پاکستان کے شہر فیصل آبا دمیں اجتماعِ میلاد و جلوسِ میلاد کے سلسلے میں مدنی مشورے کا انعقاد کیا گیا جس میں فیصل آباد سٹی کے یوسی نگران تا نگران ِڈویژن مشاورت ،مدرسۃالمدینہ و جامعۃالمدینہ کے مدرسین، ناظمین اور ائمہ مساجد سمیت دیگر ذمہ داران نے شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کی اور انہیں اجتماعِ میلاد و جلوسِ میلاد بھر پور انداز میں منانے نیز زیادہ سے زیادہ عاشقانِ رسول کو ان میں شرکت کروانے کا ذہن دیا جس پر انہوں نے اچھی اچھی نیتیں کیں۔

اس کے علاوہ نگرانِ پاکستان مشاورت نے فیصل آبا دشہر کو جھنڈوں اور لائٹنگ سے سجانے کے حوالے سےذمہ داران کی ذہن سازی کی۔

واضح رہے فیصل آباد میں دعوتِ اسلامی کے تحت ہونے والا اجتماعِ میلاد دھوبی گھاٹ گراؤنڈ میں منعقد کیا جائے گا جس میں نگرانِ پاکستان مشاورت حاجی محمد شاہد عطاری سنتوں بھرا بیان فرمائیں گےجبکہ 12 ربیع الاول کو عاشقانِ رسول کے ہمراہ ضلع کو نسل تا فیضان مدینہ جلوسِ میلاد میں شرکت بھی کریں گے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت   ہر سال عید میلاد النبی ﷺ پر جہاں 12 ربیع الاول پر جلوس میلاد نکلتا ہے۔اس کے ساتھ ساتھ ابتدائی 12 دنوں میں مختلف افراد اور شعبے سے تعلق رکھنے والے افراد میں بھی جلوس میلاد کا سلسلہ ہوتا ہے۔

٭اس سلسلے میں 2 اکتوبر 2022ء بروز اتوار’’ کیماڑی بندر گاہ کراچی‘‘ سے دوپہر 2 بجے لانچوں کے ذریعے جلوس میلاد نکلے گا۔ اس جلوس میں خصوصیت کے ساتھ ماہی گیروں کے ساتھ مبلغ دعوت اسلامی و رکن شوریٰ مولانا حاجی عبد الحبیب عطاری کی شرکت ہوگی۔

٭جبکہ 2 اکتوبر 2022ء بروز اتوار’’تیل والی چٹی ، ابراہیم حیدری کراچی‘‘ سے دوپہر 2 بجے لانچوں کے ذریعے جلوس میلاد نکلے گا جس میں خصوصیت کے ساتھ رکن شوریٰ حاجی فاروق جیلانی کی آمد ہوگی۔

٭اسی طرح 3 اکتوبر 2022ء بروز پیر صبح 10 بجے دعوت اسلامی کے شعبہ ماہی گیر کے تحت ’’پاڑوں بہار جیٹی سندھ‘‘ میں لانچوں کے ذریعے جلوس میلاد نکلے گااس جلوس میں خصوصیت کے ساتھ مرحبا یا مصطفی ﷺ کے نعروں کے ساتھ رکن شوریٰ قاری محمد ایاز عطاری قیادت فرمائے گئے ۔

٭اس کے علاوہ 5 اکتوبر 2022ء بروز بدھ صبح 11 بجے ’’امین جٹ جیٹی، ریڑھی گوٹھ ،کراچی‘‘ سے لانچوں کے ذریعے جلوس میلاد نکلے گاجس میں مبلغ دعوت اسلامی ملیر ڈسٹرکٹ کے نگران سید فضیل باپوجلوس میلاد کی رہنمائی کریں گے۔

ان مقامات میں مذکورہ تاریخوں میں بتائے گئے وقت پر قریبی عاشقان رسول شرکت فرما کر اپنے عشق رسول میں اضافہ کریں اور دنیا و آخرت کی برکتوں کو حاصل فرمائے۔ 

عاشقانِ رسول کی دینی تحریک دعوتِ اسلامی کے زیرِا ہتمام پاکستان کے مختلف شہروں میں سیکڑوں مقامات پر ہفتہ وار سنتوں بھرے اجتماعات کا انعقاد کیا جاتا ہے جس میں کثیر اسلامی بھائی شرکت کرتے ہیں۔

