مانسہرہ کے تاریخ ساز اسٹیڈیم، ٹھاکرہ اسٹیڈیم میں ہفتہ وار اجتماع کی خوشیوں بھری محفل سجی، جہاں عاشقانِ رسول کی کثیر تعداد نے شرکت کی۔ اس روحانی تقریب میں ہزاروں عاشقانِ رسول نے جمع ہوکر اپنے محبت بھرے جذبات کا اظہار کیا اور حضور نبی کریم صلی اللہ علیہ وآلہ وسلم کی محبت کا پیغام عام کیا۔

اس اجتماع کے دوران معروف مذہبی رہنما، رکن شوریٰ حاجی یعفور رضا عطاری نے اپنے انداز میں محبت اور عقیدت کے جذبات کو بیان کیاجس سے حاضرین کے دل مزید عشقِ رسول میں ڈوب گئے۔ انہوں نے پیغام دیا کہ محبتِ رسول ہی ایمان کی اصل تقویت ہے اور ہمیں اپنی زندگیوں میں حضور سرورِ عالم صلی اللہ علیہ وآلہ وسلم کی سیرت کو اپنانا چاہیے۔

اجتماع کے انتظامات نہایت مضبوط اور منظم تھے، جس میں ہر قسم کی حساس صورتحال سے نمٹنے کے لیے بھرپور تیاری کی گئی تھی۔ خصوصی طور پر، ایمرجنسی سے نمٹنے کے لیے بائیبرگیڈ کی گاڑیاں اور ایمبولینس بھی موجود تھیں، تاکہ کسی بھی ہنگامی صورتحال میں فوری طبی اور حفاظتی سہولیات فراہم کی جا سکیں۔ انتظامیہ کی جانب سے کیے گئے اس انتظامات کو عوام نے سراہا اور یہ ثابت کیا کہ یہ اجتماع ہر لحاظ سے محفوظ اور خوشگوار ماحول میں منعقد ہوا۔

یہ ہفتہ وار اجتماع نہ صرف ایک روحانی محفل تھی بلکہ اس میں عوامی محبت، اتحاد اور امن کا پیغام بھی پھیلا۔ اس طرح کے اجتماعات سے معاشرہ میں محبت اور رواداری کو فروغ ملتا ہے اور نوجوان نسل کے دلوں میں محبتِ رسول کا جذبہ مزید بڑھتا ہے۔

حکومتی اور انتظامی اداروں کی جانب سے بھی اس تقریب کی نگرانی کی گئی اور یہ یقین دہانی کروائی گئی کہ آئندہ بھی اسی طرح کے پروگرام کامیابی سے منعقد ہوتے رہیں گے تاکہ عوام کے دلوں میں محبتِ رسول اور اسلام کی تعلیمات کو زندہ رکھا جا سکے۔

صومالیہ سے آئے  علماءکرام شیخ محمود عبد الباری حفظہ اللہ (رئیس مجلس العام الصومال) نے شیخ آدم حفظہ اللہ (رئیس مجلس الاعلی لعلماء الصومال) اور شیخ استاد نور حفظہ اللہ (جنرل سیکرٹری مجلس الاعلی لعلماء الصومال و لیکچرار طہ یونیورسٹی موغا دیشو صومالیہ) کے ہمراہ دعوتِ اسلامی کے عالمی مدنی مرکز فیضانِ مدینہ کراچی کا خصوصی دورہ کیا۔ مدنی مرکز آمد پر نگران شوریٰ مولانا حاجی محمد عمران عطاری مُدَّ ظِلُّہُ العالی نے مہمانوں کوخوش ا ٓمدید کہا اس موقع پر اراکین شوریٰ مولانا حاجی عبدالحبیب عطاری اور حاجی محمد رفیع عطاری بھی موجود تھے۔ نگران شوریٰ نے مہمانوں کو بین الاقوامی سطح پر ہونے والے دینی و فلاحی کاموں سے آگاہ کرتے ہوئے بتایا کہ دعوت اسلامی کے تحت دنیا بھر میں جامعۃ المدینہ و مدارس المدینہ کے تحت درس و تدریس ودیگر دینی خدمات کا سلسلہ تیزی سے جاری ہے جس سے لاکھوں افراد فیض حاصل کر رہے ہیں۔ ملاقات کے دوران رواں سال بارہ ربیع الاول میں دعوتِ اسلامی کے تحت عالمی سطح پر 1500 واں جشن ولادت مصطفیٰ صلَّی اللہ علیہ واٰلہٖ وسلَّم منانے سے بھی آگاہ کیا گیا۔ جس پر علمائے کرام نے خوشی کا اظہا کرتے ہوئے صومالیہ میں بھی دھوم دھام سے جشن ولادت منانے کے عزم کا اظہار کیا۔

