لوگوں کو نیکی کی دعوت دینے والی عاشقانِ رسول کی دینی تحریک دعوتِ اسلامی کے تحت مرکزی مجلسِ شوریٰ کے اراکین حاجی محمد امین عطاری اور حاجی محمدامین قافلہ عطاری نے دینی کاموں کے سلسلے میں شاہ فیصل ٹاؤن کا دورہ کیا۔

اس دوران رکنِ شوریٰ حاجی محمد امین عطاری نے شاہ فیصل ٹاؤن کراچی کی مارکیٹ میں دوکانداروں کو نیکی دعوت پیش کرتے ہوئے اُن کی دینی و اخلاقی اعتبار سے تربیت کی۔

بعدازاں رکنِ شوریٰ حاجی محمدامین قافلہ عطاری نے دوکانداروں کو 25 ستمبر 2022ء بروز اتوار دعوتِ اسلامی کے تحت ہونے والے استقبالِ ماہِ میلاد کے سنتوں بھرے اجتماع میں شرکت کرنے کی دعوت دی جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

22 ستمبر 2022ء بروز جمعرات جامع مسجد  گلزار حبیب نزد نوازش میرج ہال کالا دیو جہلم میں عاشقانِ رسول کی دینی تحریک دعوتِ اسلامی کے زیرِ اہتمام سنتوں بھرے اجتما ع کا انعقاد کیا گیا جس میں عاشقانِ رسول نے کثیر تعداد میں شرکت کی۔

مبلغِ دعوتِ اسلامی نے تلاوتِ قراٰنِ پاک سے سنتوں بھرے اجتماع کا آغاز کیا اور پیارے آقاﷺ کی بارگاہ میں نذرانۂ عقیدت پیش کرتے ہوئے حاضرین کے دلوں کو معطر کیا۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”میلاد منانے کا انعام“ کے موضوع پر سنتوں بھرا بیان کیا اور میلاد شریف منانے کے دینی و دنیاوی فوائد بتائے۔

دورانِ بیان نگرانِ پاکستان مشاورت نے آقا ﷺ کی آمد کی خوشیاں منانے، بازاروں اور گھروں کو سجانے کے ساتھ ساتھ اپنے ظاہر کو بھی سنوارنے نیز جھوٹ اور وعدہ خلافی سمیت دیگر گناہ کے کاموں کو چھوڑنے کا ذہن دیا۔

اسی طرح نگرانِ پاکستان مشاورت حاجی محمد شاہد عطاری نے شرکائے اجتما ع کی تربیت کرتے ہوئے انہیں پانچوں نمازیں پابندی کے ساتھ باجماعت ادا کرنےاور نیکی کے کاموں میں زیادہ سے زیادہ حصہ لینے کے حوالے سے مدنی پھول دیئے۔

اجتماع کے اختتام پر ذکر و دعا اور صلوٰۃ و سلام پڑھا گیا جبکہ نگرانِ پاکستان مشاورت نے رقت انگیز دعا کروائی۔بعدازاں اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔

اس اجتماعِ پاک میں جہلم ، اطراف علاقوں اور دیگر شہروں سے مدرسۃالمدینہ و جامعۃالمدینہ بوائزکے اساتذۂ کرام، طلبۂ کرام، ذمہ داران اور قرب و جوار سے کثیر اسلامی بھائیوں نے شرکت کی۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

شہر کراچی کے عاشقان رسول کے لئے بڑی خوشخبری!