اسی سلسلے میں 29 ستمبر 2022ء بروز جمعرات پتوکی پنجاب کے اطراف ہلہ نامی گاؤں میں دعوتِ اسلامی کےتحت ہفتہ وار سنتوں بھرے اجتماع کا انعقاد کیا گیا جس میں قرب و جوار سے کثیر اسلامی بھائیوں نے شرکت کی جن کی تعداد ہزاروں میں تھی۔

اس موقع پر مرکزی مجلسِ شوریٰ کے رکن حاجی یعفور رضا عطاری نے ”محفلِ میلاد کی برکتیں“ کے موضوع پر سنتوں بھرا بیان کیا اور وہاں موجود عاشقانِ رسول کو ماہِ مبارک میں منعقد ہونے محافل میں شرکت کرنے کا ذہن دیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

پچھلے دنوں     صوبائی نگران و رکن شوری قاری محمد ایاز عطاری نے میر پورخاص ڈویژن کے ذمہ داران کا مدنی مشورہ فرمایا جس میں ڈویژن نگران حافظ زین عطاری، تینوں ڈسٹرکٹ کے نگران اور ڈویژن کے شعبہ جات کے ذمہ داران کی شرکت ہوئی۔

بعد مدنی مشورہ رکن شوری نے شعبہ آئمہ مساجد کے تحت ہونے والے اجتماع میں میرپورخاص کے امام صاحبان کے درمیان سنتوں بھرا بیان فرمایا ۔ علاوہ ازیں مدنی مرکز فیضان مدینہ میں ماہ نور کے حوالے سے پرچم کشائی فرمائی اور آخر میں شعبہ FGRF کے ڈویژن ذمہ دار کے گھر جا کر ان کی عیادت بھی فرمائی۔ (کانٹینٹ:رمضان رضا عطاری)

امت کی خیر خواہی کا جذبہ رکھتے ہوئے 26 ستمبر 2022ء بروز پیر گوٹھ حضور بخش خاصخیلی میں دعوتِ اسلامی کے تحت فری طبی کیمپ کا انعقاد کیا گیا۔

تفصیلات کے مطابق اس طبی کیمپ میں نواب شاہ سندھ کے ہومیوپیتھک ڈاکٹروں اور حیدرآباد سندھ کے حکیموں نے حالیہ سیلاب سے متأثر عاشقانِ رسول کا چیک اپ کرتے ہوئے انہیں فری ادویات بھی دیں۔

اس کےعلاوہ ذمہ دار اسلامی بھائیوں نے ڈاکٹروں کو دعوتِ اسلامی کے مختلف شعبہ جات کا وزٹ کروایا جس پر انہوں نے دعوتِ اسلامی کی دینی و فلاحی خدمات کو سراہا۔

بعدازاں ڈاکٹروں نے ماہانہ فری میڈیکل کیمپ لگانے، ہفتہ وار سنتوں بھرے اجتماع و ہفتہ وار مدنی مذاکرے میں شرکت کرنے اور مدنی قافلوں میں سفرکرنے کی نیتیں کیں۔

بعدازاں صوبائی ذمہ دار مولانا محسن عطاری مدنی نے ڈاکٹروں کے درمیان سیکھنے سکھانے کا حلقہ لگایا۔(رپورٹ:رابطہ برائےہومیوپیتھک ڈیپارٹمنٹ، کانٹینٹ: غیاث الدین عطاری )

پاکستان بھر میں سیلابی صورتحال کے بعد مختلف بیماریاں جنم لے رہی ہیں جن میں ڈینگی وائرس سرفہرست ہے۔ روزانہ سینکڑوں افراد  اس بیماری کا شکار ہورہے ہیں جبکہ کئی افراد اس وائرس کا شکار ہوکر انتقال بھی کرگئےہیں۔ ڈینگی وائرس پر قابو پانے اور اس سے چھٹکارہ حاصل کرنے کے لئے حکومتی سطح پربھی مختلف اقدامات کئے جارہے ہیں۔

اس کے علاوہ دعوت اسلامی کا شعبہ فیضان گلوبل ریلیف فاؤنڈیشن FGRFبھی لوگوں کو اس وائرس سے بچانے کے لئے اپنی خدمات پیش کررہا ہے۔ شعبہ FGRF نے اس حوالے سے اپنی خدمات کو بڑھانے کے لئے کمشنر کراچی کے ساتھ باقاعدہ ایک معاہدہ بھی طےکرلیا ہے۔ معاہدے میں لوگوں کو ڈینگی وائرس اور دیگر بیماریوں کے بارے میں آگاہی Awarenessدینا شامل ہے جبکہ اس وائرس سے عوام الناس کی حفاظت کو بھی یقینی بنایا جائے گا۔

