عاشقانِ رسول کی دینی تحریک دعوتِ اسلامی کے زیرِ اہتمام 27 اکتوبر 2022ء بروز جمعرات ملتان روڈ بورے والا میں قائم ڈگری کالج باہر والا گراؤنڈ نزد تحصیل کچہری میں ہفتہ وار سنتوں بھرے اجتماع کا انعقاد کیا گیا جس میں کثیر عاشقانِ رسول کی شرکت رہی۔

تلاوتِ کلامِ پاک سے اجتماع کا آغاز کرنے بعد نعت خواں اسلامی بھائی نے حضور ﷺ کی بارگاہ نذارنۂ عقیدت پیش کیا،بعدازاں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”لعابِ دہنِ اقدس کی برکتیں“ کے موضوع پر سنتوں بھرا بیان کرتے ہوئے شرکا کی تربیت کی۔

بعدِ بیان معمول کے مطابق درودِ پاک پڑھائے گئے نیز ذکر اللہ کا بھی سلسلہ رہا جبکہ نگرانِ پاکستان مشاورت نے رقت انگیز دعا کروائی۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

گزشتہ روز دعوتِ اسلامی کے مرکزی جامعۃ المدینہ فیضان مدینہ فیصل آباد کے وہ طلبۂ کرام جن کی سال 2022ء میں دستار بندی کی گئی ان کی اور پاکستان مشاورت آفس فیصل آباد کے ذمہ داران کی مرکزی مجلسِ شوریٰ کے رکن و نگران پاکستان مشاورت حاجی محمد شاہد عطاری کی پاس حاضری ہوئی۔

نگرانِ پاکستان مشاورت نے فارغ ہونے والے طلبہ ٔکرام اور ذمہ داران کو قیمتی مدنی پھولوں سے نوازتے ہوئےدعوتِ اسلامی کے ساتھ منسلک رہنے نیز 12 دینی کاموں میں حصہ لینے کے بارے میں ترغیب دلائی۔

اسی طرح نگرانِ پاکستان مشاورت حاجی محمد شاہد عطاری نے تکبر، غرور اور عناد جیسی باطنی بیماریوں سے بچتے ہوئے نیکیوں بھری زندگی گزارنے کا ذہن دیا اور حاضرین کی جانب سے ہونے والے مختلف سوالات کے جوابات دیئے۔آخر میں طلبۂ کرام اور ذمہ دار اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِ اہتمام 28 اکتوبر 2022ء بروز جمعرات کراچی سندھ کے علاقے DHA میں ہفتہ وار سنتوں بھرے اجتماع کا انعقاد کیا گیا جس میں قرب و جوار سے کثیر اسلامی بھائیوں نے شرکت کی۔

معلومات کے مطابق تلاوتِ قرانِ مجید سے اجتماعِ پاک کا آغاز کیا گیا جبکہ اسلامی بھائی نے سرکارِ دوعالم ﷺ کی تعریف میں نعت شریف کا نذارنہ پیش کیا نیز دعوتِ اسلامی کی مرکزی مجلسِ شوریٰ کے رکن حاجی محمد علی عطاری نے سنتوں بھرا بیان کیا اور وہاں موجود اسلامی بھائیوں کو مدنی پھولوں سے نوازا۔

بعد اجتماع مقامی ذمہ دار اسلامی بھائیوں کا مدنی مشورہ منعقد ہوا جس میں رکنِ شوریٰ حاجی محمد علی عطاری نے دعوتِ اسلامی کے تحت شعبہ جات کے لئے 13 نومبر 2022ء کو ہونے والے ٹیلی تھون میں زیادہ سے زیادہ عطیات جمع کرنے پر کلام کیا جس پر ذمہ داران نے اچھی اچھی نیتیں کیں۔(کانٹینٹ:غیاث الدین عطاری)

دنیا بھر کے لوگوں کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے زیرِا ہتمام پچھلے دنوں لاری اڈہ بائی پاس روڈ باغ  کشمیر میں سنتوں بھرے اجتماع کا انعقاد کیا گیا جس میں مقامی لوگوں کی کثیر تعداد میں شرکت رہی۔