شعبہ رابطہ برائے بالعلماء کے اسلامی بھائی نے صومالیہ سے آئے ہوئے مہمانوں کو دعوت اسلامی کے مختلف شعبہ جات پر بنی Documentary دکھائی اور مدنی مرکز فیضان مدینہ میں قائم دارلافتاء اہل سنت ،اسلامک ریسرچ سینٹر، آئی ٹی ڈیپارٹمنٹ، روحانی علاج، ٹرانسلیشن ڈیپارٹمنٹ، فیضان آن لائن اکیڈمی ، عربک ڈیپارٹمنٹ اور مکتبۃ المدینہ العربیہ سمیت مدنی چینل کے مختلف شعبہ جات کا وزٹ کراویا مدنی چینل کی نشریات کے حوالے سے آگاہی دی۔ اس دوران مفتی محمد سجاد عطاری مدنی سے بھی ملاقات ہوئی۔

علمائے کرام نے دعوت اسلامی کے تحت دھوراجی میں قائم دارالافتاء اہلِ سنت، جامعۃ المدینہ، مدرستہ المدینہ کا بھی دورہ کیا اس دوران مفتی حسان عطاری مدنی سے فقہی مسائل پر گفتگو ہوئی نیز دارالافتاء اہل سنت کے ساتھ باہمی فقہی رابطہ اور تعاون کیلئے خواہش کا اظہار کیا۔

اسی طرح صومالیہ کے علمائے کرام نے کراچی کے بعد مدنی مراکز فیضان مدینہ گجرات اور گوجرانوالہ، جامعات المدینہ گجرات اور گکھڑ کا دورہ کیا جہاں انہوں نے اراکین شوریٰ مولانا حاجی محمد اسد عطاری مدنی ، حاجی محمد اظہر عطاری، جامعۃ المدینہ کے اساتذۂ کرام اور طلبہ سے ملاقاتیں کیں۔ علمائے کرام نے جامعۃالمدینہ کے اساتذہ و طلبائے کرام کو اپنے ملفوظات سے نوازا اور ان کی تربیت کرتے ہوئے مختلف امور پر رہنمائی کی۔

دعوت اسلامی کے زیر اہتمام آج مؤرخہ 31جولائی 2024ء بروز جمعرات دنیا بھر میں ہفتہ وار سنتوں بھرے اجتماعات کا انعقادکیا جائے گا جن میں اراکین شوریٰ و مبلغینِ دعوتِ اسلامی سنتوں بھرے بیانات فرمائیں گے۔اجتماعات میں بیانات کے ساتھ ساتھ تلاوت و نعت، ذکر و اذکار، دعا اور صلوۃ و سلام کا سلسلہ ہوگا۔

آج رات مدنی چینل پر براہ راست نشر ہونے والے ہفتہ وار اجتماع میں رکن شوریٰ حاجی یعفور رضا عطاری ٹھاکرہ اسٹیڈیم مانسہرہK.P.K سے سنتوں بھرا بیان فرمائیں گے۔

تفصیلات کے مطابق عالمی مدنی مرکز فیضان مدینہ کراچی میں نگران پاکستان مشاورت حاجی محمد شاہد عطاری، مدنی مرکز فیضان مدینہ کولو روڈ حافظ آباد میں رکن شوریٰ عبد الوہاب عطاری، فیضان اسلام مسجد DHA PH7 کراچی میں رکن شوریٰ حاجی محمد علی عطاری، فیضان رمضان مسجد دہی والا سارا ننکا روڈکولمبو سری لنکا میں رکن شوریٰ حاجی محمد امین عطاری اور جامع مسجد فیض مدینہ نیوکراچی کریلا اسٹاپ میں نگران ویلز یوکے حاجی سید فضیل رضا عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں بھرپور شرکت کی درخواست ہے۔

