گجرانوالہ، پنجاب کے علاقے قلعہ دیدار سنگھ میں 4 نومبر 2025ء کو ایک اہم مدنی مشورہ ہوا جس میں شعبہ اوراقِ مقدسہ کی آگاہی مہم  کے حوالے سے کلام کیا گیا نیز قلعہ دیدار سنگھ کے گودام میں موجود اوراقِ مقدسہ کے باکسز اور بڑے ڈرمز کا وزٹ کیا گیا۔

معلومات کے مطابق اس مدنی مشورے میں شعبے کے صوبائی ذمہ دار محمد فہیم عطاری نے مختلف اداروں میں جاکر اسلامی بھائیوں سے ملاقاتیں کیں اور اُن کے درمیان سیکھنے سکھانے کے حلقے لگائے جبکہ اسلامی بھائیوں کو مکتبۃالمدینہ کا رسالہ ”اوراقِ مقدسہ کے آداب و مسائل“ تحفے میں پیش کیا گیا تاکہ ذمہ داران اوراقِ مقدسہ کے مسائل کے بارے میں آگاہی حاصل کرسکیں۔

بعد ازاں تحصیل نگران اسلامی بھائیوں کے ہمراہ ایک اور مدنی مشورہ ہوا جس میں شعبہ کے امور اور اوراقِ مقدسہ کے تحفظ کے حوالے سے مشاورت کی گئی جس میں قرآن محل بنانے کا بھی ذکر کیا گیا تاکہ اوراق مقدسہ کا تحفظ مضبوط بنایا جا سکے۔(رپورٹ: حافظ نسیم عطاری سوشل میڈیا شعبہ تحفظ اوراق مقدسہ ، کانٹینٹ:غیاث الدین عطاری)

مظفرگڑھ ڈسٹرکٹ، ڈیرہ غازی خان، پنجاب  میں 22 اکتوبر 2025ء کو دعوتِ اسلامی کے تنظیمی معاملات کے سلسلے میں شعبہ تحفظِ اوراقِ مقدسہ کے تحت اہم میٹنگ منعقد ہوئی جس میں ڈویژن ذمہ دار محمد خالد عطاری اور تمام محافظینِ اوراقِ مقدسہ نے شرکت کی۔ میٹنگ کا مقصد سابقہ نکات پر تبادلہ ٔخیال کرنا تھا ۔

اس موقع پر شعبے کےصوبائی ذمہ دار محمد فہیم عطاری نے ٹیلی تھون 2025ء کی کارکردگی کا جائزہ لیتے ہوئے اچھی کارکردگی کے حامل اسلامی بھائیوں کی حوصلہ افزائی کی اور انہیں تحائف سے نوازا۔

دورانِ میٹنگ باکسز کا بھی جائزہ لیا گیا نیز جن مقامات پر باکسز تبدیل کرنے کی ضرورت تھی وہاں ذمہ دار اسلامی بھائیوں کو ہدایات دی گئی تاکہ نئے اور پرانے باکسز لگائے جاسکے۔

علاوہ ازیں ذمہ دار اسلامی بھائیوں نے شخصیات سے ملاقات کی اور ہاتھوں ہاتھ 80 نئے باکسز وصول کئے تاکہ تنظیمی معاملات کو مزید احسن انداز میں کیا جاسکے جبکہ میٹنگ میں شریک اسلامی بھائیوں نے ٹیلی تھون کی رقم بھی جمع کروائی۔(رپورٹ: حافظ نسیم عطاری سوشل میڈیا شعبہ تحفظ اوراق مقدسہ ، کانٹینٹ:غیاث الدین عطاری)

دعوتِ اسلامی کے زیر اہتمام 06 نومبر 2025ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکینِ شوریٰ ومبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماعات میں مسلمانوں کی اصلاح، کردار کی تعمیر اور بہتر زندگی گزارنے کے طریقے بیان کئے جاتے ہیں۔ اس کے ساتھ ساتھ شرکا کو گناہوں سے توبہ کی ترغیب دی جاتی ہے اور روحانی ترقی کے لیے ذکر و اذکار و دعاؤں کا سلسلہ بھی جاری رہتا ہے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں رکنِ شوریٰ قاری سلیم عطاری، مدنی مرکز فیضانِ مدینہ شاہ رکن عالم کالونی نزد انصاری چوک ملتان سے سنتوں بھرا بیان فرمائیں گے۔

اس کے علاوہ کمفرٹ بینکوئٹ، کچھی کالونی، نزد فاطمہ ریسٹورنٹ، مین میمن گوٹھ روڈ کراچی میں مولانا حاجی عبد الحبیب عطاری، مدنی مرکز فیضان مدینہ ڈسکہ میں مولانا حاجی محمد اسد عطاری مدنی، جامع مسجد محمدی حنفیہ، سوڈیوال لاہور میں رکن شوریٰ حاجی یعفور رضا عطاری اور مدنی مرکز فیضان مدینہ Malabar Road Leicester LE1 2LG میں رکن شوریٰ حاجی خالد عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

