آج بروز اتوار  دوپہر 2 بجے دعوت اسلامی کے مختلف جامعۃ المدینہ کے اساتذۂ کرام کےدرمیان سنتوں بھرے اجتماع کا انعقاد کیا جائیگا۔

اس اجتماع میں نگران مجلس پروفیشنلز و موٹیویشنل اسپیکر محمد ثوبان عطاری ”Self development“ کے موضوع پر خصوصی بیان فرمائیں گے۔

جامعۃ المدینہ کے تمام اساتذہ کرام سے اس اجتماع میں شرکت کرنے کی درخواست ہے۔

الحمد للہ عزوجل عاشقان رسول کی مدنی تحریک دعوت اسلامی نیکی کی دعوت کو عام کرنے میں مصروف عمل ہے۔ اسی سلسلہ میں 13جنوری2021ء بروز بدھ کامونکی غربی ڈویژن کے علاقہ شریف پورہ میں علاقائی دورہ ہوا جس میں اہل علاقہ کو نماز عصر کے بعد نیکی کی دعوت کی دی ۔

نماز مغرب کے بعد زون ذمہ دار مجلس اصلاح اعمال محمد قاسم عطاری نے سنتوں بھرا بیان کیا جس میں اہل علاقہ سمیت نمازیوں نے شرکت کی۔ مبلغ دعوت اسلامی نے حاضرین کے درمیان نبی پاک صلی اللہ علیہ وسلم سے محبت کرنے کے طریقے کے موضوع پر بیان کرتے ہوئے حاضرین کو نیک اعمال کرنے اور عاشقان رسول کے ساتھ مدنی قافلوں میں سفر کرنے کا ذہن دیا ۔(رپورٹ: محمد شہریار عطاری مجلس کارکردگی کامونکی کابینہ)

الحمدللہ عزوجل سنتوں کی خدمت کے لیے دعوت اسلامی کے تحت مدنی قافلے دنیا بھر میں سفر کرتے ہیں۔ اسی سلسلے میں گلگت بلتستان کے عاشقان رسول ایک ماہ کے مدنی قافلہ میں سفر کرتے ہوئے واربرٹن پنجاب پہنچے جہاں مبلغ دعوت اسلامی مولانا محمد احمد رضا عطاری نے مدنی قافلہ کے عاشقان رسول کا مدنی حلقہ لگایا ۔

مدنی حلقے میں مولانا محمد احمد رضا عطاری نے 12 دینی کاموں کے حوالے سے تربیت کرتے ہوئے مدنی مذاکرہ دیکھنے کے حوالے سے ان کو بھر پور ذ ہن دیا نیز مبلغ دعوت اسلامی نے مختلف امور پر حاضرین کو مدنی پھول دیتے ہوئے کہا کہ امیر اہل سنت دین دنیا کے ہر معاملہ میں عاشقان رسول کی رہنمائی فرماتے ہیں ذمہ دار کا مزید کہنا تھا کہ جو کسٹمر کیئر کورس، ٹائم مینجمنٹ کورس اور فیوچر پلانگ کورس کرنا چاہتا ہے اسے چاہیے کہ مدنی مذاکرہ میں شرکت کو اپنا معمول بنائے ۔(رپورٹ قاری غلام مصطفی عطاری)

دعوت اسلامی کے تحت 12جنوری2021ء  بروز منگل مبلغ دعوت اسلامی محمد اظہر عطاری ڈویژن نگران نے علاقہ دکن محلہ حلقہ گلاب ماچھی ڈویژن جیکب آباد کا دورہ کیا جہاں مقامی ذمہ داران دعوت اسلامی سے ملاقات کی اور انکے درمیان مدنی حلقے لگائے ۔

مدنی حلقےمیں مبلغ دعوت اسلامی نے ہفتہ وار رسالہ شان حافظ ملت رحمت اللہ علیہ رسالہ پڑھ کر سنایا اور حاضرین کو حافظ ملت کے نقش قدم پر چلتے ہوئے علم دین حاصل کرنے کی جستجو پیدا کرنے ،ہفتہ وار اجتماع میں شرکت کرنے اور مدرسۃ المدینہ بالغان میں شرکت کرنے کا ذہن دیتے ہوئے 12 دینی کام بڑھانے کی ترغیب دلائی نیز ہاتھوں ہاتھ چوک درس کا افتتاح بھی کیا ۔

