7 جولائی 2025ء کو دعوتِ اسلامی کے مدنی مرکز فیضانِ مدینہ جوہر ٹاؤن لاہور میں ایک مدنی مشورہ ہوا جس کا مقصد لاہور کے ٹاؤن  و ڈسٹرکٹ ذمہ دار اسلامی بھائیوں سے 12 دینی کاموں کا فالو اپ لینا تھا۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے 12 دینی کاموں کے بارے میں کلام کرتے ہوئے ذمہ دار اسلامی بھائیوں کی تربیت و رہنمائی کی نیز انہیں علمِ دین سیکھنے اور دعوتِ اسلامی کے تحت ہونے والے مختلف کورسز کے ذریعے اپنی صلاحیتیں بڑھانے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: محمد ابوبکر عطاری معاون رکنِ شوری حاجی یعفور رضا عطاری، کانٹینٹ:غیاث الدین عطاری)

6 جولائی 2025ء  بمطابق 10 محرم الحرام 1447ھ کو دعوتِ اسلامی کے تحت جامع مسجد مدینہ، نیو مسلم ٹاؤن، لاہور میں فیضانِ صحابہ و اہلِ بیت اجتماع کا انعقاد ہوا جس میں عاشقانِ رسول کی کثیر تعداد نے شرکت کی۔

معمول کے مطابق اجتماع کا آغاز تلاوتِ قراٰن سے ہوا اور نعت خواں اسلامی بھائی نے حضور خاتم النبیین صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کیا جس کے بعد مرکزی مجلسِ شوریٰ کے رکن حاجی یعفور رضا عطاری نے ”مقامِ اہلِ بیتِ اطہار رضوان اللہ علیہم اجمعین“ کے موضوع پر بیان کیا۔

اختتام پر رکنِ شوریٰ نے دعا کروائی اور وہاں موجود تمام عاشقانِ رسول نے اُن سے ملاقات کی۔(رپورٹ: محمد ابوبکر عطاری معاون رکنِ شوری حاجی یعفور رضا عطاری، کانٹینٹ:غیاث الدین عطاری)

12 اور 13 جولائی 2025ء کو عالمی مدنی مرکز فیضانِ مدینہ کراچی میں دعوتِ اسلامی کے تحت ہونے والے اس پروگرام میں PHDs اور یونیورسٹی فیکلٹیز کے حضرات شرکت کریں گے۔

اس دو دن پر مشتمل پروگرام کا باقاعدہ آغاز 12 جولائی کی دوپہر 1:00 بجے اور اختتام 13 جولائی کی شام 6:00 بجے ہوگا جس میں PHDs اور یونیورسٹی فیکلٹیز حضرات کے درمیان نگرانِ شوریٰ مولانا حاجی محمد عمران عطاری اور رکنِ شوریٰ مولانا حاجی عبد الحبیب عطاری خصوصی بیان فرمائیں گے۔

12 جولائی کی رات بعد نمازِ عشا مدنی مذاکرے کا انعقاد بھی کیا جائے گا جس میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ PHDs اور یونیورسٹی فیکلٹیز حضرات کی تربیت و رہنمائی کریں گے تاکہ علم و عمل میں بہتری اور دین کی خدمت کو فروغ دیا جا سکے۔(کانٹینٹ:غیاث الدین عطاری)

انسانیت کی خدمت کے جذبے سے سرشار فلاحی ادارے فیضان گلوبل ریلیف فاؤنڈیشن (FGRF) تھلیسیمیا کے مریض بچوں کے لئے مسلسل تعاون فراہم کرنے پر انڈس ہسپتال (IDNUS HOSPITAL) کی جانب سے اعزازی شیلڈ پیش کی گئی۔

یہ اعزاز انڈس اسپتال نے ایک خصوصی تقریب کے دوران پیش کیا جس میں اسپتال کے سینئر ڈاکٹرز، فاؤنڈیشن کے نمائندگان اور متعدد معزز شخصیات نے شرکت کی۔ شیلڈ پیش کرنے کا مقصد FGRF کی ان بے لوث کوششوں کا اعتراف کرنا تھا جو وہ تھلیسیمیا جیسے مہلک مرض میں مبتلا بچوں کے علاج و معالجے، خون کی فراہمی اور ذہنی و جسمانی بحالی کے لئے کر رہی ہے۔