30 اکتوبر 2025ء کو ضلع وہاڑی، پنجاب کے شہر میلسی میں عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات   کے ذمہ داران نے DSP مہرسعیداحمدسیال سے اُن کے آفس میں جاکر ملاقات کی۔

ذمہ دا ر اسلامی بھائیوں نے DSP مہرسعیداحمدسیال کو پَرموشن پر مبارکباد پیش کرتے ہوئے انہیں عالمی سطح پر ہونے والی دینی و فلاحی خدما ت کے بارے میں بتایا نیز دعوتِ اسلامی کے مدنی مرکز فیضانِ مدینہ کا وزٹ کرنے اور ہفتہ وار سنتوں بھرے اجتماع میں شرکت کرنے کی دعوت بھی دی۔

بعدازاں ذمہ دار اسلامی بھائیوں کی جانب سے DSP مہرسعیداحمدسیال کو ماہنامہ فیضانِ مدینہ سمیت دیگر کتابیں تحفے میں دی گئیں جس پر انہوں نے خوشی کا اظہار کیا۔

اس موقع پر شعبے کے ڈویژنل ذمہ دار فدا علی عطاری، مرکزی جامعۃالمدینہ فیضانِ مدینہ میلسی کے ناظم مولانا صدام عطاری مدنی اور محمد افتخار عطاری موجود تھے۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

جلالپورپیروالا، ڈسٹرکٹ ملتان:

دعوتِ اسلامی کے تحت ڈسٹرکٹ ملتان کی تحصیل جلالپور پیر والا میں نگرانِ شعبہ FGRF شفاعت علی عطاری اور شعبہ رابطہ برائے شخصیات کے ڈویژنل ذمہ دار فدا علی عطاری نے ذمہ دار اسلامی بھائیوں کے ایک وفد کے ہمراہ ڈپٹی ڈائریکٹر لائیو اسٹاک ڈاکٹر جمشید اختر سے ملاقات کی۔

ملاقات کے دوران ڈاکٹر جمشید اختر نے دعوتِ اسلامی کی فلاحی خدمات بالخصوص حالیہ سیلابی صورتحال کے دوران لائیو اسٹاک کے حوالے سے شعبہ FGRF کی جانب سے کئے گئے اقدامات کو سراہا جن میں جانوروں کا ریسکیو کرنا، وَنڈہ، چارہ اور مویشیوں کی دیکھ بھال شامل تھے۔

جلالپور پیر والا، ڈسٹرکٹ ملتان میں حالیہ سیلاب سے متأثر ہونے والے تقریباً 3 ہزار 500 خاندانوں میں راشن تقسیم کرنے کے لئے  دعوتِ اسلامی کےفلاحی شعبے FGRF کے زیرِ اہتمام 28 اکتوبر 2025ء کو ایک تقریب منعقد ہوئی۔

اس تقریب میں علاقے کے MPA لعل محمد جوئیہ کی نمائندگی کرتے ہوئے اُن کے بھتیجے و داماد ملک ماجد حسین جوئیہ، سیاسی و سماجی شخصیات، نگرانِ شعبہ FGRF شفاعت علی عطاری اور ذمہ دارانِ دعوتِ اسلامی سمیت دیگرعاشقانِ رسول نے کثیر تعداد میں شرکت کی۔

تقریب کے اختتام پر نگرانِ شعبہ FGRF نے ملک و قوم کی سلامتی کے لئے خصوصی دعا کروائی جبکہ وہاں موجود سیلاب سے متأثرہ افراد کے درمیان راشن تقسیم کئے گئے جس پر انہوں نے دعوتِ اسلامی کی اس امداد پر خوشی کا اظہار کیا اور دعوتِ اسلامی سمیت امیرِ اہلِ سنت دامت بَرَکَاتُہمُ العالیہ کا شکریہ ادا کیا۔(رپورٹ: شعبہ FGRF ، کانٹینٹ:غیاث الدین عطاری)

3 نومبر 2025ء کو ساہیوال ڈویژن، پنجاب کے ڈسٹرکٹ اوکاڑہ میں دعوتِ اسلامی کے تحت شعبہ تحفظِ اوراقِ مقدسہ کی آگاہی مہم کے سلسلے میں  ایک سیشن منعقد ہوا جس میں مقامی اسلامی بھائیوں اور ذمہ داران نے شرکت کی۔

