات کے لئے سیکھنے سکھانے کا حلقہ لگایا گیا جس میں نگرانِ شوریٰ حاجی محمد عمران عطاری اور رکنِ شوریٰ و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کی۔

نگرانِ شوریٰ نے سنتوں بھرا بیان کرتے ہوئے وہاں موجود شخصیات کو نیک اعمال کرنے اور گناہوں سے بچتے ہوئے اسلامی تعلیمات کے مطابق زندگی گزارنے کا ذہن دیانیز دعوتِ اسلامی کے دینی ماحول سے ہر دم وابستہ رہنے کی ترغیب دلائی۔

اس حلقے میں سابق ایم این اے و وفاقی وزیر طلال بدر چوہدری، ایم پی اے و صوبائی وزیر برائے معدنیات لطیف نذر گجر، سیشن جج فیصل آباد عظیم بھٹی، سابق ضلع ناظم ٹوبہ چوھدری محمد اشفاق، چیف وارنٹ آفیسر ایئر فورس آصف جاوید، ڈویژنل فارسٹ آفیسر محمد وجیہہ الدین، چیف آفیسر کارپوریشن (لالیاں چنیوٹ) محمد فیصل، چیف ایگزیکٹو آفیسر FWMC محمد بلال فیروز جوئیہ، ڈسٹرکٹ آفیسر پٹرولنگ پولیس ڈی ایس پی ملک محمد امین، ڈسٹرکٹ پنشنر آفیسر ڈی سی آفس طارق محمود، انچارج سپیشل برانچ مدینہ ٹاؤن محمد اسد، انچارج سیکیورٹی برانچ محمد ندیم، انچارج سیکورٹی برانچ محمد گل زیب، ایف بی آر آفیسر محمد قمر اور معروف سیاسی و سماجی شخصیت محمد قاسم موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں پاکستان کے ضلع گوجرانوالہ میں شعبہ رابطہ برائے شخصیات کے اسلامی بھائیوں نے سرکاری افسران سے ملاقاتیں کیں جن میں ایڈیشنل ڈپٹی کمشنر ہیڈ کوارٹر شاہد عباس جوتہ، اسسٹنٹ کمشنر گوجرانوالہ سٹی کامران حسین مشتاق، ایڈیشنل ڈپٹی کمشنر جنرل محمد شبیر بٹ ضلع گوجرانوالہ اور پی اے محمد رضوان سمیت دیگر افسران شامل تھے۔

اسی طرح ذمہ داران نے سپرنٹنڈنٹ آفس کا دورہ کیا جہاں انہوں نے وائس چیئرمین پی ایچ اے محمد شبیر، سابق ایم پی اے محمد طارق گجر، سابق نندی پور ٹاؤن ناظم محمد رضوان چیمہ اور ڈسٹرکٹ فوڈ آفیسرز کو نیکی کی دعوت پیش کی۔

اس موقع پر ذمہ دار اسلامی بھائیوں نے تمام افسران کو دعوتِ اسلامی کے دینی و فلاحی کاموں کے بارے میں بتایا بالخصوص شعبہ ایف جی آر ایف کے ذریعے حالیہ بارشوں میں امت کی خیر خواہی کے لئے کی جانے والی امداد کے حوالے سے بریفنگ دی۔

بعدازاں ذمہ داران کی جانب سے افسران کو شعبہ مکتبۃ المدینہ دعوتِ اسلامی کے کُتُب و رسائل تحفے میں پیش کئے گئے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں دعوتِ اسلامی کی مرکزی مجلسِ شوریٰ کے نگران حاجی محمد عمران عطاری دینی کاموں کے سلسلے میں ملتان شہر کے شیڈول پر تھے جہاں انہوں نے مختلف سیاسی و سماجی شخصیات سے ملاقات کی۔

دورانِ شیڈول 21 اگست 2022ء بروز اتوار عاشقانِ رسول کی تربیت کے لئے سیکھنے سکھانے کا حلقہ لگایا گیا جس میں سینئر سیاستدان مخدوم جاویدہاشمی (ممبرصوبائی اسمبلی وسابق مشیروزیراعلیٰ پنجاب)، حاجی جاوید اخترانصاری (سی پی او)، خرم شہزادحیدر (SSP)، رائےمحمد فیض سلطان (ریجنل آفیسر سوئی گیس) اور محمداویس رضا (پی آراوٹوایڈیشنل آئی جی ساؤتھ) سمیت دیگر افسران نے شرکت کی۔

نگرانِ شوریٰ حاجی محمد عمران عطاری نے سنتوں بھرا بیان کرتے ہوئے اسلامی بھائیوں کی دینی و اخلاقی اعتبار سے تربیت کی اور انہیں دعوتِ اسلامی کے دینی ماحول سے منسلک رہنے کا ذہن دیا۔

