دعوت اسلامی کے شعبے فیضان ایجوکیشن نیٹ ورک کے تحت ڈیفنس کابینہ  فیز 4 کراچی میں اسلامک انسٹیٹیوٹ (برائے خواتین ) کا افتتاح کردیا گیا جہاں انشاء اللہ عزوجل خواتین کے لیے مختلف دینی و دنیاوی کورسز اور قرآن پاک کی تعلیم ملٹی میڈیا کے ساتھ دینے کا سلسلہ ہوگا ۔

اس موقع پر دعوت اسلامی کی مرکزی مجلس شوریٰ کے نگران مولانا عمران عطاری نے اسلامی بہنوں میں دین کی تعلیمات عام کرنے کے حوالے سے مدنی پھول دئے اس تقریب میں ڈیفنس کی مقامی شخصیات نے شرکت کی ۔

فیضان ایجوکیشن کے ڈائریکٹر نے شرکا کو اس انسٹیٹیوٹ کے حوالے سے بریفنگ دیتے ہوئے کہا کہ انشاء اللہ عزوجل آنے والے ہفتے سے اسلامی بہنوں میں تربیتی نشست کا سلسلہ شروع ہوجائے گا ۔(رپورٹ:محمد حماد رضا میڈیا ڈیپارٹمنٹ ڈیفنس کابینہ کراچی)

دعوتِ اسلامی کے زیر اہتمام گزشتہ دنوں  پاکستان، نواب شاہ کے گلشن مدینہ ٹاؤن میں واقع فیضانِ مدینہ میں ہفتہ وار سنتوں بھرے اجتماع کا سلسلہ کیا گیا جس میں نگران برمنگھم یوکے ریجن ، سید فضیل رضا عطاری نے سنتوں بھرا بیان کیا۔

دعوتِ اسلامی کے شعبے خدام المساجد والمدارس کے زیر اہتمام گزشتہ دنوں پاکستان کے شہر دولت پور ، نواب شاہ میں  مدنی مرکز فیضانِ مدینہ، مدرسۃ المدینہ اور جامعۃ المدینہ کا آغاز ہوا جس کا باقاعدہ افتتاح نگران برمنگھم یوکے ریجن ، سید فضیل رضا عطاری نے کیا۔

دعوتِ اسلامی کے شعبے خدام المساجد والمدارس کے زیر اہتمام گزشتہ دنوں پاکستان ، بلوچستان کے شہر سبی میں مدنی مرکز فیضانِ مدینہ، مدرسۃ المدینہ اور جامعۃ المدینہ کا آغاز ہوا جس کا باقاعدہ افتتاح نگران برمنگھم یوکے  ریجن، سید فضیل رضا عطاری نے کیا۔

دعوتِ اسلامی کے شعبے  خدام المساجد والمدارس کے زیر اہتمام 09 فروری 2021ء بروز منگل پاکستان، پنجاب کے فیصل آباد میں مدرسۃ المدینہ فیضانِ صدیق اکبر رضی اللہ عنہ کا آغاز کیا گیا جس کا افتتاح نگران برمنگھم یوکے ریجن ، سید فضیل رضا عطاری نے کیا۔

 دعوت اسلامی کے زیر اہتمام 07فروری 2021ء بروز اتوار ٹھل سٹی جیکب آباد میں مدنی مشورے کا سلسلہ ہوا جس میں ڈویژن نگران اور علاقائی نگران سمیت دیگر ذمہ داران نے شرکت کی ۔

مدنی مشورے میں مبلغ دعوت اسلامی مولانا عبد الوحید المدنی عطاری نگران جیکب آباد کابینہ نے حاضرین کو تنظیمی کاموں میں ترقی پر مدنی پھول دئیے اور مدرسہ بالغان اور مدنی درس میں ترقی کرنے کا ذہن دیتے ہوئے کہا کہ 12 دینی کام ہمارے لئے بہت اہم ہے جبکہ نگران کابینہ نے صبر کے فضائل پر بیان کرتے ہوئے مدنی کاموں میں ٹائم دینے کی اہمیت پر کلام کیا ۔(رپورٹ:قاری عرفان عطاری مجلس کارکردگی جیکب آباد کابینہ ذمہ دار)

05فروری2021ء بروز  جمعۃ المبارک مدنی بلڈنگ کراچی میں بسلسلہ برسی والدہ محترمہ رکنِ شوری حاجی عقیل عطاری مدنی کے گھر یوم ِصدیق اکبر و ایصالِ ثواب اجتماع ہوا جس میں نگران کابینہ، ائمہ مساجد کے نگران ، پراپرٹی اینڈ کنسٹریکشن ڈیپارٹمنٹ کے نگران، ماہنامہ فیضان ِمدینہ کے چیف ایڈیٹر محمد آصف عطاری مدنی سمیت دیگر ذمہ داران و اہل خانہ نے شرکت کی ۔

