دعوت اسلامی کی مجلس شعبہ تعلیم کے نگران مجلس عبد الوہاب عطاری نے ملتان میں چیف ایگزیکٹیو آفیسر C.E.O ایجوکیشن ڈسٹرکٹ ریاض احمد خان سے ملاقات کی اور انہیں مختلف ڈیپارٹمنٹ کا تعارف پیش کیا۔ نگران مجلس نے انہیں 23 اگست 2020ء کو ہونے والے ٹیچرز اجتماع میں شرکت کرنے کی دعوت دی جس پر انہوں نے اس دعوت کو اپنے متعلقہ تمام اساتذہ تک پہچانے کی نیت کی۔

دعوت اسلامی کی مجلس شعبہ تعلیم کے تحت مدنی مشورہ ہوا جس میں سیالکوٹ زون اور گوجرانوالہ زون کے ذمہ داران نے شرکت کی۔ نگران مجلس عبد الوہاب عطاری نے23 اگست 2020ء کو ہونے والے ٹیچرز اجتماع کی بھر پور تیاری کرنے کے حوالے سے گفتگو کی۔

دعوت اسلامی کی مجلس شعبہ تعلیم کے زیر اہتمام حب کے مدنی مرکز فیضان مدینہ مگسی کالونی میں مدنی مشورہ ہوا جس میں شعبہ تعلیم کے ذمہ داران اور رکن زون  نے شرکت کی۔ شعبہ تعلیم کراچی کے ریجن ذمہ دار محمد مہشد عطاری نے شرکا کو مدنی پھول دیتے ہوئے ارشاد فرمایا کہ اسٹوڈنٹس بھی ہمارے معاشرے کا حصہ ہیں۔ ہمیں اسکولز، کالجز، یونیورسٹیز اور ٹیوشنز میں بھی نیکی کی دعوت کو عام کرنا ہے تاکہ طلبہ دینی علوم نہ ہونے کی وجہ سے بے راہ روی کا شکار نہ ہوں۔ ریجن ذمہ دار نے 12 مدنی کاموں کے حوالے سے شرکا کی تربیت کی۔ (رپورٹ: محمد جہانزیب عطاری، مجلس میڈیا ڈیپارٹمنٹ)

پچھلے دنوں دعوت اسلامی کے شعبہ تعلیم کے تحت مجلس  پروفیشنلز کے نگران محمد ثوبان عطاری نے لاہور، حیدر آباد اور جامشورو میں مختلف شخصیات (چیئرمین جیو لو جیکل UET، HOD، پوسٹ ڈوک پروفیسرز، چیئرمین ہیڈ ٓاف ڈیپارٹمنٹ، آئی ٹی انجینئر)سے ملاقاتیں کیں۔ نگران مجلس نے انہیں دعوت اسلامی کے تحت ہونے والی اجتماعی قربانی میں حصہ لینے اور دعوت اسلامی کے مدنی کاموں میں تعاون کرنے کے لئے قربانی کی کھالیں دینے کی ترغیب دلائی۔ نگران مجلس پروفیشنلز محمد ثوبان عطاری نے شخصیات کو رسالہ” ابلق گھوڑے سوار“ تحفے میں پیش کیا۔

دعوت اسلامی کے زیر اہتمام بلوچستان کے شہر اوتھل میں مورخہ 15جولائی2020ء بروز بدھ فیضان مدینہ صابرین مسجد میں شعبہ تعلیم کا مدنی مشورہ ہوا ۔

اس مدنی مشورے میں مجلس شعبہ تعلیم کے ذمہ داررکن زون محمد جمال عطاری نے 23مدنی پھول ارشاد فرماتےہو ئے کہا کہ مجلس شعبہ تعلیم کا کام گورنمنٹ اسکول ،پرائیویٹ اسکول، کالج ،یونیورسٹیز، اکیڈمی اور ٹیوشن سینٹرز میں نیکی کی دعوت کو عام کرنا ہے۔

اس کے علاوہ انہوں نے یہ بھی ارشاد فرمایا اس وقت لاک ڈاون کی صورت حال میں ہمیں دو کاموں پر زیادہ توجہ دینے کی ضرورت ہے جن میں سب سے پہلے مدنی مذا کرہ اور ہفتہ وار سنتوں بھرا اجتماع ہے ان دو کاموں کو مضبوطی کے ساتھ کرنا ہے۔

واضح رہے !اس موقع پر شعبہ تعلیم کےرکن کابینہ شیخ یاسین عطاری اور شعبہ تعلیم کے ڈویژن سطح کے ذمہ دار شیخ سمیع اللہ عطاری بھی موجود تھے۔

دعوت اسلامی کی مجلس شعبہ تعلیم کے تحت 13جولائی 2020ءبروز پیرکراچی ایسٹ لانڈھی نمبر 6میں  مدنی مشورے کا اہتمام ہوا جس میں اسٹوڈنٹس اور ڈویژن ذمہ داران نے شرکت کی۔

