علمِ دین کی مجالس میں بیٹھنا اور ان کا انعقاد کرنا صحابۂ کرام علیہم الرضوان، تابعین، تبع تابعین اور بزرگانِ دین رحمہم اللہ المبین کا معمول تھا نیز قراٰن و حدیث میں علمِ دین کی مجالس میں بیٹھنے کے حوالے سے بےشمار فضائل بیان کئے گئے ہیں جیساکہ حدیثِ مبارکہ کا مفہوم ہے: ”علم کی مجالس جنّت کے باغات ہیں“۔(معجم کبیر،ج11،ص78،حدیث:11158)

لوگوں کے لئےعلمِ دین کی مجالس منعقد کرنے والی عاشقانِ رسول کی دینی تحریک دعوتِ اسلامی کے زیرِ اہتمام آج مؤرخہ 6 جون 2024ء بروز جمعرات دنیا بھر میں مختلف مقامات پر ہفتہ وار سنتوں بھرے اجتماعات کا انعقاد کیا جائے گا جن کا آغازتلاوتِ قراٰن و نعتِ رسولِ مقبول صلی اللہ علیہ و سلم سے ہو گا اور عاشقانِ رسول کی دینی، اخلاقی، شرعی اور معاشرتی تربیت کے لئے سنتوں بھرے بیانات کئے جائیں گے۔

معلومات کے مطابق مدنی مرکز فیضانِ مدینہ کولو روڈ، حافظ آباد پنجاب سے رکنِ شوریٰ مولانا حاجی محمد اسد عطاری مدنی مدنی چینل پر براہِ راست سنتوں بھرا بیان فرمائیں گے ۔

عاشقانِ رسول کی دینی تحریک دعوتِ اسلامی کی مرکزی مجلسِ شوریٰ میں ایک اور نئے رکنِ شوریٰ کا اضافہ کردیا گیا۔نگرانِ بنگلہ دیش عبدالمبین رضا عطاری نئے رکنِ شوریٰ مقرر ہوئے۔

تفصیلات کے مطابق1 جون 2024ء بروز ہفتے کی شب عالمی مدنی مرکز فیضانِ مدینہ کراچی میں ہونے والے مدنی مذاکرے کے دوران امیرِ اہلِ سنت، بانیِ دعوتِ اسلامی حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہ نے اعلان کیا کہ نگرانِ بنگلہ دیش عبدالمبین رضا عطاری کو دعوتِ اسلامی کی مرکزی مجلسِ شوریٰ کے رکن میں شامل کرلیا گیا ہے۔

امیرِ اہلِ سنت دامت بَرَکَاتُہمُ العالیہ اور مرکزی مجلسِ شوریٰ کے نگران مولانا حاجی محمد عمران عطاری سمیت دیگر اراکینِ شوریٰ اور بنگلہ دیش کے اسلامی بھائیوں نے عبدالمبین رضا عطاری کو مبارک باد پیش کی۔

اس وقت عبدالمبین رضا عطاری دعوتِ اسلامی کے تحت بنگلہ دیش کے نگران کی حیثیت سے 12 دینی کاموں سمیت دعوتِ اسلامی کے فلاحی کاموں میں مصروفِ عمل ہیں۔

عاشقانِ رسول کی دینی تحریک دعوتِ اسلامی کے تحت کراچی کے ذمہ دار اسلامی بھائیوں کی دینی، اخلاقی اور تنظیمی اعتبار سے رہنمائی کرنے کے لئے 1 تا  2 جون 2024ء کو عالمی مدنی مرکز فیضانِ مدینہ کراچی میں ”ذمہ داران کا عظیم الشان اجتماع“ منعقد کیا گیا جس میں کراچی کے مختلف علاقوں سے آئے ہوئےذمہ داران، مبلغینِ دعوتِ اسلامی اور دیگر عاشقانِ رسول نے ہزاروں کی تعداد میں شرکت کی۔