اس موقع پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری بھی موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں شعبہ رابطہ برائے شخصیات کے ڈسٹرکٹ ذمہ دار حاجی غلام یسین قادری نے تحصیل قصور کے ذمہ داران کے ہمراہ قصور شہر میں  ڈپٹی کمشنر آفس میں ڈپٹی کمشنر فیاض احمد موہل ، اسسٹنٹ ڈپٹی کمشنر جنرل اورنگزیب ، ریجنل ٹرانسپورٹ آفیسرحافظ عثمان اور افسران کے ساتھ ملاقات کی اور ان کے آفس میں ساتھ ملکر پودا لگایا۔اس موقع پر ڈپٹی کمشنر فیاض موہل نے اپنے تاثرات بھی دئیے۔(رپورٹ : رابطہ برائے شخصیات گوجرانولہ ڈویژن ، کانٹینٹ: محمد مصطفی انیس )

15اگست 2022ء  بروز پیر صوبائی ذمہ دار شعبہ رابطہ برائے شخصیات نے پولیس حکام ڈی ایس پی اینٹی رائیڈ فورس پنجاب محمد مسعود سے ملاقات کی ، دوران ملاقات دعوت اسلامی کی دینی و فلاحی خدمات کے بارے میں بتاتے ہوئے FGRF کے تحت ہونیوالی شجرکاری کے بارے میں بھی بتایا اور رسائل تحفے میں پیش کئے۔(رپورٹ : رابطہ برائے شخصیات گوجرانولہ ڈویژن ، کانٹینٹ: محمد مصطفی انیس )

15اگست 2022ء  بروز پیر رکن شوری حاجی یعفور رضا عطاری نے صوبائی ذمہ دار کیساتھ کمانڈنٹ کالج ڈی آئی جی احمد جمال ، ایس ایس پی ایڈمن محمد طارق، پی ایس ٹو کمانڈنٹ بابر ، پرسنل سیکرٹری ٹو کمانڈنٹ ذیشان ، ڈی ایس پی مستنصر کاظمی ، ڈی ایس پی زاہد مختار نظامی ، ڈی ایس پی محمد مسعود ، لائن افسر محمد اختر اور ریزرو انسپکٹر شاہد جاوید سے ملاقات کی۔

دوران ملاقات مدنی حلقہ و اجتماع کا اہتمام کیا گیا جس میں دعوت اسلامی کی خدمات اور FGRF کے تحت ہونی والی فلاحی خدمات سے آگاہ کرتے ہوئے رکن شوری نے آفیسرز کو رسائل تحفے میں پیش کئے۔

نیز رکن شوری نے کمانڈنٹ ٹریننگ کالج چوھنگ اور ایس ایس پی ایڈمن اور دیگر افسران کےساتھ ملکر پودا بھی لگایا ۔ (رپورٹ : رابطہ برائے شخصیات گوجرانولہ ڈویژن ، کانٹینٹ: محمد مصطفی انیس )

گزشتہ روز گجرات میں مرکزی مجلس شوری کے رکن  حاجی اظہر عطاری کے شجرکاری کے سلسلے میں افسران سے ملاقات کی اور انکے ساتھ ملکر شجرکاری بھی کی۔

شجرکاری کے سلسلے میں DC دفتر میں ڈپٹی کمشنر جنرل افضل حیات تاڑر ، ڈی ایس پی سٹی پرویز اقبال گوندل اور پولیس لائن گجرات میں ایلیٹ فورس کے ڈسٹرکٹ انچارج وقار اور اس کے جوانوں کے ساتھ مل کر پولیس لائن میں شجر کاری کی ۔

شجرکاری کے بعد مدنی چینل کو افسران نے تأثرات بھی دیئے۔(رپورٹ : رابطہ برائے شخصیات گوجرانولہ ڈویژن ، کانٹینٹ: محمد مصطفی انیس )

18  اگست 2022ء کو شعبہ رابطہ برائے شخصیات کے ذمہ داران نے سندھ سیکریٹریٹ کے افسران سے ملاقاتیں کیں جن میں minister of rehabilitation Sindh حاجی رسول بخش ، director education-dept آفتاب شیخ، deputy director عبد الستار عباسی اور دیگر افسران و عملہ شامل تھے۔

دوران ملاقات افسران کو FGRF کے تحت ہونیوالی شجرکاری کے بارے میں بتایاگیا ۔ اس ملاقات میں FGRF کے ذمہ دار فیضان عطاری بھی شریک تھے ۔(رپورٹ : شعبہ رابطہ براے شخصیات ، کانٹینٹ: محمد مصطفی انیس )

