کراچی (ویب ڈیسک):دعوتِ اسلامی کے ممتاز مبلغ، رکنِ مجلس المدینۃ العلمیہ اور ماہنامہ فیضانِ مدینہ کے چیف ایڈیٹر،مولانا ابورجب محمد آصف عطاری مدنی صاحب طویل علالت کے بعد خالقِ حقیقی سے جا ملے۔ آپ 23 مارچ 1976ء کو پیدا ہوئے اور وصال کے وقت آپ کی عمر 50 سال 24 دن تھی، آپ گزشتہ کئی ماہ سے مسلسل جگر کے عارضے میں مبتلا اور علیل تھے۔

ذرائع کے مطابق مولانا آصف عطاری مدنی صاحب کا انتقال آج 16 اپریل 2026ء بروز جمعرات، سہ پہر تقریباً 3 بجے کراچی کے ایک مقامی اسپتال میں ہوا۔ آپ کے وصال کی خبر پر دعوتِ اسلامی کے اراکینِ شوریٰ، جامعۃ المدینہ کے اساتذہ و طلبہ اور اسلامک ریسرچ سینٹر کے اسکالرز نے دکھ اور رنج و ملال کا اظہار کیا ہے۔

مرحوم نے اپنی زندگی کا بڑا حصہ دینِ متین کی خدمت اور علم کی شمع روشن کرنے میں صرف کیا۔ آپ کی خدمات کے چند نمایاں پہلو درج ذیل ہیں:

تدریسی خدمات: آپ نے مسلسل 25 سال تک دعوتِ اسلامی کے تعلیمی ادارے جامعۃ المدینہ کراچی میں درس و تدریس کے فرائض سرانجام دیئے اور ہزاروں طلبہ کی علمی آبیاری کی۔

تحریر و تصنیف: گزشتہ 26 برسوں سے آپ علمی و تحقیقی میدان میں سرگرمِ عمل رہے۔ آپ نے 22 سے زائد مختصر و مفصل کُتُب تصنیف کیں جو علمی حلقوں میں بلند مقام رکھتی ہیں۔

صحافتی خدمات: بطور چیف ایڈیٹر ماہنامہ فیضانِ مدینہ، آپ نے اسے ایک معیاری رسالہ بنانے میں کلیدی کردار ادا کیا۔ اس کے علاوہ آپ نے 250 سے زائد علمی، تحقیقی اور اصلاحی کالمز تحریر کیے جو قارئین کی فکری تربیت کا ذریعہ بنے۔

آپ کو شیخِ طریقت، امیرِ اہل سنت علامہ محمد الیاس عطار قادری دامت بَرَکَاتُہمُ العالیہ سے گہری عقیدت تھی۔ صحت مندی کے ایام میں آپ طویل عرصے تک امیرِ اہل سنت کی صحبت میں رہے اور خصوصاً "مدنی مذاکرے" میں آپ کی شرکت مستقل ہوتی تھی، جہاں آپ کو ایک "عاشقِ مدنی مذاکرہ" کے طور پر پہچانا جاتا تھا۔امیر اہل سنت دامت بَرَکَاتُہمُ العالیہ بھی ان سے بڑی محبت فرماتے تھے اور انتقال سے ایک روز قبل ہی امیر اہل سنت اور جانشین امیر اہل سنت نے اسپتال جاکر ان سے عیادت کی تھی۔

مرحوم کی نمازِ جنازہ اور تدفین کے حوالے سے تفصیلات کا اعلان جلد کیا جائے گا۔

"اللہ پاک مرحوم کی تمام دینی و علمی خدمات کو اپنی بارگاہ میں قبول فرمائے، انہیں جنت الفردوس میں اعلیٰ مقام عطا کرے اور پسماندگان کو صبرِ جمیل عطا فرمائے۔ آمین"