اجتماع کا آغاز 1 جون 2024ء کو ہفتہ وار مدنی مذارے سے ہوا جس میں حاضرین و ناظرین کی جانب سے مختلف سوالات کئے گئے جس کے شیخِ طریقت، امیرِ اہلِ سنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے علم و حکمت بھرے جوابات ارشاد فرمائے اور مدنی پھولوں سے نوازا۔بعدِ مدنی مذاکرہ عاشقانِ رسول نے جانشینِ امیرِ اہلسنت حضرت مولانا حاجی عبید رضا عطاری مدنی مدظلہ العالی سے ملاقات کی جبکہ خصوصی مدنی مذاکرے کا بھی انعقاد ہوا جس میں امیرِ اہلِ سنت دامت بَرَکَاتُہمُ العالیہ اور جانشینِ امیرِ اہلسنت مدظلہ العالی نے مختلف امور پر عاشقانِ رسول کی تربیت و رہنمائی کی ۔

2 جون 2024ء کو بعد نمازِ ظہر مرکزی مجلسِ شوریٰ کے نگران مولانا حاجی محمد عمران عطاری کا سنتوں بھرا بیان ہوا جس میں فیصل آباد پنجاب سےمرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری بھی بذریعہ انٹرنیٹ شریک ہوئے۔نگرانِ شوریٰ نے دعوتِ اسلامی کے مختلف شعبہ جات کی کارکردگیاں بیان کی اور 12 دینی کاموں کے متعلق اسلامی بھائیوں کی ذہن سازی کرتے ہوئے انہیں دینی کاموں میں بڑھ چڑھ کر حصہ لینے کی ترغیب دلائی نیزاسلامی بھائیوں کو آئندہ کے اہداف بھی دیئے ۔

قرآن و سنت کی تعلیمات کو عام کرنے والی عاشقانِ رسول کی تحریک دعوتِ اسلامی کے زیر اہتمام آج مؤرخہ 30 مئی 2024ء کو دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں مبلغین دعوتِ اسلامی و اراکینِ شوریٰ سنتوں بھرے بیانات فرمائیں گے۔

ہفتہ وار اجتماعات کا آغاز تلاوتِ قرآنِ پاک اور نعتِ رسول مقبول صلَّی اللہ علیہ واٰلہٖ وسلَّمسے ہوتا ہےجن کے بعد عاشقانِ رسول کی شرعی، اصلاحی اورمعاشرتی رہنمائی کے لئے سنتوں بھرے بیانات کئے جاتے ہیں۔

تفصیلات کے مطابق مدنی مرکز فیضانِ مدینہ 20 بیڈ ہسپتال شکار پور سندھ سے رکنِ شوریٰ مولانا حاجی عبد الحبیب عطاری مدنی چینل پر براہِ راست سنتوں بھرا بیان فرمائیں گے۔ شکار پور سندھ میں ہونے والے ہفتہ وار اجتماع کی خصوصیت یہ ہے کہ رکن شوریٰ فیضان مدینہ کا افتتاح بھی فرمائیں گے۔

اس کے علاوہ عالمی مدنی مرکز عالمی مدنی مرکز فیضانِ مدینہ کراچی میں رکنِ شوریٰ حاجی سید ابراہیم عطاری، رضائے مصطفٰے مسجد کورنگی کراچی میں رکنِ شوریٰ حاجی فضیل عطاری، ریلوے گراؤنڈ رائے ونڈ، اقبال ٹاؤن لاہور میں رکنِ شوریٰ حاجی یعفور رضا عطاری، مدنی مرکز فیضانِ مدینہ العطار ٹاؤن میر پور خاص میں رکنِ شوریٰ مولانا حاجی ابو ماجد محمد شاہد عطاری مدنی، مدنی مرکز فیضانِ مدینہ سرگودھا روڈ تلہ گنگ میں رکن شوریٰ حاجی وقار المدینہ عطاری، مدنی مرکز فیضانِ مدینہ شیخوپورہ میں رکنِ شوریٰ حاجی منصور عطاری، جامع مسجد سیداں مین بازار گوکی سیالکوٹ میں رکنِ شوریٰ حاجی محمد اظہر عطاری اور مدنی مرکز فیضان مدینہ Bristol, England میں رکنِ شوریٰ حاجی خالد عطاری سنتوں بھرا بیان فرمائیں گے۔