تفصیلات کے مطابق اجتماع کا آغاز تلاوتِ قراٰنِ پاک سے کیا گیا جبکہ مبلغِ دعوتِ اسلامی نے پیارے آقا ﷺ کی بارگاہِ اقدس میں نعت شریف کا نذرانہ پیش کیا۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”تاجرداروں کا آقا ہمارا نبی“  کے موضوع پر سنتوں بھرا بیان کرتے ہوئے وہاں موجود عاشقانِ رسول کو سرکار ﷺ کے اوصاف و کمالات کے بارے میں بتایا اور انہیں حضور ﷺ کی سیرت کے مطابق اپنی زندگی گزارنے کا ذہن دیا۔اس موقع پر مرکزی مجلسِ شوریٰ کے رکن حاجی وقارالمدینہ عطاری بھی سنتوں بھرے اجتماع میں شریک تھے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دنیا بھر میں نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت فیصل آباد  پاکستان کے علاقے ستارا سپنا سٹی ڈائیو روڑ پر واقع ایک شخصیت کی رہائش گاہ میں سیکھنے سکھانے کا حلقہ لگایا گیا جس میں مختلف تاجران، شخصیات اور ذمہ دار اسلامی بھائیوں نے شرکت کی۔

مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے حلقے میں شریک اسلامی بھائیوں کو نیکی کی دعوت دیتے ہوئے انہیں نمازوں کی پابندی کرنے اور حضور ﷺ کی سنتوں پر عمل کرتے ہوئے دیگر نیکی کے کاموں میں حصہ لینے کی ترغیب دلائی۔

مزید نگرانِ پاکستان مشاورت نے شرکائے حلقہ کو دعوتِ اسلامی کے تحت ہونے والے ٹیلی تھون میں ڈونیشن جمع کروانے اور دیگر کو اس کی دعوت دینے کے حوالے سے مدنی پھول دیئے۔

26 اکتوبر 2022ء بروز بدھ دعوتِ اسلامی کے 12 دینی کاموں کا جائزہ لینے کے جناح ٹاؤن کراچی ایسٹ کے ذمہ دراران اور نئے پرانے اسلامی بھائیوں کا مدنی مشورہ ہوا۔

معلومات کے مطابق اس مدنی مشورے میں مرکزی مجلسِ شوریٰ کےرکن حاجی محمد علی عطاری نے اسلامی بھائیوں کی تربیت و رہنمائی کرتے ہوئے انہیں مدنی پھولوں سے نوازا اور دعوتِ اسلامی کے 12 دینی کاموں کے حوالے سے گفتگو کی۔

عاشقانِ رسول کی دینی تحریک دعوتِ اسلامی کے زیرِ اہتمام فیصل آباد  پاکستان کے علاقے رائل ولاز ماڈل سٹی میں ایک شخصیت کے گھر پر سیکھنے سکھانے کا حلقہ لگایا گیا جس میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی آمد ہوئی۔

اس دوران نگرانِ پاکستان مشاورت نے وہاں موجود اسلامی بھائیوں کو نیکی کی دعوت دیتے ہوئے انہیں نمازوں کی پابندی کرنے اور حضور ﷺ کی سنتوں پر عمل کرتے ہوئے دیگر نیکی کے کاموں میں حصہ لینے کی ترغیب دلائی۔

مزید نگرانِ پاکستان مشاورت نے شرکائے حلقہ کو دعوتِ اسلامی کے تحت ہونے والے ٹیلی تھون میں ڈونیشن جمع کروانے اور دیگر کو اس کی ترغیب دلانے کا ذہن دیا۔بعدازاں نگرانِ پاکستان مشاورت حاجی محمد شاہد عطاری نے دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

سال 2022ء میں فارغ التحصیل ہونے والے  1234 مدنی علمائے کرام کی دستار بندی کی گئی

24 اکتوبر 2022ء کو دعوت اسلامی کے زیر اہتمام پاکستان بھر میں 9مقامات پر ”دستار فضیلت اجتماع“ کا انعقاد کیا گیا جن میں درسِ نظامی (عالم کورس) مکمل کرنے والے اسلامی بھائی، ان کے سرپرست و والدین اور دیگر عاشقان رسول نے بڑی تعداد میں شرکت کی۔

