(اسٹاف رپورٹ:20فروری2021ء)گزشتہ رات ساہیوال پنجاب میں دارالافتاء اہلسنت دعوتِ اسلامی  کی جانب سے ”زکوٰۃ کورس“ کا اہتمام کیا گیا جس میں دارالافتاء اہلِ سنت کے مفتی عرفان عطاری مدنی صاحب مَدَّظِلُّہُ الْعَالِی نے شرکا کے درمیان خصوصی بیان فرماتے ہوئے زکوۃ کے شرعی مسائل بتائے۔

اس کورس میں خادم ملک فوڈز فیکٹری کے اونر اور چیمبر آف کامرس کے سابق وائس پریزیڈنٹ شہزاد انجم انصاری ، تحریک انصاف کے رہنما عمران گل اور عمران چوھان و برادران، زاہد چوہان (بزنس مین)، مہر ثاقب (بزنس مین)، محمد بلال (رہنما پیپلز پارٹی )، معین اسلم عطاری( ممبر آف چیمبر)،محمد عرفان (بزنس مین) سمیت کئی عاشقانِ رسول نے شرکت کی۔

اس موقع پر شرکا نے مفتی صاحب سے اپنے سوالات بھی کئے جن کے مفتی صاحب نے تسلی بخش جوابات عنایت فرمائے۔

پچھلے دنوں اڈا میکلوڈ گنج کابینہ بہاولنگر زون مجلس تحفظ اوراق مقدسہ بہاولنگر کے تحت مدنی بستے کا آغاز ہوا۔ افتتاح مجلس مدنی بستہ بہاولنگر زون محمد معین عطاری نے کیا  اور صدقے کے متعلق بیان کرتے ہوئے حاضرین کو مدنی بستے پر روزانہ حاضری دینے اور اپنی نیک کمائی سے کچھ نہ کچھ روزانہ کی بنیاد پر راہ خدا میں خرچ کرنے کی ترغیب دلائی جس پر ہاتھوں ہاتھ لوگوں نے تعاون کیا۔(رپورٹ:تحفظ اوراق مقدسہ بہاولپور زون)

دعوت اسلامی کے زیر اہتمام 16 فروری 2021ء کو خواجہ فرید گورنمنٹ پوسٹ گریجویٹ کالج رحیم یار خان میں تربیتی سیشن ہوا جس میں کالج کے اسٹوڈنٹس، پروفیسرز اور پرنسپل نے شرکت کی۔

نگران مجلس پروفیشنلز محمد ثوبان عطاری نے بیان کیا اور شرکا کو دینی تعلیم کے ساتھ ساتھ دنیاوی تعلیم بھی حاصل کرنے ، ہفتہ وار اجتماع اور دینی کاموں میں شرکت کرنے کی ترغیب دلائی۔ 

دعوت اسلامی کے زیر اہتمام 16 فروری 2021ء کو اسپائر گروپ آف کالجز صادق آباد میں تربیتی سیشن ہوا جس میں کالج کے اسٹوڈنٹس، پروفیسرز اور پرنسپل نے شرکت کی۔

نگران مجلس پروفیشنلز محمد ثوبان عطاری نے بیان کیا اور شرکا کو دینی تعلیم کے ساتھ ساتھ دنیاوی تعلیم بھی حاصل کرنے ، ہفتہ وار اجتماع اور دینی کاموں میں شرکت کرنے کی ترغیب دلائی۔

دعوت اسلامی کے زیر اہتمام 17 فروری 2021ء کو شاہین میرج ہال بلاک Eعارف والا میں تاجر اجتماع کا انعقاد کیا گیا جس میں مقامی تاجران، مختلف شخصیات اور ذمہ داران دعوت اسلامی نے شرکت کی۔

مرکزی مجلس شوریٰ نے رکن حاجی محمد رفیع عطاری نے سنتوں بھرا بیان کیا اور شرکا کو دعوت اسلامی کے شعبہ جات اور دیگر پروجیکٹس کا تعارف پیش کرتے ہوئے انہیں دینی کاموں میں تعاون کرنے کی ترغیب دلائی۔رکن شوریٰ نے انہیں ہفتہ وار اجتماع میں شرکت کرنے اور مدنی مذاکرہ دیکھنے کی ترغیب دلائی۔

دعوت اسلامی کی مرکزی مجلس شوریٰ کے رکن حاجی محمد رفیع عطاری نے 17 فروری 2021ء کو پاکپتن زون کا دورہ کیا جہاں انہوں نے عارف والا میں مختلف مقامات پر مساجد و مدارس اور جامعۃ المدینہ للبنات کا سنگ بنیاد رکھا۔ اس موقع پر مدنی حلقے کا سلسلہ ہوا جس میں رکن شوریٰ نے مدنی پھول بیان کیا اور اختتام پر عاشقان رسول سے ملاقات کی۔

سنگ بنیاد رکھے جانے والے مقامات کی تفصیلات ملاحظہ کریں: فیضان عشق ِ رسول رحمان سٹی عارف والا، جامعۃ المدینہ للبنات گلشن فرمان 65 روڈ عارف والا، مسجدو مدرسہ علی المرتضیٰ ترکھنی عارف والا، E.B ہوتہ روڈ چک نمبر 27 عارف والامیں مسجد و مدرسہ کا سنگ بنیاد