تقریب میں اسپتال انتظامیہ کا کہنا تھا کہ:

FGRF کا تعاون نہ صرف خون (Blood) کی امداد تک محدود ہے بلکہ ان کی ٹیم کا خلوص، وقت اور مسلسل موجودگی ہمارے مریض بچوں اور ان کے خاندانوں کے لیے امید کی کرن ہے۔ یہ اعزاز ان کے اسی جذبے کو سراہنے کے لیے پیش کیا گیا ہے۔

دوسری جانب FGRF کے نمائندے نگران FGRF یوکے سید فضیل رضا عطاری نے اس موقع پر انڈس اسپتال کا شکریہ ادا کرتے ہوئے کہا کہ ہم انسانیت کی خدمت کو اپنا فرض سمجھتے ہیں اور مستقبل میں بھی تھلیسیمیا سمیت دیگر مہلک بیماریوں سے متاثرہ افراد کی خدمت کرتے رہیں گے۔ یہ اعزاز ہمارے جذبے کو مزید مضبوط کرے گا۔

واضح رہے کہ FGRF نہ صرف پاکستان بلکہ دنیا بھر میں قدرتی آفات، غربت، بھوک اور بیماری کے خلاف سرگرم عمل ایک فعال فلاحی تنظیم ہے، جو دعوتِ اسلامی کے عالمی فلاحی وژن کا عملی نمونہ ہے۔

کراچی کے عالمی مدنی مرکز فیضانِ مدینہ میں نعت خواں حضرات کے لئے ہونے جا رہا ہے ایک خصوصی مدنی مذاکرہ  جس میں نعت خواں اسلامی بھائی شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ سے اپنے سوالات کے جوابات حاصل کریں گے اور اُن کے مدنی پھولوں سے فیضیاب ہوں گے۔

یہ مدنی مذاکرہ دعوتِ اسلامی کے عالمی مدنی مرکز، فیضانِ مدینہ کراچی میں کل بروز منگل (8 جولائی 2025ء) کی شب بعد نمازِ عشارات تقریباً 9:45 پر منعقد کیا جائے گا جوکہ مدنی چینل پر براہِ راست نشر بھی ہوگا۔

نعت خوانی میں شغف رکھنے والے عاشقانِ رسول اور دیگر اسلامی بھائی علمِ دین سیکھنے کی نیت سے اس مدنی مذاکرے میں ضرور بالضرور شرکت کریں اور امیرِ اہلِ سنت دامت بَرَکَاتُہمُ العالیہ کے مدنی پھول سننے کی سعادت حاصل کریں۔( کانٹینٹ:غیاث الدین عطاری)

دعوتِ اسلامی کے تحت ہر ہفتے منعقد ہونے والا سنتوں بھرا اجتماع آج بروز جمعرات  03 جولائی 2025ء کوجامع مسجد عمر فاروق چیئرمین کالونی واہ کینٹ پنجاب میں ہوگا۔ اجتماع میں رکنِ شوریٰ حاجی وقار المدینہ عطاری سنتوں بھرا بیان فرمائیں گے جسےمدنی چینل پربراہِ راست نشر کیا جائیگا۔

اجتماع کا آغاز رات 8 بجے ہوگا جس میں گردو نواح سے عاشقانِ رسول کی بڑی تعداد شریک ہوگی۔ اجتماع میں قرآن و سنت کی روشنی میں اصلاحِ اعمال، روحانی تربیت، اور دینی رہنمائی پر مشتمل بیان کیا جائے گا۔

تفصیلات کے مطابق جامع مسجد سبحانی سیکٹر 15اورنگی ٹاؤن کراچی میں رکن شوریٰ مولانا حاجی عبد الحبیب عطاری اور جامع مسجد شاہ ابو البرکات مغلپورہ لاہور میں رکن شوریٰ حاجی یعفور رضا عطاری سنتوں بھرا بیان فرمائیں گے۔

دعوتِ اسلامی کی جانب سے تمام عاشقان رسول کو اس روحانی اجتماع میں شرکت کی درخواست ہے۔