تمام عاشقانِ رسول سے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

ٹریننگ سیشن کے نکات

لیکچرار: ڈاکٹر افتخار احمد خان (مصنف کتاب ”اصولِ تحقیق” صفحات:207)

(اسسٹنٹ پروفیسر، شعبہ علوم اسلامیہ و عربی، گورنمنٹ کالج یونیورسٹی فیصل آباد)

شرکا: ریسرچ اسکالرز المدینۃ العلمیۃ کراچی

27مئی 2024

از: محمد عمر فیاض عطاری مدنی

۔۔۔۔۔۔۔۔۔۔۔۔۔۔۔۔

٭ 01. تحقیق کیا ہے؟

لغوی معنی:

حق کو ثابت کرنا اورحقائق کو اسی طرح منظر عام پر لانا جیسے وہ ہوں

اصطلاح میں :

منظم انداز میں کسی چیز کی حقیقت تک رسائی کے عمل کو تحقیق کہتے ہیں۔

تحقیق اور بحث الگ الگ چیزیں ہیں۔ بحث ایک نئے موضوع پر ریسرچ کو کہتے ہیں اور اسکا نتیجہ نکالتے ہیں۔ جبکہ مخطوط پر جو کام ہو اسے ریسرچ کہتے ہیں، تحقیق کہتے ہیں۔

٭02. مقصد تحقیق:

٭اللہ کی پہچان اس کا بنیادی مقصد ہے۔

٭حقائق کو دلیل کے ساتھ پہچاننا

٭ 03. محقق کی خصوصیات و محاسن

٭علوم و فنون میں رسوخ

صرف علوم و فنون کا جاننا ہی کافی نہیں، رسوخ اور مہارت ضروری ہے۔

٭کام کرنے سے پہلے اس کام کے اصول و ضوابط پڑھیں اور اس کے مطابق کام کریں

٭تحقیق میں دلچسپی ہو، تدقیق اور شوق کے ساتھ تحقیق کرے

٭طول الفکر یعنی گہرائی سے سوچنے والا ہو، اس میں شدتِ صبر ہو، صبر کرنے والا ہو، مسائل آزمائشیں آتی ہیں۔ ریسرچر کو محنت کرنی ہوتی ہے اور لگے رہنا ہوتا ہے۔ جیسے کڑاہی کرنے والا پھول کی ایک ایک موتی کو پروتا ہے۔

٭غرور و تکبر سے پاک ہو، عاجزی کرنے والا ہو

٭ 04. ایتھکس آف ریسرچ (اصول تحقیق):

٭الامانۃ العلمیہ: علمی دیانت کا مظاہرہ کرنا، سرقہ بازی سے اجتناب کرنا

٭تحقیق کے طریقوں و اصولوں سے آگہی ہے

٭محقق اخلاقی جرأت و ہمت کا پاسدار اور پابند ہو

٭غیر مدلل آراء سے اجتناب کرے

٭اندازِ بیان صاف اور واضح ہونا چاہیے

٭تحقیق میں غیر جانبداری اور انصاف پسندی سے کام لے

٭ 05. تحقیق کے مراحل:

٭انتخابِ موضوع (انتخاب الموضوع للبحث)

٭سب سے اہم ہے ریسرچ کے لیے موضوع کا عنوان کا انتخاب کرنا، سلیکشن آف ٹاپک آف ریسرچ

عنوان اس سائن بورڈ کی طرح ہے کہ جو آپ کی توجہ کھینچ لیتا ہے اور سفر پر چلنے والے کی رہنمائی کرتا ہے۔ اسی طرح آپ کا موضوع ہے۔ جو قاری کو رہنمائی دیتا ہے۔

