استاذالعلماء شیخ الحدیث حضرت علامہ مولانا مفتی حافظ عبد الستار سعیدی صاحب مَدَّظِلُّہُ الْعَالِی کی یکم اپریل 2021ء کو عالمی مدنی مرکز فیضان مدینہ کراچی آمد ہوئی۔ علامہ عبد الستار سعیدی صاحب نے دارالافتاء اہل سنت میں مفتیٔ اہل سنت مفتی محمد قاسم عطاری، استاذ الحدیث مفتی محمد حسان عطاری مدنی اور دیگر مفتیانِ کرام سے ملاقاتیں کیں اور اس موقع پر شعبے میں خیرو برکت کے لئے دعائیں کی گئیں۔

بعد ازاں شیخ الحدیث علامہ عبد الستار سعیدی صاحب نے مختلف شعبہ جات سمیت اسلامک ریسرچ سینٹر (المدینۃ العلمیہ) کا دورہ کیا جہاں انہوں نے ہونے والے تحریری، تصنیفی وتالیفی کاموں کا جائزہ لیا اور رکن شوریٰ حاجی ابو ماجد محمد شاہد عطاری مدنی سے ملاقات کی۔رکن شوریٰ نے انہیں دعوت اسلامی کا تعارف پیش کیا جس پر مفتی صاحب نے دعوت اسلامی کے دینی کاموں کوسراہتے ہوئے نیک خواہشات کا اظہار کیا۔ دعوت اسلامی کی جانب سے انہیں مکتبۃ المدینہ کی کتابیں بھی تحفے میں پیش کی گئیں۔