پچھلے دنوں پنجاب پاکستان کے شہر لاہورمیں واقع راوی ٹاؤن میں دعوتِ اسلامی کے زیرِ اہتمام مدنی مشورے کا انعقاد ہوا جس میں ٹاؤن سطح کے ذمہ دار اسلامی بھائیوں نے شرکت کی۔

نگران ِٹاؤن حاجی ارشد عطاری نے ذمہ داران سے گفتگو کرتے ہوئے دعوتِ اسلامی کے 12 دینی کاموں کے متعلق اہم امور پر مشاورت کی اور انہیں احسن انداز میں دینی کام کرنے کا ذہن دیا جس پر انہوں نے اچھی اچھی نیتوں کا اظہا رکیا۔(رپورٹ:احمد رضا عطاری لاہور میٹرو پولیٹن ذمہ دار مدرسۃالمدینہ بالغان، کانٹینٹ:غیاث الدین عطاری)

پنجاب پاکستان کے شہر فیصل آباد میں قائم دعوت اسلامی کے مدنی مرکز فیضان مدینہ میں 6 جون 2022ء بروز پیر شعبہ مدرسۃالمدینہ (بوائز، گرلز، شارٹ ٹائم، رہائشی اور کورسز) کے ذمہ داران کی میٹنگ ہوئی جس میں ان شعبہ جات کے نگرانِ مجالس، صوبائی اور سرکاری ڈویژن کے ذمہ داران نے شرکت ک۔

اس میٹنگ میں دعوتِ اسلامی کی مرکزی مجلس ِشوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں کی دینی و اخلاقی تربیت کرتے ہوئے شعبہ جات کی پچھلی کار کردگیوں کا جائزہ لیا۔

رکنِ شوریٰ نے دورانِ میٹنگ شعبہ جات کو خود کفیل کرنے، تقرری، فیڈ بیک، کے پی آئز، ٹاسک مینجمنٹ، کارکردگی جائزہ (جنوری 2022ء تا اپریل 2022ء) اور 2026ء کے اہداف طے کئے۔مزید اس میٹنگ میں خصوصی طور پر کوئٹہ، پشاور، مظفر آباد اور گلگت بلتستان میں مدرسۃالمدینہ شروع کرنے کے بارے میں گفتگو ہوئی۔

نگران پاکستان مشاورت حاجی محمد شاہد عطاری نے بتایا کہ اب تک ملک و بیرونِ ملک دعوت اسلامی کے تحت کم و بیش5 ہزار 627 مدارس المدینہ قائم ہو چکے ہیں جن میں اسٹاف کی تعداد کم و بیش 13 ہزار741 ہے جبکہ ان مدارس المدینہ میں قراٰنِ پاک پڑھنے والے بچے اور بچیوں کی تعداد کم و بیش 25 ہزار 524 ہے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

3 جون 2022ء بروز جمعہ دعوتِ اسلامی کے تحت  کراچی سندھ کے کورنگی ڈسٹرکٹ ذمہ داران کا مدنی مشورہ منعقد ہوا جس میں ذمہ دار اسلامی بھائیوں کی کثیر تعداد میں شرکت رہی۔

تفصیلات کے مطابق مرکزی مجلسِ شوریٰ کے اراکین حاجی محمد امین عطاری اور حاجی محمد امین قافلہ عطاری نے اسلامی بھائیوں کی تربیت کرتے ہوئے دعوتِ اسلامی کے 12 دینی کاموں سمیت دیگر مختلف موضوعات کے متعلق گفتگو کی اور دینی کاموں میں بڑھ چڑھ کر حصہ لینے کا ذہن دیا۔بعدازاں اراکینِ شورٰی نے کراچی کورنگی ڈسٹرکٹ کی نئی تقسیم کاری کے مطابق یوسی نگرانوں کے اعلانات کئے۔(کانٹینٹ:غیاث الدین عطاری)