دعوتِ اسلامی ایک عالمی دینی تحریکِ تبلیغِ قرآن و سنت ہے جس کا بنیادی مقصد ”مجھے اپنی اور ساری دنیا کے لوگوں کی اصلاح کی کوشش کرنی ہے“۔ اس مقصد کے حصول کے لئے ہفتہ وار اجتماعات ایک کلیدی حیثیت رکھتے ہیں جہاں مسلمانوں کی اخلاقی، مذہبی اور سماجی تربیت کی جاتی ہے۔ ان اجتماعات کے ذریعے نوجوانوں کو منشیات، جھوٹ اور بددیانتی جیسی برائیوں سے دور رہنے کی ترغیب ملتی ہے۔

یہ اجتماعات ہر جمعرات کو بعدِ نمازِ مغرب شروع ہوتے ہیں جو کہ مقامی سطح پر مساجد میں اورشہر کی سطح پر مدنی مراکز فیضانِ مدینہ میں منعقد کئے جاتے ہیں۔

اجتماع کا آغاز اللہ پاک کے کلام کی تلاوت سے ہوتا ہے۔ تلاوت کے بعد بارگاہِ رسالت صلَّی اللہ علیہ واٰلہٖ وسلَّم میں ہدیہ نعت پیش کیا جاتا ہے۔ اجتماع کا سب سے اہم حصہ بیانات کا ہوتا ہے جس میں مبلغین دعوتِ اسلامی و اراکینِ شوریٰ قرآن و حدیث کی روشنی میں مختلف موضوعات پر سنتوں بھرے بیانات کرتے ہیں۔

اسی سلسلے میں 16 اپریل 2026ء بروز جمعرات دنیا بھر میں ہفتہ وار اجتماعات کا انعقاد کیا جائے ۔

تفصیلات کے مطابق اس ہفتے مدنی مرکز فیضان مدینہ فیصل آباد مدینہ ٹاؤن سے مدنی چینل پر براہِ راست نشر ہونے والے ہفتہ وار اجتماع میں دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔

مدنی مرکز فیضانِ مدینہ کاہنہ نو لاہور میں رکن شوریٰ حاجی یعفور رضا عطاری، مدنی مرکز فیضانِ مدینہ گوجرانوالہ میں رکن شوریٰ حاجی منصور عطاری، مدنی مرکز فیضانِ مدینہ بیراج روڈ سکھر میں رکن شوریٰ حاجی محمد علی عطاری، مدنی مرکز فیضان مدینہ علی ٹاؤن سرگودھا میں رکن شوریٰ مولانا حاجی محمد عقیل عطاری مدنی، مدنی مرکز فیضانِ مدینہ شفقت آباد منڈی بہاؤالدین میں رکن شوریٰ مولانا حاجی محمد اسد عطاری مدنی، مدنی مرکز فیضان مدینہ شاہ رکن عالم کالونی ملتان میں رکن شوریٰ قاری سلیم عطاری اور مدنی مرکز فیضان مدینہ ROCHDALEمیں رکن شوریٰ حاجی محمد خالد عطاری، لولدیگھی شاہی جامع مسجد، لولدیگھی، کوتوایلی، چٹاگرام بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

دعوتِ اسلامی کے ہفتہ وار اجتماعات محض ایک مذہبی اجتماع نہیں بلکہ ایک اصلاحی تحریک ہیں جو معاشرے میں مثبت تبدیلی اور دینی شعور بیدار کرنے میں اہم کردار ادا کر رہے ہیں۔ ان اجتماعات کی کامیابی کا بڑا راز ان کا منظم ڈھانچہ اور ”خوفِ خدا و عشقِ رسول صلَّی اللہ علیہ واٰلہٖ وسلَّم“ پر مبنی پیغام ہے۔

کراچی: عاشقانِ رسول کی دینی تحریک دعوتِ اسلامی کے زیرِ اہتمام قصابوں کے لئے 28 اپریل 2026ء کو ایک اہم مدنی مذاکرہ عالمی مدنی مرکز فیضانِ مدینہ کراچی میں منعقد کیا جائے گا۔