استقبال ربیع الاول کا شاندار اجتماع کورنگی ساڑھے تین کراچی میں 25 ستمبر 2022ء بروز اتوار ، رات 9:00 بجے منعقد ہونے جارہا ہے۔

اس عظیم الشان اجتماع میں مرکزی مجلس شوریٰ دعوت اسلامی کے نگران مولانا حاجی محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔اس کے ساتھ ساتھ مبارک مہینے کا ”مرحبا یامصطفٰےﷺ“ کے نعروں سے استقبال بھی کریں گے۔یہ پروگرام مدنی چینل پر براہ راست نشر کیا جائیگا۔

کراچی کے تمام عاشقان رسول سے اس اجتماع پاک میں شرکت کرنے کی درخواست ہے۔

پچھلے دنوں کشمیر کے دار الحکومت مظفر آباد کے علاقے اپرچھتر میں قائم  دعوت اسلامی کے مدنی مرکز فیضان مدینہ میں مدنی مشورہ ہوا جس میں کشمیر مشاورت کے ذمہ داران نے شرکت کی۔

نگران کشمیر مشاورت حاجی سید جنید عطاری نے ذمہ داران کی تربیت کی اور کارکردگی کا جائزہ لیتے ہوئے کشمیر میں 12 دینی کاموں کو بڑھانے کا ذہن دیا۔

یومِ اعلیٰ حضرت اور استقبالِ ماہ میلاد کے سلسلے میں 21 ستمبر 2022ء بروز بدھ بعد نماز عشا ءشاہی بازار حیدرآباد کی جامع مسجد شاہی میں سنتوں بھرے اجتماع کا انعقاد کیا گیا جس میں علاقے کے اسلامی بھائیوں نے کثیر تعداد میں شرکت کی۔

اجتماع کا آغاز تلاوتِ قراٰنِ پاک اور نعتِ رسولِ مقبول ﷺ سے کیا گیا جبکہ مبلغِ دعوت اسلامی نے سنتوں بھرا بیان کرتے ہوئے عاشقانِ رسول کی دینی و اخلاقی اعتبار سے تربیت کی نیز ماہ میلاد کی خوشی میں عاشقانِ رسول نے نعرے بھی لگائے۔

آخر میں ٹاؤن نگران و حیدرآباد سٹی کے نگران محمد سہیل عطاری نے دعا کروائی۔(رپورٹ:محمد شان عطاری شعبہ مدنی چینل عام کریں ٹاؤن مشاورت، کانٹینٹ: غیاث الدین عطاری )

دعوت اسلامی کے زیر اہتمام آج رات دنیا بھر میں ہفتہ وار سنتوں بھرے  اجتماعات کا انعقاد کیا جائیگا جن میں مبلغین دعوت اسلامی اور اراکین شوریٰ سنتوں بھرے بیانات فرمائیں گے۔ اجتماعات کا آغاز تلاوت قرآن پاک و نعت رسول مقبول ﷺ سے کیا جائیگا جبکہ بیان کے بعد ذکر اللہ اور رقت انگیزدعا کا سلسلہ بھی ہوگا۔ بعد نماز مغرب شروع ہونے والے ان اجتماعات کا اختتام نمازِ اشراق و چاشت کی ادائیگی کے ساتھ ہوگا۔

تفصیلات کے مطابق جامع مسجد گلزار حبیب نزد نوازش میرج ہال کالا دیو جہلم میں نگران پاکستان مشاورت حاجی محمد شاہد عطاری ”اعلیٰ حضرت اور نیکی کی دعوت“ کے موضوع پر سنتوں بھرا بیان فرمائیں گے جسے مدنی چینل پر براہ راست نشر کیا جائیگا۔

اس کے علاوہ عالمی مدنی مرکز فیضان مدینہ کراچی میں رکنِ شوریٰ حاجی مولانا عبد الحبیب عطاری، رضائے مصطفےٰ مسجد کورنگی نمبر4 کراچی میں حاجی محمد امین عطاری، جامع مسجد میمن، میمن نگر 5/Aکراچی میں نگران شعبہ پبلک ریلیشن یوکے حاجی سیّد فضیل رضا عطاری اور مدنی مرکز فیضان مدینہ گلشن طفیل کالونی298 روڈ، گوجرہ میں نگران شعبہ پروفیشنلز ڈیپارٹمنٹ محمد ثوبان عطاری سنتوں بھرا بیان فرمائیں گے۔