اس دوران شعبے کے صوبائی ذمہ دار محمد فہیم عطاری نے بیان کرتے ہوئے شعبے کا تعارف کروایا جبکہ نگرانِ تحصیل محمد شفیق عطاری نے دعوتِ اسلامی کے دیگر شعبہ جات کے بارے میں بھی آگاہی دی اور حاضرین کو ہفتہ وار اجتماع میں شرکت کرنے کی ترغیب دلائی۔

دعوتِ اسلامی کے اسپیشل پرسنز ڈیپارٹمنٹ کے تحت ذمہ دار اسلامی بھائیوں نے گوجرانوالہ ڈسٹرکٹ میں قائم  اسپیشل ایجوکیشن اسکول کا دورہ کیا جہاں انہوں نے اسٹاف سمیت دیگر اسلامی بھائیوں سے ملاقات کی۔

اورنگی ڈسٹرکٹ، مومن آباد ٹاؤن صابری چوک (کراچی) میں واقع جامع مسجد بلال میں شعبہ کفن دفن دعوتِ اسلامی کے تحت لوگوں کو دینی مسائل سکھانے کے لئے ماہِ اکتوبر 2025ء میں 3 دن کا کورس منعقد ہوا جس میں ذمہ داران اور نمازی حضرات نے شرکت کی۔

تفصیلات کے مطابق اس کورس میں ڈسٹرکٹ ذمہ دار مولانا فہیم عطاری مدنی اور ٹاؤن ذمہ دار ندیم عطاری نے مختلف اوقات میں شرکا کی تربیت و رہنمائی کرتے ہوئے غسلِ میت دینے، کفن کاٹنے/ پہنانے، نمازِ جنازہ ادا کرنےاور جنازے کو کندھا دینے سمیت تدفین کے دیگر مسائل کے متعلق شرکا کو بتایا۔اس موقع پر ٹاؤن نگران سیّد آصف عطاری اور یوسی ذمہ دار فرحان عطاری موجود تھے۔(رپورٹ: عزیر عطاری ڈسٹرکٹ ذمہ دار شعبہ کفن دفن، کانٹینٹ:غیاث الدین عطاری) 

گلشن ڈسٹرکٹ، کراچی کی شبر اپارٹمنٹ میں موجود جامع مسجد عبد الرزاق میں شعبہ کفن دفن دعوتِ اسلامی کے تحت لوگوں کی شرعی رہنمائی کے لئے 3 دن (24، 25 اور 26 اکتوبر 2025ء) کا کورس منعقد کیا گیا جس میں ذمہ داران اور نمازی حضرات نے شرکت کی۔

معلومات کے مطابق کورس کے دوران کراچی سٹی ذمہ دار مولانا یاسر عطاری مدنی اور ڈسٹرکٹ ذمہ دار بلال عطاری نے مختلف اوقات میں شرکا کی تربیت و رہنمائی کی نیز انہیں غسلِ میت دینے، کفن کاٹنے/ پہنانے، نمازِ جنازہ ادا کرنے، جنازے کو کندھا دینے اور تدفین کے دیگر مسائل کے متعلق شرکا کو بتایا۔

اس موقع پر جامع مسجد عبدالرزاق کے امام صاحب مولانا کبیر عطاری مدنی، ڈسٹرکٹ ذمہ دار مولانا فہیم عطاری مدنی، عبدالسمیع عطاری، اسماعیل عطاری، حامد عطاری، بلال عطاری اور عزیر عطاری موجود تھے۔(رپورٹ: عزیر عطاری ڈسٹرکٹ ذمہ دار شعبہ کفن دفن، کانٹینٹ:غیاث الدین عطاری)

پچھلے دنوں دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے پنجاب پاکستان کی تحصیل کوٹلی ستیاں میں واقع  گورنمنٹ اسپیشل ایجوکیشن سینٹر کا وزٹ کیا۔

اس موقع پر ذمہ دار اسلامی بھائیوں نے ایجوکیشن سینٹر کے پرنسپل و اسٹاف سے ملاقات کی اور وہاں موجود اسپیشل بچوں کے درمیان سیکھنے سکھانے کا حلقہ لگایا۔

دورانِ حلقہ مبلغِ دعوتِ اسلامی نے بچوں کو اپنے والدین کا ادب و احترام کرنے کی ترغیب دلائی نیز ماہانہ حلقے کے حوالے سے بھی حاضرین کی ذہن سازی کی جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

فوارہ چوک ملتان،  پنجاب میں عاشقانِ رسول کی دینی تحریک دعوتِ اسلامی کے اسپیشل پرسنز ڈیپارٹمنٹ کے تحت اسپیشل پرسنز کے لئے اجتماعی طور پر مدنی مذاکرہ دیکھنے / سننے کا اہتمام کیا گیا۔