دستار بندی کی مرکزی تقریب میں عالمی مدنی مرکز فیضانِ مدینہ کراچی میں ہوئی جس کے آغاز میں استاذ الحدیث، مفتی محمد حسان عطاری مدنی نے سنتوں بھرا بیان فرماتے ہوئے علم دین سیکھنےسکھانے کی فضیلت بیان کی۔

اس اجتماع میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے بھی فارغ التحصیل ہونے والے مدنی اسلامی بھائیوں کی تربیت کی اور انہیں مبارکباد پیش کرتے ہوئے قرآن و سنت کی تعلیمات پر عمل پیرا ہونے کی ترغیب دلائی۔

آخر میں ان مقامات پر خلیفہ امیر اہلسنت مولا حاجی عبید رضا عطاری مدنی مُدَّ ظِلُّہُ العالی ، مفتیان کرام، اساتذۂ کرام، نگران پاکستان مشاورت حاجی محمد شاہد عطاری اور اراکین شوریٰ نے فارغ التحصیل ہونے والے علمائے کرام کے سروں پر دستار سجائی اور انہیں دعاؤں سے نوازا۔ اس موقع پر مدنی اسلامی بھائی اور ان کے والدین انتہائی خوش نظر آئے۔

واضح رہے کہ اس سال فارغ التحصیل ہونے والے طلبہ میں 1133 درس نظامی کے، 75 تخصص فی الفقہ کے، 20 تخصص فی الحدیث کے اور تخصص فی الاقتصادیات کے 6 اسلامی بھائی شامل تھے۔

عاشقانِ رسول کو دینِ اسلام کی باتیں بتانے اور اُن کی دینی و اخلاقی تربیت کرنے کے لئے پچھلے دنوں دعوتِ اسلامی کے تحت فیصل آباد لا لہ زار کالونی میں ڈاکٹر فاروق سلیم کے گھر پر سیکھنے سکھانے کا حلقہ لگایا گیا جس میں نگرانِ فیصل آباد ڈسٹرکٹ، شخصیات اور ذمہ دارانِ دعوتِ اسلامی کے علاوہ دیگر عاشقانِ رسول نے شرکت کی۔

رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے حضور ﷺ کی پیاری پیاری سنتیں داڑھی مبارک اور عمامہ شریف سجانے کے حوالے سے شرکائے حلقہ کو مدنی پھول دیئے اور بعض اسلامی بھائیو ں کے سروں پر عمامہ شریف بھی باندھا۔مزید نگرانِ پاکستان مشاورت نے شرکا کی تربیت و رہنمائی کرتے ہوئے انہیں دعوتِ اسلامی کے دینی کاموں میں حصہ لینے اور ہفتہ وار سنتوں بھرے اجتماع و مدنی مذاکرے میں شرکت کرنے کا ذہن دیا۔

بعدازاں نگرانِ پاکستان مشاورت نے دعوت اسلامی کے اخراجات کو پورا کرنے کے لئے 13 نومبر 2022ء کو ہونے والے ٹیلی تھون میں چندہ جمع کروانے اور دوسروں کو اس کی ترغیب دلانے کے بارے میں شرکا کی ذہن سازی کی۔علاوہ ازیں نگرانِ پاکستان مشاورت حاجی محمد شاہد عطاری نے دعا کروائی۔

واضح رہے اس موقع پر نگرانِ پاکستان مشاورت کے ہمراہ مرکزی مجلسِ شوریٰ کے رکن حاجی محمد اسلم عطاری بھی موجود تھے۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوتِ اسلامی کے زیرِا ہتمام پچھلے دنوں تحصیل چیچہ وطنی میں تاجران، شخصیات اور ذمہ داران سمیت دیگر عاشقان رسول کے لئے سیکھنے سکھانے کا حلقہ لگایا گیا جس میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی آمد ہوئی۔

