گزشتہ روز شعبہ رابطہ برائے ایگریکلچر اینڈ لائیو اسٹاک اور رابطہ برائے تاجران کے ذمہ دار اسلامی بھائیوں کی کاوشوں سے پراپرٹی بینک اونر اور رئیل اسٹیٹ سےتعلق رکھنے والے بزنس مینز نے عالمی مدنی مرکز فیضان مدینہ ، کراچی کاوزٹ کیا ۔

ذمہ دار ڈسٹرکٹ کورنگی عبد الرزاق عطاری نے دعوت اسلامی اور اس کے شعبہ جات کا تعارف کرواتے ہوئے فیضان مدینہ کراچی میں قائم مختلف ڈیپارٹمنٹس : المدینۃ العلمیہ، مدنی چینل ،فیضان آن لائن اکیڈمی ،شعبہ تراجم اور دار الافتا ء اہلسنت کا وزٹ کرواتے ہوئے ان شعبہ جات کے تحت ہو نیوالے کاموں کا مختصرا ً تعارف بیان کیا جس پر پراپرٹی بینک کے اونر نے خوشی کا اظہار کیا اور دعوت اسلامی کے دینی و فلاحی کاموں کو خوب سراہا۔

اس موقع پر کیٹل اونر ریحان عطاری ، ڈیری اونر تسلیم عطاری ، فیڈ ڈیلر زاہد عطاری اور ڈیری فارم اونر بشارت علی بھی شریک تھے۔(رپورٹ : عبد الرزاق عطاری ،ذمہ داری ڈسٹرکٹ کورنگی ، کانٹینٹ: محمد مصطفی انیس)

عاشقان رسول میں نیکی کی دعوت کو عام کرنے کے لئے ہرہفتے کی طرح آج رات مؤرخہ 16 جون 2022ءکو دنیا بھر میں ہفتہ وار اجتماعات کا انعقاد کیا جائیگا جس میں مبلغین دعوت اسلامی و اراکین شوریٰ سنتوں بھرے بیانات فرمائیں گے۔

تفصیلات کے مطابق مدنی چینل پر براہ راست نشر ہونے والے ہفتہ وار اجتماع میں مبلغ دعوت اسلامی حافظ مولانا اشفاق عطاری مدنی جامع مسجد گلزار مدینہ ایس ٹی نمبر 10، سیکٹر 4Dسرجانی ٹاؤن کراچی سے رات 8:00 بجے سنتوں بھرابیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی محمد اطہر عطاری، مدنی مرکز فیضان مدینہ فیصل آباد مدینہ ٹاؤن میں نگران پاکستان مشاورت حاجی محمد شاہد عطاری، نورانی مسجد نشتر اسکوائر، ملیر کراچی میں رکن شوریٰ حاجی محمد امین عطاری، جامع مسجد جنت الفردوس نوگراں میں رکن شوریٰ حاجی مولانا محمد اسد عطاری مدنی، جامع مسجد فیضان عطار ملکوال روڈ تلہ گنگ میں رکن شوریٰ حاجی محمد اظہر عطاری، چاند میرج ہال نزد بابری مسجد پھول نگر میں رکن شوریٰ حاجی یعفور رضا عطاری، مدنی مرکز فیضان مدینہ نزد حیدری انڈر بائی پاس شیخوپورہ موڑ بس اسٹاپ، گوجرانوالہ میں نگران شعبہ پروفیشنلز محمد ثوبان عطاری سنتوں بھرا بیان فرمائیں گے۔ 

ماہ ذو الحجۃ الحرام میں قربانی کرنا ابوالانبیاء حضرت سیدنا ابراہیم علیہ السلام کی سنت مبارکہ ہے۔قربانی کرناہر مسلمان، بالغ مرد و عورت، صاحبِ نصاب (مالدار) پر واجب ہے۔اس عبادت کی ادائیگی میں ہر سال مسلمان اپنے رب کو راضی کرنے کے لئے لاکھوں ، کروڑوں جانوروں (گائے، بکری، اونٹ) کی قربانی پیش کرتے ہیں۔

دعوت اسلامی دنیا بھر کے عاشقان رسول کو ان کی عبادت کی ادائیگی میں آسانی پیدا کرنے کے لئے ہر سال اجتماعی قربانی کا اہتمام کرتی ہے جس میں حصہ دار کی قربانی کو عین شریعت کے مطابق سر انجام دیا جاتا ہے اور منصف انداز میں گوشت تقسیم کرنے کا سلسلہ ہوتا ہے۔ ہر سال کی طرح اس سال بھی دعوت اسلامی پاکستان سمیت دنیا بھر کے عاشقان رسول کے لئے پاکستان کے چھ شہروں ”کراچی، حیدرآباد، اسلام آباد، لاہور، ملتان اور فیصل آباد میں اجتماعی قربانی کا اہتمام کررہی ہے جس میں گائے کا فی حصہ 16 ہزار روپے مقرر کیا گیا اور ہوم ڈیلیوری کی سہولت کے ساتھ ایک حصے کی رقم 17500 بنتی ہے۔