عاشقان رسول کی مدنی تحریک دعوت اسلامی کو یہ اعزاز حاصل ہے کہ علم کا حصول خواہ فرض عین ہو یا فرض کفایہ یا مستحب و مباح، یہ شیخ طریقت امیر اہل سنت دَامَتْ بَرَکَاتُہُمُ الْعَالِیَہ کے زیر سایہ ہر دم علمِ دین کی اشاعت و ترویج کے لئے تیار رہتی ہے۔

علمِ دین کی اشاعت و ترویج کو آگے بڑھاتے ہوئے جامعۃ المدینہ میں دورۃ الحدیث شریف کے بعد جیدعلمائے کرام کے زیر نگرانی علمِ حدیث اور فقہ میں مہارت حاصل کرنے کے لئے تخصص فی الحدیث اور تخصص فی الفقہ کروایا ہے۔ اسی طرح تقریر و تبلیغ کے فن میں مہارت پیدا کرنے کے لئے تخصص فی الامامت کروایا جاتا ہے۔ ان تخصصات کی مدت بالترتیب دو، دو اور ایک سال ہے۔

ان کورسزمیں داخلے کے لیے بھی باقاعدہ انٹری ٹیسٹ لیا جاتا ہے۔ اس میں تعلیم حاصل کرنے والے طلبہ ٔکرام کے لیے رہا ئش کے علاوہ مناسب خیرخواہی بھی کی جاتی ہے۔ تاکہ وہ معاشی پريشانیوں سے آزاد ہوکر تعلیم حاصل کر سکيں۔ ایک سال کورس پڑھنے کے بعد میرٹ پر پورا اترنے والے مخصوص افراد کو باقاعدہ تدریب بھی کروائی جاتی ہے اور مقالہ جات لکھوائے جاتے ہیں تاکہ فن میں مہارت مزید نکھر کر سامنے آئے ۔

دعوت اسلامی کے زیر اہتمام تخصص فی الفقہ فی الحال فیضان مدینہ کراچی، فیصل آباداور لاہور میں جبکہ تخصص فی الحدیث اور تخصص فی الامامت عالمی مدنی مرکز فیضان مدینہ کراچی میں کروایا جاتا ہے۔

ان تخصصات میں چند دنوں کے بعد ایڈمیشن کا آغاز ہونے والاہے۔

ایڈمیشن کا طریقہ کار اور نصاب وغیرہ کی معلومات حاصل کرنے کے لیے ان گروپس میں ایڈ ہوجائیں ۔

تخصص فی الفقہ کیلئے :

https://chat.whatsapp.com/DV9PdBIB7RkGxRrzc083jN

https://chat.whatsapp.com/F7wbtiX5QeI6yipkxKEd8k

تخصص فی الحدیث کیلئے:

https://chat.whatsapp.com/G00MO3iZG4n6TXIm0rL0Go

https://chat.whatsapp.com/E770yBNxq3k3g8OtkyXxxc

تخصص فی الامامت کیلئے :

https://chat.whatsapp.com/EJ7WGmCIpiWHv0JyTy5QzN

https://chat.whatsapp.com/BtzwRQTv7qUEe2tDSZ6H1F

22جنوری 2021ء کو دعوت اسلامی کے عالمی مدنی مرکز فیضان مدینہ کراچی میں قائم رابطہ کانفرنس روم میں رات 9 بجے ”بلڈرز کمیونٹی“ کے لئے مدنی حلقے کا انعقاد کیا جائیگا۔

مدنی حلقے میں مرکزی مجلس شوریٰ کے اراکین حاجی مولانا عبد الحبیب عطاری اور حاجی محمد علی عطاری خصوصی بیان فرمائیں گے۔

تعمیراتی کاموں سے تعلق رکھنے والے عاشقانِ رسول سے اس مدنی حلقے میں شرکت کرنے کی درخواست ہے۔

علم کی مجلس میں حاضر ہونا ہزار رکعت نَفْل پڑھنے، ہزار جنازوں میں شرکت کرنے اور ہزار مریضوں کی عیادت کرنے سے بہتر ہے۔ (احیاء العلوم، مترجم جلد 1،ص136) ۔مدنی مذاکرہ بھی علم دین حاصل کرنے کا بہترین ذریعہ ہے ۔

اسی سلسلے میں آج رات 8:30 بجےمدنی چینل پر براہ راست ہفتہ وار مدنی مذاکرے کا سلسلہ ہوگا جس میں شیخ طریقت امیر اہل سنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے گئے سوالات کے جوابات ارشاد فرمائیں گے۔