25 ستمبر 2022ء کو دعوت اسلامی کے شعبہ فیضان گلوبل ریلیف فاؤنڈیشن FGRFکے زیر اہتمام راشن تقسیم کرنے کے سلسلے میں جھڈو شہر سندھ میں ایک تقریب کا انعقاد کیا گیا جس میں جھڈو نواکوٹ، ٹنڈو جان محمد اور ملکانی کے دیہاتوں سے ایک ہزار سیلاب متاثرین نے شرکت کی جن کو عزت و احترام کے ساتھ کرسیوں پر بیٹھایا گیا۔

اس پروگرام کی نگرانی ماہر امور تجارت مفتی علی اصغر عطاری مُدَّ ظِلُّہُ العالی کررہے تھے۔ تقریب میں مبلغ دعوت قاری میر حسن عطاری نے سنتوں بھرا بیان کیا اور انہیں ہر حال میں اسلامی تعلیمات پر عمل کرنے کی ترغیب دلائی۔

مفتی علی اصغر عطاری مُدَّ ظِلُّہُ العالی نے اس موقع پر بیان کرتے ہوئے کہا کہ اس تقریب کی کامیابی کا سہرہ دعوت اسلامی کے مقامی ذمہ داران کے سر پر ہے جنہوں نے کئی ہفتے محنت کی اور مختلف علاقوں میں مستحقین تلاش کرکے انہیں ٹوکن دیا تاکہ ان تک بآسانی امدادی سامان پہنچ سکے۔

اس تقریب میں متاثرین کی عزت نفس کا خیال رکھتے ہوئے نہایت منظم انداز میں ایک ہزار افراد کو راشن، مچھر دانی اور نقد رقم پیش کی گئی۔اس کے علاوہ جھڈو شہر میں سیلاب متاثرین کی عارضی پناہ کے لئے FGRF کی طرف سے خیمہ بستی بھی قائم ہے جبکہ اس مقام پر ایک سے زائد بار میڈیکل کیمپ بھی لگائے جاچکے ہیں۔

اس پروگرام میں بڑی تعداد میں مقامی صحافی حضرات اور عمائدین شہر بھی شریک تھے جنہوں نے اس کاوش کو خوب سراہا اور نیک تمناؤں کا اظہار کیا۔

پاکستان کے شہر لاہور میں دعوتِ اسلامی کے تحت لوگوں کے درمیان نیکی کی دعوت عام کرنے اور انہیں راہِ خدا عزوجل کا مسافر بنانے والے ذمہ داران کی تربیت کے لئے مدنی مرکز فیضانِ مدینہ جوہر ٹاؤن لاہور میں مدنی مشورے کا انعقاد ہوا جس میں ٹاؤن نگران اسلامی بھائیوں کی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے اسلامی بھائیوں کی تربیت کی اور انہیں 12 دینی کاموں کو بڑھانے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

عاشقانِ رسو ل کی دینی تحریک دعوت اسلامی دنیا بھر میں مختلف شعبہ ہائے زندگی سے تعلق رکھنے والے افراد کی تربیت کرتی رہتی ہے۔اسی سلسلے میں پچھلے دنوں مدنی مرکز فیضانِ مدینہ جوہر ٹاؤن لاہور میں سنتوں بھرا اجتماع منعقد کیا گیا جس میں شخصیات سمیت کثیر اسلامی بھائیوں نے شرکت کی۔

لوگوں کو علمِ دین سیکھانے اور اُن کی دینی و اخلاقی تربیت کرنے کے لئے ہر ہفتے بعد نمازِ عشاء عالمی مدنی مرکز فیضانِ مدینہ کراچی میں مدنی مذاکرے کا انعقاد کیا جاتا ہے جس میں کراچی کے عاشقان ِ رسول بالمشافہ جبکہ دیگر شہروں اور بیرونِ ملک سے کثیر اسلامی بھائی بذریعہ مدنی چینل شریک ہوتے ہیں۔

24 ستمبر 2022ء بروز ہفتہ عالمی مدنی مرکز فیضانِ مدینہ کراچی میں مدنی مذاکرہ کا انعقاد کیا گیا جس میں امیرِ اہلِ سنت دامت بَرَکَاتُہمُ العالیہ نے عاشقانِ رسول کی تربیت و رہنمائی کرتے ہوئے انہیں خوش گوار مدنی پھولوں سے نوازا۔

