دعوتِ اسلامی کے شعبہ جامعۃالمدینہ  گرلز کےتحت 13ستمبر بروز 2021ء بروزپیر حیدرآباد زون میں رداء پوشی کے سلسلے میں اجتماع کا انعقاد ہوا جس میں ناظمات، معلمات اور دیگر زون اور ریجن ذمہ داراسلامی بہنوں نے شرکت کی۔ اس کے علاوہ درس نظامی اور فیضان شریعت کورس کی تکمیل کرنے والی طالبات اور ان کے گھر کی اسلامی بہنوں نے شرکت کی ۔

اس موقع پر صاحبزادیِ عطار سلمھاالغفارنے جامعۃالمدینہ گرلز حیدرآباد سے درس نطامی کی تکمیل کرنے والی 69 اسلامی بہنوں کی ردا ءپوشی فرمائی۔ساتھ ہی ناظمات ومعلمات کے درمیان’’ مُعلمہ کو کیسا ہونا چاہیے‘‘ کے موضوع پر بیان کیا اور دینی کام کرنے کا بھی ذہن دیاجس پر اِن اسلامی بہنوں نے اچھی اچھی نیتوں کا اظہار بھی فرمایا۔اس کے بعد ایک اسلامی بہن کے گھر ان کی والدہ کے انتقال پر تعزیت بھی فرمائی۔

صاحبزادیِ عطار نے حیدرآباد کی ڈویژن تلک چاڑی کے نیو جامعۃ المدینہ گرلز فیضانِ امیرِ حمزہ کا افتتاح بھی کیا۔

دعوت اسلامی کے شعبہ جامعۃ المدینہ گرلز کے زیر اہتمام حیدر آباد ریجن میر پور خاص زون میں اجتماع ردا پوشی کا انعقاد کیا گیا جس میں بنت صاحبزادیِ عطار سلمھاالغفار نے درسِ نظامی و فیضان شریعت کورس مکمل کرنے والی کی کم و بیش 90 طالبات کی ردا پوشی کی۔

صاحبزادیِ عطار سلمھاالغفار نے نمایاں کارکردگی کے حامل اسلامی بہنوں میں تحائف تقسیم کیا اور رداپوشی میں شریک شخصیات اسلامی بہنوں سے ملاقات کی۔شخصیات اسلامی بہنوں نے دینی کاموں میں تعاون کرنے کی مزید نیتیں پیش کیں۔

دعوتِ اسلامی کے زیر اہتمام پچھلے دنوں  پاکپتن زون میں قائم جامعۃ المدینہ گرلزکے مدنی عملے اور طالبات کےدرمیان مدنی مشورہ ہوا جس میں کابینہ اور ذیلی حلقے کی ذمہ داراسلامی بہنوں سمیت طالبات نے شرکت کی۔

ڈویژن نگران اسلامی بہن نے طالبات کو گھر درس دینے کا ذہن دیا اور ہفتہ وار سنتوں بھرےاجتماع میں شرکت کرنےاورمدنی مذاکرہ دیکھنےکی ترغیب دلائی نیز طالبات کو تنظیمی ذمہ داری لینے کاذہن دیا جس پر طالبات نے اچھی اچھی نیتیں پیش کیں ۔

دعوتِ اسلامی  کےشعبہ جامعۃ المدینہ گرلز کے تحت اسلامی بہنوں کے لئےفیضان شریعت کورس ’’درجہ اول‘‘کے داخلوں کا آغاز ہوگیا ہے”فیضانِ شریعت کورس“ جامعۃ المدینہ گرلز کے تحت ہونے والا فرض علوم، مسائل شرعیہ اور روزمرہ کے ضروری مسائل ومعاملات کی معلومات پر مشتمل کورس ہے۔کورس کا دورانیہ 3 گھنٹے ہے۔درجہ اول کی مدت 5 ماہ ہے اورمکمل 25 ماہ کا فیضان شریعت کورس کرنے والی اسلامی بہنوں کو سند بھی دی جائے گی اور رِدا پوشی بھی کی جائے گی ۔

”فیضانِ شریعت“ کے 10 حُرُوف کی نسبت سے اِس کورس کی 10 خُصُوصِیَات

1): ہرایک کےلئے اُس کی مَوجودہ حالت کے مطابِق ضَروری مسائل جاننا فرضِ عین ہے۔ لہذا اس کورس کی برکت سے جہاں دیگر مَعلُومات حاصل ہوتی ہیں اسی کے ساتھ ساتھ فرائض عُلُوم سیکھنے کی سعادت نصیب ہوتی ہے۔

2): قراٰن مجید دُرست مَخَارِج کے ساتھ پڑھنا سکھایا جاتا ہے۔

3): قراٰن پاک کی مُنتَخَب سورتوں کا تَرجمہ و تفسیر سیکھنے کی سعادت ملتی ہے۔

4): دُرُست عَقائِد اہلِ سنّت جن کا سیکھنا ہر مسلمان مردو عورت کے لئے ضروری ہے اُن کی مَعلُومات دی جاتی ہیں۔

