پچھلے دنوں دعوت اسلامی کے زیرِا ہتمام ہفتہ وار سنتوں بھرا اجتماع مدنی مرکز فیضان مدینہ میرپورخاص میں منعقد کیا گیا جس میں مبلغ ِدعوت اسلامی و ڈویژن نگران حافظ زین عطاری نے سنتوں بھرا بیان کرتے ہوئے وہاں موجود عاشقانِ رسول کی دینی و اخلاقی اعتبار سے تربیت کی اور انہیں دعوتِ اسلامی کے دینی ماحول سے ہر دم وابستہ رہنے کا ذہن دیا۔

بعداجتماع نیو فیضان مدینہ غوث اعظم سٹی کی تعمیرات کے حوالے سے مدنی مشورہ ہوا جس میں ڈویژن نگران حافظ زین عطاری نے ذمہ داران سے مختلف موضوعات پر گفتگو کرتے ہوئے تعمیراتی کاموں کا جائزہ لیا جس پر ذمہ داران نے انہیں اس حوالے سے آگاہی دی۔بعدازاں ڈویژن ذمہ دار نے جلد از جلد تعمیرات کو مکمل کرنے کا ذہن دیا جس پر ذمہ دار ان نے اچھی اچھی نیتیں کیں۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت 14 اکتوبر 2022ء بروز جمعہ 11ہویں شریف کے سنتوں بھرے اجتماع کے حوالے سے مدنی مشورہ ہوا جس میں لانڈھی ٹاؤن کے3  یوسی (8،9،10) کے ذمہ دار اسلامی بھائیوں نے شرکت کی۔

نگران ٹاؤن حاجی سلمان عطاری نے ذمہ داران سے دعوتِ اسلامی کے 12 دینی کاموں کے بارے میں مختلف موضوعات پر کلام کیا نیز رواں سال ہونے والے 11ہویں شریف کے سنتوں بھرے اجتماع کے متعلق اہم نکات پر گفتگو کی۔

بعدازاں ذمہ داران کی مشاورت سے طے پایا کہ سال 2022ء میں 11ہویں شریف کا اجتماع یوسی نمبر 9 کورنگی ساڑھے پانچ اکبری عیدگاہ گراؤنڈ میں منعقد کیا جائے جس کے نگران حاجی عادل عطاری مقرر کئے گئے۔مقامی عاشقانِ رسول سے اس اجتماعِ پاک میں شرکت کرنے کی اپیل ہے۔(کانٹینٹ:غیاث الدین عطاری)

دعوتِ اسلامی کے زیرِ اہتمام 13 اکتوبر 2022ء بروز جمعرات تلیری بائی پاس ملتان روڈ مظفر گڑھ میں عظیم الشان اجتماع کا انعقاد کیا گیا جس میں مظفر گڑھ، اطراف علاقوں، دیگر شہروں سے مدرسۃالمدینہ و جامعۃالمدینہ بوائزکے اساتذۂ کرام، طلبۂ کرام، ذمہ داران اور سیاسی و سماجی شخصیات سمیت قرب و جوار کے کثیر عاشقانِ رسول نے شرکت کی۔

مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”نور مصطفی ﷺ کی برکتیں“ کے موضوع پر سنتوں بھرا بیان کرتے ہوئے حاضرین کو پیارے آقا و مولا ﷺ کے معجزات کے بارے میں بتایا۔

علاوہ ازیں نگرانِ پاکستان مشاورت نے شرکائے اجتماع کو اپنی زندگی دینِ اسلام کے مطابق گزارنے، نمازوں کی پابندی کرنے، رمضان شریف کے روزے رکھنے اور دیگر نیکی کے کاموں میں زیادہ سے زیادہ حصہ لینے کے حوالے سے مدنی پھول دیئے۔

بعدِ بیان ذکر اللہ بھی کیا گیا جبکہ نگرانِ پاکستان مشاورت حاجی محمد شاہد عطاری نے رقت انگیز دعا کروائی نیز صلوٰۃ و سلام بھی پڑھا گیا۔اس موقع پر مرکزی مجلسِ شوریٰ کے رکن حاجی محمد اسلم عطاری بھی موجود تھے۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

13 اکتوبر 2022ء بروز جمعرات پنجاب پاکستان کے شہر گجرات میں قائم مدنی مرکز فیضانِ مدینہ شاہجہانگیر روڈ گجرات میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا۔

اس اجتماعِ پاک میں مرکزی مجلسِ شوریٰ کے رکن حاجی محمد عقیل عطاری مدنی نے سنتوں بھرا بیان کرتے ہوئے شرکا کی دینی و اخلاقی اعتبار سے تربیت کی اور انہیں دعوتِ اسلامی کے دینی ماحول کے ساتھ منسلک رہنے کی ترغیب دلائی۔