بڑھتی ہوئی فضائی آلودگی کی روک تھام، Oxygen فراہم کرنے، Carbon dioxide جذب کرنے اور ماحولیاتی توازن قائم رکھنے ، انسانیت اور ماحول سے محبت کا عملی مظاہرہ کرتے ہوئے دعوتِ اسلامی نے شجر کاری مہم کا فیصلہ کر رکھا ہے۔ عالمی مذہبی و روحانی شخصیت حضرت علامہ محمد الیاس عطار قادری دامت برکاتہم العالیہ نے مدنی چینل پر ایک ارب درخت لگانے کا تاریخی اعلان فرمایاتھا۔

یہ اعلان محض ایک خواب نہیں بلکہ ایک عملی ہدف ہے جسے حقیقت بنانے کے لئے دعوتِ اسلامی ہر سال یکم اگست سے WWF، محکمہ جنگلات اور دیگر متعلقہ حکومتی اداروں کے تعاون سے ملک گیر شجرکاری مہم کا آغاز کرتی ہے۔ اسی سلسلے میں رواں سال بھی یکم اگست 2025ء سے ملک بھر میں شجر کاری مہم شروع ہونے جارہا ہے۔ یکم اگست کو شجر کاری مہم کا حصہ بنتے ہوئے وطن عزیز پاکستان کے سرکاری و نجی ادارے، ہسپتال اور تعلیمی اداروں سمیت ہزاروں مقامات پر پودے لگائے جائیں گے۔

شجر کاری مہم کے سلسلے میں یکم اگست کو پاکستانی وقت کے مطابق شام 4:00 بجے مدنی چینل پر پروگرام بھی نشر کیا جائے گا۔

واضح رہے کہ FGRF ملک بھر میں اب تک تقریباً 34لاکھ 17 ہزار سے زائد پودے لگا چکی ہیں اور ان پودوں کی افزائش اور نگہبانی کے لئے مربوط نظام بھی قائم ہے۔ اس کے علاوہ شجر کاری کے حوالے سے دعوتِ اسلامی کا سلوگن ہے”پودا لگانا ہے درخت بنانا ہے“۔

تربیت ایک ایسا عمل ہے جو انسان کے اخلاق، کردار، رویئے اور سوچ کو سنوارتا ہے۔ یہ صرف تعلیم تک محدود نہیں بلکہ زندگی کے ہر شعبے میں رہنمائی فراہم کرتی ہے۔ ایک تربیت یافتہ انسان نہ صرف خود ایک مثالی فرد بنتا ہے بلکہ اپنے خاندان، معاشرے اور قوم کے لئے بھی نفع بخش ثابت ہوتا ہے۔

عاشقانِ رسول کی دینی تحریک دعوت اسلامی بھی وقتاً فوقتاً اپنے ذمہ داران، مبلغین، سوشل ورکرز اور اپنے Employes سمیت ہر سطح کے افراد کے لئے تربیتی پروگرام منعقد کرتی رہتی ہے۔ ان پروگرامز کا مقصد معاشرے کو بہترین افراد فراہم کرنا اور دینِ اسلام کی تعلیمات کو دنیا بھر میں منظم طریقے سے پہچانا ہے۔

اسی طرح کا ایک پروگرام 28 جولائی 2025ء کو عالمی مدنی مرکز فیضان مدینہ کراچی میں منعقد ہوا جس میں نگران پاکستان مشاورت حاجی محمد شاہد عطاری اور اراکین شوریٰ حاجی سید لقمان عطاری، حاجی فضیل عطاری سمیت سینکڑوں کی تعداد میں عاشقان رسول ہوئے، شرکا میں ڈویژن، کراچی سٹی ذمہ داران، ڈسٹرکٹ تا ذیلی نگران و ذمہ داران، جامعۃ المدینہ کے ناظمین و اساتذۂ کرام، مدرسۃ المدینہ کے ناظمین اور قاری صاحبان، مدرسۃ المدینہ بالغان کے مدرسین، تمام امام صاحبان، کراچی سٹی کے تمام نگران و ذمہ داران اور مختلف علاقوں کے عاشقانِ رسول شامل تھے۔