دعوت اسلامی کے شعبہ قافلہ کے زیر اہتمام 24 جون 2025ء بروز بدھ مدنی مرکز فیضانِ مدینہ فیصل آباد مدینہ ٹاؤن میں عظیم الشان ”قافلہ اجتماع“ کا انعقاد کیا گیا جس میں ہزاروں کی تعداد میں عاشقانِ رسول شریک ہوئے۔  اس موقع پرنگران پاکستان مشاورت حاجی محمد شاہد عطاری، اراکین شوریٰ حاجی محمد امین عطاری، حاجی وقار المدینہ عطاری، حاجی محمد اسلم عطاری، حاجی محمد اظہر عطاری اور مولانا حاجی محمد جنید عطاری مدنی بھی موجود تھے۔

عالمی اسلامک اسکالر و نگرانِ شوریٰ مولانا حاجی محمد عمران عطاری مُدَّ ظِلُّہُ العالی نے”علم دین حاصل کرنے“ کے موضوع پر سنتوں بھرا بیان کیا ۔ نگران شوریٰ نے فرمایا کہ دعوتِ اسلامی کے ماحول میں علمِ دین حاصل کرنے کا ایک بہترین ذریعہ مدنی قافلے میں سفر کرنا اور مدنی مذاکرہ دیکھنا بھی ہے۔مدنی قافلوں میں سیکھنے سکھانے کے حلقے لگائے جاتے ہیں جس میں نماز، غسل اور وضوکا طریقہ سکھایا جاتا ہے ، فرائض و واجبات بتائے جاتے ہیں، بیانات کا سلسلہ ہوتا ہے۔آپ نےکہا کہ دنیا میں ہر انسان کسی نہ کسی کی محبت میں گرفتار ہوتا ہے لیکن خوش نصیب ہے وہ شخص جسے اللہ پاک علم دین کی محبت عطا کرتا ہے۔دین اسلام کو سیکھنے، قرآن و حدیث کی تعلیمات کو سمجھنے اورآقا کریم صلَّی اللہ علیہ واٰلہٖ وسلَّم کی پیاری پیاری سنتوں پر عمل کرنے کے لئے علم دین کا سیکھنا بہت ضروری ہے اور علم دین سیکھنے کا آسان ذریعہ مدنی قافلوں میں سفر کرنا ہے۔دعوتِ اسلامی ہمیں علم دین سیکھنے کے لئے وقتاً وقتاً بہت سارے مواقع فراہم کرتی رہتی ہے ۔

علم دین سیکھنے پر نگرانِ شوریٰ نے فرمان رسول صلَّی اللہ علیہ واٰلہٖ وسلَّم سناتے ہوئے فرمایا کہ ”جو طلب علم کے لئے کسی راستے پر چلاتو اللہ پاک اُسے جنت کے راستے پر چلا دے گا“ تونہ صرف ہم نے قافلے میں سفر کرنا ہے بلکہ اپنے عزیز و اقارب، دوست احباب کو بھی احسن طریقے سے قافلے کی دعوت دینی ہے اور اپنے ساتھ مدنی قافلے میں سفر کروانا ہے۔

اجتماع میں شرکا کو گناہوں سے بچنے، بے حیائی سے بچنے اور نیکیوں بھری زندگی گزارنے کی ترغیب دلائی گئی۔صلوۃ و سلام اور دعا پر اجتماع کا اختتام ہوا۔

دعوتِ اسلامی کے شعبہ قافلہ پنجاب کے تحت 24 جون 2025ء بروز منگل بعد نمازِ عشاء رات تقریباً 10:00 بجے مدنی مرکز فیضانِ مدینہ، فیصل آباد میں ایک عظیم الشان قافلہ اجتماع کا انعقاد کیا جائے گا۔

اس پُرکیف اجتماع میں دعوتِ اسلامی کی مرکزی مجلسِ شوریٰ کے نگران، عالمی مذہبی اسکالر مولانا حاجی محمد عمران عطاری مُدَّ ظِلُّہُ العالی خصوصی بیان فرمائیں گے جو کہ قافلہ ذمہ داران و اسلامی بھائیوں کے لیے علم، عمل اور تقویٰ کا پیغام لے کر آئے گا۔