واضح رہے کہ مدنی مذاکرے میں امیرِ اہلِ سنت دَامَتْ بَرَکَاتُہُمُ الْعَالِیَہ فقہی وشرعی سوالات کے جوابات، علم و حکمت سے لبریز مدنی پھول اور اپنے ذاتی تجربات کی روشنی میں روز مرہ کے مسائل پر تفصیلی گفتگو فرماتے ہیں۔

عاشقانِ رسول سے گزارش ہے کہ مدنی مذاکرے میں اول تا آخر شرکت فرمائیں اور علمِ دین کی روشنی سے اپنے سینوں کو منور کریں۔

دعوت اسلامی کی مجلس رابطہ برائے ٹرانسپورٹ ڈیپارٹمنٹ کے زیر اہتمام 17 جنوری 2021ء بعد نماز عشاء عالمی مدنی مرکز فیضان مدینہ کراچی میں تمام اراکین کابینہ برائے ٹرانسپورٹ کا مدنی مشورہ ہوگا۔

اس مدنی مشورے میں مرکزی مجلس شوریٰ کے رکن حاجی محمد اطہر عطاری شرکا کی تربیت فرمائیں گے۔

متعلقہ اسلامی بھائیوں سے عشاء کی نماز فیضان مدینہ میں ادا کرنے اور مدنی مشورے میں شرکت کرنے کی درخواست ہے۔

دعوت اسلامی کے شعبہ روحانی علاج کے زیر اہتمام ہونے والے استخارے کی ٹائمنگ 20 گھنٹے سے بڑھاکر 24 گھنٹے کردی گئی ہے۔

عاشقانِ رسول اتوار کے علاوہ ہر روز کسی بھی ٹائم ہاتھوں ہاتھ استخارہ کراسکیں گے۔

واضح رہے شعبہ روحانی علاج دعوت اسلامی کے تحت صرف اسی نمبر پر استخارہ کیا جاتا ہے: 0213-4858711

دعوت اسلامی  کی مجلس مدرسۃ المدینہ نے مدرسۃ المدینہ کی تعلیمی کارکردگی کو مزید بہتر بنانے کے لئےپہلا ٹیچر ٹریننگ سینٹر مدرسۃ المدینہ نور الاسلام چھور پورہ لاہور میں قائم کردیا گیا اور اب اِنْ شَآءَ اللہ عَزَّ وَجَلَّ ہر ریجن میں ٹیچر ٹریننگ سینٹر قائم کئے جائینگے۔

پہلے ٹریننگ سینٹر میں لاہور ریجن کے مدرسین کی تین دن کی ٹریننگ ہوئی اور آخر میں ٹیسٹ کا سلسلہ بھی ہوا۔ اس ٹیسٹ میں مدرسین کو سبق، سبقی اور منزل سننے کا طریقہ سکھایا گیااور مدرسے میں بچوں کی دینی و اخلاقی تربیت کیسے کرنی ہے اس حوالے سے بتایا گیا۔

واضح رہے کہ یہ کورس ہر مدرسین کو سال میں ایک بار ضرور کروایا جائیگا۔

دعوت اسلامی کے شعبہ رابطہ برائے ہومیو پیتھک ڈیپارٹمنٹ اور پاکستان ہومیو پیتھک  ایسوسی ایشن کے زیر اہتمام لودھراں کے ہال میں اجتماع کا انعقاد کیا گیا۔ اس اجتماع میں صدر پاکستان ہومیو پیتھک کونسل ڈاکٹر راؤ غلام مصطفیٰ سمیت مختلف ہومیو پیتھک کالجز کے پرنسپل، ڈاکٹر، جنرل سیکرٹری لودھراں پریس کلب محمدافضل لودھی،دیگر میڈیا پرسن اور مختلف پرنٹ و الیکٹرونک میڈیا کے نمائندوں نے شرکت کی۔

مرکزی مجلس شوریٰ کے رکن حاجی قاری محمد سلیم عطاری نے سنتوں بھرا بیان کیااور ہومیو پیتھک شعبے سے وابستہ افراد میں نیکی کی دعوت عام کرنے کی ترغیب دلائی۔رکن شوریٰ نے شرکا کو دعوت کے دینی کاموں میں حصہ ملانے کا ذہن بھی دیا۔

فرمانِ امیر اہل سنت دَامَتْ بَرَکَاتُہُمُ الْعَالِیَہ:امامت کورس دعوت اسلامی کا امت پر بہت بڑا احسان ہے۔