سنتوں بھرے اجتماع میں نگرانِ شوریٰ مولانا حاجی محمد عمران عطاری مُدَّ ظِلُّہُ العالی نے ”توکل“ کے موضوع پر سنتوں بھرا بیان کیا۔ بیان کرتے ہوئے نگران شوریٰ نے فرمایا کہ جب بھی ہمیں فارغ وقت میسرآئے تو اُسے ضائع کرنے سے بہتر ہے کہ اپنے ٹائم کو کسی نیک کام میں خرچ کریں، نیکی کی دعوت دیں، درود شریف پڑھیں یا مطالعہ کرلیں۔ اگر ہم اپنا قیمتی وقت صحیح جگہ استعمال کریں گےتو ہمیں فضول چیزوں کی طرف جانے کا موقع ہی نہیں ملے گا۔آپ نے مزید کہا کہ اللہ کے نیک بندے اللہ پاک کا ذکر کرکے اپنے اندر تازگی پاتے تھے تو ہمیں بھی کوشش کرنی چاہیئے کہ فضول کاموں سے Refreshmentحاصل کرنے کے بجائے نیک کاموں سے تازگی حاصل کریں۔ اپنا وقت نیکیوں میں گزارنے کے لئے دعوتِ اسلامی کے دینی ماحول سے وابستہ ہوجائیں۔ دعوتِ اسلامی کے ماحول کی برکت سے ان شاء اللہ ہمارے اندر سے گناہوں کی عادت نکل جائے گی۔دورانِ اجتماع شرکا کو ”1500 واں جشنِ ولادتِ مصطفٰے ﷺ“ جوش خروش سے منانے اور اس کی تیاری کرنے کا بھر پور ذہن دیا گیا۔

بیان کے بعد رکن شوریٰ حاجی فضیل رضا عطاری نے 03 اگست 2025ء کو نشتر پارک کراچی میں ہونے والے اجتماع میلاد کی دعوت دی اور عاشقان رسول میں اس کی دعوت عام کرنے کی ترغیب دلائی۔ اجتماع کا اختتام صلوۃ و سلام اور دعا پر ہوا۔

دینِ اسلام کی عالمگیر تحریک دعوتِ اسلامی کے تحت استقبالِ ماہِ ربیع الاول کے سلسلے میں ”1500 سالہ جشنِ ولادت“ کے عنوان سے ایک عظیم الشان سنتوں بھرا اجتماع 03 اگست 2025ء بروز اتوار، نشتر پارک، نمائش چورنگی کراچی میں منعقد ہوگا۔

اس روح پرور اجتماع کا آغاز رات 10:00 بجے ہوگا جبکہ بیان کا وقت 10:30 بجے مقرر کیا گیا ہے۔ اجتماعِ پاک سے مرکزی مجلسِ شوریٰ کے نگران و عالمی اسلامک اسکالر مولانا حاجی محمدعمران عطاری مُدَّ ظِلُّہُ العالی سنتوں بھرا بیان فرمائیں گے۔

اس پروگرام کو مدنی چینل پر براہِ راست نشر کیا جائے گا جس سے دنیا بھر کے عاشقانِ رسول اس روحانی اجتماع سے فیض یاب ہو سکیں گے۔

عاشقان رسول سے اس اجتماع میں بھرپور شرکت کی درخواست ہے۔

17 جولائی 2025ء کو دعوتِ اسلامی کے زیر اہتمام چیمبر آف کامرس حیدر آباد میں ایک میٹ ہوا جس میں بزنس سے وابستہ حضرات نے شرکت کی۔ رکن شوریٰ مولانا حاجی عبد الحبیب عطاری نے ”ملازم اور سیٹھ میں فرق“ کے موضوع پر سنتوں بھرا بیان کیا۔

بیان کرتے ہوئے رکن شوریٰ نے کہا کہ ہمارے اسلاف اپنے غلاموں کے ساتھ یکساں سلوک کرتے تھے جیسا خود کھاتے پیتے اور پہنتے ویسا ہی غلاموں کو دیتے کیونکہ دین اسلام نے ہمیں غلاموں کے ساتھ بھی حسنِ سلوک کرنے کا ذہن دیا ہے جبکہ آج کے دور میں غلام تو نہیں ہے بلکہ ہمارے ماتحت ملازم ہوتے ہیں جو کچھ وقت کے لئے ہمارے پاس کام کرتے ہیں۔ ہمیں ان کے ساتھ حسنِ سلوک کے ساتھ پیش آنا چاہیئے، اپنے ملازمین سے ان کی استطاعت کے مطابق کام لیں،ان سے اچھے انداز میں بات کریں، ان کی طبیعت کا خیال رکھیں، ان سے کام لیتے وقت گرمی اور سردی کا بھی لحاظ رکھیں، ان کی دُکھ و پریشان میں ان کی مدد کریں۔