بعدازاں رکنِ شوریٰ نے شرکائے اجتماع کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

پچھلے دنوں کراچی سندھ کے ایک سرکاری ادارے میں عید میلادالنبی ﷺ کے حوالے سے سنتوں بھرے اجتماع کا انعقاد کیا جس میں دعوتِ اسلامی کی مرکزی مجلسِ شوریٰ کے رکن حاجی محمد امین عطاری اور ذمہ داران سمیت سرکاری نجی افسران نے شرکت کی۔

رکنِ شوریٰ حاجی محمد امین عطاری نے عید میلادالنبی ﷺ کی مناسبت سے سنتوں بھرا بیان کیا اور وہاں موجود عاشقانِ رسول کی دینی و اخلاقی اعتبار سے تربیت کی نیز انہیں مدنی پھولوں سے نوازا۔

علاوہ ازیں رکنِ شوریٰ نے عاشقانِ رسول کو نیکی کے کاموں میں حصہ لیتے رہنے اور دعوتِ اسلامی کے سنتوں بھرے اجتماعات میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

12 ربیع الاول مسلمانوں کے لئے بڑی اہمیت کا دن ہے، اس دن ہمارے پیارے آقا ﷺ کی ولادتِ باسعادت ہوئی جسے مسلمان بڑے جوش و جذبے کے ساتھ مناتے، اجتماع میلاد کرواتے اور جلوس میلاد بھی نکالتے ہیں۔

اسی جوش و جذبے کے تحت پچھلے دنوں پاکستان کے شہر فیصل آباد میں سرکار ﷺ کی آمد کی خوشی میں ضلع کونسل فیصل آباد سے جلوس میلادکی ابتداء ہوئی جس میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری اور رکنِ شوریٰ حاجی محمد جنید عطاری مدنی کے ہمراہ کثیر تعداد میں ذمہ داران و عاشقانِ رسول نے شرکت کی۔

اس جلوس کا اختتام دعوتِ اسلامی کے مدنی مرکز فیضانِ مدینہ فیصل آبا دمیں ہوا جبکہ بعد نمازِ عصر نگرانِ پاکستان مشاورت حاجی محمد شاہد عطاری نے عاشقانِ رسول کے درمیان سنتوں بھرا بیان کیا اور اختتامی دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوتِ اسلامی کے تحت  12 اکتوبر 2022ء بروز بدھ بعد نماز عشا شاہی بازار چھوٹی گیٹی حیدرآباد محمد رمضان چشتی المعروف ملنگ بابا رحمۃ اللہ علیہ کے عرس کے موقع پر محفلِ نعت کا سلسلہ رکھا گیا جس میں کثیر عاشقان ِاولیاء نے شرکت کی۔

عرس کے موقع پر کراچی سے آئے ہوئے سید محمد ثاقب عطاری مدنی نے سنتوں بھرا بیان کیا جس میں انہوں نے اولیاء اللہ کی تعلیمات پر عمل کرتے ہوئے عرس منانے کا ذہن دیا اور دعوت اسلامی کے ہفتہ وار سنتوں بھرے اجتماع میں باقاعدگی سے شرکت کی ترغیب دلائی۔اس کے علاوہ کینیا سے آئے ہوئے استاد صاحب نے دعا کروائی۔

یہ اجتماع ٹاؤن سطح پر رکھا گیا جس میں میٹرو پولیٹن کے نگران سہیل عطاری اور دیگر ذمہ داران نے بھی شرکت کی۔(رپورٹ: محمد شان عطاری، کانٹینٹ:رمضان رضا عطاری) 

پچھلے دنوں ویٹرنری ریسرچ انسٹیٹیوٹ میں  عید میلاد النبی ﷺ کے سلسلے میں محفل میلاد کا سلسلہ ہوا جس میں انسٹیٹیوٹ کے طلبہ و عملے سمیت دیگر ذمہ دار اسلامی بھائیوں نے شرکت کی۔

محفل میلاد میں خصوصیت کے ساتھ دعوت اسلامی کی مرکزی مجلس شوریٰ کے رکن حاجی یعفور رضا عطاری کی شرکت ہوئی ۔ رکن شوریٰ نے ’’آخری نبی ﷺ کی سیرت ‘‘ کے موضوع پر سنتوں بھرا بیان کیا اور وہاں موجود حاضرین کو نیکی کی دعوت پیش کرتے ہوئے انہیں دعوت اسلامی کے دینی کاموں میں حصہ لینے اور مدنی مرکز فیضان مدینہ آنے کی دعوت دی جس پر انہوں نے اپنی نیک خواہشات کا اظہار کیا اور آخر میں رکن شوریٰ نے شرکا سے ملاقات کی۔(کانٹینٹ:رمضان رضا عطاری)