اجتماعی قربانی میں حصہ لینے اور مزید معلومات کے لئے اس واٹس ایپ نمبر پر رابطہ کریں: 03162626000

دنیا بھر سے اجتماعی قربانی میں حصہ لینے کے لئے نیچے دیئے گئے لنک پر کلک کیجئے:

https://qurbani.dawateislami.net/onlinequrbani/

11 جون 2022ء بروز ہفتہ دعوت اسلامی کی مرکزی مجلس شوریٰ کے رکن حاجی محمد امین مدنی قافلہ عطاری نے کراچی سندھ کے ملیر ڈسٹرکٹ ذمہ داران کا مدنی مشورہ کیا جس میں مختلف شعبہ جات کے ذمہ دار اسلامی بھائیوں نے بھی شرکت کی۔

رکنِ شوریٰ حاجی محمد امین قافلہ عطاری نے ذمہ دار اسلامی بھائیوں سے گفتگو کرتے ہوئے دعوتِ اسلامی کے 12 دینی کاموں کے متعلق اہم نکات پر مشاورت کی اور کراچی ملیر ڈسٹرکٹ کی نئی تقسیم کاری کے مطابق یوسی نگرانوں کے اعلانات کئے۔(کانٹینٹ:غیاث الدین عطاری)

10 جون 2022 ء بروز جمعہ دعوت اسلامی کے دینی کاموں کے سلسلے میں مرکزی مجلس شوری کے رکن حاجی امین عطاری نے پشاور کا دورہ کیا اور مختلف مقامات پر درس و بیان کا سلسلہ جاری رہا ۔

تفصیلات کے مطابق رکن شوری حاجی امین عطاری نے مدنی مرکز فیضان مدینہ پشاور میں ہفتہ وار اجتماع میں سنتوں بھرا بیان کیااور حاضرین کی دینی و اخلاقی اعتبار سے تربیت کی۔ ساتھ ہی اصلاح نفس کے حوالے سے مدنی پھول دیئے، اختتام پر رکن شوری نے اجتماع میں شرکت کرنے والوں سے ملاقات بھی کی ۔(کانٹینٹ: محمد مصطفی انیس ) 

10 جون 2022ء بروز جمعہ صوبۂ سندھ کے شہر نوابشاہ معراج سٹی میں قائم دعوتِ اسلامی کے مدرسۃ المدینہ بوائز میں فری طبی کیمپ لگایا گیا جس میں نوابشاہ سندھ کے اطباو ہومیوپیتھک ڈاکٹرز نے قاری صاحبان اور بچوں کا فری چیک اپ کیا نیز انہیں ادویات بھی دیں۔

اس موقع پر ذمہ داراسلامی بھائیوں نے انہیں دعوتِ اسلامی کے مختلف شعبہ جات کا وزٹ کروایا جس پر انہوں نے دعوتِ اسلامی کے بارے میں اپنی نیک خواہشات کا اظہار کیا۔

اس کے علاوہ نگرانِ شعبہ حکیم حسان عطاری نے اطبا اور ڈاکٹروں کے درمیان سیکھنے سکھانے کا حلقہ لگایا جس میں انہیں دعوتِ اسلامی کے شعبہ جات کا تعارف کروایا۔

بعدازاں اطبا اور ڈاکٹروں نے مدرسۃا لمدینہ میں ماہانہ طبی کیمپ لگانے، ہفتہ وار سنتوں بھرے اجتماع و مدنی مذاکرےمیں شرکت کرنے اور مدنی قافلے میں سفر کرنے کی نیتیں کیں۔(رپورٹ:محمد محسن عطاری مدنی صوبہ سندھ ، کانٹینٹ:غیاث الدین عطاری)

دعوتِ اسلامی کے زیرِا ہتمام 8 جون 2022ء بروز بدھ کراچی سندھ  ملیر ڈسٹرکٹ02 کے ذمہ داران کا مدنی مشورہ منعقد ہوا جس میں کثیر ذمہ دار اسلامی بھائیوں سمیت دیگر عاشقانِ رسول کی شرکت رہی۔

تفصیلات کے مطابق مرکزی مجلسِ شوریٰ کے رکن حاجی محمد امین قافلہ عطاری نے ذمہ داران سے دعوتِ اسلامی کے 12 دینی کاموں کے متعلق گفتگو کی اور انہیں دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔

بعدازاں رکنِ شوریٰ نے کراچی ملیر ڈسٹرکٹ02 کی نئی تقسیم کاری کے مطابق یوسی نگرانوں کے اعلانات کئے۔(رپورٹ:غیاث الدین عطاری)

گزشتہ دنوں مرکزی مجلس شوری کے رکن حاجی قاری ایاز رضا عطاری نے  فیضان مدینہ العطار ٹاؤن ، میر پور خاص میں ڈویژن ذمہ داران کا مدنی مشورہ کیا ۔

