دعوت اسلامی کی مجلس  شعبہ تعلیم کے تحت کورنگی کابینہ کے ایک نجی ادارے میں نیکی کی دعوت کا سلسلہ ہوا ۔ شعبہ تعلیم کے زون ذمہ دار نے ادارے کے سربراہ سے ملاقات کی اور انہیں دعوت اسلامی کے شعبہ جات کا تعارف پیش کرتے ہوئے دعوت اسلامی ویلفیئر، مدنی چینل، اور آئی ٹی مجلس میں ہونے والے مدنی کام سے آگاہ کیا۔ زون ذمہ دار نے سربراہ کو ہفتہ وار اجتماع میں شرکت کرنے، ٹیچرز کا مدنی حلقہ لگانے اور میلاد اجتماع کروانے کی ترغیب دلائی۔ (رپورٹ: محمد سلمان عطاری، زون ذمہ دار شعبہ تعلیم)

دعوت اسلامی کی مجلس شعبہ تعلیم کے تحت گورنمنٹ کالج میاں چنوں ساہیوال  میں مدنی حلقے کا سلسلہ ہوا جس میں کالج کے اسٹوڈنٹس نے شرکت کی۔ رکن زون شعبہ تعلیم شہزاد عطاری نے اسٹوڈنٹس کو فیضان قرآن و حدیث کورس کرنے کی دعوت پیش کی اور دعوت اسلامی سوشل میڈیا Appsکا تعارف پیش کیا۔

دعوت اسلامی کے شعبہ تعلیم کے تحت شاہدرہ اور کوٹ عبد المالک میں مدنی حلقے کا سلسلہ ہوا ۔ نگران مجلس پروفیشنلز محمد ثوبان عطاری نے مقامی اسلامی بھائیوں کو نیکی کی دعوت پیش کی اور شعبہ تعلیم سے وابستہ افراد میں  ٹیچرز اجتماع کی دعوت کو عام کرنے کی ترغیب دلاتے ہوئے شرکا کو دعوت نامے بھی تقسیم کئے۔

دعوت اسلامی کے شعبہ تعلیم کے تحت 23 اگست 2020ء کو پاکستان بھر کے تعلیمی اداروں کے اساتذہ کے لئے ٹیچرز اجتماع ہونے جارہا ہے جس میں بذریعہ مدنی چینل نگران شوریٰ مولانا محمد عمران عطاری مَدَّظِلُّہُ الْعَالِی خصوصی بیان فرمائیں گے۔

اسی سلسلے میں پاکستان بھرکے کابینات میں مقامات طے کئے جارہے جس میں سے چند کابینہ کی تفصیلات درج ذیل ہے:

بن قاسم کابینہ ۔ 16مقامات، ٹھٹھہ کابینہ۔ 2مقامات، ساکرو کابینہ۔ 2مقامات، ملیر میمن گوٹھ کابینہ۔ 6مقامات، نوری آباد کابینہ۔ 2مقامات

تھانہ بولا خان کابینہ۔ 3مقامات

دعوت اسلامی کے تحت داتا صاحب کابینہ میں مدنی مشورہ ہوا جس میں نگران زون حاجی عبد الرشیدعطاری، نگران کابینہ حاجی افضل عطاری اور داتا صاحب کابینہ کے ذمہ داران نے شرکت کی۔ نگران  مجلس پروفیشنلز محمد ثوبان عطاری نے 23 اگست 2020ء کو ہونے والے ٹیچر اجتماع کے حوالے سے گفتگو کی اور شرکا کو دعوت نامے بھی تقسیم کئے۔

دعوت اسلامی کے تحت بصیرپور کابینہ میں مدنی مشورہ ہوا جس میں بصیر پور کابینہ کے ذمہ داران نے شرکت کی۔ نگران زون اوکاڑہ حاجی منیر احمد عطاری نے ہر علاقے میں ٹیچرز اجتماع میں شرکت کرنے کی ترغیب دلائی اور اساتذہ کا ڈیٹاکلیکٹ کرنے کا ذہن دیا۔

