تحصیل پتوکی کے نواحی گاؤں جمبر کی جامع مسجد صدیق اکبر میں دعوتِ اسلامی کے زیرِا ہتمام 19 اکتوبر 2022ء بروز بدھ سحری اجتماع کا انعقاد کیا گیا جس میں ڈسٹرکٹ نگران حاجی محمد نعیم خان عطاری اورتحصیل نگران محمد دانش تفسیر عطاری سمیت دیگر ذمہ داران نے شرکت کی۔

اس موقع پر اجتماع میں شریک خوش نصیب عاشقانِ رسول نےذکر و اذکار کے ساتھ ساتھ تہجد کی نماز ادا کی اور نفلی روزہ رکھنے کی سعادت حاصل کی۔

بعد نمازِ فجر تحصیل ذمہ داران کا مدنی مشورہ ہوا جس میں ڈسٹرکٹ نگران حاجی محمد نعیم خان عطاری نے نئے ذمہ داران کی تقرری کی اور دعوتِ اسلامی کے 12 دینی کاموں کا فالو اپ لیا۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ، کانٹینٹ: غیاث الدین عطاری)

دعوت اسلامی  کے زیر اہتمام پچھلے دنوں پنجاب فوڈ اتھارٹی کی جانب سے حافظ آباد میں اجتماع میلاد کا سلسلہ ہواجس میں ڈپٹی ڈائریکٹر پنجاب فوڈ اتھارٹی، محمد عثمان چیمہ، ڈسٹرکٹ اکاؤنٹ آفیسر جاوید اقبال سمیت الیکشن کمیشن کے اراکین، ایکسائز اور فوڈ اتھارٹی تینوں محکموں کے اسٹاف نے بھرپور انداز میں شرکت کی۔

محفل نعت میں UK کے ذمہ دار سید فضیل عطاری نے سنتوں بھرا بیان کیا نیز دوران بیان دعوت اسلامی کےعالمی سطح پر ہونے والے دینی و فلاحی کاموں کے حوالے سے بھی بتایا۔ بالخصوص UK میں دعوت اسلامی کی خدمات کے متعلق تفصیل سے معلومات فراہم کیں نیز ہفتہ وار سنتوں بھرے اجتماع میں شرکت کا ذہن بھی دیا جس پر افسران بہت متاثر ہوئے اور دعوت اسلامی کے ساتھ تعاون کی یقین دہانی کروائی ۔ (رپورٹ: مجلس رابطہ ڈسٹرکٹ حافظ آباد، کانٹینٹ:رمضان رضا عطاری)

گزشتہ روز دعوت اسلامی کے شعبہ رابطہ برائے حکیم کے زیر اہتمام  سکھر فیضان مدینہ میں ڈویژن ذمہ داران کا مدنی مشورہ طے پایا جس میں نگران مجلس برائےحکیم محمد حسان عطاری اور ڈویژن نگران محمد فہیم عطاری نے تربیت کی۔

اس موقع نگران اسلامی بھائیوں نے فیضان مدینہ میں فری طبی کیمپ لگانے، اطباء کے درمیان اجتماعات منعقد کرنے اور ان کے درمیان مدنی حلقے منعقد کرنے پر تبادلہ خیال کیا نیز اس کی بھر پور کارکردگی فل کرنے کا ہدف بھی دیا جس پر ذمہ داران نے اچھے جذبات کا اظہار کیا۔ (رپورٹ: صوبائی ذمہ دار محسن مدنی صوبہ سندھ، کانٹینٹ:رمضان رضا عطاری)

پچھلے دنوں دعوت اسلامی کے شعبہ تعلیم و شعبہ پروفیشنلز فارم  کے زیر اہتمام بورڈ آف انٹر میڈیٹ اینڈ سیکنڈری ایجوکیشن لاہور میں اجتماع میلاد کا انعقاد کیا جائے گا جس میں ڈاکٹر مرزا حبیب (چیئرمین بورڈ) اور دیگر افسران نے شرکت کی۔

نگران شعبہ پروفیشنلز فارم محمد ثوبان عطاری نے سیرت مصطفٰے ﷺ کے موضوع پر سنتوں بھرا بیان فرمایا اور اجتماع میں شریک عہدیداران کو اپنے ہر کام کو سنت رسول کے مطابق پایۂ تکمیل تک پہنچانے اور اپنا کچھ وقت دینی کاموں میں بھی خرچ کرنے کی ترغیب دلائی۔

لوگوں میں نیکی کی دعوت عام کرنے اور اُن کی دینی و اخلاقی تربیت کرنے کے لئے پچھلے دنوں دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے ذمہ داران کے ہمراہ کراچی کے علاقے واٹر پمپ کی مختلف مارکیٹوں کا دورہ کیا۔