اس مدنی مشورے میں نئی سرکاری تقسیم کاری کے مطابق تحصیل اور یوسی نگرانوں کا اعلان کیا اور 12 دینی کاموں کے ساتھ ساتھ قربانی کے کھالوں کے حوالے سے مدنی پھول دئیے۔اس کے علاوہ رکن شوری نے ذمہ داران کی مختلف موضوعات پر تربیت بھی کی ۔(کانٹینٹ:محمد مصطفی انیس انصاری ) 

گزشتہ دنوں کوئٹہ پریس کلب میں رکن شوری حاجی یعفور رضا چطاری نے کوئٹہ کے صحافیوں کے ساتھ ملاقات کی جس میں کوئٹہ صدر پریس کلب عبد الخالق رند  ، جنرل سیکریٹری بنارس خان ، نور الہی بگٹی ، آصف بلوچ ، نذر محمد جمالی ، رضا الرحمان ، سلیم شہزاد ، منظوراحمد ، مرتضی زہری ، عیسی ترین ، فہیم بلوچ، خالد صاحب، محمد شعیب ، ناصر شاہوانی ، عبد الشکور اور دیگر صحافی شامل تھے۔

رکن شوری نے صحافیوں کو نیکی کی دعوت پیش کی ، دعوت اسلامی کا تعارف اور انہیں دعوت اسلامی کے تحت ہونے والے مختلف کورسز کے بارے میں بتایا جس پر صحافیوں نے کورسز کرنے کی نیت بھی کی ۔

دورانِ ملاقات نگران مجلس میڈیا ڈیپارٹمنٹ محمد عثمان عطاری بھی موجود تھے۔(کانٹینٹ:محمد مصطفی انیس انصاری ) 

پچھلے دنوں بخاری مسجد کھارادر ، کراچی میں مرکزی مجلس شوری کے رکن حاجی مولانا عبد الحبیب عطاری نے ایصال ثواب اجتماع میں شرکت کی جہاں کثیر عاشقان رسول نے ان کا خیر مقدم کیا ۔

رکن شوری حاجی عبد الحبیب عطاری نے حاضرین کو نیکی کی دعوت پیش کرتے ہوئے ایصال ثواب اور اصلاح اعمال کے متعلق گفتگو کی اور حاضرین کی دینی واخلاقی اعتبار سے تربیت بھی فرمائی نیز بخاری مسجد شعبہ خواتین کی ذمہ دارہ اور فیصل معیاری کی زوجہ مرحومہ کے ایصال ثواب کے لئے فاتحہ خوانی اور دعائے مغفرت کی گئی۔(کانٹینٹ:محمد مصطفی انیس انصاری ) 

صوبۂ بلوچستان کے شہر کوئٹہ میں واقع طوغی روڈ کی جامع مسجد میاں اسماعیل  میں دعوتِ اسلامی کے تحت سیکھنے سکھانے کا حلقہ منعقد کیا گیا جس میں مقامی عاشقانِ رسول نے کافی تعداد میں شرکت کی۔

اس موقع پر مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے عاشقانِ رسول کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں عملی طور پر حصہ لینے کاذہن دیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

عاشقان رسول کے قلوب کو علم دین سے منور کرنے، ثواب کا ذخیرہ جمع کرنے اور انہیں سیرت و سنت رسولﷺ  کے مطابق زندگی گزارنے کا ذہن دینے کے لئے آج مؤرخہ 9 جون 2022ء کو دنیا بھر میں ہفتہ وار اجتماعات کا انعقاد کیا جائیگا جن میں اراکین شوریٰ و مبلغین دعوت اسلامی سنتوں بھرے بیانات فرمائیں گے۔ بیان کے بعد ذکر و اذکار ، صلوۃ و سلام اور دعا کا سلسلہ ہوگا۔

تفصیلات کے مطابق مدنی مرکز فیضان مدینہ گلشن اقبال، نزد الطاف آئی اسپتال خانپور پنجاب سے بعد نماز عشاء رات 9:45 بجے مدنی چینل پر براہ راست ہونے والے ہفتہ وار اجتماع میں رکن شوریٰ حاجی قاری محمد سلیم عطاری سنتوں بھرا بیان فرمائیں گے۔

اس کے علاوہ بہزاد لکھنوی مسجد، سخی حسن چورنگی کراچی میں رکن شوریٰ حاجی مولانا عبد الحبیب عطاری، فیضان محمدی مسجد، بلاکA، گارڈن سٹی گلشن معمار کراچی میں رکن شوریٰ حاجی امین قافلہ عطاری ، مدنی مرکز فیضان مدینہ ڈھوک جمعہ، جہلم میں رکن شوریٰ حاجی مولانا اسد عطاری مدنی، مدنی مرکز فیضان مدینہ صدر گلبرگ نمبر 1، النور اسٹریٹ پشاور میں رکن شوریٰ حاجی محمد امین عطاری، مدنی مرکز فیضان مدینہ جوہر ٹاؤن لاہور میں رکن شوریٰ حاجی یعفور رضا عطاری اور مدنی مرکز فیضان مدینہ سوساں روڈ مدینہ ٹاؤن فیصل آباد میں نگران شعبہ پروفیشنلز محمد ثوبان عطاری سنتوں بھرا بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