صوبۂ پنجاب کے شہر ٹوبہ ٹیک سنگھ میں 7 دسمبر 2023ء کو سابق وفاقی وزیر اور MNA چوہدری محمد جنید کی مدنی مرکز فیضانِ مدینہ میں آمد ہوئی جہاں اُن کی ملاقات شعبہ رابطہ برائے شخصیات کے ذمہ دار اسلامی بھائیوں سے ہوئی۔

شعبے کے فیصل آباد ڈویژن ذمہ دار مبارک عطاری نے چوہدری محمد جنید کو فیضانِ مدینہ میں قائم مختلف ڈیپارٹمنٹس کا وزٹ کروایا اور اُن ڈیپارٹمنٹس کے ذریعے ہونے والے دینی و فلاحی کاموں کے متعلق بریفنگ دی۔

ضلع خانیوال کی تحصیل میاں چنوں میں دعوتِ اسلامی کے شعبہ رابطہ برائے شخصیات کے تحت اسسٹنٹ کمشنر چوہدری رمیض ظفر سے ذمہ دار اسلامی بھائیوں کی ملاقات ہوئی۔

اس دوران شعبے کے ملتان ڈویژن ذمہ دار فدا علی عطاری نے اسسٹنٹ کمشنر کو دعوتِ اسلامی کے جامعۃ المدینہ و مدرسۃ المدینہ سمیت دیگر شعبہ جات کے دینی کاموں بالخصوص شعبہ FGRF کے تحت ہونے والے فلاحی کاموں کے متعلق بتایا۔

میانوالی ڈسٹرکٹ کی تحصیل عیسیٰ خیل میں عاشقانِ رسول کی دینی تحریک دعوتِ اسلامی کے زیرِ اہتمام محفلِ مدینہ کا انعقاد کیا گیا جس میں مختلف شخصیات (DSP عیسٰی خیل میاں محمد اقبال آرائیں، SHO تھانہ کالاباغ انسپکٹر رانا بابر خان، SHO تھانہ عیسٰی خیل محمد بلال خان شہباز خیل، SHO تھانہ چاپڑی محمد تیمور خان، SHO تھانہ کمرمشانی محمد خرم شہزاد، SHO تھانہ مکڑوال چوہدری عبدالصمد ورک، SHO تھانہ ٹولہ بنگی خیل رانا محمد عبدالحق، تفتیشی افسران، تاجران اور شخصیات ) کی کثیر تعدادنے شرکت کی۔

محفل کا آغاز تلاوتِ قراٰنِ پاک سے کیا گیا اور نعت شریف کے بعد صوبائی ذمہ دار پنجاب محمد لیاقت عطاری نے سنتوں بھرا بیان کیا اور حاضرین کو دینِ اسلام کی تعلیمات کے بارے میں بتایا۔

سیالکوٹ، گزشتہ روز شعبہ رابطہ برائے شخصیات دعوتِ اسلامی کے ذمہ داران کی DPO حسن اقبال، SP ملک نوید ، DSP رانا جمعیل، DS لیگل صہیب، SHO تھانہ سول لائن عبدالرحمٰن، SHO تھانہ موترہ جہانزیب، SHO تھانہ سٹی ڈسکہ اکرام گجر، SHO تھانہ بڈیانہ انور کاہلوں، انسپکٹر حافظ خالد ریڈر DPO، سیکیورٹی انچاچ ڈسٹرکٹ حافظ سعید اور PRO DPO خرم شہزاد سے ملاقات ہوئی۔

لودہراں میں دعوتِ اسلامی کے دینی کاموں کے سلسلے میں شعبہ رابطہ برائے شخصیات کے ذمہ دار اسلامی بھائیوں نے مختلف شخصیات (سینئر بیوروکریٹ سپوت لودہراں ڈائریکٹر جنرل ریڈیو پاکستان شیخ سعید احمد، DSP مہر محمد اسحاق سیال، DSP ہیڈکوارٹر محمد ناصر غوری،SHO سٹی چوہدری استقار احمد گجر،سابق وائس چیئرمین راؤ محمد افضل قادری) سمیت دیگر افسران سے ملاقات کی۔

اس موقع پر شعبہ رابطہ برائے شخصیات کے ڈویژنل ذمہ دار فدا علی عطاری نے دعوتِ اسلامی کے دینی کاموں بالخصوص شعبہ FGRF اور شجرکاری کے حوالے سے گفتگو کی جبکہ SHO سٹی کو پرموشن نیز سٹی تعیناتی پر مبارکباد پیش کی۔

دعوتِ اسلامی کےزیرِ اہتمام پچھلے دنوں شعبہ رابطہ برائے شخصیات کے ذمہ دار اسلامی بھائیوں کی لودہراں میں معروف سیاسی و سماجی شخصیت، مقامی اخبار کے چیف ایڈیٹر اورممبر پریس کلب ملک شفیق احمد آرائیں سے ملاقات ہوئی۔

دورانِ ملاقات شعبے کے ملتان ڈویژن ذمہ دار فدا علی عطاری اور نگرانِ ملتان ڈویژن سادات عطاری نے ملک شفیق احمد آرائیں کی والدہ کے انتقال پر اُن سے تعزیت کی ۔

آخر میں ذمہ دار اسلامی بھائیوں نے مرحومہ کے لئے فاتحہ خوانی و دعائے مغفرت کی اور ملک شفیق احمد آرائیں کو صبر کی تلقین کرتےہوئے مرحومہ کے لئے زیادہ سے زیادہ ایصالِ ثواب کرنے کا ذہن دیا۔(رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:غیاث الدین عطاری)