گزشتہ روز  صوبہ پنجاب سے تشریف لائے ہوئے عالم دین مولانا محبوب سعیدی صاحب کی فیضان مدینہ میرپورخاص آمد ہوئی اس موقع پر میرپورخاص ڈویژن نگران حافظ زین عطاری اور دیگر ذمہ داران نے ان کا استقبال کیا۔

دوران گفتگو ذمہ داران نے محبوب سعیدی صاحب کو فیضان مدینہ میں قائم شعبہ جات کا وزٹ کروایا اور انہیں ملک و بیرون ملک ہونے والے دینی کاموں کے بارے میں معلومات دیں جس پر محبوب سعیدی صاحب نے دعوت اسلامی کے دینی کاموں کو سراہتے ہوئے اظہار مسرت کیا اور ذمہ داران کی حوصلہ افزائی فرمائی ۔ آخر میں ڈویژن نگران نے آنے والے مہمانوں میں تحائف تقسیم کئے۔ (کانٹینٹ:رمضان رضا عطاری)

دعوتِ اسلامی کے شعبہ جا ت کے ذریعے پاکستان کے شہر میر پور خاص میں ہونے والے دینی کاموں کا جائزہ لینے اور اُن میں مزید بہتری لانے کے لئے ایک میٹنگ منعقد ہوئی۔

تفصیلات کے مطابق اس میٹنگ میں نگرانِ میر پور خاص ڈسٹرکٹ نے ڈونیشن سیل ڈیپارٹمنٹ،ڈونیشن بکس ڈیپارٹمنٹ اور فنانس ڈیپارٹمنٹ کے ڈویژن ذمہ داران سے اہم امور پر گفتگو کی۔

نگرانِ میر پور خاص نے دعوتِ اسلامی کے شعبہ جات کے ذریعے ڈسٹرکٹ میں ہونے والے دینی کاموں کے حوالے سے آمدن و اخراجات کا جائزہ لیا اور انہیں مزید بہتری کے لئے اہداف دیئے جس پر ذمہ دار اسلامی بھائیوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت پچھلے دنوں پاکستان کے ڈسٹرکٹ چکوال میں اجتماعِ میلادالنبی ﷺ کا انعقاد کیا گیا جس میں مقامی عاشقانِ رسول سمیت قرب و جوار سے آنے والے کثیر اسلامی بھائیوں نے شرکت کی۔

معمول کے مطابق اجتماع کا آغاز تلاوتِ کلامِ پاک سے کیا گیا جبکہ نعت خواں اسلامی بھائی نے سرکار ﷺ کی بارگاہ میں نعت شریف کا نذرانہ پیش کیا۔

بعدازاں ڈسٹرکٹ نگران مولانا اسرار احمد عطاری مدنی نے عید میلادالنبی ﷺ کی مناسبت سے سنتوں بھرا بیان کیا اور وہاں موجود عاشقانِ رسول کو میلاد ِ مصطفیٰ ﷺ کے واقعات بتائے۔

12 ربیع الاول کو اللہ عزوجل کے پیارے نبی، محمد عربی ﷺ کی ولادتِ باسعادت ہوئی جس کی خوشی میں دنیا بھر کے عاشقانِ رسول ہر سال جوش و خروش کے ساتھ اس دن کو مناتے ہیں۔

اسی سلسلے میں پنجاب پاکستان کے شہر فیصل آباد دھوبی گھاٹ میں دعوتِ اسلامی کے زیرِ اہتمام عظیم الشان اجتماعِ میلاد ہوا جس میں جامعۃالمدینہ و مدرسۃالمدینہ بوائز کے طلبۂ کرام، سر پرستوں اور علمائےکرام سمیت دیگر عوامِ اہلسنت میں سے کثیر عاشقان رسول نے شرکت کی۔

اجتماعِ میلاد کا آغاز تلاوتِ قراٰنِ پاک سے ہوا جبکہ اسلامی بھائیوں نے پیارے آقا ﷺکی شان میں لکھی گئیں نعتیں پڑھیں۔

بعدازاں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا جس میں انہوں نے پیارے آقا ﷺ کی شان و عظمت کے بارے میں مدنی پھول دیتے ہوئے دعوتِ اسلامی کے دینی ماحول کے ساتھ منسلک رہتے ہوئے اسلامی طریقہ ٔ کار کے مطابق زندگی گزارنے کے بارے میں شرکائے اجتماع کی ذہن سازی کی۔

مزید اجتماع میں شریک عاشقان رسول نے سحری کی نیز صلوٰۃ و سلام پڑھا اور نگرانِ پاکستان مشاورت حاجی محمد شاہد عطاری نے اختتامی دعا کر وائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)