یہ مدنی مذاکرہ نمازِ عشا کے بعد تقریباً 9:15 پر تلاوتِ قرآن سے شروع ہوگا جس کے بعد نعت خواں اسلامی بھائی نبیِ کریم صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کریں گے۔

اس مدنی مذاکرے میں خصوصی طور پر عاشقِ صحابہ و اہلِ بیت، شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ دینی و دنیاوی حوالے سے قصاب حضرات کو اہم نصیحتیں فرمائیں گے اور اُن کی رہنمائی کریں گے۔

واضح رہے 28 اپریل کو ہونے والا یہ مدنی مذاکرہ مدنی چینل پر براہِ راست نشر کیا جائے گا تاکہ پاکستان سمیت دنیا بھر سے اسلامی بھائی اس سے استفادہ کرسکیں۔

حاجیوں کے بن رہے ہیں قافلے پھر یانبی

پھر نظر میں پھر گئے حج کے مَناظر یانبی

دعوتِ اسلامی کے شعبہ حج و عمرہ کے زیرِ اہتمام امسال فریضۂ حج کی ادائیگی کے لئے جانے والے عازمین کی روحانی تربیت اور رہنمائی کے لئے 12 اپریل 2026 ءکو عالمی مدنی مرکز فیضانِ مدینہ کراچی میں ایک پروقار اجتماع بنام ”محفلِ مدینہ“ منعقد ہونے جارہا ہے۔

تقریب کی تفصیلات:

مذکورہ تقریب اتوار کی شب 24 شوال المکرم 1447ھ کو رات 09:15 بجے شروع ہوگی۔ اس محفل میں دعوتِ اسلامی کے بانی اور معروف روحانی شخصیت شیخِ طریقت امیرِ اہل سنت حضرت علامہ مولانا محمد الیاس عطار قادری دامت بَرَکَاتُہمُ العالیہ خصوصی شرکت اور گفتگو فرمائیں گے۔

مقصد اور اہمیت:

اس اجتماع کا بنیادی مقصد عازمینِ حج کو سفر حرمین کے آداب، مناسکِ حج کی ادائیگی کا درست طریقہ اور دورانِ سفر درپیش آنے والے معاملات کے حوالے سے اخلاقی و روحانی تربیت فراہم کرنا ہے۔

براہِ راست نشریات:

کراچی کے علاوہ ملک و بیرونِ ملک مقیم عازمین کی سہولت کے لئے اس تقریب کو مدنی چینل پر براہِ راست (Live) نشر بھی کیا جائے گا۔

دعوتِ اسلامی کے عالمی مدنی مرکز فیضانِ مدینہ میں ماہِ رمضان المبارک کی روحانی یادوں کو تازہ کرنے اور معتکفین کی اخلاقی تربیت کے تسلسل کو برقرار رکھنے کے لئے 11 اپریل 2026 ءکی رات تقریباً  09:15 بجے ایک خصوصی نشست بنام ”یادِ رمضان مدنی مذاکرہ“ منعقد کی جائے گی۔

پروگرام کا پس منظر

رمضان المبارک کے مقدس مہینے کے اختتام کے بعد، یہ پروگرام خاص طور پر ان افراد کے لئے ترتیب دیا گیا ہے جنہوں نے دعوتِ اسلامی کے تحت ملک بھر میں قائم کردہ اعتکاف گاہوں میں پورا مہینہ یا آخری عشرہ اعتکاف میں گزارا تھا۔ اس مدنی مذاکرے کا مقصد رمضان میں حاصل ہونے والی روحانیت اور نظم و ضبط کو باقی مہینوں میں بھی نافذ کرنے کی ترغیب دینا ہے۔

اس نشست میں دعوتِ اسلامی کے بانی، شیخِ طریقت امیرِ اہل سنت حضرت علامہ مولانا محمد الیاس عطار قادری دامت بَرَکَاتُہمُ العالیہخصوصی شرکت کرکے شرکا کی دینی و اخلاقی رہنمائی فرمائیں گے اور ان کی جانب سے پوچھے گئے مختلف سوالات کے جوابات دیں گے۔