اللہ پاک کے فضل وکرم سے دعوت اسلامی کادینی کام دن بہ دن ترقی کررہاہے اور دعوت اسلامی اپنے ذمہ داران کے ذریعے باقاعدہ ایک منظم انداز سے امیراہل سنت دامت برکاتہم العالیہ کی جانب سے دیئے گئے مدنی مقصد ’’مجھے اپنی اور ساری دنیا کے لوگوں کی اصلاح کی کوشش‘‘ کرنے میں مصروف عمل ہے۔

دعوت اسلامی کے شعبہ پاکستان مشاورت آفس کے تحت حال ہی میں دور جدید کے تقاضوں کو بروئے کار لاتے ہوئے تنظیمی ذمہ داران کی تربیت کے لئے ایک کورس بنام ’’آن لائن تنظیمی کورس‘‘ ڈیزائن کیا گیا ہے جس کا مقصد ذمہ داران کی شرعی، تنظیمی اور ٹیکنیکل انداز سے تربیت کرنا ہے تاکہ وہ اس کے ذریعے دینی کاموں کو مزید بہتر سے بہتر انداز میں کرسکیں۔

یکم جون2022ء سے باقاعدہ اس کورس کاآغاز کردیا گیا ہے اور اس وقت اس کورس میں تنظیمی تقسیم کاری کے مطابق 3سرکاری ڈویژنوں کے کم و بیش 13ڈسٹرکٹ نگران شرکت کررہے ہیں ۔

شعبہ جدول کے نگران ومبلغ دعوت اسلامی نے ذمہ داران کی تربیت کرتے ہوئے کورس کے مقاصد بیان کئے اور دعوت اسلامی کے دینی کاموں کومزید کیسے بہتر کیا جاسکتا ہے اس بارے میں رہنمائی کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

انسان کے اندر سب سے بڑی بیماری ”گناہ“ ہے۔ اس بیماری سے نجات حاصل کرتے ہوئے اللہ اور اس کے رسول صلَّی اللہ علیہ واٰلہٖ وسلَّم کو راضی کرنا ہر مسلمان کے لئے ضروری ہے۔مسلمان اپنی عبادات و ریاضت اور نیک محافل میں شرکت کے ذریعے اپنے رب عَزَّوَجَلَّ اور رحیم آقا صلَّی اللہ علیہ واٰلہٖ وسلَّم کو راضی کرنے کی کوشش کرتے ہیں۔ عاشقان رسول کی عالمگیر تحریک دعوت اسلامی بھی مسلمانوں کو نیکیاں کرنے اور عبادات و ریاضت کرنے کے لئے مختلف وسائل فراہم کرتی رہتی ہے ایسا ہی ایک وسیلہ ہفتہ وار اجتماع بھی ہے جو دنیا بھر میں ہر جمعرات بعد نماز مغرب منعقد ہوتا ہے جن میں مبلغین دعوت اسلامی و اراکین شوریٰ سنتوں بھرے بیانات فرماتے ہیں ، بیان کے بعد ذکر و اذکار اور رقت انگیز دعا کا سلسلہ ہوتا ہے۔

ہر ہفتے کی طرح آج بھی مورخہ 2 جون 2022ء بروز جمعرات بعد نماز مغرب دنیا بھر میں ہفتہ وار سنتوں بھرے اجتماعات کا انعقاد کیا جائیگا۔

تفصیلات کے مطابق مدنی مرکز فیضان مدینہ پاہڑیانوالی (ہیگر والا) گجرات روڈ پنجاب بعد نماز عشاء 9:30 بجے ہونے والے ہفتہ وار اجتماع میں مرکزی مجلس شوریٰ کے رکن حاجی محمد اسد عطاری مدنی ”آخری پیغام“ کے موضوع پر سنتوں بھرا بیان فرمائیں گے جسے مدنی چینل پر براہ راست نشر کیا جائیگا۔