پچھلے دنوں ذمہ داران  دعوت اسلامی نے ڈی جی سرگودھا ڈویلپمنٹ اتھارٹی سید افتخار احمد شاہ، ڈپٹی ڈائریکٹر شفیق الرحمان نیازی کے ہمراہ سرگودھا تھیلیسیمیا سینٹر میں یوم آزادی کے موقع پر سینٹر کا وزٹ کیا۔

دوران وزٹ ذمہ داران نے افسران کو دعوت اسلامی کی تھیلیسیمیا کے سلسلے میں کی جانے والی کاوششوں پر بریفنگ دی اور انہیں مدنی مرکز فیضان مدینہ آنے کی دعوت دی اس پر انہوں نے اظہار مسرت کرتے ہوئے فیضان مدینہ آنے کی نیت کا اظہار کیا۔(رپورٹ: کوآرڈینیشن ڈیپارٹمنٹ بیوروکریٹس مجلس میٹرو سٹی سرگودھا ڈویژن ، کانٹینٹ:رمضان رضا عطاری)

16 اگست2022ء بروزمنگل ذمہ دارانِ دعوت اسلامی کی  بہاولپور میں DCعرفان علی کاٹھیا سے الوداعی ملاقات ہوئی۔ اس موقع پر ذمہ داران نے انہیں پھولوں کا گلدستہ پیش کیا اور دعوت اسلامی کی دینی خدمات پر بریفنگ دی جس پر انہوں نے اظہار محبت کرتے ہوئے شکریہ ادا کیا۔

٭دوسری جانب ایڈیشنل ڈپٹی کمشنر ریونیو شاہد عمران مارتھ سے ملاقات ہوئی جس میں ایڈیشنل ڈپٹی کمشنر HQ فاروق قمر ، DPO آفس میں ڈسٹرکٹ سیکیورٹی انچارج محسن سردار، الیاس کچھی بھی شریک رہے۔ اس کے علاوہ تھانہ بغداد میں SHO عابد حمید سے ملاقات ہوئی اور وہاں ان کے ساتھ شجرکاری کا طے ہوا۔ (رپورٹ: محمد اقبال عطاری ڈویژن بہاولپور، کانٹینٹ:رمضان رضا عطاری)

16اگست 2022ء کو ذمہ داران دعوت اسلامی نے لاہور میں سندھ سیکریٹی ہیومن ریسورسز ڈیپارٹمنٹ کا دورہ کیا۔ وہاں موجود افسران لیاقت احمد،محمد خالد خان اور آصف راجپوت سے ملاقات کی۔

مبلغ دعوت اسلامی نے دورانِ گفتگو انہیں دعوت اسلامی کی دینی و سماجی خدمات کے حوالے سے بریفنگ دی اور پچھلے دنوں ہونے والی شجرکاری مہم کے بارے میں بتایا۔ مزید افسران کو دعوت اسلامی کی 41ویں اینیورسری کے حوالے سے بتایا اور ان سے اس سلسلے میں مدنی چینل کے لئے تاثرات لئے اور آخر میں یہ نعرہ بھی دہرایا: قرآن کریم کی بہاریں ،سنت کے رنگ ،دعوت اسلامی کے سنگ۔(رپورٹ:شعبہ رابطہ برائے شخصیات عطاری مجلس کراچی ، کانٹینٹ:رمضان رضا عطاری)

دعوتِ اسلامی  کے زیر اہتمام 16 اگست 2022ء کواسسٹنٹ کمشنر سٹی صاحبزادہ عمر یوسف اسسٹنٹ کمشنر صدر عمر مقبول سے مل کر اسسٹنٹ کمشنر کمپلیکس میں دعوت اسلامی کے شعبہ FGRF کے تحت شجر کاری کا سلسلہ ہوا۔

دوسری جانب سابق ایم این اے میاں عبدالمنان اور ان کے بیٹے سابق چیئرمین FDA میاں عرفان منان سے ان کے گھر پر ملاقات ہوئی۔ اس دوران شعبہ رابطہ برائے شخصیات کے ذمہ داران نے انہیں نیکی کی دعوت پیش کرتے ہوئے مدنی مرکز فیضان مدینہ وزٹ کی دعوت دی۔

علاوہ ازیں مبلغین دعوت اسلامی نے اسپیشل برانچ انچارج محمد اسد،سیکیورٹی انچارج مدینہ ٹاؤن گل زیب سے ان کے آفس میں ملاقات کی۔

اس موقع پر نگران شوریٰ کی آمد کے سلسلے میں ر یسکیو 1122 ٹریفک وارڈن اور پولیس ڈیوٹی سیکیورٹی پلان کے حوالے سے گفتگو ہوئی۔ مزید فیضان مدینہ پارکنگ لیول پر بھی تبادلہ خیال ہوا۔(رپورٹ: شعبہ رابطہ برائے شخصیات میٹرو پولیٹن و ڈویژن فیصل آباد، کانٹینٹ:رمضان رضا عطاری)