آپ نے مزید کہاکہ آج کل ملازم یہ کہنے پر مجبور ہیں کہ ہمیں آدھی مزدوری کام کی اور آدھی سیلری گالی سننے کی دی جاتی ہے، بہت سے سیٹ متکبر ہوتے ہیں، ملازموں کو اپنے سے کم تر سمجھتے اور ان پر ظلم کرتے ہیں۔ ان سب معاملات میں مالکان کو اللہ پاک کی خفیہ تدبیر سے ڈرناچاہیئے کیونکہ ایک پل نہیں گزرتا لوگ امیر سے غریب ہوجاتے ہیں۔ پاکستان میں 2022ء کا سیلاب ہمارے لئے عبرت ہے۔

دعوت اسلامی کے زیر اہتمام آج مؤرخہ 24 جولائی 2024ء بروز جمعرات دنیا بھر میں ہفتہ وار سنتوں بھرے اجتماعات کا انعقادکیا جائے گا جن میں اراکین شوریٰ و مبلغینِ دعوتِ اسلامی سنتوں بھرے بیانات فرمائیں گے۔اجتماعات میں بیانات کے ساتھ ساتھ تلاوت و نعت،  ذکر و اذکار، دعا اور صلوۃ و سلام کا سلسلہ ہوگا۔

آج رات مدنی چینل پر براہ راست نشر ہونے والے ہفتہ وار اجتماع میں رکن شوریٰ حاجی قاری سلیم عطاری سٹار مارکی میرج ہال تونسہ شریف روڈ نزد چور ہٹہ ڈیرہ غازی خان سے سنتوں بھرا بیان فرمائیں گے۔

تفصیلات کے مطابق مدنی مرکز فیضانِ مدینہ جی -11 اسلام آباد میں رکنِ شوریٰ حاجی فاروق جیلانی عطاری، کنگ ہال سول ہاسپیٹل روڈ خیر پور میرس میں رکن شوریٰ حاجی محمد علی عطاری، جامع مسجد کنزالایمان محلہ چاہ ملک والا ساہیوال سرگودھا میں رکن شوریٰ مولانا حاجی محمد عقیل عطاری مدنی، مدنی مرکز فیضان مدینہ آفندی ٹاؤن حیدر آباد میں رکن شوریٰ حاجی قاری ایاز عطاری، مدنی مرکز فیضان مدینہ ڈسکہ میں رکن شوریٰ حاجی محمد اظہر عطاری، مدنی مرکز فیضان مدینہ گوجرانوالہ میں رکن شوریٰ حاجی یعفور رضا عطاری، جامع مسجد حاجی عبدالرشید Shikalbaha Chowmuhani, Karnaphuli, Chattogramمیں رکن شوریٰ عبد المبین عطاری، فیضان مشکل کشا 91 LEAGRAVE HIGHSTREET LUTON LU4 9JZ میں رکن شوریٰ حاجی خالد عطاری اور مدنی مرکز فیضان مدینہ 577- 579 FISHPONDS RAOD, BRISTOL, BS16 3AF میں نگران ویلز یوکے حاجی سید فضیل رضا عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں بھرپور شرکت کی درخواست ہے۔

لاہور،پنجاب پاکستان:

صوبائی دارالحکومت لاہور، پنجاب میں واقع Punjab Food Authority (پنجاب فوڈ اتھارٹی) کے ”سالانہ کانفرنس“ میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری، اراکینِ شوریٰ نگرانِ پاکستان مشاورت حاجی محمد شاہد عطاری اور حاجی یعفور رضا عطاری کی آمد ہوئی۔

سالانہ کانفرنس کا آغاز کرنے کے بعد Punjab Food Authority کےDG عاصم جاوید نے نگرانِ شوریٰ مولانا حاجی محمد عمران عطاری کا تعارف کروایا اور انہیں بیان کرنے کی دعوت دی۔

