16 اگست2022ء بروزمنگل ذمہ دارانِ دعوت اسلامی کی  بہاولپور میں DCعرفان علی کاٹھیا سے الوداعی ملاقات ہوئی۔ اس موقع پر ذمہ داران نے انہیں پھولوں کا گلدستہ پیش کیا اور دعوت اسلامی کی دینی خدمات پر بریفنگ دی جس پر انہوں نے اظہار محبت کرتے ہوئے شکریہ ادا کیا۔

٭دوسری جانب ایڈیشنل ڈپٹی کمشنر ریونیو شاہد عمران مارتھ سے ملاقات ہوئی جس میں ایڈیشنل ڈپٹی کمشنر HQ فاروق قمر ، DPO آفس میں ڈسٹرکٹ سیکیورٹی انچارج محسن سردار، الیاس کچھی بھی شریک رہے۔ اس کے علاوہ تھانہ بغداد میں SHO عابد حمید سے ملاقات ہوئی اور وہاں ان کے ساتھ شجرکاری کا طے ہوا۔ (رپورٹ: محمد اقبال عطاری ڈویژن بہاولپور، کانٹینٹ:رمضان رضا عطاری)

16اگست 2022ء کو ذمہ داران دعوت اسلامی نے لاہور میں سندھ سیکریٹی ہیومن ریسورسز ڈیپارٹمنٹ کا دورہ کیا۔ وہاں موجود افسران لیاقت احمد،محمد خالد خان اور آصف راجپوت سے ملاقات کی۔

مبلغ دعوت اسلامی نے دورانِ گفتگو انہیں دعوت اسلامی کی دینی و سماجی خدمات کے حوالے سے بریفنگ دی اور پچھلے دنوں ہونے والی شجرکاری مہم کے بارے میں بتایا۔ مزید افسران کو دعوت اسلامی کی 41ویں اینیورسری کے حوالے سے بتایا اور ان سے اس سلسلے میں مدنی چینل کے لئے تاثرات لئے اور آخر میں یہ نعرہ بھی دہرایا: قرآن کریم کی بہاریں ،سنت کے رنگ ،دعوت اسلامی کے سنگ۔(رپورٹ:شعبہ رابطہ برائے شخصیات عطاری مجلس کراچی ، کانٹینٹ:رمضان رضا عطاری)

دعوتِ اسلامی  کے زیر اہتمام 16 اگست 2022ء کواسسٹنٹ کمشنر سٹی صاحبزادہ عمر یوسف اسسٹنٹ کمشنر صدر عمر مقبول سے مل کر اسسٹنٹ کمشنر کمپلیکس میں دعوت اسلامی کے شعبہ FGRF کے تحت شجر کاری کا سلسلہ ہوا۔

دوسری جانب سابق ایم این اے میاں عبدالمنان اور ان کے بیٹے سابق چیئرمین FDA میاں عرفان منان سے ان کے گھر پر ملاقات ہوئی۔ اس دوران شعبہ رابطہ برائے شخصیات کے ذمہ داران نے انہیں نیکی کی دعوت پیش کرتے ہوئے مدنی مرکز فیضان مدینہ وزٹ کی دعوت دی۔

علاوہ ازیں مبلغین دعوت اسلامی نے اسپیشل برانچ انچارج محمد اسد،سیکیورٹی انچارج مدینہ ٹاؤن گل زیب سے ان کے آفس میں ملاقات کی۔

اس موقع پر نگران شوریٰ کی آمد کے سلسلے میں ر یسکیو 1122 ٹریفک وارڈن اور پولیس ڈیوٹی سیکیورٹی پلان کے حوالے سے گفتگو ہوئی۔ مزید فیضان مدینہ پارکنگ لیول پر بھی تبادلہ خیال ہوا۔(رپورٹ: شعبہ رابطہ برائے شخصیات میٹرو پولیٹن و ڈویژن فیصل آباد، کانٹینٹ:رمضان رضا عطاری)