پچھلے دنوں صدر الدین شاہ بابا مزار سکھر کے انچارج جاوید احمد صدیقی نے  دعوتِ اسلامی کے عالمی مدنی مرکز فیضانِ مدینہ کراچی کا وزٹ کیا جہاں ذمہ دار اسلامی بھائیوں نے انہیں خوش آمدید کہا۔

اس موقع پر ذمہ دار اسلامی بھائیوں نے جاوید احمد صدیقی کو فیضانِ مدینہ کراچی میں واقع مختلف ڈیپارٹمنٹس کا وزٹ کروایاجن میں اسلامک ریسرچ سینٹر(المدینۃ العلمیۃ) ، آئی ٹی ڈیپارٹمنٹ، روحانی علاج ڈیپارٹمنٹ اور مدنی چینل ڈیپارٹمنٹ شامل تھے۔

وزٹ کے بعد جاوید احمد صدیقی نے مدنی چینل کو تأثرات دیتے ہوئے دعوتِ اسلامی کے دینی و فلاحی کاموں کے بارے میں اپنے جذبات کا اظہار کیا اور دعوتِ اسلامی کی کاوشوں کو سراہا۔(رپورٹ: محمد یحییٰ عطاری شعبہ رابطہ برائےاوقاف کراچی سٹی ، کانٹینٹ:غیاث الدین عطاری)

5 دسمبر 2023ء کو محکمہ اوقاف سندھ کراچی کے ریسرچ اینڈ رجسٹریشن آفیسر غلام حسین الاظہری کی دعوتِ اسلامی کے عالمی مدنی مرکز فیضانِ مدینہ کراچی میں آمد ہوئی جہاں انہوں نے دارالافتاء اہلسنت کے مفتی سجاد عطاری مدنی سے ملاقات کی۔

اس دوران ذمہ دار اسلامی بھائیوں نے غلام حسین الاظہری کو دعوتِ اسلامی کے مختلف شعبہ جات کا وزٹ کروایا اور اُن شعبہ جات کے ذریعے ملک و بیرونِ ملک میں ہونے والے دینی وفلاحی کاموں کے متعلق بریفنگ دی جس پر انہوں نے خوشی کا اظہار کیا۔ (رپورٹ: محمد یحییٰ عطاری شعبہ رابطہ برائےاوقاف کراچی سٹی ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت شعبہ رابطہ برائے اوقاف کے ذمہ دار اسلامی بھائیوں کی ایڈمنسٹریٹر اوقاف کراچی ایاز احمد سومرو اور ریسرچ آفیسر و ڈسٹرکٹ خطیب ویسٹ محمد حسین اظہری سمیت دیگر اسٹاف سے ملاقات ہوئی۔

اسلام آباد G-11 میں قائم مدنی مرکز فیضانِ مدینہ میں شعبہ حج و عمرہ دعوتِ اسلامی کے زیرِا ہتمام عمرہ ٹریننگ پروگرام منعقد ہوا جس میں مختلف شعبہ ہائے زندگی سے تعلق رکھنے والے اسلامی بھائیوں نے شرکت کی۔

اس ٹریننگ پروگرام میں بحریہ ٹاؤن کے ذمہ دار نے عمرہ احکام پر بیان کیا اور ICT ذمہ دار حاجی عبد الوحید عطاری نے شرکا کو حاضریِ مدینہ کے آداب بتائے جبکہ G-11 کے ذمہ دار نے احرام باندھنے کا عملی طریقہ سکھایا۔

اس کے علاوہ پروگرام میں شریک اسلامی بھائیوں کو دعوتِ اسلامی کی ایپلی کیشن ”حج و عمرہ“ کا تعارف کروایا اور اس سے فائدہ حاصل کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: مبشر حسن عطاری شعبہ حج و عمرہ ڈسٹرکٹ اٹک ، کانٹینٹ:غیاث الدین عطاری)

شعبہ کفن دفن دعوت اسلامی کے زیر اہتمام 04-12-2023ءکو کراچی فیضان مدینہ عالمی مدنی مرکز میں غسل میت کا  عملی طریقہ اور فضیلت و اہمیت کے متعلق سیکھنے سیکھانے کا سلسلہ ہوا جس میں مبلغ دعوت اسلامی عزیر عطاری شعبہ کفن دفن ایسٹ ڈسٹرکٹ نے غسل میت کا طریقہ غسل میت دینے کی فضیلت کے متعلق گفتگو کرتے ہوئے مسلم فیونرل اپلیکیشن کا تعارف کروایا اورحاضرین کو ڈاؤن لوڈ کرنے کی ترغیب دلائی ۔(رپورٹ: عزیر عطاری شعبہ کفن دفن،کانٹینٹ:شعیب احمد عطاری)

شعبہ معاونت برائے اسلامی بہنیں کے تحت دینی کام کرنے والی ذمہ دار اسلامی بہنوں کے محارم اسلامی بھائیوں کے لئے 1 اور 2 دسمبر  2023ء کو مدنی مرکز فیضانِ مدینہ فیصل آباد، سوساں روڈ میں سیکھنے سکھانے کے حلقے لگائے گئے۔

تفصیلات کے مطابق حلقوں کے دوران 1 دسمبر 2023ء کو محمد خلیل عطاری (نیو سوسائٹیز ذمہ دار اسلامی بہنیں)اور 2 دسمبر 2023ء کو ڈسٹرکٹ ذمہ دار محمد ناصر عطاری نے محارم اسلامی بھائیوں کی دینی و اخلاقی تربیت کرتے ہوئے انہیں نماز کے فرائض و شرائط یاد کروائے۔