اس کے علاوہ عالمی مدنی مرکز فیضان مدینہ کراچی میں ہونے والے ہفتہ وار اجتماع میں رکن شوریٰ حاجی مولانا عبد الحبیب عطاری، فیضان اسلام مسجد خیابان ِسحر DHAفیز7 کراچی میں رکن شوریٰ حاجی فضیل رضا عطاری، عثمانیہ مسجد عبداللہ گوٹھ مین نیشنل ہائے وےکراچی میں رکن شوریٰ حاجی محمد امین عطاری، جامع اقصیٰ شیرانوالہ گیٹ لاہور میں رکن شوریٰ حاجی یعفور رضا عطاری اور جامع مسجد حنفیہ غوثیہ سوڈیوال لاہور میں نگران پروفیشنلز ڈیپارٹمنٹ محمد ثوبان عطاری سنتوں بھرے بیانات فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

گزشتہ روز مرکزی مجلس شوریٰ کے رکن حاجی محمد اطہر عطاری نے ڈائریکٹر جنرل سندھ میجر جنرل افتخار حسن سے کراچی میں ملاقات کی۔

رکن شوریٰ نے جنرل افتخار حسن کو دار المدینہ انٹرنیشنل اسلامک اسکول سسٹم، دار المدینہ یونیورسٹی، دار المدینہ کالج اور کنزالمدارس بورڈ کے بارے میں بریفنگ دی جبکہ دعوت اسلامی کے تحت دنیا بھر میں ہونے والے دینی وفلاحی کاموں کے حوالے سے بتایا۔

رکن شوریٰ اور میجر جنرل افتخار حسن کے درمیان تعلیمی امور سمیت دیگر معاملات پر بھی تبادلۂ خیال ہوا۔

اس موقع پر شعبہ رابطہ برائے شخصیات کے ذمہ دار حاجی یعقوب عطاری اور محمدیحییٰ عطاری بھی موجود تھے۔

دعوتِ اسلامی کے دینی کاموں کے سلسلے میں 29 مئی 2022ء بروز اتوار کراچی (سندھ) کے علاقے سخی حسن میں مدنی مشورے کا اہتمام کیا گیا جس میں سینٹرل ڈسٹرکٹ کراچی (سندھ) کے ذمہ دار اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کےاراکین حاجی محمد امین عطاری اور حاجی محمد امین قافلہ عطاری نے ذمہ داران سے 12 دینی کاموں کے متعلق اہم نکات پر گفتگو کی نیز کراچی سینٹرل ڈسٹرکٹ کی نئی تقسیم کاری کے مطابق یوسی اور وارڈ نگرانوں کے اعلانات کئے۔

دورانِ مدنی مشورہ جانشینِ امیرِ اہلِ سنت مولانا حاجی عبید رضا عطاری مدظلہ العالی کی آمد کا بھی سلسلہ رہا۔بعدازاں جانشینِ امیرِ اہلِ سنت نے مستقل 12 ماہ سے 3 دن کے مدنی قافلے میں سفر کرنے والے عاشقانِ رسول کے درمیان تحائف تقسیم کئے اور دعوتِ اسلامی کے ہفتہ وار سنتوں بھرے اجتماع میں شرکت کرنے کی دعوت دی۔ (کانٹینٹ:غیاث الدین عطاری)

گزشتہ دنوں پاکستان کے شہر نواب شاہ میں دعوتِ اسلامی کے زیرِا ہتمام فری طبی کیمپ منعقد کیا گیا جس میں حکما، ہومیوپیتھک ڈاکٹرز سمیت دیگر اسلامی بھائیوں نے شرکت کی۔

اس کے علاوہ ذمہ دار اسلامی بھائیوں نے سیکھنے سکھانے کا حلقہ بھی لگایا جس میں شرکا کو دعوتِ اسلامی کے مختلف شعبہ جات کا تعارف اورخدمت خلق کے حوالے سے دینی ایکٹیوٹیز بیان کی گئیں نیز ہر ماہ اس طرح کے کیمپسز لگانے کا ذہن دیا۔بعدازاں تحائف دینے کا بھی سلسلہ رہا۔(رپورٹ:محسن عطاری مدنی صوبہ سندھ رابطہ برائے ہومیوپتھک ڈیپارٹمنٹ، کانٹینٹ:غیاث الدین عطاری)