رکنِ مرکزی مجلسِ شوری حاجی یعفور رضا عطاری نے اقبال ٹاؤن کے علاقے سبزہ زار میں عاشقان رسول کےہمراہ بذریعہ مدنی چینل مدنی مذاکرے میں شرکت کی اور امیرِ اہلِ سنت دامت بَرَکَاتُہمُ العالیہ کے علم و حکمت سے بھرے فرامین سنے۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

دعوتِ  اسلامی کے زیر اہتمام پچھلے دنوں میرپورخاص تحصیل میرواہ کے فیضان مدینہ میں مدنی مشورے کا انعقاد ہوا جس میں ڈسٹرکٹ میرپورخاص کے ذمہ داران نے شرکت کی۔

ڈویژن نگران حافظ زین عطاری نے 12 دینی کاموں کے حوالے سے گفتگو کرتے ہوئے اسلامی بھائیوں کو جشن ولادت کے اجتماعات کے متعلق مدنی پھول دیئے اور اس سے متعلق اہداف دیئے نیز بارہویں کے 12 مدنی مذاکروں میں شرکت کرنے کی ترغیب دلائی۔ (کانٹینٹ:رمضان رضا عطاری)

25 ستمبر2022ء کی شب ”دعوتِ اسلامی“ کی جانب سے ”کورنگی نمبر ساڑھے تین عید گاہ گراؤنڈ“ میں ”عظیم الشان اجتماعِ استقبالِ ربیع الاول“ منعقد ہوا۔ اجتماع گاہ میں کراچی کے مختلف علاقوں سے آئے ہوئے ”ہزاروں ذمہ دارانِ دعوتِ اسلامی اور دیگر عاشقانِ رسول“ نے شرکت کی۔

اجتماع پاک کا آغاز تلاوتِ کلامِ پاک سے کیا گیا جس کے بعد نعت خوان اسلامی بھائیوں نے بارہویں شریف کے کلام پڑھے۔

اجتماعِ پاک میں خصوصی بیان کرتے ہوئے دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی نے شانِ مصطفیٰ ﷺ کو بیان کیا۔

انہوں نے کہا کہ اللہ پاک نے نبیِ پاک ﷺ کے ذکر کوایسا بلند فرمایا ہے کہ چاہے اذان ہویا اقامت، تشہد ہو یا خطبہ، اللہ نے اپنے ذکر کے ساتھ اپنے نبی کے ذکر کو بھی جوڑ دیا ہے۔

انہوں نے قرآنِ پاک سے شانِ مصطفیٰ ﷺ بیان کرتے ہوئے فرمایا کہ سورۂ بقرہ میں ہے: آپ( صلَّی اللہ علیہ واٰلہٖ وسلَّم )سے جنگ خدا سے جنگ ہے، سورۂ نساء میں ہے :رسول خدا کی اطاعت خدا کی اطاعت ہے، سورۂ نساء میں ہے :آپ کی نافرمانی خدا کی نافرمانی ہے، سورۂ انفال میں ہے آپ کی مخالفت خدا کی مخالفت ہے، سورۂ نساء میں ہے: آپ کی طرف بلانا خدا کی طرف بلانا ہے، سورۂ نساء میں ہے: آپ کی طرف ہجرت خدا کی طرف ہجرت ہے ، سورۂ نساء میں ہے:آپ پر ایمان لانا خدا پر ایمان لانے کی طرح ضروری ہے، سورۂ مائد ہ میں ہے: آپ سے مقابلہ خدا سے مقابلہ ہے، سورۂ مائد ہ میں ہے:آپ سے دوستی خدا سے دوستی ہے،سورۂ انفال میں ارشاد ہوا ہے: آپ سے منہ پھیرنا خدا سے منہ پھیرنا ہے، سورۂ انفال میں ہے:آپ کے بلانے پر حاضر ہونا خدا کے بلانے پر حاضر ہونا ہے، سورۂ انفال میں ہے:آپ سے خیانت خدا سے خیانت ہے، سورۂ توبہ میں ہے: آپ کی طرف سے کسی شئی سے براءت کا اظہار اللہ پاک کی طرف سے براءت کا اظہار ہے، سورۂ توبہ میں ہے: آپ سے معاہدہ خدا سے معاہدہ ہے، سورۂ توبہ میں ہے: آپ کی محبت خدا کی محبت ہے، سورۂ توبہ میں ہے:آپ کی عطا خدا کی عطا ہے، آپ کا فضل و کرم خدا کا فضل و کرم ہے، سورۂ توبہ میں ہے:آپ کی رضا خدا کی رضا ہے، آپ کو راضی کرنا خدا کو راضی کرنا ہے۔ سورۂ توبہ میں ہے:آپ کا کسی کو غنی کرنا خدا کا غنی کرنا ہے، سورۂ توبہ میں ہے:آپ سے جھوٹ بولنا خدا سے جھوٹ بولنے کی طرح ہے، سورۂ توبہ میں ہے: آپ کی خیرخواہی خدائے پاک کی خیرخواہی ہے، سورۂ نور میں ہے:آپ کی طرف بلانا خدا کی طرف بلانا ہے ، سورۂ احزاب میں ہے:آپ کا وعدہ خدا کا وعدہ ہے، سورۂ احزاب میں ہے:آپ کی رضا چاہنا خدا کی رضا چاہنا ہے، سورۂ احزاب میں ہے:آپ کا فیصلہ خدا کا فیصلہ ہے، سورۂ احزاب میں ہے:آپ کو ایذادینا خدا کو ایذا دیناہے، سورۂ حجرات میں ہے: آپ پر پیش قدمی خدا پر پیش قدمی ہے، سورۂ حشر میں ہے:آپ کی مدد خدا کی مدد ہے۔