پچھلے دنوں گوجرانوالہ  ڈویژن میں منصور قادر کی ریٹائر منٹ کے موقع پر ہونے والی الو داعی تقریب میں ذمہ داران دعوت اسلامی نے ان سے ملاقات کی۔

دوران ملاقات گفتگو کرتے ہوئے اسلامی بھائی نے انہیں دعوت اسلامی کے دینی کاموں کے حوالے سے بتایا اور مدنی مرکز فیضان مدینہ میں آنے کی دعوت دی ۔ ساتھ ساتھ انہیں تحفے میں صراط الجنان اور ماہنامہ فیضان مدینہ دیا۔ تقریب کے اختتام پر ملک و قوم اور امت مسلمہ کے لئے دعائے خیر کروائی گئی ۔

دوسری جانب ایڈیشنل کمشنر عنایت اللہ، ایڈیشنل کمشنر اللہ دتہ، ایڈیشنل کمشنر افضال وڑائچ ، ڈائریکٹر پلاننگ اینڈ ڈیولپمنٹ نعمان حفیظ،ڈپٹی ڈائریکٹر پلاننگ ذیشان سمیت دیگر پولیس آفسران سے ملاقاتیں ہوئیں۔

علاوہ ازیں ایس ایچ او منظر سعید بٹ کی والدہ محترمہ کی وفات پر دعوت اسلامی کی طرف سے محمد احسان عطاری، انوار عطاری، ذوالفقار عطاری اور فاروق عطاری نے ان سے ملاقات کی۔ والدہ کی وفات پر ان سے اظہار تعزیت کیا اور مرحومہ کے لئے دعائے مغفرت کروائی۔(رپورٹ: شعبہ رابطہ برائے شخصیات میٹرو پولیٹن و ڈویژن فیصل آباد، کانٹینٹ:رمضان رضا عطاری)

دعوت  اسلامی کے تحت پچھلے دنوں ہونے والی شجر کاری مہم کے سلسلے میں لالیاں میں محمد اسماعیل عطاری اور محمد تنویر اکبر عطاری نے اسسٹنٹ کمشنر لالیاں کامران اشرف، صدر تحصیل بار لالیاں اور سیاسی شخصیت ملک لیاقت علی نسوانہ سے ملاقات کی ۔

دوران ملاقات شجرکاری مہم پر بات ہوئی جس پر اسسٹنٹ کمشنر اور وہاں موجود شخصیات کے ساتھ ملکر شجر کاری کی جس پر انہوں نے دعوت اسلامی کی بہت تعریف کی۔ آخر میں انہیں ماہنامہ فیضان مدینہ تحفے میں پیش کیا گیا۔ (رپورٹ: کوآرڈینیشن ڈیپارٹمنٹ ڈسٹرکٹ چنیوٹ /ڈویژن فیصل آباد،کانٹینٹ:رمضان رضا عطاری) 

مورخہ 16 اگست 2022 ءبروز منگل شعبہ رابطہ برائے شخصیات کے تحت رائے محمود اسسٹنٹ ڈائریکٹر LDA اور حاجی محمد اکبر علی آفس اسسٹنٹ سے ذمہ داران دعوت اسلامی نے ان سے اور دیگر آفس اسٹاف سے ملاقاتیں کیں۔

ملاقاتوں میں شجر کاری مہم، دعوت اسلامی کے مختلف شعبہ جات کا تعارف، فیضانِ مدینہ جوہر ٹاؤن میں نماز جمعہ کی ادائیگی اور وزٹ کی دعوت دی جو اُنہوں نے قبول کی۔

اس کے علاوہ آفس عملے کودعوت اسلامی کے شعبہ FGRF اور دعوت اسلامی کی ڈیجیٹل اپلی کیشن ، کڈز لینڈ کے بارے میں بتایا گیاجبکہ ڈپٹی ڈائریکٹر (NADRA)عمران سے ٹیلی فون کے ذریعے سے رابطہ ہوا اور انہیں بھی نیکی کی دعوت دی ۔

