کراچی کے علاقے گلبہارمیں واقع سینیٹری مارکیٹ میں چوک درس اور مدنی حلقے کا سلسلہ ہوا ۔

اراکین شوریٰ حاجی محمد امین عطاری اور حاجی امین قافلہ عطاری نے دکاندار اور اطراف کے اسلامی بھائیوں سے ملاقات کی اور انہیں نیکی کی دعوت پیش کرتے ہوئے مدنی قافلے میں سفر کرنے اور ہفتہ وار اجتماع میں شرکت کرنے کی ترغیب دلائی۔ اراکین شوریٰ نے اسلامی بھائیوں کو پابندی سے چوک درس دینے کا ذہن دیا۔

دعوت اسلامی کی مرکزی مجلس شوریٰ کے رکن حاجی محمد امین عطاری نے دار العلوم نعیمیہ کے مدرس مولانا آثار اللہ صاحب سے ملاقات کی۔ رکن شوریٰ نے انہیں دعوت اسلامی کی دینی خدمات سے آگاہ کیا اور مکتبۃ المدینہ کی کتابیں تحفے میں پیش کیں۔

دعوت اسلامی کی مجلس اورادِ عطاریہ کے زیر ِاہتمام آج رات 8:30 بجے دعوت اسلامی کے آفیشل Facebook PageپرLiveسلسلہ ہوگا۔

اس سلسلے میں محمد جنید عطاری مدنی اور عاصم عطاری مدنی عاشقان رسول کو رحانی علاج بتائینگےجبکہ استخارے کا سلسلہ ہوگا۔ 

دعوتِ اسلامی علمی و ادبی کام کو ایک خوبصورت اورعمدہ کتاب کی شکل میں منظر عام پر لانے کے لئے ہر ممکن کوشش کررہی ہے یہی وجہ ہے کہ پچھلے سال سے دعوتِ اسلامی کی کتب و رسائل عربی ممالک جیسے بیروت ، شام ، لبنان وغیرہ سے بھی شائع ہونا شروع ہوچکی ہیں۔

گزشتہ سال 2020ء میں 5 کتب عرب ممالک سے شائع کرنے کا ہدف تھا لیکن اَلْحَمْدُ لِلّٰہِ عَزَّ وَجَلَّ متعلقہ مجلس کی بھرپور محنت و کاوش کے سبب کتابیں 6 (اَلفَتَاوَى المُخْتَارَة مِنَ الفَتَاوَى الرَّضَوِيَّة، أَنوَارُ المَنَّانِ فِي تَوحِيدِ القُرآن،مَجْمُوع رَسَائِلِ الشَّيخ إِليَاس اَلعَطَّار ،أَجلَى الاعلَام أَنَّ الفَتْوَى مُطْلَقاً عَلىٰ قَولِ الإمَام،اَلتَّعْلِيْقَاتُ الرَّضَوِيَّة عَلىٰ الهِدَايَة وَشُروحِهَا ) پرنٹ ہوگئیں۔

اس سال 2021ء میں 21 کتابیں عرب ممالک سے شائع کروانے کا ہدف ہے۔ یہ کتابیں اشاعت کے بعد پاکستان میں موجود مکتبۃ المدینہ العربیہ کی برانچز اور جس عربی مکتبے سے کتاب شائع ہوگی دنیا بھر میں موجود ان عربی مکاتب کی برانچز سے حاصل کی جاسکیں گی۔

(01) نور الایضاح (02) مسند امام اعظم (03) آثار السنن (04) شرح معانی الاثار (05) زبدۃ الاتقان (06) خلاصۃ الدلائل (07) نور الانوار (08) حسامی (09) سراجی (10) کافیۃ (11) شرح عقائد نسفیہ (12) مجموعۃ الازھار (13) الانوار الرضویہ (14) التعلیقات الرضویہ (15) معالی الغیب (16) تہذیب التہذیب (17) میزان الاعتدال (18) فیضان نماز (19) نیکی کی دعوت (20) شجرہ قادریہ (21) مجموع رسائل شیخ الیاس عطار (جلد دوم)

1 جنوری 2021 بروز جمعۃ المبارک بعد از نماز عشاء مبلغ دعوت اسلامی مولانا محمد احمد رضا عطاری کی رہائش گاہ  پر اجتماع میلاد کا اہتمام ہوا جس میں مبلغ دعوت اسلامی حاجی نصر عطاری، ڈویژن نگران آصف عطاری، قاری بلال عطاری، چوہدری مہر رشید احمد، مہر فاروق احمد اور سیاسی و سماجی شخصیات سمیت کثیر عاشقان رسول نے شرکت کی۔

اجتماع میلاد میں رکن لاہور جنوبی زون مدرستہ المدینہ بالغان مولانا محمد شعیب رضا عطاری المدنی نے شان مصطفیٰ کے موضوع پر اور مبلغ دعوت اسلامی مولانا اشفاق احمد رضوی نے عشق رسول کے موضوع پر بیان کرتے ہوئے حاضرین کو دعوتِ اسلامی سے وابستہ ہونے اور مدنی چینل دیکھنے کے حوالے سے بھر پور ترغیب دلائی۔(رپورٹ: ابوحاشر محمد احمدرضاعطاری)

پچھلے دنوں دعوت اسلامی کے ادارے جامعۃ المدینہ گلشن معمار کراچی میں سنتوں بھرے اجتماع کا انعقاد کیا گیا جس میں جامعۃ المدینہ  کے طلبہ، اساتذہ ٔکرام اور ناظمین نے شرکت کی۔