سال 2022ء میں حج پر جانے والے عاشقانِ رسول کے لئے ایک تربیتی نشست کاانعقاد کیا گیا جس میں اسلامی بھائیوں کی حج و عمرہ کےحوالے سے تربیت کی گئی۔

دورانِ نشست رکنِ مرکزی مجلسِ شوریٰ حاجی یعفور رضا عطاری نے عاشقانِ رسول کی تربیت کرتے ہوئے انہیں احرام باندھنے اور عمرہ و حج کرنے کا طریقۂ کار سکھایا۔

اس کے علاوہ رکنِ شوریٰ نے مدینہ منورہ زادہا اللہ شرفاً و تعظیماً کی حاضری کے متعلق شرکا کی رہنمائی کی اور امیرِ اہلِ سنت دامت بَرَکَاتُہمُ العالیہ کی کتاب ’’رفیق الحرمین‘‘ ساتھ لے جانے کی ترغیب دلائی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں مدنی مرکز فیضانِ مدینہ حیدر آباد میں میٹنگ منعقد ہوئی جس میں صوبۂ انٹیرئیر سندھ مشاورت اور فنانس ڈیپارٹمنٹ کےذمہ داران سمیت سرکاری ڈویژ ن سطح کے اسلامی بھائیوں نے شرکت کی۔

تفصیلات کے مطابق اس میٹنگ میں مرکزی مجلسِ شوریٰ کے رکن حاجی قاری ایاز عطاری نے اسلامی بھائیوں کی انفرادی کارکردگی کا جائزہ لیا اور دعوتِ اسلامی کے 12 دینی کاموں سمیت مختلف موضوعات پر کلام کیا۔

اس کے علاوہ اجتماعی قربانی کے گودام، کھالوں کی وصولی گوداموں پر بروقت پہنچانے کے متعلق چند اہم امور پر تبادلۂ خیال کیا گیا نیز رکنِ شوریٰ نے ڈویژنوں کے مالی بجٹ کا جائزہ لیا۔(کانٹینٹ:غیاث الدین عطاری)

کرونا وبا کے بعد پہلی دفعہ بین الاقوامی سطح پر حج کا اعلان کردیا گیا ہے۔ رواں سال 2022ء میں دنیا بھر سے 10 لاکھ مسلمان حج کرسکیں گے جبکہ حکومت کی جانب سے ملک پاکستان کو 81 ہزار 132 عازمین کا کوٹہ دیا گیاہے۔

اس سال حج پر جانے والے خوش نصیب عاشقان رسول کے لئے دعوت اسلامی کے عالمی مدنی مرکز فیضان کراچی (سندھ) میں 5 جون 2022ء بروز اتوار دوپہر 2بجے ”حج تربیتی اجتماع“ کا انعقاد کیا جائیگا جس میں اسلامی بھائیوں کو احرام باندھنے کا طریقہ اور حج کے متعلق دیگر احکام سکھائے جائیں گے۔

اسی روز رات 9:45 پر محفل مدینہ کا بھی اہتمام ہوگا جس میں شیخ طریقت امیر اہل سنّت علامہ محمد الیاس عطار قادری دامت بَرَکَاتُہمُ العالیہ عازمینِ حج کی تربیت فرمائیں گے جبکہ نعت خواں حضرات یادِ مدینہ اور حج کے کلام پیش کرکے عشق رسول میں اضافہ کریں گے۔

تمام عاشقان رسول سے اس اجتماع پاک میں شرکت کرنے کی درخواست ہے۔ 

27 مئی 2022 ء بروز جمعہ جامع مسجد کریمیہ قادریہ  کے سابقہ صدر ایاز بھائی سے مرکزی مجلس شوری کے رکن حاجی محمد عقیل عطاری نے ملاقات کی ۔

دوران ملاقات رکن شوری نے ایاز بھائی سے عیادت کی اور ان کی خیریت دریافت کرتے ہوئے انہیں صبر کی تلقین کی اور ان کی صحت یابی کے لئے دعائے خیر کی ۔(کانٹینٹ: محمد مصطفی انیس انصاری )