دعوت اسلامی کے شعبہ امامت کورس کے زیر اہتمام پورے سال عاشقان رسول کو تین کورسز کروایا جاتا ہے جن کی تفصیلات درج ذیل ہیں۔

شعبہ امامت کورس: اس کورس کا دورانیہ 5ماہ ہے۔ امامت کورس میں اسلامی بھائی کو 50 رکوع حفظ ، قرآن پاک کی تدریس اور مسائل کا ٹیسٹ پاس کرواکر امامت کا اہل بنایا جاتا ہے۔سال میں دو مرتبہ 10 شوال المکرم اور 19 ربیع الاول کو امامت کورس کا آغاز ہوتا ہے جبکہ اس کورس میں داخلے کی شرائط یہ ہیں۔ (1)بہتر کیفیت میں قرآن پاک پڑھنا جانتا ہو(2)عمر کم از کم 18سال ہو(3)اردو لکھنا پڑھنا جانتا ہو۔

سدا بہار امامت کورس: طالب علم کی صلاحیت کے مطابق کورس کے دورانیہ کا انتخاب کیا جاتا ہے۔ اس کورس میں اسلامی بھائی کو بہتر کیفیت میں قرآن پاک پڑھنے کی صلاحیت پیدا کرکے 5ماہ امامت کورس میں داخلے کا اہل بنایا جاتا ہے۔ سدا بہار امامت کورس میں رمضان المبارک کے علاوہ جب چاہیں داخلہ لے سکتیں ہیں جبکہ اس کورس میں داخلے کی شرائط یہ ہیں۔ (1)عمر کم از کم 18سال ہو(2)اردو لکھنا پڑھنا جانتا ہو۔

خصوصی آن لائن کورس برائے ذمہ داران(دعوت اسلامی): کورس کا دورانیہ 41دن ہے۔ اس کورس میں اسلامی بھائی کو مدنی قاعدہ، اذکار نماز، نماز کے ضروری مسائل اور عقائد اہلسنت سکھائے جاتے ہیں۔ خصوصی آن لائن کورس میں رمضان المبارک کے علاوہ جب چاہیں داخلہ لے سکتیں ہیں جبکہ اس کورس میں داخلے کی شرائط یہ ہیں۔ (1)دعوت اسلامی کے کسی بھی سطح پر تنظیمی ذمہ داری ہو۔

ضروری دستاویزات :(1)اوریجنل شناختی کارڈ۔(2)ڈویژن نگران کا تصدیق /اجازت نامہ اور شناختی کارڈ کی کاپی(3)سرپرست کا اجازت نامہ اور شناختی کارڈ کی کاپی۔

واضح رہے کہ پاکستان کے مختلف شہروں (کراچی، حیدرآباد، جیکب آباد، ڈیرہ اللہ یار، خان پور، ملتان، روہیلاں والی، خانیوال، میلسی، سخی سرور، بہاولنگر، فیصل آباد، گوجرہ، جھنگ، قبولہ، لاہور جوہر ٹاؤن، کاہنہ نو، رحمن سٹی، شیخوپورہ، ڈیرہ اسماعیل خان، اسلام آباد، گجرات، جھلم، ڈڈیال) شہروں میں امامت کورس کا سلسلہ جاری ہےجن میں 578 اسلامی بھائی امامت کورس کرنے کی سعادت حاصل کررہے ہیں۔

شعبہ امامت کورس کے ساتھ کسی بھی طریقے سے تعاون کرنے والوں کو امیر اہل سنت دَامَتْ بَرَکَاتُہُمُ الْعَالِیَہ نے اپنی دعاؤں سے نوازاں ہے۔

دعائے عطار:

یا اللہ پاک دعوت اسلامی کی مجلس امامت کورس کے تحت امامت کورس کرنے اور کروانےوالوں اور اسمیں داخلہ دلوانے والوں اور وقت نکال کر انکی تربیت کرنے والےذمہ داروں نیزاس شعبے کو خود کفیل بنانے میں تعاون کرنے والوں کی بے حساب مغفرت فرما، مولائے کریم ان سے اور انکی نسلوں سے ہمیشہ کے لئے راضی ہوجا۔اور دونوں جہانوں کی عزتیں اور عافیتیں انکا مقدر بنا۔اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

مزید معلومات کے لئے صبح 9 بجے سے رات 9 بجے تک اس نمبر اور E:mailپر رابطہ فرمائیں:

03152678671

Imamatcoursepak@dawateislami.net