اس موقع پر نگرانِ پاکستان مشاورت نے شرکا کو سرکار ﷺ کی سنتِ مبارکہ عمامہ شریف سر پر باندھنےکی ترغیب دلائی اور بعض اسلامی بھائیوں کے سروں پر عمامہ شریف باندھا۔

اس کے علاوہ نگرانِ پاکستان مشاورت نے درودِ پاک کے فضائل بیان کرتے ہوئے درودِ پاک کی کثرت کرنے، پیارے آقا ﷺ کی دیگر سنتوں پر عمل کرنے، دعوت ِاسلامی کے دینی کاموں میں حصہ لینے اور زیادہ سے زیادہ نیکی کے کام کرنے کا ذہن دیا۔

بعدازاں نگرانِ پاکستان مشاورت حاجی محمد شاہد عطاری نے 13 نومبر 2022ء کو ہونے والے ٹیلی تھون میں چندہ جمع کرنے اور دیگر عاشقانِ رسول کو اس کی ترغیب دلانےکے حوالے سے اسلامی بھائیوں کی ذہن سازی کی۔

اس موقع پر نگرانِ پاکستان مشاورت کے ہمراہ مرکزی مجلسِ شوریٰ کے رکن حاجی محمد اسلم عطاری بھی موجود تھے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

25 اکتوبر 2022ء بروز منگل دعوتِ اسلامی کے تحت ہونے والے دینی کاموں کا جائزہ لینے کے لئے کیماڑی ڈسٹرکٹ کراچی کے ذمہ داران اور نئے پرانے اسلامی بھائیوں کا مدنی مشورہ منعقد ہوا۔

اس مدنی مشورے میں مرکزی مجلسِ شوریٰ کے رکن حاجی محمد علی عطاری نے اسلامی بھائیوں سے گفتگو کرتے ہوئے دعوتِ اسلامی کے 12 دینی کاموں کی کارکردگی کا فالو اپ لیا۔

اس کے علاوہ رکنِ شوریٰ نے اسلامی بھائیوں کو دعوتِ اسلامی کے شعبہ جات کے لئے ہونے والے ٹیلی تھون میں ڈونیشن جمع کرنے کے اہداف دیئے نیز بھر پور طریقے سے اس میں حصہ لینے کی ترغیب دلائی جس پر وہاں موجود ذمہ داران اور اسلامی بھائیوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

پاکستان کے شہر خانیوال میں قائم دعوتِ اسلامی کے مدنی مرکز فیضان مدینہ میں خانیوال سٹی، ڈسٹرک اور تحصیل سطح کے تمام ذمہ داران کی میٹنگ منعقد ہوئی جس میں رکنِ مرکزی مجلسِ شوریٰ حاجی محمد اسلم عطاری، ملتان سٹی نگران، ڈسٹرکٹ نگران، تحصیل نگران اور شعبہ جات کے ذمہ داران سمیت دیگر اسلامی بھائیوں نے شرکت کی۔

ابتداءً تلاوتِ قراٰنِ پاک کی گئی اور نعت خواں اسلامی بھائی نے سرکار دوعالم ﷺ کی بارگاہ میں نذرانۂ عقیدت پیش کیا، بعدازاں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران کی تربیت کرتے ہوئے انہیں درود پاک کی کثرت کرنے، نمازوں کی پابندی کرنے، ہفتہ وار سنتوں بھرے اجتماع و مدنی مذاکرے میں شرکت کرنے کے ساتھ ساتھ دیگر نیکی کے کاموں میں حصہ لیتے رہنے کی ترغیب دلائی۔

علاوہ ازیں نگرانِ پاکستان مشاورت نے ذمہ داران کی ٹیلی تھون کے حوالے سے تربیت فرمائی اور ٹیلی تھون کے سلسلے میں زیادہ سے زیادہ شخصیات سے رابطہ کرنے کا ذہن دیا نیز ذمہ دار اسلامی بھائیوں نے اب تک کی ہونے والے ٹیلی تھون کی کارکردگی نگرانِ پاکستان مشاورت کی بارگاہ میں پیش کی جس پر انہوں نے بہترین کارکردگی کے حامل ذمہ داران کی حوصلہ افزائی فرمائی اور دعا بھی کروائی۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)