5): الحمدللّٰہ عَزَّوَجَلَّ! پیارے آقا مدینے والے مصطفے صَلَّی اللہُ عَلَیْہِ وَ آلِہٖ وَ سَلَّم کی اَحادِیثِ مُبارَکہ سُننے، سیکھنےاور یاد کرنے کا سلسلہ بھی ہوتا ہے۔

6): اَرکانِ اِسْلام ، نماز، روزہ، حج زکوۃ و دیگر ضروریاتِ دین کے بارے میں عِلْم حاصل ہوتا ہے۔

7): اور اس کے ساتھ ساتھ نماز کا عَمَلی طریقہ، اَذْکارِ نماز اور دیگر دُعائیں بھی سکھائی جاتی ہیں ۔

8): اس کورس کی ایک خصوصیت یہ بھی ہے کہ اسلامی بہنوں کی اَخلاقی تَرْبِیت بھی کی جاتی ہے۔

9): مُهْلِكات ومُنْجِيَات (ہَلاکَت میں ڈالنے والے اُمُور اور نجات دلانے والے اَعمَال) کی مَعْلُومات حاصل ہوتی ہیں۔

10): سرکار ِمدینہ صَلَّی اللہُ عَلَیْہِ وَ آلِہٖ وَ سَلَّم اور اُمَّهَاتُ الْمُؤْمِنِيْن کی سیرت مُبارَکہ سے آگاہی حاصل ہوتی ہے۔

اپنے قریبی جامعۃ المدینہ گرلز َمیں ایڈمیشن کے لئے رابطہ فرمائیں۔ رابطے کے اوقات کار ہر جمعرات 9تا1نیز اس میل آئی ڈی Islamibahan.jamia@dawateislami.net کے ذریعے بھی معلومات حاصل کی جاسکتی ہے۔

ان شاء اللہ عزوجل 22 اکتوبر2021 ءبروز جمعہ فیضانِ شریعت کے درجوں کا آغاز ہوجائے گا۔

 دعوتِ اسلامی کےشعبہ جامعۃ المدینہ گرلزکےزیراہتمام پاکستان بھر کےجامعات المدینہ گرلز میں اجتماع رداپوشی کاانعقادہواجن کی تفصیل یہ ہے:

نواب شاہ طالبات کی 10 ستمبر2021ء بروز جمعہ، میرپور خاص زون میں 11 ستمبر بروز ہفتہ کواورحیدرآباد میں13 میں ستمبر بروز پیر کو سلسلہ ہواجن میں جامعات المدینہ گرلز سے درس نظامی (عالمہ کورس ) اور فیضانِ شریعت کورس مکمل کرنے والی طالبات کی ردا پوشی (یعنی اعزازی چادر پہنانا) کی گی ۔

دعوتِ اسلامی کے زیر اہتمام گزشتہ دنوں کوئٹہ زون میں نئے جامعۃ المدینہ گرلز کے آغاز کے سلسلے میں محفل نعت منعقد ہوئی جس میں مقامی اسلامی بہنوں سمیت ذمہ دار اسلامی بہنوں نے شرکت کی۔

ریجن نگران اسلامی بہن نے ’’علم دین سیکھنے کی اہمیت و ضرورت‘‘ کے موضوع پر بیان کرتے ہوئےمقامی اسلامی بہنوں کو دعوت اسلامی کے جامعۃ المدینہ میں داخلہ لینے اور اس کے پیغام کو عام کرنے کا ذہن دیاجس پر اسلامی بہنوں نے اچھی اچھی نیتیں پیش کی اوراس موقع پر انہوں نے خوشی کا اظہار کیا۔

اللہ  پاک کے کرم سے دعوتِ اسلامی کے شعبہ جامعۃالمدینہ گرلز کے تحت 11 اگست 2021 ءبروز بدھ کوئٹہ شہر میں نیو جامعۃ المدینہ (For Girls) بنام ’’فیضان بی بی ہاجرہ‘‘ کا آغاز ہوا جس کے درجہ اولیٰ میں اب تک 35 داخلےہو چکے ہیں۔یہاں اسلامی بہنوں کو عالمہ کورس کروایا جائے گا۔خواہش مند اسلامی بہنیں جلد رابطہ کریں۔

 دعوتِ اسلامی کےشعبہ کفن دفن للبنات کے تحت گزشتہ دنوں صدر کابینہ کراچی کےمختلف جامعۃالمدینہ گرلز فیضان عالم شاہ بخاری ، بہار مکہ ، برکات رضا اورآگرہ تاج کے جامعۃالمدینہ گرلز فیضِ عطار میں 3 دن پر مشتمل کورس بنام’’ کفن دفن تربیتی اجتماعات‘‘کاانعقادہوا جن میں تقریباً 316 طالبات و معلمات سمیت مدرسۃ المدینہ (اسلامی بہنوں کےلئے) نے شرکت کی ۔

