لاک ڈاؤن کے بعد نواب شاہ زون میں قائم موروہائی اسکول میں مدرسۃ المدینہ کا دوبارہ آغاز کردیا گیاجس میں نویں اور دسویں کلاس کے اسٹوڈنٹس شرکت کررہے ہیں۔ معلم مدرسۃ المدینہ عبد الغفار عطاری نے اسٹوڈنٹس کو مدنی قاعدہ دوبارہ دہرانے کا ذہن دیا۔

پچھلے دنوں غلام محی الدین شاہ جیلانی (ڈسٹرکٹ ایجوکیشن آفیسر ایلمینٹری سیکنڈری اینڈ ہائر سیکنڈری حیدر آباد) کی زوجہ کا رضائے الہی سے انتقال ہوگیا تھا۔

اسی سلسلے میں دعوت اسلامی کی مجلس شعبہ تعلیم کے ریجن ذمہ دار جنید عطاری نے اراکین ڈویژن کے ہمراہ ان کی عارضی رہائش گاہ پہنچے جہاں انہوں نے غلام محی الدین سےان کی زوجہ کے انتقال پر تعزیت کی۔ ذمہ داران نے مرحومہ کے ایصالِ ثواب کے لئے فاتحہ خوانی کرتے ہوئے دعائے مغفرت کی۔

29 ستمبر 2020ء کو دعوت اسلامی کی مجلس شعبہ تعلیم کراچی ریجن کے ذمہ دار محمد مہشید عطاری نےکراچی میں ماہر نفسیات اور پرائیویٹ تعلیمی ادارے کے مالک جناب مکرم صاحب سے ملاقات کی۔ ریجن ذمہ دار نے انہیں دعوت اسلامی کے شعبہ جات اور موبائل ایپلیکیشن کا تعارف پیش کرتے ہوئے اپنے ادارے میں میلاد اجتماع کروانے کا ذہن دیا۔

29ستمبر 2020ء کو دعوت اسلامی کی مجلس شعبہ تعلیم کے ادارہ سطح کے ذمہ دارنے مجلس مدنی چینل عام کریں کے رکن ریجن جنید عطاری کے ہمراہ F.G گورنمنٹ فیڈرل اسکول حیدر آباد کے پرنسپل سے ملاقات کی۔ ذمہ داران نے انہیں اسکول میں بچوں کو کڈز مدنی چینل دیکھانے اور مدرسۃ المدینہ بالغان میں قرآن پاک پڑھانے کا ذہن دیا۔رکن ریجن نے پرنسپل کو اپریل 2020ء میں اسکول میں ٹیچرز اجتماع کروانے کا ذہن دیا جس پر پرنسپل نے نیت اظہار کیا۔

دعوت اسلامی کی مجلس شعبہ تعلیم کے زیر اہتمام پیر محل کابینہ میں شجر کاری مہم کا سلسلہ رہا۔

اس مہم میں دعوت اسلامی کے ذمہ داران اور A.S.Iپیٹرولنگ آفیسرز نے پیر محل میں پودے لگائے اور دعوت اسلامی کے تحت ہونے والے اس شجر کاری مہم کو سراہا۔

دعوت اسلامی کی مجلس شعبہ تعلیم کے تحت ریجن ذمہ دار نے K.P.Kکے شہر مانسہرہ میں گورنمنٹ ہائی اسکول کے پرنسپل سے ملاقات کی۔ ریجن ذمہ دار نےانہیں دعوت اسلامی کے ہفتہ وار اجتماع اور مدنی مذاکرے میں شرکت کرنے کی دعوت دی ۔

دعوت اسلامی کی مجلس شعبہ تعلیم کے زیر اہتمام مانگا منڈی لاہور میں مدنی حلقہ ہوا جس میں تعلیمی اداروں کے اساتذہ سمیت پولیس اہلکار نے شرکت کی۔ نگران مجلس پروفیشنلز محمد ثوبان عطاری نے سنتوں  بھرا بیان کیا اور شرکا کو ہفتہ وار اجتماع ، مدنی مذاکرہ اور مدنی کاموں میں شرکت کرنے کی دعوت دی۔ 

دعوت اسلامی کی مجلس شعبہ تعلیم کے زیر اہتمام K.P.Kکے علاقے وگی کی مارکیٹ میں مدنی حلقہ ہوا جس میں مارکیٹ کے تاجروں نے شرکت کی۔ نگران کابینہ نے سنتوں بھرا بیان کیا اور مدرسۃ المدینہ بالغان میں قرآن پاک پڑھنے کا ذہن دیا۔