جدید تقاضوں کو مدنظر رکھتے ہوئےاس پروگرام کو مدنی چینل پر براہ راست (Live) نشر بھی کیا جائے گا۔

تمام عاشقان رسول سے اس روحانی نشست میں شرکت کرنے کی درخواست ہے۔

دعوتِ اسلامی کے زیرِ اہتمام منعقد ہونے والے ہفتہ وار اجتماعات محض ایک اجتماع نہیں بلکہ اصلاحِ امت، اخلاقی تربیت اور دینی معلومات کا ایک بہت بڑا ذریعہ بن چکے ہیں۔ آج دنیا بھر میں ہزاروں مقامات پر یہ اجتماعات منعقد ہو رہے ہیں۔

دعوتِ اسلامی کے ہفتہ وار اجتماعات صرف پاکستان تک محدود نہیں، بلکہ یہ دنیا کے 200 سے زائد ممالک میں منعقد کئے جاتے ہیں۔

یہ اجتماع پاکستان کے شہر کراچی میں قائم عالمی مدنی مرکز فیضانِ مدینہ کراچی سمیت ملک کے ہر چھوٹے بڑے شہر اور دیہات میں منعقد ہوتے ہیں، ان کے علاوہ بین الاقوامی سطح بنگلہ دیش، برطانیہ، متحدہ عرب امارات، جنوبی افریقہ، امریکہ، کینیڈا اور یورپی ممالک میں مقامی وقت کے مطابق اجتماعات کا انعقاد کیا جاتا ہے۔ ان اجتماعات میں دعوتِ اسلامی کے مبلغین قرآن و سنت کی روشنی میں اصلاحی بیانات کرتے ہیں۔ ان بیانات کا مقصد معاشرتی برائیوں کا خاتمہ اور تقویٰ کی ترغیب دینا ہوتا ہے۔

اسی سلسلے میں آج مؤرخہ 09 اپریل 2026ء بروز جمعرات دنیا بھر میں ہفتہ وار اجتماعات کا انعقاد کیا جائے گا جن میں تلاوت و نعت کے بعد اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات عالمی مدنی مرکز فیضانِ مدینہ کراچی سے مدنی چینل پر براہ راست نشر ہونے والے ہفتہ وار اجتماع میں رکن شوریٰ حاجی محمد اظہر عطاری سنتوں بھرا بیان فرمائیں گے۔

اس کے علاوہ رضائے مصطفٰے مسجد کورنگی نمبر 04 کراچی میں رکن شوریٰ حاجی فضیل عطاری، بہزاد لکھنوی مسجد سخی حسن چورنگی نارتھ ناظم آباد کراچی میں رکن شوریٰ عبد الوہاب عطاری، جامع مسجد محمدی حنفیہ سوڈیوال لاہور میں رکن شوریٰ حاجی یعفور رضا عطاری، مدنی مرکز فیضان مدینہ آفندی ٹاؤن حیدر آباد میں رکن شوریٰ حاجی قاری ایاز عطاری، مدنی مرکز فیضان مدینہ رحمن سٹی فیروز والا ، لاہور میں رکن شوریٰ مولانا حاجی اسد عطاری مدنی، فیضان اسلام مسجد DHA کراچی میں رکن شوریٰ حاجی محمد علی عطاری اور مدنی مرکز فیضان مدینہ ROCHDALEمیں رکن شوریٰ حاجی محمد خالد عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

جامعۃ المدینہ پاکستان کے تحت”افتتاح بخاری شریف“ کا سلسلہ

امیر اہلسنت نے ”بخاری شریف“ کی پہلی حدیث پڑھی

کراچی (رپورٹ):