مبلغات دعوت اسلامی نے غسل دینےا ور کفن کاٹنے و پہنانے کا طریقہ بتایا نیز پانی کےاسراف سےبچنےکاذہن دیتےہوئےدینی کاموں میں حصہ لینےکی ترغیب دلائی اور ہفتہ وار سنتوں بھرے اجتماع میں شرکت کرنے کی دعوت پیش کی جبکہ طالبات و معلمات کو ٹیسٹ دینے کے حوالےسےذہن سازی کی جس پر انہوں نےاپنے نام دئیے اور ہر 6 ماہ بعد ایسی تربیت رکھنے کا مشورہ دیا۔

دعوتِ اسلامی کے زیر اہتمام گزشتہ دنوں پاکپتن زون میں قائم جامعۃ المدینہ گرلز میں تربیتی سیشن کاانعقادہواجس میں 260 طالبات نے شرکت کی۔

پاکستان نگران اسلامی بہن نے طالبات کے درمیان ترغیبی بیان کیا اورانہیں دینی کاموں میں عملی طور پر حصہ لینے کا ذہن دیا نیز ڈونیشن جمع کرنے، دینی کام کرنے اور قربانی کی کھالیں جمع کرنے کی نیت کرنے والی طالبات کی حوصلہ افزائی کرتے ہوئے انہیں تحائف پیش بھی کئے۔ مزید سیشن کےاختتام پرجامعۃالمدینہ گرلز کے مدنی عملے کا مدنی مشورہ بھی لیا ۔

دعوتِ اسلامی کے تحت گزشتہ دنوں ڈیرہ اسماعیل خان زون میں قائم جامعۃالمدینہ للبنات میں مدنی مشورےکاانعقاد ہواجس میں ناظمہ، معلمات و طالبات نےشرکت کی ۔

پاکستان نگران اسلامی بہن نے’’اسلاف کا جذبہ قربانی ‘‘ کے موضوع پر بیان کیااورمدنی مشورے میں شریک اسلامی بہنوں کو دینی کام کرنے کا ذہن دیتےہوئے ہفتہ وار سنتوں بھرے اجتماع میں شرکت کرنے ، مدرستہ المدینہ بالغات کا آغاز کرنے اورشارٹ کورسز میں حصہ لینے کی ترغیب دلائی ۔

دعوتِ اسلامی کےشعبہ جامعۃ المدینہ گرلزکےتحت گزشتہ دنوں پاکستان سطح پر ایک دن پر مشتمل   تربیتی اجتماع کا انعقادہواجس میں معلمات ،ناظمات اورشعبہ ذمہ داراسلامی بہنوں نےشرکت کی ۔

رکنِ شوریٰ اور پاکستان کابینہ نگران اور شعبہ تعلیمی اُمور کی نگران اسلامی بھائیوں نے پَردے میں موجود اسلامی بہنوں کی مختلف امور پر تربیت کی جبکہ دفاتر ذمہ داراسلامی بہنوں نے درس نظامی، فیضان شریعت کورس، فیضان قراٰن و سنت کورس ،فیضانِ تجوید وعصری علوم کورس کےحوالے سے نکات بتائے نیز ہفتہ وار سنتوں بھرے اجتماع میں شرکت کرنے اور مدنی مذاکرہ سننےکاذہن دیاجس پر اسلامی بہنوں نےاچھی نیتوں کااظہارکیا۔ 

جامعۃ المدینہ گرلز کے تحت معلمات کا تربیتی اجتماع

دعوت ِاسلامی کےشعبہ جامعۃ المدینہ گرلز کےتحت گزشتہ دنوں پاکستان کے متفرق مقامات پر تربیتی اجتماعات کاسلسلہ ہوا جن میں

جامعات المدینہ گرلز کی معلمات و مدنی عملہ کی اسلامی بہنوں نےشرکت کی ۔

اس اجتماع میں رکنِ شوریٰ اور نگران پاکستان کابینہ اور شعبہ تعلیمی ذمہ دار نےپردے میں موجود اسلامی بہنوں کی تربیت کی نیز عالمی مجلس مشاورت کی رکن اسلامی بہن اور جامعۃ المدینہ گرلز کی پاکستان ذمہ دار و اراکین نے بھی متفرق دینی کاموں کے حوالے سے تربیت کی جبکہ اسلامی بہنیں کواپنی صلاحیتوں میں اضافہ کرنے کے حوالے سے کوشش اور مختلف کورسز کرنے کاذہن دیا جبکہ دینی کاموں میں عملی طور پر شرکت کرنے کی ترغیب دلائی جس پر اسلامی بہنوں نے اچھی نیتوں کااظہار کیا ۔