8 نومبر 2022ء کو دعوت اسلامی کے زیر اہتمام پنڈی بھٹیاں میں تاجر اجتماع کا انعقاد کیا گیا جس میں کپڑے کے تاجروں نے شرکت کی۔

نگران مجلس شعبہ پروفیشنلز فورم محمد ثوبان عطاری نے سنتوں بھرا بیان کرتے ہوئے شرکا کو دینی کاموں میں شرکت کرنے اور 13 نومبر 2022ء کو ہونے والے ٹیلی تھون میں بھر پور حصہ ملانے کی ترغیب دلائی۔

آج مؤرخہ 09 نومبر 2022ء کو کنزالمدارس بورڈ کے تحت ملک بھر میں قائم جامعات المدینہ میں زیرِ تعلیم طلبۂ کرام کے درمیان بذریعہ مدنی چینل سنتوں بھرا اجتماع منعقد کیا گیا ۔ دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی نے عالمی مدنی مرکز فیضانِ مدینہ کراچی سے ”اپنے وقت کی قدر کریں“ کے موضوع پر سنتوں بھرا بیان فرمایا اور طلبہ کرام کی دینی، اخلاقی اور تنظیمی تربیت فرمائی۔

اس موقع پر بیان کرتے ہوئے نگرانِ شوریٰ کا کہنا تھا کہ مسلمان کو اپنی آخرت سنوارنے کے لئے نیک اعمال کرنے چاہئیں، ہمیں اپنی اصلاح کے لئے ہر دم کوششیں کرتے رہنا چاہیئے۔

اپنے وقت کا درست استعمال کرنے کی ترغیب دلاتے ہوئے نگران شوریٰ کا کہنا تھا کہ ہم سب کو چاہیئے کہ لایعنی (فضول) کاموں میں نہ پڑیں، ”فضول بولنا، فضول دیکھنا(بدنگاہی کرنا)،فضول چیزیں سننا، موبائل میں فضول لگے رہنا“ ان سب چیزوں سے ہمارا وقت بڑی تیزی کے ساتھ ضائع ہورہا ہے۔تمام عاشقانِ رسول وقت نکال کر اپنے فضول کاموں کی لسٹ بنائیں اوران فضول عادات کو چھوڑتے جائیں۔

نگرانِ شوریٰ نے مزید کہا کہ صحبت سوچوں کو بدلتی ہے، لہذا اپنی صحبت کو اچھا بنایئے ، نیکیوں سے غافل افراد کے ساتھ نہ اُٹھیں، نہ بیٹھیں بلکہ ان کے ساتھ اُٹھیں بیٹھیں جو نیکیاں کرنے والے ہوں۔ ایسے طلبہ جو صرف گھوم پھر کر وقت ضائع کرتے ہوں، جو صرف ہوٹلنگ کرکے ٹائم پاس کررہے ہوں ایسے طلبہ کی صحبت اختیار نہ کریں، اپنے مقصد کو پیشِ نظر رکھیں اور مکمل توجہ کے ساتھ اپنی تعلیمی سرگرمیوں کو جاری رکھیں۔

نگرانِ شوریٰ نے طلبہ کو قرآنِ پاک کی تلاوت کرنے ، ہفتہ وار مدنی مذاکرے و ہفتہ وار اجتماع میں شرکت کرنے اور دینی کاموں میں عملی طور پر شرکت کرنے کی ترغیب دلائی۔

نگرانِ شوریٰ نے طلبۂ کرام کو دعوتِ اسلامی کے تحت ہونے والے ٹیلی تھون کے لئے خوب خوب کوششیں کرنے کی ترغیب بھی دلائی جس پر طلبہ نے ٹیلی تھون جمع کرکے جمع کروانے کی نیتوں کا اظہار کیا۔

اجتما ع کے اختتام پر مفتی سجاد عطاری مدنی،مفتی حسان عطاری مدنی، مولانا فہیم عطاری مدنی، مولانا سید ساجد عطاری مدنی اور دیگر اساتذہ و طلبہ کرام نے نگرانِ شوریٰ کو ہاتھوں ہاتھ یونٹ جمع کروائے جبکہ دیگر جامعات المدینہ میں بھی طلبہ نے اپنے جامعۃ المدینہ میں ناظم صاحب کو یونٹس جمع کرائے۔