اس دوران رکنِ شوریٰ نے مارکیٹوں میں موجود عاشقانِ رسول کو نیکی کی دعوت پیش کرتے ہوئے انہیں دعوتِ اسلامی کے سنتوں بھرے اجتماعات میں شرکت کرنے کی ترغیب دلائی۔

بعدازاں ایک پکوان سینٹر میں سیکھنے سکھانے کا حلقہ لگایا گیا جس میں رکنِ شوریٰ حاجی محمد امین عطاری نے عاشقانِ رسول کے درمیان سنتوں بھرا بیان کیا۔(کانٹینٹ:غیاث الدین عطاری)

عاشقان رسول کو علم دین سے سیراب کرنے، نیکی کی دعوت کو عام کرنے اور مسلمانوں کے دلوں میں خوفِ خدا اور عشق رسول کی شمع جلانے کے لئے آج رات مؤرخہ 20 اکتوبر 2022ء کو دنیا بھر میں ہفتہ وار سنتوں بھرے  اجتماعات کا انعقاد کیا جائے گا جن میں مبلغین دعوت اسلامی و اراکین شوریٰ سنتوں بھرے بیانات فرمائیں گے۔ان اجتماعات میں تلاوت و نعت، رقت انگیز ذکر و دعا کا سلسلہ بھی ہوگا جبکہ نماز اشراق و چاشت کی ادائیگی کے ساتھ اجتماعات اختتام پذیر ہوں گے۔

تفصیلات کے مطابق الحرم مارکی منڈی وار برٹن ڈسٹرکٹ ننکانہ (پنجاب) میں ہونے والے ہفتہ وار اجتماع رکن شوریٰ حاجی محمد اظہر عطاری سنتوں بھرابیان فرمائیں گے جسے مدنی چینل پر براہ رست نشر کیا جائے گا۔

اس کے علاوہ مرکزی عید گاہ مظفر آباد کشمیر میں نگران پاکستان مشاورت حاجی محمد شاہد عطاری ، مدنی مرکز فیضان مدینہ العطار ٹاؤن میر پور خاص میں رکن شوریٰ حاجی فاروق جیلانی عطاری، مدنی مرکز فیضان مدینہ عطار نگر نزد آصف فلور ملز جی ٹی روڈ گگھڑمیں رکن شوریٰ مولانا حاجی اسد عطاری مدنی ، مدنی مرکز فیضان مدینہ میر پور کشمیر میں نگران شعبہ تقسیم رسائل سید محمد حسنین عطاری، رضائے مصطفٰے مسجد کورنگی نمبر 4 کراچی میں مبلغ دعوت اسلامی مولانا اشفاق عطاری مدنی اور مدنی مرکز فیضان مدینہ نزد انڈر پاس خانیوال میں نگران شعبہ پروفیشنل فارم محمد ثوبان عطاری سنتوں بھرا بیان فرمائیں گے۔

دعوت  اسلامی کے زیر اہتما م پچھلے دنوں پردہ باغ پشاور پاکستان میں عید میلاد النبی ﷺ کے سلسلے میں اجتماع منعقد ہوا جس میں مقامی اسلامی بھائیوں نے شرکت کی ۔

اجتماع میلاد میں نعت خواں اسلامی بھائیوں نے میلاد کے حوالے سے کلام پڑھے ۔بعدازاں مہمان خصوصی یوکے کے ذمہ دار سید فضیل عطاری نے ’’سیرت مصطفی ﷺ‘‘ کے موضوع پر سنتوں بھرا بیان کیا اور حاضرین کو نیکی کی دعوت پیش کرتے ہوئے مزید عشق مصطفی بڑھانے اور فکر آخرت کا ذہن پانے کے لئے ہفتہ وار سنتوں بھرے اجتماع میں آنے کی دعوت دی جس پر انہوں نے اچھے جذبات کا اظہار کیا۔( کانٹینٹ:رمضان رضا عطاری)

13 اکتوبر 2022ء کو دعوت اسلامی کی مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی کی یونیورسٹی آف سندھ جامشورو آمد ہوئی جہاں یونیورسٹی انتظامیہ اور اسٹوڈنٹس نے پُر تپاک استقبال کیا۔

شعبہ تعلیم (دعوت اسلامی) کے زیر اہتمام یونیورسٹی کے آڈیٹوریم میں اجتماع میلاد کا انعقاد کیا گیا جس میں نگران شوریٰ حاجی مولانا محمد عمران عطاری مُدَّ ظِلُّہُ العالی نے سیرت مصطفٰے صلَّی اللہ علیہ واٰلہٖ وسلَّم کے موضوع پر سنتوں بھرا بیان فرمایا۔