عاشقانِ رسول کی دینی تحریک دعوتِ اسلامی کے تحت پچھلے دنوں جامعۃالمدینہ بوائز ہجویری اسکیم ہربنس پورہ لاہور میں سنتوں بھرے اجتماع کا انعقاد کیا گیا جس میں عزیز بھٹی ٹاؤن اور واہگہ ٹاؤن کے ذمہ داران سمیت دیگر عاشقانِ رسول نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے مختلف موضوعات پر گفتگو کرتے ہوئے اسلامی بھائیوں کی تربیت کی اور انہیں ربیع الاوّل کے مہینے میں اجتماعِ میلاد، ہفتہ وار مدنی مذاکرے اور ہفتہ وار رسالہ مطالعہ کرنے کے اہداف دیئے جس پر انہوں نے اچھی چھی نیتیں کیں۔

بعدازاں رکنِ شوریٰ نے اسلامی بھائیوں کو دعوتِ اسلامی کے 12 دینی کاموں میں عملی طور پر حصہ لینے کا بھی ذہن دیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

دنیا بھر میں نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت19 ستمبر 2022ء بروز پیر کراچی کی آگرہ تاج کالونی غوثیہ روڈ لیاری میں واقع جامع مسجد الدعا میں سنتوں بھرے اجتماع کا انعقاد کیا گیا جس میں قرب و جوار سے کثیر عاشقانِ رسول نے شرکت کی۔

تفصیلات کے مطابق ابتداءً مبلغِ دعوتِ اسلامی نے تلاوتِ قراٰنِ پاک کی اور سرکارِ دوعالم ﷺ کی بارگاہ میں نذرانۂ عقیدت پیش کیا نیز مرکزی مجلسِ شوریٰ کے رکن و ترجمانِ دعوتِ اسلامی مولانا حاجی عبدالحبیب عطاری نے سیرتِ اعلیٰ حضرت کے حوالے سے گفتگو کرتے ہوئے ”عشق کی باتیں“ کے موضوع پر سنتوں بھرا بیان کیا۔

رکنِ شوریٰ مولانا حاجی عبدالحبیب عطاری نے اسلامی بھائیوں کی تربیت کرتے ہوئے انہیں دعوتِ اسلامی کے دینی ماحول سے ہر دم وابستہ رہنے کی ترغیب دلائی جس پر انہوں نے اچھی اچھی نیتوں کا اظہا رکیا۔(کانٹینٹ:غیاث الدین عطاری)

پچھلے دنوں بحریہ ٹاؤن لاہور میں مرکزی مجلس شوری کے رکن و نگران لاہور ڈویژن مشاورت حاجی یعفور رضا عطاری نے بحریہ ٹاؤن لاہور کے ذمہ داران کا مدنی مشورہ کیا جس میں رکن شوری نے ذمہ داران کو فیضان مدینہ جوہر ٹاؤن لاہور میں شخصیات کو لانے، وزٹ کرانے ، دعوت اسلامی اور دیگر دینی کاموں کا تعارف کروانے کے حوالے سے گفتگو کی اور اس کے مدنی پھول دیئے نیز آئندہ کاموں کے اہداف بھی دیئے ۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: محمد مصطفی انیس ) 

18 ستمبر 2022ء کوعالمی مدنی مرکز فیضان مدینہ کراچی میں عظیم الشان سنتوں بھرے اجتماع کا انعقادکیا گیا جس میں کراچی سٹی کے ذیلی تا سٹی مشاورت کے ذمہ داران اور کثیر تعداد میں عاشقان رسول نے شرکت کی۔ اجتماع کا آغاز تلاوت قرآن پاک اور نعت رسول مقبول ﷺ سے کیا گیا۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان فرمایا۔ نگران شوریٰ نے شرکا کو بزرگان دین کی سیرت اپنانے اور ان کی طرح زندگی گزارنے کا ذہن دیتے ہوئے ان کی طرح جھوٹ، غیبت، چغلی اور بدنگاہی سے بچنے کی ترغیب دلائی۔آپ نے مزید فرمایا کہ ان گناہوں سے عبادت کی لذت ختم ہوجاتی ہے اور عبادت کی لذت ختم ہوجانا اللہ کی طرف سے سزا ہے۔