واضح رہے کہ بصیر پور کابینہ میں کثیرمقامات پر ٹیچرز اجتماع کا انعقاد کیا جائیگا۔

شعبہ تعلیم کے ذمہ داران  نے کراچی ایکسپورٹ پروسیسنگ زون میں پرائیویٹ ٹیچرز سے ملاقاتیں کیں۔ ذمہ داران نے انہیں 23 اگست 2020ء کو ہونے والے ٹیچرز اجتماع میں شرکت کرنے کی دعوت دی۔

شعبہ تعلیم کے ذمہ داران نے کراچی میں ایک کوچنگ سینٹر کا وزٹ کیا جہاں اسٹوڈنٹس کے ساتھ مدنی چینل پرہفتہ وار اجتماع دیکھنے کا سلسلہ ہوااور ہاتھوں ہاتھ 23 اگست 2020ء کے حوالے سے لیبر اسکوائر ڈویژن میں اجتماع کے مقامات بھی طے ہوئے۔ (رپورٹ: محمد شاکر عطاری، بن قاسم زون)

دعوت اسلامی کے شعبہ تعلیم فیصل آباد ریجن کے ذمہ دار سید محمد عاصم سعید عطاری کی اوکاڑہ زون میں آمد ہوئی جہاں انہوں نے ذمہ داران کو 23 اگست 2020ء کو ہونے والے ٹیچرز اجتماع کے حوالے سے مدنی پھول ارشاد فرمائے۔

بعد ازاں ریجن ذمہ دار شعبہ تعلیم نے نگران زون اوکاڑہ حاجی منیر احمد عطاری سے ٹیچرزاجتماع کے انتظامات کے حوالے سے مدنی مشورہ فرمایا۔ نگران زون نے علاقہ سطح پر کثیر تعداد میں ٹیچرز اجتماع کروانے کی نیت کی۔

واضح رہے کہ یونیورسٹی اور کالج کی شخصیات کے لئے مدنی مرکزفیضان مدینہ اوکاڑہ میں اہتمام کیا جائیگا۔

دعوت اسلامی کے شعبہ تعلیم کے ذمہ داران نے مختلف گورنمنٹ کالجز کا وزٹ کیا جہاں انہوں نے ٹیچرز کو نیکی کی دعوت دی اور 23 اگست 2020ء کو ہونے والے ٹیچرز اجتماع میں شرکت کرنے کی ترغیب دلائی۔

دعوت اسلامی کے تحت  حیدر آباد ریجن کے ذمہ دار محمد جنید عطاری نے شعبہ تعلیم کے زون ذمہ دار محمد فہیم عطاری کے ہمراہ ٹیچرز یونین سانگھڑڈویژن یونین گسٹا کے عہدیداران اور ٹیچرز یونین پ ٹ الف کے چیئرمین اور صدر سے ملاقاتیں کیں۔ ذمہ داران نے انہیں 23 اگست 2020ء کو ہونے والے ٹیچرز اجتماع میں شرکت کرنے کی دعوت دی جس پر یونین نے دیگر اساتذہ کے ساتھ شرکت کرنے کی یقین دہانی کروائی۔ (رپورٹ: محمد جنید عطاری، ریجن ذمہ دار شعبہ تعلیم حیدر آباد)

دعوت اسلامی کی مجلس شعبہ تعلیم کے تحت ٹنڈو الہ یار میں مدنی مشورہ ہوا جس میں ٹیچرز یونین کے ذمہ داران نےشرکت کی۔ نگران مجلس عبد الوہاب عطاری نے 23 اگست 2020ء کو ہونے والے ٹیچرز اجتماع کے بارے میں بات چیت کی۔

واضح رہے کہ ٹنڈو الہ یار میں 26 مقامات پر اس اجتماع پاک کا انعقاد کیا جائیگا۔

دعوت اسلامی کی مجلس شعبہ تعلیم کے تحت میر پور خاص میں  مدنی مشورہ ہوا جس میں تھر زون اور اراکین کابینہ نے شرکت کی۔ نگران زون زین عطاری نے 23 اگست 2020ء کو ہونے والے ٹیچرز اجتماع کی تیاریوں کے حوالے سے گفتگو کی اور تھر زون میں اجتماعات کے مقامات طے کئےگئے۔

واضح رہے کہ تھر زون میں 156 مقامات پر اس اجتماع پاک کا انعقاد کیا جائیگا۔