دعوتِ اسلامی کے شعبہ جامعۃ المدینہ پاکستان کے تحت 4 مارچ 2026ء کو عالمی مدنی مرکز فیضانِ مدینہ، کراچی میں ”افتتاحِ بخاری شریف“ کے سلسلے میں ایک عظیم الشان تقریب منعقد ہوئی۔ اس تقریب میں کراچی کے دورۃ الحدیث کے طلبہ نے براہِ راست شرکت کی جبکہ ملک کے دیگر شہروں کے ہزاروں طلبہ مدنی چینل کے ذریعے اس علمی و روحانی اجتماع کا حصہ بنے۔

نمایاں شرکا:

تقریب میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی ، نگرانِ پاکستان مشاورت حاجی محمد شاہد عطاری، اور اراکینِ شوریٰ بشمول حاجی برکت علی عطاری، حاجی محمد اظہر عطاری، مولانا حاجی محمد اسد رضا عطاری مدنی، حاجی یعفور رضا عطاری، حاجی محمد امین عطاری اور حاجی فضیل عطاری نے خصوصی شرکت کی۔ اس کے علاوہ جامعۃ المدینہ کے اساتذہ اور دیگر ذمہ داران بھی بڑی تعداد میں موجود تھے۔

شیخِ طریقت امیرِ اہل سنت کا بیان اور تعلیمی اہداف :

بانیِ دعوتِ اسلامی، حضرت علامہ مولانا محمد الیاس عطار قادری دامت بَرَکَاتُہمُ العالیہ نے شرکا سے گفتگو کرتے ہوئے فرمایا کہ جامعۃ المدینہ میں داخلوں کا سلسلہ شروع ہو چکا ہے جو یکم ذیقعدہ تک جاری رہے گا۔ آپ نے دورۃ الحدیث کے طلبہ اور تمام ذمہ داران کو ہدف دیتے ہوئے فرمایا:”ہر طالبِ علم اور ذمہ دار یہ ذہن بنائے کہ وہ کم از کم ایک بھائی کا جامعۃ المدینہ میں داخلہ کروائے گا اور صرف داخلہ ہی نہیں، بلکہ اس کا مکمل فالو اپ بھی کرے گا۔“

جامعۃ المدینہ کی تعلیمی پیشرفت :

نگرانِ شوریٰ مولانا حاجی محمد عمران عطاری نے گفتگو کرتے ہوئے خوشخبری سنائی کہ الحمد للہ اس سال دورۃ الحدیث (درس نظامی کا آخری کلاس) میں پہنچنے والے طلبہ و طالبات کی مجموعی تعداد کم و بیش 8278 (8 ہزار، 2 سو، 78) ہے۔ یہ تعداد دعوتِ اسلامی کے تعلیمی نظام کی کامیابی اور وسعت کا منہ بولتا ثبوت ہے۔

درسِ بخاری شریف اور سیرتِ امام بخاری :

تقریب کے مرکزی حصے میں امیرِ اہل سنت نے ”حضرت امام بخاری رحمۃ اللہ علیہ “کی سیرت اور ”بخاری شریف“ کا علمی تعارف پیش کیا۔ آپ نے بخاری شریف کی پہلی حدیثِ مبارکہ: ”عَلْقَمَةُ بْنُ وَقَّاص اللَّيْثِي، يَقُولُ: سَمِعْتُ عُمَرَ بْنَ الخَطَّابِ عَلَى المِنْبَرِ قَالَ: سَمِعْتُ رَسُولَ اللَّهِ صلَّی اللہ علیہ واٰلہٖ وسلَّم يَقُولُ: إِنَّمَا الأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى، فَمَنْ كَانَتْ هِجْرَتُهُ إِلی دُنْيَا يُصِيبُهَا، أَوْ امْرَأَةٍ يَنْكِحُهَا، فَهِجْرَتُهُ إِلی مَا هَاجَرَ إِلَيْهِ“ پڑھی اور اس کا جامع ترجمہ کرتے ہوئے حدیث پاک کے متعلق محدثین کرام اور بزرگان دین کی شرح بیان فرمائی۔ محدثینِ کرام اور بزرگانِ دین کی شروحات کی روشنی میں ”نیت“ کی اہمیت پر زور دیا۔شرکا کی تربیت کرتے ہوئے بتایا کہ اخلاصِ نیت ہی اعمال کی قبولیت کی بنیاد ہے۔