دنیا بھر میں علم دین کے چراغ کو روشن کرنے،  عشق رسول صلَّی اللہ علیہ واٰلہٖ وسلَّم اور صحابہ واہل بیت کی محبت کے درس کو عام کرنے کے لئے دعوت اسلامی کے زیر اہتمام آج رات مؤرخہ 10 نومبر 2022ء بروز جمعرات ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی و اراکین شوریٰ سنتوں بھرے بیانات فرمائیں گے۔

تفصیلات کے مطابق عالمی مدنی مرکز فیضان مدینہ کراچی سے براہ راست مدنی چینل پر نشر ہونے والے ہفتہ وار سنتوں بھرے اجتماع میں مرکزی مجلس شوریٰ کے رکن مولانا حاجی عبد الحبیب عطاری سنتوں بھرا بیان فرمائیں گے۔

اسی طرح فیضان مدینہ علی ٹاؤن نزد ریجنل سوئی گیس آفس نیو سیٹلائٹ سرگودھا میں ہونے والے ہفتہ وار اجتماع میں رکن شوریٰ حاجی وقار المدینہ عطاری، جامع مسجد نورانی نشتر اسکوائر ملیر ماڈل ٹاؤن کراچی میں رکن شوریٰ حاجی محمد رفیع عطاری، شاہ ابو البرکات گلبرگ ٹاؤن لاہور میں رکن شوریٰ حاجی یعفور رضا عطاری اور مدنی مرکز فیضان مدینہ کھڑی شریف میر پور میں نگران کشمیر مشاورت حاجی سید جنید عطاری سنتوں بھرا بیان فرمائیں گے۔

تمام عاشقان رسول سے اپنے اپنے قریبی مقام پر ہونے والے ہفتہ وار اجتماع میں شرکت کرنے کی درخواست ہے۔ 

دعوتِ اسلامی کی مرکزی مجلسِ شوریٰ کے رکن حاجی قاری محمد ایاز عطاری کی دینی کاموں کے سلسلے میں نوابشاہ ڈویژن شیڈول کے دوران ایک بلڈر محمد راحیل سے ملاقات ہوئی۔

معلومات کے مطابق رکنِ شوریٰ نے بلڈر کو نیکی کی دعوت دیتے ہوئے انہیں دعوتِ اسلامی کی دینی خدمات کے بارے میں آگاہی دی نیز ٹیلی تھون کے حوالے سے دعوت اسلامی کے ساتھ تعاون کرنے کا ذہن دیا۔

آخر میں رکنِ شوریٰ نے بلڈر محمد راحیل کو امیرِ اہلِ سنت دامت برکاتہم العالیہ کا رسالہ ”سب سے آخری نبی صلی اللہ علیہ وآلہ وسلم“ تحفے میں دیا۔(کانٹینٹ:غیاث الدین عطاری)

مدنی چینل کا مقبول عام کوئز پروگرام  ”ذہنی آزمائش“ سیزن 14 رواں سال شروع ہونے جارہا ہے۔ پروگرام کے پہلے مرحلے کا آغاز 17 نومبر 2022ء سے ہوگا جس میں پاکستان کے 23 شہروں میں ٹیموں کی سلیکشن کے لئے آڈیشن کئے جائیں گے۔ آڈیشن میں کامیابی حاصل کرنے والے عاشقان رسول ”ذہنی آزمائش“ سیزن 14 کے مقابلے میں شامل ہوسکیں گے۔

پاکستان کے مختلف مقامات پر ہونے والے آڈیشن کے شیڈول کو ملاحظہ کیجئے:

٭حیدر آباد، 17 نومبر 2022ء بروز جمعرات ٭کوٹری، 18 نومبر 2022ء بروز جمعہ ٭میر پورخاص، 19 نومبر 2022ء بروز ہفتہ ٭نوابشاہ، 20 نومبر 2022ء بروز اتوار ٭منڈی یزمان، 21 نومبر 2022ء بروز پیر ٭وہاڑی، 22 نومبر 2022ء بروز منگل ٭ملتان، 23 نومبر 2022ء بروز بدھ ٭اوکاڑہ، 24 نومبر 2022ء بروز جمعرات ٭لاہور، 25 نومبر 2022ء بروز جمعہ ٭سیالکوٹ، 26 نومبر 2022ء بروز ہفتہ ٭گجرات، 27 نومبر 2022ء بروز اتوار ٭اسلام آباد (G-11)، 28 نومبر 2022ء بروز پیر ٭چکوال، 29 نومبر 2022ءبروز منگل ٭ایبٹ آباد، 30 نومبر 2022ء بروز بدھ ٭پشاور، 01 دسمبر 2022ء بروز جمعرات ٭کھڑی شریف (کشمیر)، 02 دسمبر 2022ء بروز جمعہ ٭فیصل آباد، 03 دسمبر 2022ء بروز ہفتہ ٭چنیوٹ، 04 دسمبر 2022ء بروز اتوار ٭سرگودھا، 05 دسمبر 2022ء بروز پیر ٭سمندری، 06 دسمبر 2022ء بروز منگل ٭کراچی (مکی، مدنی)، 10 دسمبر 2022ء بروز ہفتہ ٭کوئٹہ، 12 دسمبر 2022ء بروز پیر

7 نومبر 2022ء کو دعوت اسلامی کے زیر اہتمام پولیس لائن ڈسٹرکٹ نارووال میں اجتماع میلاد کا انعقاد کیا گیا جس میں D.P.Oکیپٹن حافظ محمود ، S.P سٹی محمد رضا، D.S.P صدر سرکل محمد خالد ڈار، D.S.Pظفر وال طارق ڈوگر، D.S.P شکر گڑھ محمد قاسم، D.S.P لیگل محمد زبیر، انچارج سیکورٹی برانچ انسپکٹر محمد قدیر سمیت پورے ڈسٹرکٹ کے S.H.O ، تفتیشی آفیسرز اور دیگر اہلکاروں نے شرکت کی۔

رکن شوریٰ حاجی محمد اظہر عطاری نے ”عشق مصطفٰے صلَّی اللہ علیہ واٰلہٖ وسلَّم اور رزق حلال“ کے موضوع پر سنتوں بھرا بیان کیااور شرکا کو سیرت نبوی صلَّی اللہ علیہ واٰلہٖ وسلَّم کے مطابق زندگی گزارنے کی ترغیب دلائی۔

دعوت اسلامی کے زیر اہتمام 6 نومبر 2022ء کی شب کشمیر کے علاقے چھنی کنجال بھمبر میں بڑی گیارہویں شریف کے موقع پر اجتماع غوثیہ کا انعقاد کیا گیا جس میں ذمہ داران دعوت اسلامی اور مختلف مقامات سے کثیر تعداد میں عاشقان رسول نے شرکت کی۔

نگران کشمیر مشاورت حاجی سید جنید عطاری نے ”سیرت غوث پاک رحمۃُ اللہِ علیہ“ کے موضوع پر سنتوں بھرا بیان کیا اور شرکا کو امام الاولیاء سرکار غوث اعظم رحمۃُ اللہِ علیہ کی سیرت کے مطابق زندگی گزارنے کی ترغیب دلائی۔

دعوت اسلامی کے زیر اہتمام 6 نومبر 2022ء کی شب ڈسٹرکٹ میر پور خاص کی تحصیل میرواہ میں بڑی گیارہویں شریف کے موقع پر اجتماع غوثیہ کا انعقاد کیا گیا جس میں ذمہ داران دعوت اسلامی اور مختلف مقامات سے کثیر تعداد میں عاشقان رسول نے شرکت کی۔

رکن شوریٰ حاجی فاروق جیلانی عطاری نے ”سیرت غوث پاک رحمۃُ اللہِ علیہ“ کے موضوع پر سنتوں بھرا بیان کیا اور شرکا کو اولیائے کرام کی سیرت کے مطابق زندگی گزارنے کی ترغیب دلائی۔

عاشقانِ رسول کی دینی تحریک دعوتِ اسلامی کے تحت ہونے والے دینی کاموں کا فالو اپ لینے کے لئے وقتاً فوقتاً مدنی مشوروں کا انعقاد کیا جاتا جس میں ذمہ داران سے دینی کاموں میں ترقی کے لئے  تبادلۂ خیال کیا جاتا ہے۔

اسی سلسلے میں 7 نومبر 2022ء بروز پیر ماڈل ٹاؤن ملیر یوسی 1 کراچی کے ذمہ داران کا ماہانہ مدنی مشورہ ہوا جس میں یوسی نگران، وارڈ نگران اور یوسی مشاورت کے اسلامی بھائیوں نے شرکت کی۔