دعوت اسلامی کی مرکزی مجلس شوریٰ کے رکن حاجی محمد رفیع عطاری نے 17 فروری 2021ء کو مدنی مرکز فیضان مدینہ اڈہ رنگ شاہ کا وزٹ کیا۔ رکن شوریٰ نے وہاں جاری تعمیراتی کاموں کا جائزہ لیتے ہوئے ذمہ داران سے ملاقاتیں کیں اور انہیں تعمیرات جلد مکمل کروانے اور مدنی مرکز سے دینی کاموں کا آغاز کرنے کاذہن دیا۔

19فروری 2021ءبروز جمعہ شام 7:00 بجے  دارالافتاء اہل سنت کے مفتی کفیل عطاری مدنی صاحب مدنی چینل کے آفیشلFacebook پیج پرLive ہونگے جس میں عاشقان رسول اپنے سوالات کے ذریعے شرعی مسائل کا حل جان سکیں گے ۔

اس سلسلے میں شرکت کرنےکے لئے اس لنک پر کلک کیجئے:

https://www.facebook.com/MadaniChannelOfficial

آج 6 رجب المرجب 1442ھ کی شب ہفتہ وار اجتماع کے بعد آقائے چشت سلطان الہند خواجہ غریب نواز  معین الدین سید حسن چشتی اجمیری رحمۃ اللہ علیہ کے809 واں عرس کےموقع پر دعوت اسلامی کے عالمی مدنی مرکز فیضان مدینہ کراچی میں مدنی مذاکرے کا سلسلہ ہوگا۔

مدنی مذاکرے میں شیخ طریقت امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ مدنی پھول ارشاد فرمائیں گے۔

تمام عاشقان رسول سے اس مدنی مذاکرے میں شرکت کرنے کی درخواست ہے۔

واضح رہے کہ عرس خواجہ غریب نواز رحمۃ اللہ علیہ کے سلسلے میں یکم رجب المرجب سے مدنی مذاکرہ کا انعقاد کیا جارہا ہے۔

نوٹ: یہ پروگرام مدنی چینل پر براہ راست نشر کیا جائیگا۔

ہر جمعرات کی طرح آج مورخہ 18 فروری 2021ء  دعوتِ اسلامی کی جانب سے دنیا بھر میں ہفتہ وار سنتوں بھرے اجتماعات منعقد کئے جائیں گے۔

دعوتِ اسلامی کے مدنی مرکز فیضانِ مدینہ فیصل آباد میں ہونے والے اجتماعِ پاک میں مرکزی مجلس شوریٰ کے رکن حاجی محمد اسد عطاری مدنی سنتوں بھرا بیان فرمائیں گے۔

اجتماعِ پاک کا آغاز رات 8:30 بجے تلاوتِ قرآنِ مجید سے ہوگا، نعت و بیان کے ساتھ ساتھ اجتماعی ذکر و دعا کا سلسلہ بھی ہوگا۔

عاشقانِ رسول سے شرکت کی خصوصی التجا ہے۔

نوٹ: ہفتہ وار اجتماع براہِ راست مدنی چینل پر بھی نشر کیا جائے گا۔

دعوتِ اسلامی کے شعبے جامعۃ المدینہ کے زیر اہتمام گزشتہ دنوں  جامعۃ المدینہ فاروق آباد فیضانِ مدینہ میں مدنی حلقہ ہوا جس میں ناظم ، اساتذہ، طلباء ، بواب اور خادمین نے شرکت کی۔

اشرف مدنی ناظم جامعۃ المدینہ نےنفل روزوں کا ثواب اور رجب شریف کے فضائل کے موضوع پر سنتوں بھرا بیان کیا۔ نیک بننے اور بنانے کے حوالے سے نکات بیان کئے۔ فیضانِ مدینہ میں سحری و افطاری کا اہتمام کیا گیا خوش نصیب طلباء ، اساتذہ اور خدام و بواب اسلامی بھائیوں نے سحری کی اور نفل روزہ رکھا۔ (رپورٹر:غلام جیلانی عطاری، رکن کابینہ مدنی قافلہ فاروق آباد)

دعوت اسلامی کی مجلس خدام المساجد و المدارس کے تحت 31 جنوری 2021ء سے فیصل آباد ریجن کے مختلف زون میں مساجد و مدارس کا سنگ بنیاد رکھنے اور افتتاح کرنے کا سلسلہ ہوا۔ ان مقامات کا باقاعدہ افتتاح مرکزی مجلس شوریٰ کے رکن حاجی محمد رفیع عطاری نے فرمایا جبکہ مقامی عاشقان رسول کو ان مقامات کی تعمیرات کو جلد مکمل کرنے اور اس کو آباد کرنےکا ذہن دیا۔

31 جنوری 2021ء سے 9فروری 2021ء تک افتتاح و سنگ بنیاد رکھے جانے والے مقامات کی تفصیلات ملاحظہ کریں:3 اور 4 فروری 2021ء کو میانوالی زون میں 11 مساجد اور8 مدارس، 6 فروری 2021ء تک اوکاڑہ زون میں 7 مساجد جبکہ 9فروری 2021ء تک فیصل آباد زون میں 9 مساجد کا افتتاح و سنگ بنیاد رکھاگیا۔