اختتامی دعا

پروگرام کے اختتام پر امیرِ اہل سنت نے بارگاہِ الہی میں ملکِ پاکستان کی سلامتی، امتِ مسلمہ کی سربلندی اور دنیا بھر کے پریشان حال اور مظلوم مسلمانوں کے لئے دعا فرمائی۔ تقریب کا اختتام حضورِ اکرم صلَّی اللہ علیہ واٰلہٖ وسلَّم کی بارگاہ میں درود و سلام کے نذرانے سے ہوا۔

اپنے اسلاف کے طریقۂ کار پر عمل کرتے ہوئے ہر سال کی طرح اس سال بھی 4 اپریل 2026ء بمطابق 16 شوال المکرم 1447ھ کی شب عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں  ”مدنی مذاکرہ اور افتتاحِ بخاری شریف“ کا اہتمام کیا جائے گا۔

ذرائع سے ملنے والی معلومات کے مطابق مختلف شہروں اور بیرونِ ممالک کے طلبہ و طالبات بذریعہ مدنی چینل جبکہ کراچی شہر کے رہائشی اسلامی بھائی براہِ راست عالمی مدنی مرکز فیضانِ مدینہ کراچی میں آکر شرکت کریں گے۔

رات تقریباً 09:00 بجے تلاوتِ قرآن و نعت شریف سے مدنی مذاکرے کا آغاز کیا جائے گا اور عاشقانِ رسول شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ سے مختلف سوالات کریں گے جن کے انہیں علم و حکمت سے بھرے جوابات دیئے جائیں گے۔

علاوہ ازیں امیرِ اہلِ سنت مولانا الیاس عطار قادری دامت بَرَکَاتُہمُ العالیہ وہاں موجود دورۂ حدیث شریف کے طلبۂ کرام اور اپنے گھروں سے بذریعہ مدنی چینل شرکت کرنے والی طالبات کو بخاری شریف کی پہلی حدیث شریف پڑھائیں گےنیز حدیث شریف کی مختصر تشریح بھی بیان کی جائے گئی۔

تمام اسلامی بھائی اس ”مدنی مذاکرے اور افتتاحِ بخاری شریف“ میں ضرور شرکت کریں تاکہ علمِ دین حاصل کرنے کے ساتھ ساتھ افتتاحِ بخاری شریف میں بھی شرکت کرنے کا موقع ملے۔

دعوتِ اسلامی کے تحقیقی و علمی ڈیپارٹمنٹ اسلامک ریسرچ سینٹر (المدینۃالعلمیہ) کے علمائے کرام اور فلکیات ڈیپارٹمنٹ سمیت ٹرانسلیشن ڈیپارٹمنٹ کے اسلامی بھائیوں کے لئے خصوصی نشست منعقد کی گئی۔

تفصیلی معلومات کے مطابق یہ نشست 11 فروری 2026ء کو عالمی مدنی مرکز فیضانِ مدینہ کراچی میں ہوئی جس میں خصوصی طور پر شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ کی آمد ہوئی۔

اس موقع پر استاذُ الحدیث مولانا مفتی محمد حسان عطاری مدنی، مذکورہ ڈیپارٹمنٹس کے نگران مولانا آصف خان عطاری مدنی، ماہرِ فلکیات مولانا وسیم عطاری مدنی اور دیگر اہم ذمہ داران موجود تھے۔

نشست کا آغاز تلاوتِ قراٰن سے کیا گیا اور نعت خواں اسلامی بھائی نے حضور نبیِ کریم صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کیا جس کے بعدامیرِ اہلِ سنت دامت بَرَکَاتُہمُ العالیہ نے اپنی گفتگو کا آغاز کیا۔