ابتداءً مدنی مشورے میں نگرانِ یوسی قاسم عطاری نے ذمہ داران سے دعوتِ اسلامی کے 12 دینی کاموں کی کارکردگی کا جائزہ لیا اور مزید احسن انداز میں دینی کام کرنے کا ذہن دیا جس پر انہوں نے اچھی اچھی نیتوں کا اظہار کیا۔

علاوہ ازیں نگرانِ یوسی نے دعوتِ اسلامی کے تحت 13 نومبر 2022ء کو ہونے والے ٹیلی تھون کے متعلق عاشقانِ رسول سے ملاقات کرنے اور انہیں مدنی قافلوں میں سفر کروانے پر کلام کیا۔(رپورٹ:رضوان شاہ عطاری مدنی، کانٹینٹ:غیاث الدین عطاری)

3 اور 4 نومبر 2022ء  بروز جمعرات اور جمعہ حیدرآباد ڈویژن کے تنظیمی ذمہ داران کا مدنی مشورہ ہوا جس میں نگرانِ مجلس مولانا یاسر عطاری مدنی نے دینی کاموں کی اہمیت کے موضوع پر بیان کیا۔

خاص طور پر مدرسۃُالمدینہ بالغان پڑھانے پر ذہن سازی کی جس پر ذمہ داران نے مدرسۃُالمدینہ بالغان پڑھانے کی نیتوں کا اظہار کیا۔بعدازاں نگرانِ مجلس نے مدرسین پر انفرادی کوشش کرتے ہوئے انہیں مدرسۃُالمدینہ بالغان پڑھانے اور دینی کام وفرض علوم کورس کرنے کی ترغیب دلائی نیز ٹیلی تھون میں زیادہ سے زیادہ یونٹ جمع کروانے کا ذہن بھی دیا۔اس موقع پر رکنِ مجلس کراچی و حیدرآباد تبریز عطاری مدنی نے بھی دینی کاموں میں مزید بہتری لانے کے متعلق مدنی پھول دیئے۔(کانٹینٹ: رمضان رضا عطاری)

دعوتِ اسلامی  کے تحت ڈسٹرکٹ ٹنڈو محمد خان بشیر چوک ٹالپر کالونی میں بڑی رات گیارہویں شریف کا اجتماع منعقد ہوا جس میں مبلغ ِ دعوتِ اسلامی نے ’’سیرتِ غوثِ پاک رحمۃ اللہ علیہ ‘‘ کے موضوع پر سنتوں بھرا بیان کیا۔

تلاوتِ قراٰنِ پاک و نعتِ رسولِ مقبول صلَّی اللہ علیہ واٰلہٖ وسلَّم سے آغاز ہوا۔ بیان کے بعد شعبہ مدرسۃُالمدینہ بالغان کے تحت تکمیلِ قرآن و مدنی قاعدہ مکمل کرنے والےاسلامی بھائیوں میں ڈویژن نگران ذوالقرنین عطاری اور ڈسٹرکٹ نگران فضل احمد عطاری نے تحفے تقسیم کرتے ہوئے اسناد پیش کیں۔ (کانٹینٹ: رمضان رضا عطاری)

دعوتِ اسلامی  کی جانب سے 6نومبر 2022ء بروز اتوار بعد نمازِ عشاء سانگھڑ ڈسٹرکٹ کی تحصیل سانگھڑ میں بڑی گیارہویں شریف کا اجتماع ہوا جس میں مقامی عاشقانِ رسول نے شرکت کی۔

رکنِ شوریٰ حاجی فضیل رضا عطاری نے ’’حدیثِ قدسی اور شانِ غوث ِپاک‘‘ کے موضوع پر سنتوں بھر بیان فرمایا اور شرکائے اجتماع کو سیرتِ غوثِ پاک پر عمل کرتے ہوئے علمِ دین حاصل کرنے کی ترغیب دلاتے ہوئے ہفتہ وار سنتوں بھرے اجتماع میں آنے کی دعوت دی نیز 13 نومبر2022ء کو جو ٹیلی تھون ہونے جارہا ہے اس میں تعاون کرنے کا ذہن دیا۔ اس موقع پر سانگھڑ کے تحصیل نگران احمدرضا عطاری سمیت دیگرذمہ داران نے بھی شرکت کی۔(کانٹینٹ: رمضان رضا عطاری)