رکن شوریٰ حاجی محمد امین عطاری نے سنتوں بھرا بیان کیااور شرکا کو دینی کاموں میں بڑھ چڑھ کر حصہ لینے کا ذہن دیتے ہوئے ہفتہ وار اجتماع ومدنی مذاکرہ میں شرکت کرنے کی ترغیب دلائی۔

اس موقع پر رکن شوریٰ حاجی امین قافلہ عطاری، رکن مجلس جامعات المدینہ سید ساجد عطاری مدنی بھی موجود تھے۔

دعوت اسلامی کی مجلس پروفیشنلز کے زیر اہتمام کراچی کے علاقے سائٹ ایریا میں 29 دسمبر 2020ء کو مدنی حلقہ ہوا جس میں گارمنٹس، ماربل اور دیگر انڈسٹریز کے اسلامی بھائیوں نے شرکت کی۔

نگران مجلس پروفیشنلز محمد ثوبان عطاری نے سنتوں بھرا بیان کیا اور شرکا کو مساجد تعمیر کروانے اور مدرسۃ المدینہ بالغان میں شرکت کرکے درست مخارج کے ساتھ قرآن پاک پڑھنے کی ترغیب دلائی۔

دعوت اسلامی کی مجلس خدام المساجد والمدارس کے تحت تاج باغ فیز 2 حسن بلاک نزد فلٹر پلانٹ میں جامع مسجد ”فیضان عشق رسول“ کی تعمیر مکمل کرلی گئی ہے۔

آج بعد نماز عشاء مسجد کی افتتاحی تقریب کا سلسلہ ہوگا۔ مرکزی مجلس شوریٰ کے رکن حاجی یعفور رضا عطاری عشاء کی نماز پڑھاکر مسجد کا افتتاح فرمائیں گے۔

گرد و نواح کے عاشقان رسول سے افتتاحی تقریب میں شرکت کرنے کی درخواست ہے۔

آج 2 جنوری 2021ء شام 5 بجے سے  دعوت اسلامی کے زیر اہتمام عالمی مدنی مرکز فیضان مدینہ کراچی (نزدP.T.C.Lکیپٹل ٹیلیفون ایکسچینج ) میں بلڈ کیمپ کا انعقاد کیا جارہاہےجس میں عاشقان رسول خون کے عطیات دے سکیں گے۔ خدمت انسانیت کے لئے تمام عاشقان رسول سے درخواست کی جاتی ہے کہ اس کارِ خیر میں زیادہ سے زیادہ حصہ لیں۔

واضح رہے کہ 25مارچ 2020کو لاک ڈاؤن کے بعد بانی دعوت اسلامی امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ اورمرکزی مجلس شوریٰ کی جانب سے ملک بھر میں تھیلیمیسیا اور دیگر امراض میں مبتلا مریضوں کو خون کے عطیات دینے کا اعلان کیاگیا جس کے بعد بڑے پیمانے پر بلڈ کیمپس لگائے گئے اور خون کی کمی کو پورا کرنے کی کوشش کی گئی۔ تاہم وقتاً فوقتاً دعوت اسلامی کے تحت ملک کے مختلف شہروں میں یہ بلڈکیمپ لگائے جارہے ہیں اور تھیلیسیمیا اور دیگر امراض کے مریضوں میں خون کی کمی کو پورا کیاجارہاہے۔

مزید معلومات کے لئے ان نمبرز پر رابطہ فرمائیں:

حسن رضا: 03213426126، مستقیم عطاری: 03452772385، اریب رضا عطاری: 03472075627

دعوت اسلامی کی مجلس شارٹ کورسز کے زیر اہتمام یکم جنوری 2021ء سےاسلامی بہنوں کے لئے 3ماہ پر مشتمل  ”کورس حب العربیہ“ شروع ہوچکاہے۔ دعوت اسلامی عربی سیکھنے میں دلچسپی رکھنے والی اسلامی بہنیں اور بالخصوص جامعۃ المدینہ کی طالبات کے لئےسنہری موقع فراہم کررہی ہے۔

کورس میں شرکت کرنے والی اسلامی بہنیں کو ٭ صرف و نحو کے متعلق قواعد ٭اردو اور عربی ٹرانسلیٹ کرنے کا طریقہ ٭ ڈیلی بولنے والے Arabic Sentencesاور اس کے علاوہ بہت کچھ سیکھنے کا موقع مل سکے گا۔

ایڈمیشن کے لئے صرف اسلامی بہنیں ہی صبح 8:00 تا شام 4:00 بجےتک رابطہ کرسکتی ہیں۔

مزید معلومات کے لئے اس نمبر یا ای میل ایڈریس پر رابطہ کریں:

03016623612

دعوت اسلامی کی مجلس پروفیشنلز کے زیر اہتمام کراچی کے علاقے ڈیفنس میں 27 دسمبر 2020ء کو پروفیشنلز اجتماع ہوا جس میں پروفیشنلز حضرات نے شرکت کی۔

نگران مجلس پروفیشنلزمحمد ثوبان عطاری نے سنتوں بھرا بیان کیا ۔ اس موقع پر محمد ثوبان عطاری کا کہنا تھا کہ ہر اسلامی بھائی اپنا یہ ذہن بنالے کہ روزانہ کچھ نہ کچھ وقت تبلیغِ دین کو دینا ہے، جو شخص استقامت کے ساتھ کوئی کام کرتا ہے اسے ناکامی سامنانہیں ہوتا، کیونکہ وہ ہار نہیں مانتے اور آخری دم تک میدان میں کھڑے رہتے ہیں۔ انہوں نے مزید کہا کہ ہم جو بننا چاہتے ہیں ہمیں عادتیں بھی ان ہی لوگوں کی طرح اپنانی پڑے گی۔