اجتماع میلاد میں یونیورسٹی آف سندھ کے وائس چانسلر ڈاکٹر محمد صدیق ، پروفیسر ڈاکٹر محمد صاحبداد سکندری، ڈائریکٹر انسٹیٹیوٹ آف لینگویجیز (عربی و فارسی) اور دیگر پروفیسرز سمیت اسٹوڈنٹس اور مقامی افراد و شخصیات نے شرکت کی۔اس موقع پر اراکین شوریٰ حاجی محمد اطہر عطاری اور حاجی قاری ایاز عطاری بھی موجود تھے۔

اجتماع میلاد میں بیان کرتے ہوئے نگران شوریٰ نے فرمایا کہ تعلیمی اداروں سے جب اسٹوڈنٹس اللہ پاک اور اس کے پیارے محبوب محمد مصطفٰے سب سے آخری نبی ﷺ کی محبت اور دین کا درست سبق لے کر جائیں گے تو یہ جہاں پر بھی ہونگے مظلوم کی مدد کریں گے اور رشوت کے سد باب کی کوشش کریں گے۔

آخر میں یونیورسٹی کے وائس چانسلر نے نگران شوریٰ کو شیلڈ کا تحفہ پیش کیا جبکہ نگران شوریٰ نے وائس چانسلر کو مکتبۃ المدینہ کی کتاب ”سیرت مصطفٰے ﷺ“ تحفے میں دی۔

اسٹوڈنٹس کے دلوں میں عشق مصطفٰے ﷺکو اُجاگر کرنے کے لئے 17 اکتوبر 2022ء کو شعبہ تعلیم (دعوت اسلامی) کے زیر اہتمام اسپائر کالج پشاور کیمپس میں اجتماع میلاد کا انعقاد کیا گیا جس میں پرنسپل، ٹیچرز اور کالج کے اسٹوڈنٹس نے شرکت کی۔

مبلغ دعوت اسلامی محمد توصیف عطاری (ڈویژن نگران پشاور) نے سنتوں بھرا بیان کیااور شرکا کو سیرت مصطفٰے ﷺکے مطابق زندگی گزارنے کی ترغیب دلائی۔اجتماع میلاد میں اسٹوڈنٹس کو فیضان آن لائن اکیڈمی کا تعارف بھی پیش کیا گیا اور اس کے ذریعے دینی تعلیم سیکھنے کی ترغیب دلائی گئی۔

گزشتہ روز میر پور خاص سینٹرل جیل میں قیدیوں کے درمیان دعوت اسلامی کے زیر اہتمام  اجتماع میلاد کا انعقاد ہوا ، اس موقع پر دعوت اسلامی کے نعت خوانوں نے ہدیہ نعت پیش کیا اور مبلغ دعوت اسلامی نے عاشقان رسول کے درمیان سیرت النبی ﷺکے حوالےسے سنتوں بھرا بیان کیا ۔

اس اجتماعِ پاک میں SSP جیل خانہ جات ارشاد رند ، DSP عظیم تھبو ، جیلر عبد القادر نے شرکت کی۔ (کانٹینٹ: محمد مصطفی انیس)

15 اکتوبر2022 ء کو دعوت اسلامی  کے عالمی مدنی مرکز فیضان مدینہ کراچی میں شعبہ فیضان مرشد سے وابستہ اسلامی بھائیوں کا تربیتی اجتماع ہوا جس میں رکن شوریٰ حاجی محمد امین عطاری نے سنتوں بھرا بیان کیا۔

دوران بیان رکن شوریٰ نے اسلامی بھائیوں کی دینی و اخلاقی اعتبار سے تربیت کرتے ہوئے انہیں 12 دینی کام کرنے کا ذہن دیا نیز ہر ماہ تین دن کے مدنی قافلے میں سفر کرنے اور اوروں کو سفر کروانے کی ترغیب دلائی ۔ مزید ہفتہ وار مدنی مذاکرہ میں آنے کی دعوت بھی دی جس پر شرکا نے اچھی اچھی نیتوں کا اظہار کیا۔( کانٹینٹ: رمضان رضا عطاری )

دعوت اسلامی کی مرکزی مجلس شوریٰ کے رکن  حاجی بغداد رضا عطاری نے مورخہ 16 اکتوبر 2022ء کو جہلم ڈسٹرکٹ کا ماہانہ مدنی مشورہ فیضان مدینہ جہلم میں فرمایا۔

دوران مدنی مشورہ رکنِ شوریٰ نے اسلامی بھائیوں کو 12 دینی کاموں کو مزید بڑھانے کے حوالے سے ذہن سازی کی۔ بعدازاں فیضان اسلامک اسکول سسٹم میں بچوں کے داخلےکروانے کی ترغیب دلائی نیز ٹیلی تھون، پیشگی کارکردگی شیڈول کے متعلق مدنی پھول دیئے۔ساتھ ساتھ ہفتہ وار سنتوں بھرے اجتماع میں باقاعدگی سے آنے کی دعوت دی جس پر شرکا نے اچھی اچھی نیتوں کا اظہار کیا۔( کانٹینٹ: رمضان رضا عطاری )