٭ ٹائٹل لمبا نہ ہو

٭ اس میں گرامر کی، الفاظ کی، جملے کی غلطی بالکل نہ ہو

٭ نام ایسا ہو جو بالکل واضح ہو اور قاری کو سمجھ آجائے۔ (مثال: جھنگ روڈ کے سائن پورڈ سے ”روڈ“ کا لفظ ہٹادیں تو جھنگ جانے والا تو راستے میں اتر جائے گا اور سمجھے گا یہی جھنگ ہے حالانکہ وہ جھنگ کی طرف جانے والا روڈ ہے، جھنگ نہیں ہے) اسی طرح موضوع بھی ایسا واضح لکھا ہو کہ قاری کو سمجھنے میں غلطی نہ ہو

انتخاب موضوع کی شرائط:

٭ موضوع لیٹسٹ، اچھوتا، نیا ہونا چاہیے

٭ دلچسپی والا موضوع ہی سلیکٹ کریں اور خود کریں تاکہ آپ کو معلوم ہو کہ آپ کو اس ٹاپک پر کتنی مہارت ہے اور کر بھی سکتے ہیں کہ نہیں۔

٭ 06. خاکہ سازی کرنا

٭خاکہ جتنا جامع اور ٹاپک کا احاطہ کررہا ہوگا اتنی تحقیق جامع ہوگی

٭ خاکہ سازی کے حصے:

ٹائٹل پیج

مقدمہ، دیباچہ

مقدمے میں موضوع کا تعارف، موضوع کے انتخاب کا سبب، مفروضہ لکھیں

٭ 07. تخریج (حوالہ بندی) کے اصول:

دنیا میں انٹرنیشنل طور پر یہ ریفرنسنگ اسٹائل چل رہے ہیں:

٭ نمبر 01: MLA یعنی ماڈرن لینگویج ایسوسی ایشن

٭ نمبر 02: APA امریکن سائیکالوجیکل ایسوسی ایشن

٭ نمبر 03: CMS شکاگو مینول اسٹائل

٭ نمبر 04: HRS ہارورڈ ریفرینسنگ اسٹائل (اس کو ڈیٹ اینڈ آرتھر اسٹائل بھی کہتے ہیں)

٭ نمبر 05: TS ترابین اسٹائل (اس کو ڈاکیومینٹری نوٹ اور ہیومن اسٹائل بھی کہتے ہیں)

٭ نمبر 06: MSS مسلم اسکالرز اسٹائل (یہ اسٹائل لیکچرار صاحب کا اضافہ کردہ ہے)

اس میں سب سے پہلے کتاب کا نام لکھیں، پھر رائٹر کا نام لکھیں، مکتبہ کا نام، سن طباعت، جلد ، صفحہ نمبر لکھیں

پہلی دفعہ پورا لکھیں پھر بعد میں کتاب، جلد،صفحہ نمبر

تحقیق کے بعد سب سے پہلا کام ہے انڈیکسنگ یعنی فہرست

اب سب سے آخر میں لکھیں "مقدمہ"

یہ لکھیں کہ دنیابھر میں یہ کام اس سے پہلے بھی ہوچکا ہے تو آپ نے کیا خاص لکھا ہے اس میں، آپ کی کتاب کوئی کیوں پڑھے؟ وہ خصوصیات لکھیں۔

نشست میں حضرت علامہ عبدالحکیم شرف قادری صاحب رحمة اللہ علیہ کے بیٹے پروفیسر ممتاز سدیدی الأزہری صاحب بھی موجود تھے۔

پچھلے دنوں دعوت اسلامی کے تحت وہاڑی ڈسٹرکٹ  کے مختلف شعبہ جات کے ذمہ داران کامدنی مشورہ ہوا جس میں صوبائی ذمہ دار، فنانس ذمہ دار فضیل رضا عطاری، تحصیل نگران صاحبان، ڈسٹرکٹ کارکردگی ذمہ دار محمد حامد رضا شاہ عطاری، ڈسٹرکٹ اور تحصیل سطح کے ذمہ دران نے شرکت کی ۔