اس دوران امیرِ اہلِ سنت دامت بَرَکَاتُہمُ العالیہ نے بزرگانِ دین رحمہم اللہ المبین کے واقعات بیان کرتے ہوئے اُن کی تحریری خدمات کے حوالے سے بیان کیا جبکہ وہاں موجود حاضرین کو اپنی تحریر میں سہل (آسان) انداز اپنانے، اپنی و دیگر لوگوں کی اصلاح کرنے کا ذہن دیا اور مختلف مدنی پھولوں سے نوازا۔

علاوہ ازیں نشست میں شریک اسلامی بھائیوں نے اپنےاپنے ڈیپارٹمنٹس کے تحت ہونے والی خدمات کے بارے میں امیرِ اہلِ سنت دامت بَرَکَاتُہمُ العالیہ کوکارکردگی بیان کی جس پر امیرِ اہلِ سنت دامت بَرَکَاتُہمُ العالیہ نے خوشی کا اظہار کیا اور انہیں دعاؤں سے نوازا۔

20 فروری 2026ء بمطابق 3 رمضانُ المبارک 1447ھ کو دعوتِ اسلامی کے عالمی مدنی مرکز فیضانِ مدینہ میں مختلف ڈاکٹرز کے لئے ایک سیشن ہوا جس میں خصوصی آمد خلیفۂ امیرِ اہلسنت حضرت مولانا حاجی عبید رضا عطاری مدنی دامت برکاتہم القدسیہ کی ہوئی۔

تلاوت و نعت سے سیشن کا آغاز کرنے کے بعد خلیفۂ امیرِ اہلسنت حضرت مولانا حاجی عبید رضا عطاری مدنی دامت برکاتہم القدسیہ نے ڈاکٹرز کو مدنی پھولوں سے نوازا اور انہیں رمضانُ المبارک کی فضیلت و اہمیت کے بارے میں بتایا۔

اس موقع پر مرکزی مجلسِ شوریٰ کے رکن عبد الوہاب عطاری سمیت اس ڈیپارٹمنٹ سے تعلق رکھنے والے دیگر اہم ذمہ دار اسلامی بھائی موجود تھے۔

دعوت اسلامی کی جانب سے 09فروری 2026ء کو جواد کلب چوک فیصل آباد میں ایک نئے تعلیمی منصوبے بنام ”دارُالمدینہ انٹرنیشنل اسلامک اسکول “ کے کیمپس کا افتتاح کردیا گیا۔ اس موقع پر افتتاحی تقریب منعقد ہوئی جس میں چیئرمین کنز المدارس بورڈ و رکن شوریٰ مولانا حاجی محمدجنید عطاری مدنی، بزنس مینز، سیاسی و سماجی شخصیات، پروفیشنلز حضرات، مقامی عاشقان رسول اور ذمہ داران دعو تِ اسلامی نے شرکت کی۔

رکن شوریٰ مولانا حاجی عبد الحبیب عطاری نے سنتوں بھرا بیان کیا۔ بیان کرتے ہوئے رکن شوریٰ نے فرمایا کہ اسلامی تعلیمات میں یتیموں کے احترام اور کفالت کو غیر معمولی روحانی اہمیت حاصل ہے۔ درودِ پاک کی کثرت کو رحمت و محبتِ الٰہی کے حصول کا ذریعہ بتایا گیا ہے جبکہ متعدد احادیث میں یتیم کو کھانا کھلانے، اس کی دلجوئی کرنے اور شفقت سے سر پر ہاتھ رکھنے کو عظیم اجر کا سبب قرار دیا گیا ہے۔ یہ اعمال دل کی سختی کو دور کرتے اور حاجات کی تکمیل کا ذریعہ بنتے ہیں۔ دین اسلام میں یتیم کو رُلانا یا اس کے ساتھ ناانصافی کرنا سنگین گناہ قرار دیا گیا۔ خصوصاً یتیم کے مال میں خیانت، وقف فنڈز کا غلط استعمال یا وراثت میں حق داروں (بشمول بہنوں) کا حق مارنا سخت مذمت کا مستحق عمل ہے جو نہ صرف الٰہی ناراضی بلکہ معاشرتی بگاڑ اور عدم استحکام کا باعث بنتا ہے۔