نگرانِ شوریٰ مولانا حاجی محمد عمران عطاری نے ”صفائی اور صحتِ عامہ“ کے موضوع پر بیان کرتے ہوئے صفائی اور حفظان صحت کے اصولوں کی اہمیت پر روشنی ڈالی نیز حکام پر زور دیا کہ وہ صحت عامہ کے تحفظ کے لئے مؤثر اقدامات کریں۔(کانٹینٹ:غیاث الدین عطاری)

کراچی:

دعوتِ اسلامی کے دینی و فلاحی کاموں کے سلسلے میں FGRF UK کے نگران سید فضیل رضا عطاری نے کراچی میں Base Commander R.R.F اور C.M.U قیوم آباد ، SSP عارف رانا سے ملاقات کی۔

اس دوران سید فضیل رضا عطاری نےعارف کو FGRF کی عالمی سطح پر جاری فلاحی و انسانی خدمات کے بارے میں آگاہی دی جس پر انہوں نے دعوتِ اسلامی کی اس کاوش کو سراہا۔

آخر میں سید فضیل رضا عطاری نے Base کمانڈر، SSP عارف رانا کو FGRF کی جانب سے تحفہ پیش کیاجس پرا نہوں نے خوشی کا اظہار کیا۔(کانٹینٹ:غیاث الدین عطاری)

پاکستان کے وفاقی دارالحکومت اسلام آباد میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے اپنے وفد کے ہمراہ چیئرمین سینٹ آف پاکستان پیپلز پارٹی کے سینئر رہنما سیّد یوسف رضا گیلانی سے ملاقات کی۔

ملاقات کے دوران رکنِ شوریٰ نے چیئرمین سینٹ کو دعوتِ اسلامی کی دینی و فلاحی ایکٹیویٹیز کے بارے میں اپڈیٹس سے آگاہ کیا اور رواں سال 2025ء میں دعوتِ اسلامی کے تحت ملک بھر میں اللہ پاک کے آخری نبی، حضور خاتم النبیین، حضرت محمد صلَّی اللہ علیہ واٰلہٖ وسلَّم کے ”1500 سالہ جشنِ ولادت“ کو بھرپور مذہبی جوش و جذبے کے ساتھ منانے کے حوالے سے بریف کیا۔

دعوت اسلامی کے شعبے حج و عمرہ  کے تحت ”استقبال حجاج اجتماع“ کی پرنور محفل 13 جولائی 2025ء کو عالمی مدنی مرکز فیضانِ مدینہ کراچی میں منعقد ہوئی جس میں شعبہ حج و عمرہ کے ذمہ داران سمیت کثیر حجاج کرام و عاشقان رسول نے شرکت کی نیز اس محفل کو براہِ راست (Live) مدنی چینل پر نشر بھی کیا گیا۔

اس پُرنور محفل کا آغاز کلامِ الٰہی قراٰنِ پاک کی تلاوت سے کیا گیا جس کے بعد مدنی چینل کےنعت خوانوں نے حضور پُرنور ، سیّد الانبیاء حضرت محمد صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

تلاوت ونعت کے بعد شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے حجاج کرام کی تربیت کرتے ہوئے فرمایا کہ جھوٹ سے بچیں، غیبت سے بچیں اور گناہوں بھری زندگی کو چھوڑ کر نیکی کے کاموں کی طرف راغب ہوجائیں۔

پرنور و سوز سے بھرپور محفل میں امیر اہلِ سنت دامت برکاتہم العالیہ اور نگران شوریٰ مولانا محمد عمران عطاری نے بیانات کئے جس میں انہوں نے حجاز مقدسہ میں گزارے دن و رات کےحسین لمحات کی یادیں تازہ کیں جبکہ نعت خواں اسلامی بھائیوں کے پڑھے جانیوالے اشعار نے شرکائے اجتماع کی آنکھیں اشکبار کردیں۔

اس موقع پر نگرانِ شعبہ حج و عمرہ نے بتایا کہ آئندہ سال کے حج کی رجسٹریشن ہوگئی ہے جو عاشقانِ رسول حج کی سعادت حاصل کریں گے وہ دعوتِ اسلامی کے شعبے حج و عمرہ کے ساتھ منسلک ہو کر مناسک حج کی تیاری ابھی سے شروع کردیں۔