نگران ڈسٹرکٹ وہاڑی غلام مصطفی عطاری نے حاضرین کے درمیان 12 دینی کام، قربانی کی کھالیں اور عشر جیسے مختلف امور پر کلام کیا جس پر حاضرین نے اچھی اچھی نیتوں کا اظہار کیا ۔(کانٹینٹ:شعیب احمد عطاری)

دعوتِ اسلامی عالمی سطح پر دینِ اسلامی کی تعلیمات کو عام کرنے، لوگوں کو دینِ متین کی خدمت کرنے کا درس دینے   اور انہیں پیارے آقا مکی مدنی مصطفیٰ صلی اللہ علیہ و سلم کی سنتوں پر عمل کرنے کا ذہن دینے والی عاشقانِ رسول کی دینی تحریک ہے۔

دعوتِ اسلامی کی دینی و فلاحی ایکٹیوٹیز کا جائزہ لینے اور اسلامی بھائیوں کی دینی، اخلاقی اور تنظیمی اعتبار سے تربیت کرنے کے لئے مورخہ 1 تا 2 جون 2024ء کو عالمی مدنی مرکز فیضانِ مدینہ کراچی میں” ذمہ داران کا دو دن کا سنتوں بھرا اجتماع“ ہونے جارہا ہےجس میں کراچی سٹی کے نگران و ذمہ داران، تمام شعبہ جات بالخصوص شعبہ جامعۃ المدینہ و مدرسۃ المدینہ کے اساتذہ اور ناظمین شرکت کریں گے۔

1 جون 2024ء بروز ہفتہ بعد نمازِ عشا ہفتہ وار مدنی مذاکرے سے اس اجتماعِ پاک کا آغاز کیا جائے گا جس میں امیرِ اہلِ سنت، بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہ عاشقانِ رسول کے مختلف سوالات کے جوابات ارشاد فرمائیں گے۔مدنی مذاکرے کے بعد خلیفۂ امیرِ اہلِ سنت حضرت مولانا حاجی عبید رضا عطاری مدنی مدظلہ العالی ملاقات فرمائیں گےاور اسلامی بھائیوں کو مدنی پھولوں سے نوازیں گےجبکہ خصوصی مدنی مذاکرے کا بھی سلسلہ ہوگا جس میں امیرِ اہلِ سنت دامت بَرَکَاتُہمُ العالیہ اور جانشینِ امیرِ اہلِ سنت مدظلہ العالی مختلف امور پر اسلامی بھائیوں کی تربیت فرمائیں گے۔

2 جون 2024ء کو بعد نمازِ ظہر تا نمازِ عصرمرکزی مجلسِ شوریٰ کے نگران مولانا حاجی محمد عمران عطاری اور مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری جبکہ بعد نمازِ عصر تا نمازِ مغرب مرکزی مجلسِ شوریٰ کے رکن مولانا حاجی عبد الحبیب عطاری اسلامی بھائیوں کے درمیان مختلف موضوعات پرسنتوں بھرا بیان کریں گے ۔(کانٹینٹ:غیاث الدین عطاری) 

عاشقانِ رسول کی عالمگیر تحریک دعوتِ اسلامی کے زیر اہتمام آج بروز جمعرات مؤرخہ 23 مئی 2024ء  بعد نماز مغرب دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق عالمی مدنی مرکز فیضانِ مدینہ کراچی سے مدنی چینل پر براہِ راست ہونے والے اجتماع میں نگران پاکستان مشاورت حاجی محمد شاہد عطاری خصوصی بیان فرمائیں گے۔

اس کے علاوہ رضائے مصطفٰے مسجد کورنگی نمبر 4 کراچی میں رکن شوریٰ حاجی یعفور رضا عطاری، فیض مدینہ مسجد کریلا اسٹاپ نارتھ کراچی میں رکن شوریٰ حاجی محمد اظہر عطاری، جامع مسجد فیضان جیلان بلاک 8 کلفٹن کراچی میں رکن شوریٰ مولانا حاجی محمد اسد عطاری مدنی اور بہزاد لکھنوی مسجد سخی حسن چورنگی نارتھ ناظم آباد میں رکن شوریٰ عبد الوہاب عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