دعوت اسلامی کی مجلس شعبہ تعلیم کے تحت کراچی ایسٹ ملیر کورنگی ذون لانڈھی بابر مارکیٹ کا محمد سلمان عطاری، رکن زون مجلس شعبہ تعلیم نے دورہ کیا جہاں مختلف ادارے کے مالکان سے ملاقات کی ۔

ملاقات میں مبلغ دعوت اسلامی محمد سلمان عطاری نے شعبہ تعلیم سے وابستہ افراد کو نیکی کی دعوت دیتے ہوئے ٹیچرذ اجتماع کروانے، اور مارکیٹ میں مدرسۃ المدینہ بالغان لگانے کی دعوت دی جبکہ دین اسلام کی خدمت کرنے والی عاشقان رسول کی عالمگیر تحریک دعوت اسلامی کے ساتھ مالی تعاون کرنے کا ذہن دیتے ہوئے مدنی عطیات باکس رکھوایا۔

دوسری جانب رابعہ سٹی، گلستان جوہر، کراچی میں مدنی حلقہ ہوا جس میں سید قزافی مدنی نگران کابینہ نے صلح کی اہمیت کے موضوع پر حاضرین کو مدنی پھول دیتے ہوئے اسٹوڈنٹ اجتماع اور مدنی قافلے کی دعوت دی ۔

دعوت اسلامی کی مجلس شعبہ تعلیم  کے تحت 18 ستمبر2020ء بروز جمعۃ المبارک کراچی ایسٹ ملیر کورنگی گلستان جوہرکامران چورنگی میں مدنی حلقہ ہوا جس میں ٹیچر اور اسٹو ڈنٹ نے شرکت کی ۔

مبلغ دعوت اسلامی رفاقت عطاری ڈویژن نگران نے صفر میں نحوست نہیں کے موضوع پر بیان کرتے ہوئے اجتماع اور مدنی قافلہ کی دعوت دی ۔(رپورٹ:سرمد عطاری رکن کابینہ شبعہ تعلیم)

دعوت اسلامی کی مجلس شعبہ تعلیم  کے تحت 16 ستمبر2020ء بروز بدھ کوسٹ گارڈ ، کورنگی کابینہ میں مدنی حلقہ ہوا جس میں میٹرک کے اسٹوڈنٹ نے شرکت کی ۔

مبلغ دعوت اسلامی بلال عطاری ڈویژن مدنی انعامات ذمہ دار نے والدین کے لئے دعا خیر کرنے کے موضوع پر بیان کرتے ہوئے شرکا کو والدین کی دعائیں لینے کے متعلق مدنی پھول دیئے ۔(رپورٹ: ارسلان عطاری ڈویژن ذمہ دار شعبہ تعلیم )

دعوت اسلامی کی مجلس شعبہ تعلیم کے تحت 3 ستمبر 2020ء بروز  جمعرات ٹوبہ ٹیک سنگھ صوبہ  پنجاب جھنگ روڈ ڈویژن دارالالسلام میں مدنی حلقہ ہوا جس میں نگران زون ساہیوال اور رکن زون شعبہ تعلیم سمیت کئی عاشقان رسول نے شرکت کی ۔

مبلغ دعوت اسلامی محمد شہزاد علی رکن زون شعبہ تعلیم نے دعوت اسلامی کا تعارف کرواتے ہوئے کہا کہ دنیا کا درجہ حرارت تیزی سے بڑھ رہا ہے۔ ساری دنیا میں شجر کاری پر زور دیا جا رہا اسی ضمن میں دعوت اسلامی نے سر سبز و شاداب پاکستان مہم کا آغاز کیا ہے۔ اسی سلسلے میں نگران زون اور رکن زون شعبہ تعلیم نے دارالسلام ٹوبہ میں CEO ایجوکشین ٹوبہ مع عملہ، ڈپٹی ڈائریکٹر کالجز، ڈپٹی ہیلتھ وغیرہ شخصیات سے ملاقات کی ۔

ملاقات میں ڈپٹی ڈائریکٹر کالجز سے اس کالجز کا ڈیٹا لیا جس میں پودوں کی ضرورت ہے جبکہ شجر کاری مہم کے لیے 50000پودے لگانے کے لیے محکمہ جنگلات سے مقامات لیے ۔اس موقع پر شجر کاری مہم کے لیے CEO ایجوکیشن نے بھی اپنے اسکولوں کا ڈیٹا دیا۔ ذمہ داران دعوت اسلامی نے کالجز اور اسکولز میں50 ہزار پودے لگانے کا ہدف طے کیا۔