یہ اجتماع صرف ایک دینی محفل نہیں بلکہ ایک تربیتی و تنظیمی نشست بھی ہوگی، جس میں قافلہ نظام کو مضبوط بنانے، سفر فی سبیل اللہ کے فضائل اور مدنی قافلوں کی اہمیت پر روشنی ڈالی جائے گی۔

شرکائے اجتماع کے لیے دعوتِ اسلامی کی طرف سے خصوصی انتظامات کیے جا رہے ہیں۔ تمام عاشقانِ رسول سے شرکت کی درخواست کی جاتی ہے۔

ڈھاکہ: 17 جون 2025ء کو  بنگلہ دیش کے شہر ڈھاکہ میں دعوتِ اسلامی کے تحت منعقدہ اصلاح اعمال کورس کے دوران رکنِ مرکزی مجلسِ شوریٰ مولانا حاجی محمد عقیل عطاری مدنی نے بذریعہ انٹرنیٹ اسلامی بھائیوں کے درمیان سنتوں بھرا بیان کیا۔

ڈسٹرکٹ ایسٹ کراچی کے علاقے چنیسر ٹاؤن میں قائم جامع مسجد فیضانِ الیاس میں 15 جون 2025ء کو ”ایصالِ ثواب اجتماع“ کا انعقاد کیا گیا جس میں اہلِ محلہ، نمازی حضرات اور علاقے کے معززین نے شرکت کی۔

اس اجتماعِ پاک میں ڈویژن 2 کراچی کے نگران مولانا حاجی رضا عطاری مدنی نے ذوالنورین حضرت سیّدنا عثمانِ غنی رضی اللہ عنہ کی سیرت کے حوالے سے بیان کیا اور امیرِ اہلِ سنت دامت بَرَکَاتُہمُ العالیہ کےمرحوم والد کے لئے ایصالِ ثواب کرنے کا ذہن دیا۔

مدنی مرکز  فیضان مدینہ فیصل آباد میں RO پلانٹ کی بریفنگ کے حوالے سے ایک اہم میٹنگ ہوئی جس میں فیصل آباد ڈویژن کے مختلف شعبہ جات کے ذمہ داران نے شرکت کی۔

اس موقع پر نگرانِ فیصل آباد سٹی مشاورت، جامعۃ المدینہ و مدرسۃ المدینہ کے ناظمین اور سٹی ذمہ داراسلامی بھائی موجود تھے۔ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہدعطاری نے دعوتِ اسلامی کے مختلف اداروں میں RO پلانٹ لگانے کی اہمیت اور اس کی ضرورت سے آگاہ کیا تاکہ دعوتِ اسلامی کے مختلف اداروں میں بالخصوص جامعۃالمدینہ و مدرسۃالمدینہ میں طلبہ کو صحت مند اور صاف پانی فراہم کیا جا سکے۔

آخر میں نگرانِ پاکستان مشاورت حاجی محمد شاہد عطاری نے اسلامی بھائیوں سے ملاقات کی اور ان کے مسائل کا حل بتایا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

پچھلے دنوں مدنی مرکز فیضانِ مدینہ فیصل آباد میں فیضانِ مدینہ فیصل آباد اور فیصل آباد سٹی کے ذمہ داران کا مدنی مشورہ  منعقد کیا گیا جس میں مختلف موضوعات پر غور و فکر کیا گیا۔

مدنی مشورے میں نگرانِ پاکستان مشاورت آفس ، نگرانِ فیصل آباد ڈویژن ، نگرانِ شعبہ رابطہ برائے شخصیات، نگرانِ فیصل آباد سٹی، نگرانِ فیڈ بیک ڈیپارٹمنٹ، ایڈمن فیضان مدینہ، ناظمین، فیضانِ مدینہ کے سیکیورٹی ذمہ داران اور نگرانِ سوشل میڈیا ڈیپارٹمنٹ سمیت دیگر ذمہ داران شامل تھے۔

مدنی مشورے کے دوران رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے ”تیاری و جائزہ“ اور نگران شوریٰ کے دینی کاموں کے متعلق شیڈول کے حوالے سے مفصل گفتگو کی۔