دوسری طرف عصر تا مغرب نگران ٹاؤن زون علی اصغر مدنی نے فیضانِ مدینہ جوہر ٹاؤن میں مدنی مشورہ لیا جس میں اسلامی بھائیوں کو دینی کام کے حوالے سے ا پڈیٹ نکات بتائے اور انہیں آئندہ کے لئے اہداف دیئے۔(رپورٹ: سید مقصود شاہ عطاری شعبہ رابطہ برائے شخصیات اقبال زون ،کانٹینٹ:رمضان رضا عطاری)

دعوتِ اسلامی  کی طرف سے 17 اگست 2022ء کو شعبہ رابطہ برائے شخصیات کے ذمہ دار اسلامی بھائیوں نے گجرات میں( DPO سید غضنفر پرویز گوندل ، سٹی ضغیم DSP ایلیٹ فورس،سب انسپکٹر عمران پی ایس او ڈی پی او،سب انسپکٹر کاشف پی آر او ڈی پی او،امجد حسین انچارج سیکیورٹی برانچ ڈسٹرکٹ،ڈپٹی کمشنر جنرل افضل حیات تاڑر،ڈپٹی کمشنر فنانس مرزا ظہیر بیگ،اسسٹنٹ ہیڈ کلرک ڈپٹی کمشنر) سے ملاقات کی۔

مبلغ دعوت اسلامی نے ان کو دعوت اسلامی کی دینی خدمات کے حوالے سے آگاہی دی اور انہیں ہفتہ وار سنتوں بھراے اجتماع میں آنے، مدنی مرکز فیضان مدینہ وزٹ کرنے کی دعوت دی نیز ڈی پی او ڈپٹی کمشنر کے ساتھ ان کے دفتر میں شجر کاری کا پروگرام طے ہوا اور آخر میں شخصیات کو محرم الحرام 1444 ھ کے ماہنامہ فیضان مدینہ دیئے۔(رپورٹ: رابطہ برائے شخصیات گوجرانولہ ،کانٹینٹ:رمضان رضا عطاری)

17اگست 2022ء کو  پولیس ہیڈ کوارٹر آفس میں ایس پی ہیڈ کوارٹر پرویز اختر بنگش، ایس پی اینویسٹیگیشن ابراز عباسی، ایس پی شاہ فیصل ٹاؤن وجاہت حسین اور ایس ایچ او سعود آباد ،ایچ ایم تھانہ سعودآباد عابد علی ہیڈ کانسٹیبل اظہر خان اور اسٹاف سے ذمہ داران دعوت اسلامی نے ملاقاتیں کیں۔

ذمہ داران نے شخصیات کو ملک و بیرون ملک میں جاری دعوت اسلامی کی دینی خدمات کے بارے میں بتا یا اور پولیس ہیڈ کوارٹر میں شجر کاری کے حوالے سے میٹنگ وجگہ دیکھی ۔آخر میں انہیں ماہنامہ فیضان مدینہ ورسائل پیش کئے۔(رپورٹ: غلام محبوب عطاری ڈسٹرکٹ کورنگی کانٹینٹ:رمضان رضا عطاری) 

دعوت اسلامی کے زیر اہتمام  17 اگست 2022ء کو شعبہ رابطہ برائے شخصیات کے ذمہ داران نے سینئر ممبر بورڈ آف روینیو سندھ بقا اللہ انڑ، جاوید احمد بخش سومرو اور شاہد مغل سے تفصیلی ملاقات کی۔