ایصالِ ثواب اجتماع میں مفتی محمد فضیل رضا عطاری نے شانِ صدیق اکبر رضی اللہ عنہ کے موضوع پر بیان کرتے ہوئے حاضرین کو سیرت مصطفی و کردارِ صدیق اکبر کو اپنانے کی ترغیب دلائی۔

مفتی صاحب نے بیان میں فرمایا کہ’’ حضرت ابوبکر صدیق رضی اللہ عنہ کا ایمان ایسا ہے کہ ساری امت کا ایمان ایک ترازو کے پلڑے میں رکھ دیا جائے اورحضرت صدیق اکبر رضی اللہ عنہ کاایمان دوسرے پلڑے میں ہوتو حضرت صدیق اکبر کا ایمان بھاری ہوجائے گا۔حضرت ابوبکرصدیق رضی اللہ عنہ کی صداقت ایسی ہے کہ آپ کا لقب ہی’’ صدیق اکبر‘‘ یعنی سب سے بڑے تصدیق کرنے والےہیں۔انبیاء کرام علیہم السلام کے بعد تمام انسانوں میں افضل ہیں اور حضرت ابوبکر صدیق تمام صحابہ میں بھی سب سے افضل و اعلیٰ ہیں۔

یاد رہے! جو سب سے افضل ہوتا ہے وہ اللہ تعالی کے زیادہ قریب بھی ہوتا ہے۔ حضرت ابوبکر صدیق رضی اللہ عنہ کی نبی کریم صلی اللہ تعالی علیہ وسلم سے محبت کا عالم یہ ہے کہ آپ نے فرمایا’’مجھے تین باتیں بہت پسند ہیں،پہلی بات یہ کہ آپ صلی اللہ تعالی علیہ وآلہ سلم کے چہرہ ٔمبارکہ کی طرف دیکھتے رہنا، دوسری بات یہ ہے کہ نبی کریم علیہ الصلوۃوالسلام کی خدمت میں مال خرچ کرنا، اورتیسری بات: نبی کریم صلی اللہ تعالی علیہ وآلہ وسلم پر کثرت سے ’’دورد پاک پڑھنا‘‘۔

مفتی صاحب نے خصوصی دعا فرماتے ہوئے رکنِ شوری ٰحاجی عقیل عطاری مدنی کی والدہ محترمہ کی برسی کے موقع پر ہونےوالی قرآن خوانی،نعت خوانی اور دیگر نیک اعمال کا ثواب ان کی والدہ محترمہ کو ایصال کیااور انکے درجات کی بلندی کیلئے دعا فرمائی۔

گزشتہ روز  پنجاب کے علاقے وزیرآباد میں سید فضیل رضا عطاری نے ہائی کلاس بیکریوں کے اونرز سے ملاقات کرکے ان کے درمیان مدنی مشورہ فرمایا۔ انہیں دعوتِ اسلامی کے مدنی کاموں سے آگاہ فرما کر دعوتِ اسلامی کے ساتھ تعاون کرنے کا مدنی ذہن دیا۔

دعوتِ اسلامی کے تحت رحیم یارخان میں مسجد’’  فیضانِ امیر ِمعاویہ رضی اللہ تعالٰی عنہ‘‘ کا افتتاح ہوا۔اس موقع پر برمنگھم یوکے ریجن نگران سیّد فضیل رضا عطاری بھی وہاں موجود تھے۔انہوں نے مسجد کی جلد تعمیر اور وہاں موجود حاضرین کی لئے دعا بھی کروائی اور و ہاں موجود ذمّہ داران کا مدنی مشورہ بھی لیا۔

6 فروری 2021ء بروز جمعرات  کو دعوتِ اسلامی کے تحت پنجاب کے علاقہ وزیرآباد میں موجود مدنی مرکز فیضان ِمدینہ میں ہفتہ وار سنتوں بھرا اجتماع ہوا جس میں یوکے برمنگھم کے ریجن نگران سیّد فضیل رضا عطاری نےسنّتوں بیان فرمایا۔ اجتماعِ پاک میں کثیر عاشقان ِرسول نے شرکت کی۔ 

گزشتہ روز    د عوت ِاسلامی کی مرکزی مجلس شوریٰ کے رکن مولانا اسد عطاری مدنی پنجاب کے علاقہ’’ غاکہر منڈی ‘‘میں ایک اسلامی بھائی کے گھر ملاقات کے لئے تشریف لے گئے اور ان کے لئے دعا ئے صحت و برکت فرمائی۔اس موقع پر آپ کے ہمراہ برمنگھم یوکے کے ریجن نگران سیّد فضیل رضا عطاری بھی موجود تھے۔