نگرانِ شوریٰ نے عاشقانِ رسول کو بارہویں کے مہینے میں خوب چراغاں کرنے، جلوسوں میں شرکت کرنے ، اپنے گھروں پر جھنڈے لگانے ، نمازوں کا اہتمام کرنے اور دینی کاموں میں بڑھ چڑھ کر حصہ لینے کا ذہن بھی دیا۔

دورانِ اجتماع شیخِ طریقت امیر اہل سنت حضرت علامہ مولانا محمد الیاس عطار قادری دامت بَرَکَاتُہمُ العالیہ کا ویڈیو پیغام بھی چلایا گیا جو انہوں نے کورنگی اجتماع کے لئے خصوصی طور پر جاری فرمایا تھا۔ اپنے ویڈیو پیغام میں امیر اہل سنت نے فرمایا : ہم سب کو حقوق عامہ کا خیال رکھنا ہے، اس طرح کی کوئی محفل یا اجتماع نہ کیا جائے جس سے لوگوں کے راستے تنگ ہوں اور انہیں تکلیف کا سامنا کرنا پڑے، نہ اتنا ساؤنڈ رکھیں کہ لوگ آزمائش میں آئیں، جشن ولادت لوگوں کو تکلیف دینے نہیں آتا بلکہ یہ تو دلوں میں راحت پہنچانے آتا ہے۔

بانیِ دعوتِ اسلامی نے مزید کہا کہ بارہویں شریف سیلاب زدہ علاقوں میں جاکر بھی منائی جائے، ان کے گھروں میں جھنڈے لگائے جائیں، ہم نے کوشش کرکے ان تک بارہویں کی نیاز بھی پہنچانی ہے۔

نگرانِ شوریٰ نے کورنگی کےذمہ داران کوبڑے پیمانے پر کامیاب اجتماع منعقد کرنے پر مبارکباد دیتے ہوئے دعاؤں سے نوازا اور بھرپور تعاون کرنے پر انتظامیہ، کراچی پولیس،سندھ رینجرز اور ڈسٹرکٹ کورنگی ایڈمنسٹریشن کا شکریہ ادا کیا۔

اجتماع کے اختتام پر نگران شوریٰ نے رقت انگیز دعا کروائی جبکہ بارگاہِ رسالتِ مآب میں صلوٰۃ وسلام کا نذرانہ بھی پیش کیا گیا۔

اس موقع پر نگرانِ پاکستان مشاورت حاجی محمد شاہد عطاری ، ترجمان دعوتِ اسلامی مولانا حاجی عبدالحبیب عطاری، اراکینِ شوریٰ حاجی امین عطاری، حاجی محمد علی عطاری، حاجی امین قافلہ عطاری،حاجی فضیل عطاری ، مولانا حاجی عقیل عطاری مدنی ،حاجی اطہر عطاری، حاجی رفیع الشان عطاری ،45 ممالک سے کراچی آئے ہوئے سینکڑوں عاشقانِ رسول و ذمہ دارانِ دعوتِ اسلامی بھی موجود تھے۔

واضح رہے کہ کورنگی نمبر ساڑھے تین کے اِسی عید گاہ گراؤنڈ میں پہلے دعوتِ اسلامی کا تین دن کا اجتما ع ہوتا تھا اور اب سالوں بعد اسی مقام پر دعوتِ اسلامی کی جانب سے دوبارہ سے بڑے پیمانے پر اجتماع کا انعقاد کیا گیا ہے۔