دعوتِ اسلامی کے تحت دنیا بھر میں آج مؤرخہ 16 جولائی 2026ء بروز جمعرات سنتوں بھرا ہفتہ وار اجتماع منعقد کیا جائے گا۔ اس اجتماع کا بنیادی مقصد مسلمانوں کی اخلاقی، مذہبی اور روحانی اصلاح کرنا ہے تاکہ وہ اپنی انفرادی اور اجتماعی زندگیوں کو شریعتِ مطہرہ کے مطابق گزار سکیں۔ آج رات بھی پاکستان سمیت دنیا کے کم و بیش 200 سے زائد ممالک میں لاکھوں عاشقانِ رسول اس اجتماع میں شرکت کریں گے۔

اجتماع کا باقاعدہ آغاز ہمیشہ کی طرح تلاوتِ کلامِ پاک سے کیاجائے گا۔اس کے بعد نعت خواں حضرات بارگاہ رسالت مآب صلَّی اللہ علیہ واٰلہٖ وسلَّم میں ہدیۂ نعت پیش کریں گے۔ تلاوت و نعت کے بعد اراکین شوریٰ و مبلغین دعوتِ اسلامی حسن اخلاق، والدین کے حقوق، نماز کی اہمیت، معاشرے کی اصلاح اور دیگر اہم موضوعات پر سنتوں بھرے بیانات فرمائیں گے۔

تفصیلات کے مطابق آج رات مدنی چینل پر براہِ راست (Live) نشر ہونے والے ہفتہ وار اجتماع میں رکن شوریٰ حاجی محمد اظہر عطاری ، شگن میرج ہال نارووال روڈظفر وال (پنجاب) سے سنتوں بھرا بیان فرمائیں گے۔

اس کے علاوہ فیضان جیلان مسجد کلفٹن کراچی میں رکن شوریٰ حاجی فضیل عطاری، رضا مسجد کورنگی نمبر 04 کراچی میں رکن شوریٰ حاجی محمد علی عطاری، مدنی مرکز فیضان مدینہ کاہنہ نو لاہور میں رکن شوریٰ حاجی یعفور رضا عطاری، گرین ویو کمیونٹی سینٹر نیم نگر بالو باڑی دیناج پور بنگلہ دیش میں رکن شوریٰ عبد المبین عطاری اور فیضان اسلام مسجد3/84 خیابانِ سحر، لین 10، فیز 7، ڈی ایچ اے ڈیفنس کراچی نگران FGRF UKحاجی سید فضیل رضا عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