بیان کرتے ہوئے نگران شوریٰ نے فرمایا کہ نیک نظر آنا اور نیک ہونا اور بات ہے، نیک لوگوں کی عمر بڑھنے کے ساتھ ساتھ ان کی عبادت میں بھی اضافہ ہوتا چلا جاتا ہے جس کا نور ان کے چہرے پر ظاہر ہوتا ہے، بزرگان دین عبادت میں اس طرح مشغول ہوتے تھے کہ ان کو کام کے لئے وقت نکالنا پڑتا تھا اور آج لوگ کام میں اتنے مصروف ہیں کہ انہیں عبادت کے لئے وقت نکالنا پڑتا ہے۔

اجتماع کے اختتام پر رقت انگیز دعا اور صلوۃ و سلام کا سلسلہ بھی ہوا۔

اس موقع پر اراکین شوریٰ حاجی محمد امین عطاری، حاجی محمد علی عطاری، حاجی امین قافلہ عطاری اور حاجی محمد رفیع عطاری سمیت کراچی بھر سے ہزاروں ذمہ دارانِ دعوتِ اسلامی موجود تھے۔

دعوتِ اسلامی کے زیر اہتمام  پچھلے دنوں راولپنڈی میں سٹی نگران کے گھر مدنی مشورہ منعقد ہوا جس میں شعبہ کارکردگی ذمہ دار اسلامی بھائیوں نے شرکت کی۔

نگران سٹی مشاورت محمد اسلم عطاری نے اسلامی بھائیوں کو ملنساری کے ساتھ دینی کام کرنے اور کارکردگی کے نظام کو مضبوط بنانے کا ذہن دیا ۔ مزید 12 دینی کاموں کے جدول اور دیگر امور پر بھی گفتگو ہوئی۔آخر میں نگران سٹی مشاورت نے خیرخواہی فرماتے ہوئے آبِ زم زم، سوغات مدینہ اور تحائف دیئے۔ (رپورٹ: شعبہ کارکردگی راولپنڈی ڈویژن، کانٹینٹ:رمضان رضا عطاری)

عاشقانِ رسول کی تربیت کرنے اور انہیں  دینِ اسلام کی باتوں سے آگاہ کرنے کے لئے دعوتِ اسلامی کے زیرِا ہتمام ہر جمعرات پاکستان کے مختلف شہروں میں سنتوں بھرے اجتماع کا انعقاد کیا جاتاہے۔

اسی سلسلے میں 15 ستمبر 2022ء بروز جمعرات گلشن اقبال ٹاؤن خان پور کے مدنی مرکز فیضانِ مدینہ میں عاشقانِ رسول کی دینی تحریک دعوتِ اسلامی کے تحت ہفتہ وار سنتوں بھرے اجتماع کا اہتمام کیا گیا جس میں خان پور اور اطراف علاقوں، دیگر شہروں سے آئے ہوئے مدرسۃالمدینہ و جامعۃالمدینہ بوائزکے اساتذۂ کرام، طلبۂ کرام، ذمہ داران اور سیاسی و سماجی شخصیات سمیت قرب و جوار کے کثیر اسلامی بھائیوں نے شرکت کی۔

مبلغِ دعوتِ اسلامی نے تلاوتِ قراٰنِ پاک اور نعتِ رسولِ مقبول ﷺ سے اجتماع کا آغاز کیا جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”منہ خدا کو ہے دکھانا ایک دن“ کے موضوع پر سنتوں بھرا بیان کرتے ہوئے شرکائے اجتماع کو نمازوں کی پابندی کرنے، رمضان شریف کے روزے رکھنے اور نیکی کے کاموں میں حصہ لینے کی ترغیب دلائی۔

بعدازاں معمولات کے مطابق اجتماعِ پاک میں درود پڑھنے اور ذکر اللہ کرنے کا سلسلہ ہوا نیز نگرانِ پاکستان مشاورت نے دعا کروائی۔مزید اجتماع میں شریک اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)