کراچی کے علاقے پی ای سی ایچ ایس سوسائٹی میں قائم اہلسنت وجماعت کی عظیم دینی درسگاہ دارلعلوم حنفیہ غوثیہ کے مہتمم وبانی ممتاز عالم دین شیخ عبد القیوم محمودنقشبندی صاحب کی بڑی بیٹی کا رضائے الہٰی سے انتقال ہوگیا جن کی نماز جنازہ مورخہ 18مئی2024ءکو کراچی میں قائم دارلعلوم حنفیہ غوثیہ کے ساتھ متصل گراؤنڈ میں عبد القیوم محمودنقشبندی صاحب کی امامت میں ادا کی گئی جس میں علمائے کرام)دارالعلوم امجدیہ کے مہتمم مولانا ریحان رضا امجدی صاحب،دارالعلوم قمر الاسلام سلیمانیہ سے پیر سید عظمت علی شاہ صاحب،دارالعلوم نضرہ الاسلام کے مفتی الیاس رضوی صاحب،دارالعلوم ابی بکر صدیق کے مولانا اشرف گورمانی صاحب) اور اہل علاقہ سمیت دعوت اسلامی کی مرکزی مجلس شوری کے رکن مولانا حاجی محمد عقیل عطاری مدنی نے بھی شرکت کی۔

رکن شوری حاجی محمد عقیل عطاری مدنی نے لواحقین کو اس صدمہ پر صبر کرکے اجر کمانے کا ذہن دیااور اہل خانہ کو بھی صبر کرنے کی تلقین فرمائی۔( محمد عابد عطاری مدنی معاون رکن شوری حاجی محمد عقیل عطاری مدنی، کانٹینٹ:شعیب احمد عطاری)

دعوتِ اسلامی کے دینی کاموں کے سلسلے میں 15 مئی 2024ء کو سب ٹاؤن گلزار قائد یوسی76 شاہ خالدکالونی چکلالہ راولپنڈی میں مدنی مشورے کا انعقاد کیا گیا جس میں یوسی و وارڈ نگران اور مدرسۃ المدینہ بوائز کے قاری صاحبان و ناظمین نے شرکت کی۔

ٹاؤن نگران مولانا محمد دانش عطاری مدنی نے 12 دینی کاموں کے متعلق کلام کرتے ہوئے بالخصوص ہفتہ وار سنتوں بھرے اجتماع کے حوالے سے چند اہم نکات پر گفتگو کی۔

اس کے علاہ ٹاؤن نگران نے اجتماعی قربانی اور قربانی کی کھالوں کے مقامات پر اسلامی بھائیوں کی ذہن سازی کی اور اُن کے درمیان ذمہ داریاں تقسیم کیں جس پر تمام ذمہ دار اسلامی بھائیوں نے اچھی اچھی نیتیں کیں۔(رپورٹ: محمدبلال ڈویژن ذمہ دار اوراق مقدسہ ، کانٹینٹ:غیاث الدین عطاری) 

دارُ الافتاء اہلسنت (دعوتِ اسلامی) کے زیر اہتمام عالمی مدنی مرکز فیضانِ مدینہ کراچی میں 13اور 14 مئی 2024ء کو دو روزہ تربیتی نشست کا انعقاد کیا گیا جس میں مفتی قاسم عطاری مُدَّ ظِلُّہُ العالی ، مفتی علی اصغر عطاری مُدَّ ظِلُّہُ العالی ، مفتی محمد ہاشم خان عطاری مُدَّ ظِلُّہُ العالی اور مفتی فضیل رضا عطاری مُدَّ ظِلُّہُ العالی سمیت پاکستان بھر میں قائم دارُ الافتاء اہلسنت کے مفتیانِ کرام اور علمائے کرام نے شرکت کی۔