مبلغ دعوت اسلامی سلمان عطاری زون ذمہ دار نے شخصیت کو نکھارنے کے موضوع پر بیان کرتے ہوئے خود کو خوش اخلاق بننے،دوسروں کا درد رکھنے، اور اپنی ذمہ داریوں کو احسن انداز سے پورا کرنے کے متعلق مدنی پھول دیئے۔

دعوت اسلامی کی مجلس شعبہ تعلیم کے تحت 12جولائی 2020ءبروز اتوار کراچی ایسٹ کورنگی انڈسٹریل ایریا میں یوم تعطیل اعتکاف  ہوا جس میں اسٹوڈنٹس اور ٹیچرز نے شرکت کی ۔

مبلغ دعوت اسلامی سلمان عطاری زون ذمہ دار نے قربانی کرنے کے متعلق بیان کرتے ہوئے وضو اور غسل کا شرعی طریقہ سیکھایا جبکہ دعوت اسلامی کے تحت اپنے اپنے اداروں میں مدنی کام کرنے اور مدنی حلقے لگانے کا ذہن دیتے ہوئے ڈویژن ذمہ داران کو مزید یوم تعطیل اعتکاف کروانے کا ذہن دیا۔(رپورٹ:سلمان عطاری ذون ذمہ دار )

دعوت اسلامی کی مجلس شعبہ تعلیم کے زیر اہتمام23جون2020ءبروز منگل تھیلیسیمیا اور دیگر مریضوں کے لیے پاکپتن زون کے ڈویژن بصیر پور میں بلڈ ڈونیشن کیمپ کا اہتمام کیا گیا جس میںاللہ کے کرم سے 63 اسلامی بھائیوں نے تھیلیسیمیا اور دیگر مریضوں کے لئےخون کا عطیہ پیش کیا۔

واضح رہے! کیمپ میں رکن شوری حاجی محمد رفیع عطاری کی بھی حاضری ہوئی آپ نے متعلقہ ذمہ داران کی کاوشوں کو سرہاتے ہوئے خوشی کا اظہار فرمایا۔(رپورٹ: محمد احمد ندیم عطاری ،زون ذمہ دار شعبہ تعلیم پاکپتن زون)

دعوت اسلامی کی مجلس شعبہ تعلیم  کے ذمہ دار اسلامی بھائیوں نے گزشتہ روز وفاق اردو یونیورسٹی کے BBA ڈپارٹمنٹ کے ایچ او ڈی اور اسسٹنٹ پروفیسر ڈاکٹر عبدالعزیز صاحب سے ان کے رہائش گاہ پر ملاقات کی اور انہیں موجودہ حالات لاک ڈاؤن میں خدمات دعوت اسلامی سے آگاہ کرتے ہوئے نیکی کی دعوت پیش کی ۔

دعوت اسلامی کی مجلس شعبہ تعلیم  کے تحت گزشتہ روز لاہور میں بلڈ ڈونیشن کیمپ لگایا گیا جس میں 100 کے قریب عاشقان رسول نے تھلیسیما کے مریضوں کے لیئے خون کا عطیہ دیا جبکہ بلڈ ڈونیشن کیمپ میں دعوت اسلامی کی مرکزی مجلس شوریٰ کے رکن حاجی منصور عطاری بھی موجود تھے ۔

دعوت اسلامی  کی مجلس شعبہ تعلیم کے تحت 6جون2020ء بروز ہفتہ فیصل آباد فیضان مدینہ میں مدنی مشورہ کا سلسلہ ہوا جس میں سندس فاؤنڈیشن اور علی زیب فاؤنڈیشن کے اراکین نے شرکت کی۔ نگران فیصل آباد زون مولانا عرفان مدنی نے دعوت اسلامی کے تحت ہونے والے بلڈ کیمپ کا تنظیمی طریقہ کار سے آگاہی فراہم کی جس پر سندس فاؤنڈیشن اور علی زیب فاؤنڈیشن نے بانئ دعوت اسلامی حضرت علامہ محمد الیاس عطار قادری رضوی ضیائی دامت برکاتہم العالیہ کو خراج تحسین پیش کرتے ہوئے اپنے ادارے کی طرف سے شیلڈ پیش کی ۔

شعبہ تعلیم(دعوتِ اسلامی) کے تحت گزشتہ دنوں ذمہ دار اسلامی بھائی نے مردان میں خیبر پختون خواہS.S.T ٹیچرز ایسوسی ایشن کے پریزیڈنٹ سے ملاقات کی۔ دورانِ ملاقات دعوتِ اسلامی کی مختلف شعبہ جات اور موبائل ایپلی کیشنز کا تعارف پیش کیا اور ‍ ماہانہ ٹیچرز ٹریننگ میں رکن شوریٰ حاجی یعفور رضا عطاری کے بیان کےحوالے سے مشاورت کی۔