رکن شوریٰ نے افتتاح ہونے والے ادارے کی خصوصیت بتاتے ہوئے ارشار فرمایا کہ یوں تو دعوت اسلامی کے تحت دنیا بھر دار المدینہ اسلامک اسکول کی 299 برانچز قائم ہیں لیکن اس ادارے کی خصوصیت یہ ہے کہ اس میں یتیم بچوں کے لئے اسپیشل کوٹہ رکھا گیا ہےجہاں یتیم بچوں کو فری ایجوکیشن دی جائے گئی اس کے علاوہ ضرورت پڑنے پر رہائش، خوراک اور مکمل تربیت و کفالت کا بھی انتظام کیا جائے گا۔ بیان میں اہلِ خیر کو ترغیب دی گئی کہ وہ اپنی استطاعت کے مطابق کم از کم ایک یتیم بچے کی کفالت کا ذمہ اٹھائیں، صرف مالی مدد پر اکتفا نہ کریں بلکہ اس کی دینی و اخلاقی تربیت کو بھی ترجیح دیں۔ دارالمدینہ، جامعۃ المدینہ اور مدارس المدینہ جیسے منظم اداروں کے ذریعے تعاون کو مؤثر بنایا جاسکتا ہے ۔

اس ادارے کو قائم کرنے کا مقصد اسلامی تعلیمات اور انگلش میڈیم نظامِ تعلیم کو یکجا کرتے ہوئے بچوں کے لئے مکمل سرپرستی اور تعلیمی سہولیات فراہم کرنا ہے۔

تقریب کے بعد رکن شوریٰ مولانا حاجی عبد الحبیب عطاری نے رکن شوریٰ مولانا حاجی جنید عطاری مدنی اور مختلف شخصیات کے ہمراہ نئے قائم ہونے والے دارُ المدینہ اسلامک اسکول کی عمارت کا وزٹ کیا اور وہاں کلاس رومز اور دیگر سہولیات کا جائزہ لیا۔

دعوتِ اسلامی لوگوں کو گناہوں سے بچانے،  انہیں نیکیوں میں مشغول رکھنے اور شریعتِ مطہرہ کی روشنی میں اُن کی دینی و اخلاقی اور شرعی رہنمائی کرنے کے لئے مختلف مواقع پر اجتماعات، مدنی مذاکرے ، سیشنز اور پروگرامز کا انعقاد کرتی ہے۔

ہر سال کی طرح اس سال بھی دعوتِ اسلامی کے زیرِ اہتمام رمضانُ المبارک کی برکتیں اور رحمتیں سمیٹنے کے لئے 18 فروری 2026ء بروز بدھ سے عالمی مدنی مرکز فیضانِ مدینہ کراچی میں روزانہ 2 مدنی مذاکرے کا انعقاد کیا جائے گا جس میں ماہِ رمضانُ المبارک کے 30 دن کا اعتکاف کرنے والے عاشقانِ رسول کے علاوہ مختلف علاقوں سے آنے والے اسلامی بھائی شرکت کریں گے۔

معلومات کے مطابق پہلا مدنی مذاکرہ بعد نمازِ عصر تقریباً 05:40 پر اور دوسرا مدنی مذاکرہ بعد نمازِ تراویح رات تقریباً 10:45 پر شروع ہو جائے گا جن میں تلاوت و نعت کے بعد نماز و روزے سمیت دینِ اسلام کے ضروری مسائل بیان کئے جائیں گے جبکہ مناجاتِ افطار کا سلسلہ بھی ہوگا۔

ان مدنی مذاکروں میں خصوصی طور پر عاشقِ رمضان، شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ عاشقانِ رسول کی جانب سے ہونے والے سوالات کے جوابات ارشاد فرمائیں گے اور حاضرین سمیت مدنی چینل کے ناظرین کو مدنی پھولوں سے نوازیں گے۔