تربیتی نشست میں رئیس دارُ الافتاء اہلسنت شیخ الحدیث والتفسیر مفتی محمد قاسم عطاری مُدَّ ظِلُّہُ العالی ، استاذ الحدیث مفتی محمد حسان عطاری مدنی مُدَّ ظِلُّہُ العالی اور نگرانِ شوریٰ مولانا حاجی محمد عمران عطاری مُدَّ ظِلُّہُ العالی سمیت دیگر مفتیانِ کرام نے وقتاً فوقتاً شرکا کی تربیت کرتے ہوئے سائل کو شرعی مسائل بتانے، فتاویٰ جات لکھنے اور افتاء سے متعلق دیگر امور پر رہنمائی کی۔

تربیتی نشست میں مفتیانِ کرام نے فتوی نویسی،علم و عمل واخلاق میں ترقی اور اپنےاندر عالم ربانی کی صفات پیدا کرنے کے حوالے سے تربیت فرمائی۔عمل و اخلاص و روحانیت کے درجات کا بیان ہوا اور ان مدارجِ علیا کو طے کرنے کے بعد تقرب الہی کے حصول کے ذرائع کی نشاندہی پر بیان ہوا۔

تربیتی نشست میں شریک مفتیانِ کرام کا شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ کے ساتھ خصوصی مدنی مذاکرہ ہوا جس میں امیر اہلسنت دامت بَرَکَاتُہمُ العالیہ نے مختلف موضوعات پر شرکا کی جانب سے ہونے والے سوالات کے جوابات ارشاد فرمائے۔

14 مئی 2024ء کو تربیتی نشست میں شریک تمام مفتیانِ کرام کی امیر اہلسنت دامت بَرَکَاتُہمُ العالیہ کی دعوت پر اُن کے گھر آمد ہوئی جہاں مفتیان کرام نے امیر اہل سنت کے ہمراہ کھانا تناول کیا۔

مفتیانِ کرام نے امیر اہل سنت دامت بَرَکَاتُہمُ العالیہ سے ملاقات بھی کی۔ 

فیضانِ مدینہ کراچی:آج رات مدنی مذاکرہ ہوگا، مدنی چینل پر لائیو نشر بھی ہوگا

دعوتِ اسلامی کے 12 دینی کاموں میں ایک ہفتہ وار مدنی مذاکرہ بھی ہے۔ مدنی مذاکرہ دراصل ایک علمی نشست ہے جس میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہعاشقانِ رسول کی جانب سے ہونے والے مختلف سوالات کے جوابات عطا فرماتے ہیں۔ یہ سوالات مختلف موضوعات پر ہوتے ہیں۔

یہ ہفتہ وار مدنی مذاکرہ ہر ہفتے کی رات کو مرکزی طور پر دعوتِ اسلامی کے عالمی مدنی مرکز فیضانِ مدینہ کراچی میں ہوتا ہے جس میں کراچی بھر و اطراف سے اسلامی بھائی آکر شرکت کرتے ہیں جبکہ کراچی سمیت ملک و بیرونِ ملک کے مختلف مقامات پر بھی اسلامی بھائی جمع ہوکر مدنی مذاکرہ دیکھتے سنتے ہیں۔ مدنی مذاکرے میں شرکت کے لئے مختلف علاقوں سے باقاعدہ گاڑیاں چلانے کا اہتمام بھی ہوتا ہے۔

ہر ہفتے کی طرح آج رات کو بھی مدنی مذاکرےکا سلسلہ ہوگا جس کا آغاز ساڑھے نوبجے تلاوت و نعت سے ہوگا۔ بعد ازاں ولی کامل ، سنتوں کے عامل امیر اہل سنت دامت بَرَکَاتُہمُ العالیہ اپنے قیمتی ملفوظات سے شرکا کو فیضیاب فرمائیں گے۔

یہ مدنی مذاکرہ مدنی چینل پر براہِ راست (Live) نشر بھی کیا جائے گا۔