دوران ملاقات ذمہ دار اسلامی بھائیوں نے انہیں دعوت اسلامی کے دینی کاموں کے حوالے سے بتاتے ہوئے یکم اگست 2022ء پر ہونے والی شجر کاری مہم پر بریفنگ دی اور ان کے تحت موجود دفاتر میں ہونے والی شجر کاری کے بارے میں بتایا جس پر انہوں نے اپنے دفاتر میں ہونے والی شجرکاری پر خوشی کا اظہار کیا نیز فاریسٹ ڈیپارٹمنٹ سے پودے دلانے کی آفر بھی کی۔ آخر میں ذمہ داران نے ان کو فیضان مدینہ وزٹ کی دعوت بھی پیش کی۔ (رپورٹ: شعبہ رابطہ براے شخصیات عطاری مجلس کراچی، کانٹینٹ:رمضان رضا عطاری)

دعوت  اسلامی کی جانب سے شعبہ رابط برائے تاجران کے ذمہ دار حافظ محمد عابد عطاری کے ساتھ ملکر دیگر ذمہ داران نے ریگل سوسائٹی کے اونر محمد احمد رضا سے ملاقات کی اور ان کو نیکی کی دعوت پیش کرتے ہوئے مکتبۃ المدینہ کی مطبوعہ کتاب تحفے میں دی۔

اس کے بعد شیخوپورہ کے مختلف تاجروں سے ملاقاتیں کیں اور ان کو فکر آخرت کا ذہن دیتے ہوئے اپنی نماز درست کرنے اور اس کی پابندی کا ذہن پانے کے لئے محرم الحرام کے مدنی قافلے میں سفر کرنے کا ذہن دیا جس پر شیخوپورہ سٹی سے 10 تاجران نے ہاتھوں ہاتھ مدنی قافلے میں سفر کے لئے اپنی نیتوں کا اظہار کیا۔(رپورٹ: مجلس تاجران ، کانٹینٹ:رمضان رضا عطاری)

دعوت اسلامی کے زیر اہتمام 1اگست 2022ء کو گریٹر اقبال پارک لاہور (مینار پاکستان) میں شجر کاری مہم کے موقع پر کیمپ لگایا گیا جس میں رکن شوریٰ حاجی یعفور رضا عطاری کی آمد ہوئی۔

رکن شوریٰ نے اسلامی بھائیوں کی حوصلہ افزائی کرتے ہوئے انہیں پودے لگانے کا ذہن دیا اور پودا لگا کر اس مہم کا آغاز کیا۔ جامعۃ المدینہ کے طلبہ کرام اور دیگر ذمہ داران دعوت اسلامی نے بھی پودے لگائے اور انہوں نے مزید گریٹر اقبال پارک اور شاہی قلعہ لاھور میں 500، 500 پودے لگانے کی نیت کا اظہار کیا۔آخر میں رکن شوریٰ نے دعائے برکت کروائی۔(رپورٹ: مجلس تاجران ، کانٹینٹ:رمضان رضا عطاری)

31 جولائی 2022 ء کو سابق وزیر قانون پنجاب راجہ بشارت  کی زوجہ اور سیاسی رہنما بہروز راجہ کی نانی کے ایصال ثواب کے لئے G.O.R Lahore میں اجتماع کا اہتمام کیا گیا۔

اس اجتماع پاک کوتلاوت قرآن پاک اور نعت رسول ﷺ سے آغاز کیا گیا، دعوت اسلامی پنجاب کے ذمہ دار لیاقت عطاری نے ”فلسفہ دنیا و آخرت “ پر سنتوں بھرا بیان کیا اور مرحومہ کے ایصال ثواب کے لئے فاتحہ و قرآن خوانی بھی کی گئی۔

اس موقع پر سابق وزیر راجہ راشد حفیظ،رکن صوبائی اسمبلی عامر نواز چانڈیا،سابق ایڈیشنل ایڈوکیٹ جنرل محمداعجاز ، آصف چیمہ ، جام یوسف ، علی خالد میلہ رانا غلام ، اظہر مسعود، علی اقبال تارڑ، حسن مسعود، سرمد طارق سمیت دیگر اہم سیاسی و سماجی شخصیات نےشرکت کی۔ ( کانٹینٹ: محمد مصطفی انیس )